CMP: AIE: رواية احببت مجنونة الجزءالخامس5 ) الفصل السادس الثلاثون36بقلم نجمه براقه
أخر الاخبار

رواية احببت مجنونة الجزءالخامس5 ) الفصل السادس الثلاثون36بقلم نجمه براقه

رواية احببت مجنونة الجزءالخامس5 ) 
الفصل السادس الثلاثون36
بقلم نجمه براقه

طلعت من عند ميرال بعد ما صدقتني،... ولقيت في وشي اللي مكنتش عامل حسابه دلوقتي.. بس قولت مفرقتش كتير خليني ابتدي من  الليله، ف مشيت جمبه واتصدمت فيه عن قصد 

سليم _ سوري 
خالد _ مش مشكله 
سليم ينظر له بتركيز _ كام سنه دلوقتي؟
خالد ينظرله _ افندم 
سليم _ سوري شبهت عليك 
خالد بتركيز _ انا شوفتك قبل كده 
«سليم يبتسم بخبث ويمشي»
خالد _ استنا

مشيت من المحل وسبته في حيرته..  

#خالد 

زى اللى شوفته قبل كده بس مش فاكر فين...  ومتأكد انه كان يقصدني بكلمته دي

ميرال تخرج  _ بابا انت هنا 
خالد _ انتي هنا...  الراجل  كان طالع من  نفس  المكان ده 
ميرال بارتباك _ راجل مين 
خالد _ كان في واحد طالع دلوقتى...  
ميرال _. معرفش انا مشوفتش حد خالص 
خالد بشك _  هنشوف
ميرال _ حضرتك جاي ليه 
خالد _ مكنتيش عاوزاني اجي ولا ايه 
ميرال _ لأ مش كده،  حضرتك  تنور اي مكان،  انا استغربت بس 
خالد _ لا متستغربيش...  خلصتي ولا لسه 
ميرال _ اه خلاص 
خالد _ طيب يلا قدامي 

#ميرال 

ربنا ستر المره دي كمان،  مش عارفه لو عرف كان عمل ايه،  

رجعت البيت ودخلت اوضتي وبعد شويه رقم رن عليه 

ميرال _ مين 
سليم _ وحشتيني 
ميرال بإبتسامة _ انت 
سليم _ايوه 
ميرال تتلاشا ابتسامتها _ سليم احنا مش هينفع نتكلم تاني 
سليم _ ليه مينفعش نتكلم تاني 
ميرال _ انت عارف ليه 
سليم _ عارف ومش مقتنع،،  
ميرال _ وايه يقنعك ان كلامنا غلط اكتر من ان خطوبتي بكره 
سليم _ مفيش خطوبه،  وحتي لو الخطوبه تمت الفرح مش هيتم 
ميرال _ ازاي 
سليم _ انتي ترفضي فارس ده و انا هتقدملك 
ميرال _ بعد ايه،  خلاص خطوبتي بكره وحجزنا القاعه وعزمنا المعازيم 
سليم _ في داهيه كل ده  ...  دلوقتي  تروحي لباباكي وتقوليلوه مش  عايزة  غير  سليم 
ميرال _ هيقولي عرفتيه منين 
سليم _ قوليلوه كل حآجه  واننا بنحب بعض 
ميرال _ مقدرش انت مش عارف بابا 
سليم _ عارفه وعارف انه بيحبك ويتمنا يشوفك مبسوطه 
ميرال _ تفتكر 
سليم _ متأكد 
ميرال بعد تفكير _ طيب هحاول 
سليم _ يعني هتقوليلوه دلوقتي 
ميرال _ ايوه 
سليم _ انا مبسووووط اوي... بس  لسه  ناقص حآجه بسيطه 
ميرال _ هي ايه 
سليم _ مقولتيش بتحبيني ولا لأ 
ميرال بإبتسامة _ ايوه 
سليم _ لا عاوز اسمعها 
ميرال بإبتسامة _ بحبك 
سليم _ كده اطمنت 
ميرال بإبتسامة _ طيب انا هروح اقول لبابا وارجعلك 
سليم _ هستناكي 

