رواية بنت العز
الفصل العاشر10
بقلم ميرفت السيد
اول ما عزيز وصل واقتحم الفيلا اي احد يقابلهم بيضربوه ويكتفوه وطبعا حصل ضرب نار
واصابات للخاطفين نظرا لأن رجالة عزيز متفوقين عددا
لحد ما عزيز مسك واحد فيهم قال له وريني خاطفينها فين ياكلب
قاله: انا مليش دعوة انا عبد المأمور
عزيز رفع عليه المسدس وقال له بعصبية باقول لك وريني هي فين الاول بدل مااقتلك وبعدين نشوف مين الي أمر بكدة
وفعلا طلع به لحد فوق لحد اخر اوضة في البيت مقفوله بالمفتاح من برة عزيزمستناش انه يفتحهاله و ضرب القفل بالنار وفتحها
دخل لقى علا نايمه كان عمر وعلي حصلوه شالوها ونزلو بيها عالعربية وعزيز مسك المجرم وقال له قل لي مين اللي مسلطكم
قال له انا ما اعرفش حاجه
قال له باقول لك قول مين اللي مسلطك بدل ما اقتلك
قال له ماهر بيه العربي
عزيز سابه بعنف الرجل وقع على الارض وهز راسه وقال لنفسه بقى كده يا ماهر بتاخذ حقك من خسارتك معانا بالشغل في الحريم
لا تمام 😡
كان البوليس وصل وقلضوا على الخاطفين وباستجوابهم السريع للمجرمين عرفوا انه ماهر العربي هو اللي عمل كده الضابط يبقى ابن خالة عزيز اسمه أمير طلب انه يستجوب علا
عزيز قال له احنا هنطلع بيها على المستشفى دي فاقدة الوعي واضح ان هما خدروها
اتصلوا بالجد والاعمام وطمنوهم ان علا معهم وانهم طالعين بيها على المستشفى وان اللي عمل كده يبقى ماهر العربي
عزيز وعمرو وعلي مع علا في العربيه وجري وعلى اقرب مستشفى وتم عمل الاسعافات
البوليس جه وايمن طلب يستجوبها وعمرو زعق له وقال له هو ده وقته
علي قال له بالراحه يا عمرو هو بيعمل شغله وعلي اخذ ايمن على جنب قال له اسمع يابن خالتي هي دلوقتي تعبانه وده مش وقته خالص اول ما تفوق ونحس ان هي بقت كويسه احنا هنتصل بك حالتها دلوقتي ما تسمحش الله اعلم هم ادوها ايه ولا ايه اللي حصل فيها وبيتعمل لها الاسعافات لما تفوق احنا هنكلمك عشان تعرف اللي حصل
ايمن قاله تمام ياعلي واحنا بطريقنا للقبض على ماهر
وانصرف
عزيز كان على اعصابه
عمرو قرب منه وقال له عزيز انا مش عارفه اشكرك ازاي وحضنه
عزيز قال له في ايه ده انت ابن عمي وهي .. بنت عمي وعرضي وده اقل واجب ده لو حد غريب هاقف جنبه انت بتشكرني
على ايه انت عبيط 😒
علا انحجزت وابوها جاء المستشفى واعمامها عشان يطمنوا عليها والتوام العرايس صمموا انهم يجوا يطمنوا عليها ويباتوا معاها
عمرو قال لعلي على فكره احنا في نفس المستشفى اللي فيها الدكتور اللي متقدم لعلا 🤔
علي قال له طب ما تقول ما تجيبش السيره دي قدام عزيز 😁
عمرو قال له وانا عايزه أسألك سؤال هو عزيز عايز يتجوزها ليه احنا كلنا متربيين في بيت واحد وانا لسه ما تكلمتش مع عزيز وانا عارف ان الظروف دلوقتي مش مناسبه بس اللي انا فاهمه وعارفه ان عزيز عمره ما شغل باله بالموضوع ده خصوصا جواز القرايب وبعدين وهو صغير كان عايش حياته بالطول والعرض وعمل كل حاجه غلط وكل حاجه شمال وبعد كده التزم انا عايز اعرف هو ليه علا بالذات هو مش ناسيلها للي هي عملته معاه اول ما قابلته لأني ساعتها هاقفله وانا مش عاوز اخسره ولا ايه غرضه
عزيز كان وراه رد وقال له عايز تعرف ليه ياعمرو عايز اتجوز اختك
عمرو لف وقال له على فكره كل الكلام ده انا كنت ناوي اجي اقوله لك بس اديك شايف الظروف اللي احنا اتعرضنا لها وده اللي كان في قلبي عزيز ومش عارف افاتحك قيه ازاي فيه لانه زي ما قلت لك الظروف ما كانتش مناسبه وانا دلوقتي بسألك ايه اللي في دماغك من ناحيتها انت ضد جواز القرايب وضد القرايب في كل حاجه بصفه عامه حتى شغلك استقليت عنهم
عزيز قال له وانا هاجاوبك بس صدقني في الوقت المناسب
دلوقت لاوقته ولا مكانه وانا مقدر خوفك ومقدر قلقك وهاجاوبك على كل اللي في دماغك مش لوحدك اللي من حقك تعرف ده وعلا كمان اكيد شاكه
في نيتي لان انا من يوم ما شفتها ما فيش موقف حلو بينا فانا مستعد اجاوب اختك واجاوبك عن اي اسئله بس نطمن عليها وتقوم بالسلامه
عمرو قال له تمام
شويه والتوأم طلعوا قالوا لهم علا فاقت
الكل اتنفس الصعداء الاب والاعمام دخلوا يطمئنوا عليها وعامر طلب منهم يروحوا وهيفضلوا هو مع اخته هو والبنات
عزيز وعلي قالوا واحنا كمان قاعدين معها مش هنمشي الا لما تخرج من هنا ان شاء الله وتطمئنوا من الدكتور ان هي هتخرج بكرة بإذن الله
شوية ودكتور طارق جه اول ماعرف وسلم على معتز وعمرو وقالهم بقلق خير مالها في ايه 🥺
معتز حكاله كان هايدخل يتطمن عليها عزيز مسك ايده وسحبه وقاله اوعى تفكر تدخل تشوفها حتى هو احنا مش ماليين عينك ولاايه
طارق : انا دكتور هنا ياحضرة مش...