قفلت معاه ونزلت عند بابا علشان اقوله وفي نفس الوقت خايفه من رد فعله  

ميرال _ بابا
خالد _ ايوة 
ميرال _ عاوزة اتكلم معاك في موضوع  
خالد _ اتكلمي 
ميرال  _ بابا انا مش عايزة فارس
خالد _ مش عايزة ايه 
ميرال _ مش عاوزاه يا بابا 
خالد _ طيب ليه  ..  و وافقتي ليه من الأول 
ميرال _ معرفش
خالد _ يعني ايه متعرفيش امال اشتريتي الخاتم وفستان الخطوبه ليه من الأول
ميرال _ بصراحه  انا  بحب واحد تانى يا بابا
خالد _ واحد تاني... كملي كملي واحد مين وعرفتيه منين وامتي وازاي 
ميرال _ اسمه سليم وعرفته من اول ما رجعت مصر
خالد _ سليم مين 
ميرال _ اسمه سليم سيف قابيل 
خالد بصدمه _ بتقولي مين 
ميرال _ سليم سيف قابيل...  انت تعرفه  
خالد بارتباك شديد _ لأ  ...  لا...  بس  ده تعرفيه  منين  وازاي متقوليش من البداية 
ميرال _ خوفت اقولك 
خالد بغضب _  خوووفتي تقولي......  استني استني،  هو نفسه اللى كان طالع من غرفة البروڤه صح 
ميرال بارتباك _ اه هو  بس  والله محصلش حآجه  
خالد يضربها بالقلم _ اطلعي علي اوضتك ولو عرفت انك بتقابليه ولا بتكلميه مش هخليكي تشوفي النور تانى   
ميرال ببكاء _ انت بتضربني يا بابا 
خالد _ وادبحك كمان  ...  اطلعي علي اوضتك 
ميرال ببكاء _ بابا انا مش عاوزه اتجوز فارس  ومش هتجوز غير سليم 
خالد يفتح عينيه بذهول _ بتتحديني 
ميرال _  مش بتحداك يا بابا بس انا بحب سليم  وهو بيحبني ليه تضيع فرحتي عشان ابن صاحبك
خالد _ انتي وافقتي عليه بنفسك محدش اجبرك وعيب اوي تكوني مخطوبه و تعرفي واحد تانى 
ميرال _ انا مش مخطوبه وفارس ده انا مش حباه 
خالد بغضب _ ميراااال اطلعي علي اوضتك قبل ما أفقد اعصابي
ميرال _ مش  هطلع،  وانت لازم تعرف اني مبقتش صغيره ومن حقي اختار اللي انا هعيش معاه 
خالد _ لو الولد ده اخر واحد في الدنيا مش هتجوزيه، 
ميرال _ هتجوزه يا بابا
خالد بحده _ لو مصره تعصيني يبقا لا انتي بنتي ولا اعرفك.. وانا بقولك اهو يا انا يا هو 
ميرال _ يعني ايه يا بابا 
خالد _ يعني من دلوقتي تختاري لا انا لا هو
ميرال بدموع _ بابا 
خالد _ الكلام انتها 

#خالد  

انا كنت نسيته وفكرت ان هو كمان نسيني،  يا بالك الطويل يا سليم...  يعني استنا كل السنين دي ودلوقتي جاي ينتقم مني في بنتي.... بس انا مش  ممكن اخليه يوصلها   

طلعت من البيت وروحت بيت سيف 

#سليم 

كنت عارف انه هيجي وحسبتله علي الساعه وبالفعل جه ورن الجرس وعشان عارفه انه هو روحت انا فتحتله 

سليم بإبتسامه _ خاااالد اتفضل 
خالد _   انت عاوز ايه من بنتى 
سيف _ مين يا سليم 
سليم  _ عمو الحرامي يا بابا
سيف يروح عنده _ خالد 
خالد _ ايوه خالد يا سيف...  خالد  اللي  هيقتلكم واحد واحد لو مخلتش ده يبعد عن بنتي 
سليم _ انا وهي بنحب بعض،  هتوقف قصاد قلبين بيحبو بعض ياعمي
خالد بتحذير _ انا بحذركم اهو 
أسر يجي من جوه _ انت مين وبتتكلم كده ازاي 
سيف _ استنا يا أسر....  انت تحمد ربنا اننا سبناك وانت هربان زي الحرامية 
خالد _ انا مكنتش هربان  ومهربش من ناس زيكم 
أسر يتقدم خطوه _ دا انت  عاوز تضرب  بقا 
سليم  يوقفه _ لا يا أسر دا مهما  كان  حمايا 
خالد بغضب _ قربلها انت بس وانا احسر قلب ابوك عليك انت والصايع التاني  

بيقول  كده  ويمشي 

أسر _ ياعم  سبني اضربه دا راجل  مش  محترم  
سليم _ طول بالك...  الراجل  معذور 
سيف _ سليم  تعاله معايا  عاوزك 
سليم _ حاضر

دخلت  وراه  الاوضه 

سليم _ نعم 
سيف _ هتحكيلي ايه الحكاية  ولا  هتخبي عليه 
سليم _ مفيش حكايات 
سيف _ سليم 
سليم _ طيب طيب.. كل  الحكاية اني انا وميرال بنحب بعض  بس كده 
سيف _ سليم
سليم _ في  ايه يا بابا 
سيف _ قول ايه الحكاية 
سليم _ دي كل الحكاية 
سيف _ وانا مش  مصدقك
سليم _ وانا  معنديش  حآجه  تاني  اقولهالك 
سيف _ انت عاوز تنتقم من خالد  في  بنته؟ 
سليم _ لا انا  بحبها  وعاوز اتجوزها
سيف _ سليييم..  كلنا عارفين  انك ملكش في  الحب والكلام ده،  
سليم _ وبقا ليه،  عادي بتحصل  ولا انا مش زي الشباب اللي بيحبو ويتحبو 
سيف _ وملقتش غير بنت خالد
سليم _ القلب وما يريد نعمل ايه 
سيف _ يابني ريحني  وقول ناوي علي  ايه
سليم _ ناوي اتجوزها ونعيش في تبات ونبات ونخلف صبيان وبنات
سيف _ تبات ونبات!.... ياخوفي ياسليم من اللى انت بتخططله وناويه
سليم _ ايه يا بابا  انت مش  نفسك  تفرح بيه  ولا ايه 
سيف _ انت شايفني اهبل هصدق اللي  بتقوله  ده 
سليم _ حبيبي  اطمن هيحصل ايه يعني 
سيف _ اطمن ايه بقا 
سليم _ خايف  عليه 
سيف _ طبعا  لازم  اخاف  عليك 
سليم _ متخافش ابنك مش سهل بردو، 
سيف _ ربنا يستر 
سليم _ في ايه يا بابا،  امال بتقول  كنت  زعيم مافيا ازاي 
سيف _ اديك قولت  كنت،  ولو عليه انا مش  هخاف
سليم _ حبيبي  اطمن صدقني ما هيحصل  حآجه وحشه 

#أسر

رجعت اوضتي واتصلت بعائشه اكتر من مره وبقت تقفل عليه، وتاني يوم  روحت  الشركه  ملقتهاش...  استنيتها تيجي  ساعات  وبردو مجتش خالص،  

#شدن

فكرت في  كلام  احمد،  وان أحسن  طريقه اخلي سليم  ينتبهلي بيها  ان يكون  ليه اسم ومستقبل وبالفعل فاتحت بابا  في  الموضوع 