عزيز بصله بغل وعصبية: ابعد عنها احسنلك
طارق وعلي ومعتز فصلوا مابينهم وطارق مشي ومعتز قال لعزيز: اهدا في ايه محصلش حاجة
عزيز ضرب الحيطة بإيده وسابهم ومشي
عمرو قال لابوه: ايه ياحاج عزيز كدة حالته خطر
علي ضحك وقال : دة مابينامش 😁
معتز: بس ياعيال مش وقتكم خلي عندكم دم 😒
التوأم راحوا لعلا وحكولها الي حصل كله وعلا ابتسمت لنفسها رغم شعورها بدوار🙂
عزيز راح مكتبه هو عنده مكتب استشارات هندسية ونام هناك وهو مخنوق وقفل فونه وفضل يفكر
تاتي يوم أيمن جه استجوب علا وخرجت مه اخوها وباباها وبنات عمها
وصلت البيت وطلعوها شقتها ترتاح وعلاء جري نام جنبها في حضنها
وبعد يومين اتقبض على الخاطف كل دة وعلا بترتاح في بيتهاومش بتنزل وعزيز بايت في مكتبه
لحد.ماقرر يرجع البيت
الجد بعت لعلا قالها عاملة ايه دلوقتي ❤️
الحمد لله ياجدو
:حبيبتي ياعلا اوعي تزعلي من الي بيحصل دة انتي ملكيش ذنب هو قال بالتحقيقات انه اتحرى عن كل البنات هنا وكان هايخطف اي واحدة من البنات ورقة ضغط علينا
الحمد لله عدت على خير
: دلوقتي بقى طارق جاي وعاو يقعد معاكي وتتكلموا
وعزيز كمان راجع البيت وكلمني وعاوز يكلمك
ايه رئيك
الي تشوفه ياجدي اسمع من الاتنين واقرر
عمرو دخل وبصحبته طارق وقبل مايقعد ويتكلم مع علا بحضور عمرو والجد
دخل عزيز يسلم على جده واول ماشاف طارق قاعد وعلا عنيه احمرت وقال لجده بعصبية : ازاي ياجدو
الجد: يابني حقها تختار
دة لما يبقى ابن عمها سوسن 😒
واتجه لطارق ومسكه من هدومه وقاله : لتاني ولاخر مرة باحذرك تقرب من بنت عمي
طارق: انا جاي اخطبها اخوها ووالدها بس هما الي يقولولي انها مخطوبة
عزيز: شكلك مبتفهمش بالادب
ولسة هايضربه معتز اتدخل وزعق لعزيز
وقعدهم وبدأ يهديهم وطلب منهم يقعدوا ويحترموا الجد الكبير الي كان بيضحك في سره وساكت
كل دة وعلا بتتفرج بصمت
علي دخل القاعة وبلغهم ان ايمن الظابط ابن خالة عزيز عاوز جدهم بموضوع مهم
دخل ايمن وسلم على عزيز ومعتز واتجه للجد وبعد لحظات الجد انفجر من الضحك
الكل استغرب
الجد قال لمعتز تعالى اسمع
معتز وعمرو راحوا للجد واول ماعرفوا الي حصل بصوا لبعض وهما كاتمين الضحك
معتز اخد علا وخرج وقال لابوه اتصرف انت انا هاخد علا وعلاء ونتغدا برة 😁
وعلا مش فاهمة ولسة بيركبوا عربيتهم سمعوا عزيز بيزعق وبيقول جرا ايه ياايمن حتى انت عاوز تتجوزها هو انا ناقصك
محدش هايتجوزها غيري
علا فهمت ان ايمن كمان اتقدملها ضحكت عالموقف
فقالت لمعتز: لا يابابا الموضوع دة مايتحلش الا بطريقة واحدة
جدي جابهم بنفس اليوم عشان يستفز عزيز دة غلط ممكن يحصل مشكلة 😁
بعد اذنك ودخلت القاعة لقت الكل بيزعق والجد بيتفرج
قالت لجدها بعد اذنك ياجدو ممكن اقول رأيي
قالها اتفضلي 🤔
الكل سكت وعنيهم عليها : .... 🤔🤔 الفصل الحادي عشر من هنا