شدن _ بابا انا  عايزة  اغني وارقص
زين باستغراب _ نعم 
شدن _ عاوزة اغني وارقص 
نسمه _ انتي  كويسه  حبيبتي 
شدن _ مالكم  مستغربين ليه  
زين _  فجأه  كده 
شدن _ حابه اعمل  حآجه  في  حياتي،  وانتو عارفين  اني بعرف  اغني  وارقص 
زين _ ماشي،  ما انا  بزن عليكي كتيرر عشان  تغني وانتي  تقولي  مش  عايزة الناس تقول  بتغني عشان  ابوها 
شدن  _ لا ما انا  قررت اني مش  هقول  اني بنتك،  وانجح بمجهودي
نسمه _ ههههه انت فاهم  حآجه 
زين بإبتسامة _ بدأت افهم....  هو  احمد  عامل  ايه معاكي 
شدن _ ايه دااااا متقولش  انك فهمت ان بينا حآجه 
زين _ طيب لو مش  كده  فهمينا ليه  فجأه  كده فكرتي في الموضوع 
شدن _ صراحه  احمد  شجعني بس  مفيش اي حآجه من اللي فكرت فيها 
نسمه _ عظيم،..  طلع  عندك  حق يا زين 
زين _ عشان  تعرفي 
شدن _ بابا ماما ارتاحو انا  واحمد بقينا  صحاب  بس وبعدين  فين  جو الأبهات المشهورين بتوع انا بنتي  تحب السواق 
زين _ عشان  تعرفي  ان بابا  دماغه تختلف
شدن _ بابا بابا...  خلينا في  موضوعنا،  انا  عاوزة  اغني وانت تنتجلي اول اغنية وبعد  كده  انا  هشتغل لوحدي 
زين _ ماشي  بشرط واحد 
شدن _ هو  ايه
زين _ احمد  يكون  مدير اعمالك 
شدن  بإبتسامة _ ممكن  ليه لا،  موافقه 
زين _ ولو احتاجتي موديل في الاغنية يكون  احمد 
شدن _ ههههه  مالك  يا بابا  بجد  مالك،  هو  انت شايفني بايره بدلل عليه 
زين _ يعني  ايه بدلدل عليه  دي
نسمه _ ههههه  يعني  بتقول  ياللي  تتجوز بنتي
زين _ انا  كده،  ماشي  ياشدن
شدن _ ههههه  اصلك متحمس اوي ل احمد،..  و لا انا  ولا  هو  هنبص لبعض ارتاح...  بس ممكن  اعمل  اللي  بتقول  عليه،  هو  شكله  حلو  وينفع 

اجمل حآجه بتعجبني في بابا انه متفهم وتفكيره مش متشدد بس للأسف هو فاهم غلط وميعرفش ان احمد عارف اني بحب سليم وبيساعدني اوصله 

طلعت فوق واتصلت ب أحمد 

شدن _ احمااااه 
احمد  _   بزمه ده  اسلوب واحده ابوها وامها مشاهير 
شدن _ مالك  يا احماااه انت هتخنقني ليه 
احمد _ لا عيشي...  ها قولي 
شدن _ ههههه  عرفت ازاي  اني  عايزة  اقول  يا احمااااه 
احمد _ حاسس بحماس في  كلامك 
شدن _ صح  ..  لا ذكي اوي...  المهم اسمع
احمد _ قولي 
شدن _ بابا  وافق بشرط واحد 
احمد _ اللي  هو  ايه 
شدن _ انتاااا تكون  مدير اعمالي والموديل اللي  يطلع  معايا  في  الكليبات 
احمد _ انا 
شدن _ اه انت 
احمد _ اشمعنا يعني 
شدن _ مقالش بس باين عليه  بيحبك 
احمد _ ماشي  انا  ممكن  اكون  مدير  اعمالك بس  موديل ازاي  بمنظري ده 
شدن  _ مالك يا احمااااه...  انت موز يا واد بس  ناقصك شوية هدوم 
احمد  بإبتسامة _ موز؟ 
شدن _ اه موز مستغرب ليه 
احمد _ انتي جريئة اوي علي  فكره 
شدن _ونبي تتنيل،  جريئة  ايه  انا  بقولك  موز مش  بقولك  تعالي  نتجوز بالسر وناخد بيت بعيد 
احمد  _ ههههههههههههههه...  فكرتيني...  خدي هنا، انتي  ازاي  تقولي  لجرسون انك  مراتي 
شدن _ ههههه  مش  كان لازم اورطك كويس 
احمد _ دا انتي  لو مصلحتيش الوضع  كنتي  شوفتي  مني ايام هباب 
شدن _ طيب  سيبك  من الكلام  ده  وقولي موافق ولا  لأ 
احمد  _ يابنتي  مش  هنفع هبوظلك الأغاني
شدن _ سبلي نفسك  انت بس 
احمد _ اخاف اسيبلك نفسي  تلبسيني في  الحيط
شدن _ ههههه  هيحصل متستعجلش
احمد  _ ههههه  اوك موافق 
شدن  _ ههههه عجبتك البس في  الحيط انت 
احمد بإبتسامة _ ايوه 
شدن _ طيب  ابقا تعاله  بقا  علشان  نلف شويه ونغيرلك الاستايل بتاعك
احمد _ لأ  مش  دلوقتي 
شدن _ ليه يا احماااه 
احمد  _ هو  كده 
شدن _ عشان  الفلوس  صح 
احمد _ ايوه 
شدن _ بطل يا احماااه،  اسمع الكلام  وتعاله يلا 
احمد _ قولت  لأ  اسكوتي 
شدن _ والله  انت عاوز الضرب 
احمد  _ ماشي  

#جواد

كنت  قاعد  مع  بابا  وماما  وعمي ياسر  وبنتكلم في موضوع الخطوبه 

جواد_ انا عاوز البس دبل قبل ما ارجع الشغل
سامح _ ماشي خلينا بس نتكلم مع امها ونتفق 
جواد _ خلاص النهارده نروح ونتفق
سامح _ تمام ماشي 
جواد _ ايه ياعمممي سرحان فيه 
ياسر _ هقول ايه 
جواد _ مقولتش رايك فى فرح 
ياسر _ جميله ربنا يتمم بخير 

تليفون جواد يرن 

جواد _ الو 
الطرف _ ايوه جواد باشا 
جواد _ ايه الاخبار 
الطرف الاخر _ الست اللي  قولتلي ادور عليها،  عرفت انها متوفيه من عشر سنين 
جواد _ احم...  طيب ياحبيبي  متشكر  « بيقفل معاه»
سامح _ في  ايه
جواد _ مفيش.. تليفون  شغل عادي 
سامح _ اقفل التليفون  ده عاوزين  نقعد شويه من بعض
جواد _ حاضر 
ياسر _ قول 
جواد _ اقول ايه ياعمي
ياسر _ قالك ايه 
جواد _ ده تليفون تبع الشغل 
ياسر _ متكدبش عليه وقول قالك ايه 
جواد _ ياعمي صدقني مش هو،  لو في  حاجه اكيد هاجي واقولك 
ياسر _ قولي دلوقتي خليني افقد الامل بالمره 
ياسر بتردد _ بصراحه ياعمي
ياسر _  ماتت صح؟ 
جواد بتنهيده _ اه 
ياسر بحزن _ وابني 
جواد _ معرفش عنه حآجه 
ياسر بدموع _ تلاقيه هو مات كمان 
سامح _ هنلاقيه 
ياسر _ محدش يقولي هنلاقيه تاني،  انا كان عندي امل واهو ضاع  « قال هذا وهو ينهض ثم يقف ويضع يده علي صدره»
جواد يسنده _ عمي...  مالك  
سامح _ ياسر انت كويس  
ياسر بصعوبه _ مش قادر اتنفس 

#فرح 

لقيتهم داخلين بصاحب الدكتور سامح علي النقاله، وكلهم بيجرو للغرفه ودكتور سامح دخل معاه

فرح بقلق _ في ايه مالوه
جواد بقلق _ تعب فجأه
فرح_ هو عنده امرأض 
جواد _ لأ
فرح _ طيب متقلقش هيكون كويس

بعد وقت بيطلع دكتور سامح

جواد _ طمني يا بابا
سامح بأسف_ ذبحه صدريه 
جواد_ وبعدين عامل ايه دلوقتي
سامح _ ربنا يتولاه 
جواد _ هيخف 
سامح _ بإذن الله
جواد _ مكنش لازم اقوله
سامح_ كان لازم يعرف
جواد _ اهو تعب، وبسببي ياريتني ما اتكلمت
سامح_ نصيبه كده
فرح _ في ايه، مالو
جواد _ عرف ان مراته ماتت
فرح _ اه ربنا يصبره 
سامح _ خلي بالك منه يافرح
فرح _ اكيد طبعا
جواد_ انا هقعد هنا لغيت ما يفوق 
فرح_ متشغلش بالك لو في حاجه هكلمك
جواد_ لأ  مش همشي
سامح _ طيب انا هوصل البيت اغير واجي 
جواد_ ماشي 

مشي دكتور سامح و جواد كان عاوز يدخل وانا منعته

جواد _ خليني اشوفه دقيقه وحده
فرح _ لا معلش مش هينفع
جواد _ اعرف ان الذبحه الصدريه دي بتموت؟
فرح _ متقولش كده، ان شاءلله هيخف
جواد _ يارب 
فرح _ اطمن هيكون كويس 

#ميرال

جه يوم الخطوبه وانا مرضتش البس ولا اروح للكوافير وشاديه كل شويه تيجي تقولي يلا الوقت هيتأخر وانا اقولها تمشي وبعدين بابا جه

خالد _ مجهزتيش ليه
ميرال_ مش هجهز ولا هتجوز
خالد _ ميرال انا قولتلك لو عصيتيني لا انتي  بنتي  ولا  اعرفك 
ميرال  ببكاء  _ يابابا حرام  عليك بقولك  مش  هتجوزه،  حتى  لو مش  هتجوز  سليم مش  هتجوز  فارس 
خالد  _ طيب  ممكن  بس تكملي الخطوبه  علشان  الناس اللي  جايه  وبعدين  نقعد مع  بعض  ونتكلم
ميرال ببكاء  _ لأ  مش  هقدر 
خالد  _ مش  هتعملي حآجه  صغيره  علشان  ابوكي يا ميرال 
ميرال  _ انا  مستعده اضحي بنفسي  عشانك بس  دي لأ 
خالد  _ ولو قولتلك  علشان  خاطري  هتكسفيني بردو 
ميرال ببكاء  _ لا مش  هكسفك بس اوعدني انها  تكون  خطوبه بس
خالد _ هنتكلم بعدين، يلا بقا الوقت اتأخر 

بعد  كلام  كتير  روحت  الكوافير وبداؤ يعملو المكياج،  وانا  قاعده  مش. مركزه  مع  حآجه  وتفكيري كله في  اللي  بيحصل  وفي  سليم ورفض بابا،  وبعد  ما خلصنا سابوني علشان  البس وفي  الوقت  ده  تليفوني رن وكان المتصل سليم 

ميرال  بحزن _ الو
سليم _ هتقدري تتخطبي لغيري يا ميرال 
ميرال  _ ايوه قدرت،  انساني يا سليم 
سليم  _ مش بمزاجك،  انا  مش  هنساكي وانتي  مش  هتكوني لحد  غيري 
ميرال  بدموع  _ خلاص  بقا قولتلك  مش  عاوزاك
سليم _ ميرال  انتي  بتحبيني بتعملي  كده  علشان  خاطر  مين
ميرال _ قولتلك  مش  عاوزاك ومتتصلش هنا  تاني  

#سليم 

انا  عاوزها ترفض وفي  النهاية هتسيب الكل  وتهرب معايا،  لازم  يعرف  ان بنته اختارت عدوه ودي هتكون اول ضربه ليه 

روحت  القاعه ودخلت لقيتها  قاعده  علي  الكرسي  وهي  حزينه ومش بتتكلم ولا تبتسم ، وفارس بيتكلم معاها وهي شارده ومبتردش،...  وقفت بعيد شويه قبل  ما ادخل  واقابل خالد  ،  وهي  شافتني ف جت  عندي  بسرعه  وشدتني بعيد  عن القاعه 

ميرال _ ايه  جابك هنا  دلوقتي 
سليم _ جاي اوقف كل  حآجه  طالما  انتي  جبانه وخايفه تقولي  لأ 
ميرال  _ عشان  خاطري  امشي  ارجوك  يا سليم 
سليم  _ مش  همشي  يا ميرال مش  همشي  قبل  ما تيجي  معايا  وتقوليلهم مش عايزة فارس 
ميرال  بدموع_ مقدرش  احرج بابا  قدام  الناس، مقدرش  يا سليم 
سليم  _ وتقدري تخسريني انا  صح 
ميرال  بدموع  _ هنشوف الموضوع  ده  بعدين  بس  دلوقتي  انت لازم  تمشي  علشان  الناس
سليم يتحسس وجهها وينظر لعينيها _ مش هستحمل حد  تاني  يمسك  ايدك ويلبسلك الخاتم 
ميرال بدموع  _ ولا  انا  بس لازم  نعدي الليله  دي
سليم  _ طيب  قولي  إنك  لسه  بتحبيني علشان اطمن 
ميرال بدموع  _ بحبك  ياسليم
خالد  يشد ايدها بغضب _ ارجعي جوه 
ميرال  بصدمه _ بابا 
خالد  _ من غير  ولا  كلمه  ادخلي  جوه 

كنت  شايفة  جاي ف حبيت اسمعه بودنه وبعد ما  مشيت وقفت ابصله وانا  شمتان فيه 

خالد  _ كنت  عاوزها تقول  عشان  اسمعها صح 
سليم _ طول  عمرك ذكي ياعمو الحرامي 
خالد  _ بعينك  انك توصلها طول  ما انا  عايش  ،  هكسرلك باقي صوابعك لو فكرت بس  تلمس شعرها  منها 
سليم  ببرود  _ احب اقولك  انك  مهما  تعمل بردو  هتسيبك وتروح  معايا  ..  ووقتها اقسملك لا اخليك تبكي  بدل  الدموع  دم...  هتترجاني ارحمك يا خالد
خالد  يمسكه من لياقة قميصه  بغضب _ قربلها انت بس 
سليم  يبعد  ايده _ هقربلها وكل  اللى  هتعملوه عشان  تبعدني عنها  هيروح  على  الفاضي 
خالد _   اطلع  بره 
سليم ببرود  _ تؤ....  تعاله  اقولك على  حآجه 
خالد  بغضب  _ مش عاوز اسمع  حاجه..  اطلع برا لا اطلبلك البوليس
سليم _ حتي  لو قولتلك  ان الفيديو  بتاع ماما  ممكن  يتعرض في  اي لحظه  قدام  المعازيم  وميرال 

خالد  يحاول تسديد لكمه له ولكنه يوقفه 
سليم  _ تؤ تؤ مش  وقته،  يلا الحق وقف الفيديو  قبل  ما يبدأ

سابني وطلع  يجري يلحق الفيديو  اللي  مش  هيتعرض اصلا  ...  بس قدرت اخليه يلف زي الكلب ورا ديله علي  وهم.. وانا  رجعت  القاعه  وقعدت علي  التربيزه  وكل تركيزي كان  معاها  ومع ملامحها الحزين  ونظراتها اللي  مبعدتش عني  لحظه ....  اسف يا ميرال مكنتش  حابب ادخلك في  لعبتي دي،  بس انتي  غالية  عند ابوكي اعملك  ايه نصيبك. كده

#عائشة 

سحر كلمتني بعد يومين قالتلي لازم اجي ضروري في مشكله كبيره،.. وروحت هناك، ولما سألتها في ايه قالتلي استني لما يجي باسم، وفي الوقت ده  أسر بعتلي عشان   اروحلو المكتب،

سحر _ طولي بالك  مهما  يقولك خليكي بارده 
عائشة _ لا يقولي  ولا  اقوله.. هشوفه واجيلك 
سحر _ تمام  بسرعه  بس متتاخريش 
عائشة _ ماشي هشوفه وهرجع

دخلت  عند  أسر وانا متوقعه يكلمني  في  المشكله  او يتهمني بحاجه  

عائشة  _ افندم 
أسر  _ اقعدي
عائشة تقعد _ نعم
أسر _ مجتيش ليه بقالك  يومين
عائشة  _ ظروف خاصه...  كلموني قالولي في  مشكله  في  الشغل  ...  خير 
أسر  _ معرفش، الموضوع  موصلنيش 
عائشة  _ طيب  حضرتك  عاوزني في  اية 
أسر  _ هو  لازم  يكون  في  سبب  علشان  ابعتلك 
عائشة  _ افتكر  كده...  أمرني حضرتك 
أسر  _ اسمي أسر يا أش
عائشة  _ المقامات  محفوظة....  في  حاجه ولا  امشي 
أسر  _ طيب  ممكن  تروقي عشان  الكلام  اللي  هقوله مش  عاوز الزعل  ده 
عائشة  _ الكلام  ده  تبع الشغل ولا  لأ 
أسر _ لأ 
عائشة تقوم _ اذن،  مفيش  كلام  يتقال عن اذنك 
أسر  _ اقعدي 
عائشة  _ رايحة  لباسم،.. لما  يكون  في  شغل  ابعتلي
أسر _ أش استنى لو سمحتي
عائشة _ افندم
أسر بتردد _ أش انا......  روحي خلاص 

خوفت تصدني ف مقدرتش  اقولها... وبعد  ما طلعت من عندي  سمعت  هيصه واصواتهم بدأت  تعلى،  طلعت  اشوف  في  ايه  لقيت  باسم  بيلبسها الخاتم وكلهم بيصقفو بفرحه  كنت  رايحه  اطربق المكتب  علي  دماغهم بس لقيت  روما  جايه وعلى  وشها اثر كدمات وبتحضني.. وبعدين  بتسبني وتكلمهم

روما_ اسمعووووني كلكم
«الكل ينتبه لها»
روما  بإبتسامة  _ الف مبروك  يا عائشة  فرحتلك اوي يا حبيبتي  ...  مبروك  يا باسم 
باسم  وهو  ممسك بيد عائشة _ الله  يبارك  فيكي  يا روما  
روما  وهي ممسك بزراع أسر _ النهارده  بدل  الفرحة  في  فرحتين...  خطوبة عائشة  وباسم وخطوبتي انا  واسر
أسر  _ ايه 
روما  تحضنه وهو  ينظر لعائشه  التي  تنظر اليهم ودموعها تنزل  بغزاره ثم تذهب إلى الحمام وتتركهم

روما  فجأئتني،، كنت  فاكرها بتأجل عشان  مكسوفه تحرجني برفضها...  بس  اللي  فاجئني اكتر دموع  عائشة  وبعدها عننا  بشكل ده  ،.. وصلني احساس وقتها بس  استبعدته لاني  ممكن  اكون  حسيت  كده  علشان  بدأت  احبها وممكن اكون. موهوم،  ف رجعت  المكتب  بعد  ما فضت المه وبعتلها تاني وقالولي انها  مشيت.  ف اتصلت  بيها  لقيت  تليفونها  مقفول  ...    اتصلت  ب ابتسام  وطلبت  منها  تخليها تقابلني ضروري وقعدت استناها تكلمني وتقولي قالت ايه، وبعد  شويه اتصلت تانى  وقالتلي انها  نايمه  

#فرح 

دخلت  غرفة  الراجل  ده لقيته مفتح عينه، ف وقفت جمبه اطمن عليه 

فرح  بإبتسامة  _ حمدالله  علي  السلامة 
«ياسر يبصلها  وميردش»
فرح  بإبتسامة  _ بقيت  كويس،  بس  محتاج  تنورنا كام يوم لغيت  ما تقدر  تقوم
ياسر _ انا  عاوز امشي من هنا 
فرح  _ هتمشي بس يومين  كده 
ياسر  _ فين  سامح 
فرح _ لسه  ماشي  من دقايق.. بس  هيرجعلك تاني 
ياسر _ طيب  ممكن  اشرب
فرح  _ طبعا،  لحظه  كده  نعدل المخده  وبعدين  اشرب زي ما تحب،    يلااا ايوة  ايوه  برافو عليك...  اتفضل 
ياسر  بيخلص شرب _ شكراً 
فرح  _ تاكول بقا  علشان  الدوا
ياسر  _ لأ 
فرح  _ لا لازم  تاكل  علشان  تخف بسرعه 
ياسر  بإبتسامه  متعبه _ ناقص تقولي  هم يا جمل 
فرح  _ ههههه  مش  لدرجة  دي،  اتفضل 
ياسر  ياخد منها  _ متشكر 
فرح  بإبتسامة  _ برافو  عليك 
«ياسر يركز نظرة  عليها»
فرح  _ ايه! في  حآجه  في  وشي  ولا  ايه 
ياسر  بتعب _ بشبه عليكي بس 
فرح  بإبتسامة  _ شبه مين بقا 
ياسر  بشرود _ شبه المرحومه 
فرح  _ الله  يرحمها  ويصبرك


تعليقات



حجم الخط
+
16
-
تباعد السطور
+
2
-