رواية ضرتى
بقلم مني محمد
الفصل الاخير
استنى عندك
بصت وراها و بصدمة
قرب منها وخد منها جنة
زياد واخدة جنة ورايحة على فين ؟
نور طبعا كانت لابسة نقاب فلو اتكلمت كان زياد هيعرف انها نور جت تجرى بس زياد كان اسرع ومسك ايديها
كان الكل خرج على صوت زياد
اقلعى النقاب وورينى وشك بدل مانا الل اشيله ومد ايده عشان يشيل النقاب بس نادر وقفه
نادر بزعيق انت بتعمل ايه ؟ دى واحدة منقبة ازاى عايز تقلعها النقاب
زياد دى كانت بتتحاول تخطف جنة وانا كشفتها
نادر بصدمة تخطف جنة وراح خد جنة فى حضنة
جنة طبعا كانت ساكته عشان نور كانت مفهماها انهم بيلعبوا ولو حد شافهم متقولش اى حاجة
افتكرت اميرة أنها شافتها مع رنا
زياد مش عايزين تعرفوا مين دى و فجأة شال النقاب الكل أنصدم اول ماشافوا نور
نور كانت مرعوبة ومش عارفه تخرج نفسها من الموقف ازاى
ام نادر انتى جيتى ازاى هنا وكنتى متنقبة ليه كنتى عايزة فعلا تخطفى البت
نادر انتى ايه ياشيخة معندكيش دم مش عندك كرامة انا مش طلقتك وبالتلاته عايزة ايه مننا هيا خرجت ازاااااى دى يازيااااااد
زياد بسخرية ابوها تاجر المخدرات الل خرجها
نور بعصبية بسسسس كفاااااية بئا انت عرفت ازاى أن نور
رنا انا الل قولتله
صدمة تانية لنور وللكل الا زياد
رنا ايه كنتى مفكرانى همشى وراكى بعد كل الل عملتيه طول عمرك كنتى بتضحكى عليا بالكلام عشان أساعدك وانا كنت زى الهبلة بعمل الل انتى عايزاه بس المرادى ضحكت عليكى يانور وخدعتك واول ماخرجت من عندك عرفت زياد بخطتك كلها وبصت لزياد لقته بيبتسملها ولاول مرة تشوف فى عينه نظرة حب قالت فى نفسها لو ياااه لو كنت شوفت النظرة دى من زمان يازياد مكنتش عملت كل الل عملته
وقفت رنا عند أميرة
رنا انا اخدت خدت عهد على نفسى قدام ربنا يااميرة انى عمرى ماهحاول أأذيكى تانى
نور بشر انتى خونتينى انا عشان خاطر دى بس انتى نسيتى ياحبيبتى وانتى بتعرفى جوزك على خطتى الشريرة انك تعرفيه على حقيقتك الوس*خة وكل اعمالك
بص زياد لرنا ونور بعدم فهم
زياد حقيقه ايه ؟
__________________
فى ايه مالك؟ عمال ساعة تلف وتدور حاولين نفسك
عادل بزهق مفيييش ياميرفت مفيش
ميرفت هو ايه الل مفيش شكلك مخبى حاجة عنى وبعدين كملت بشك انت شكلك خرجتها ؟
عادل هاا هيا مين دى ؟
ميرفت بغضب هتكون مين غير المحروووسة بنتك خرجتها صح ردددد عليااااا
ايوة ياميرفت خرجتها كنتى عايزانى اعمل ايه يعنى اسيب بنتنا فى السجن بعد ماالواط*ى جوزها سجنها
ميرفت مش جوزها الل سجنها اعمالها هيا الل سجنتها كنت سيبها ياأخي تدفع تمن اغلاطها عشان تتعلم ان الله حق سيبها تتعااااقب طول مانت بتساعدها هتفضل تغلط
عادل بعصبية انتى بتقوووولى ايه اتخلى عن بنتى الوحيدة بعد ماالكل اتخلى عنها ازاى ومين يقف جمبها هيا دى مش بنتك ولا ايه
ميرفت بصوت عالى وهيا بتبكى
لاااااا مش بنتتتى بعد كل الل عملته والل بتعمله متبقااااش بنتى بعد ماكانت السببب فى موووت اختها متبقااااش بنتى خربت بيت واحدة مسكينة وحاولت تقتل جوزها دى مستحيييل تكون بنتى انت فاااهم انا اتبريت منها من اليوم الل ميار ماتت فيه انا معرفش عملت ايه غلط فى حياتى بس ياربى عشان اخلف شيط*انة زى دى وانهارت على الأرض وهى بتبكى ميار ياحبيبتى يانور عينى فينك
قومها عادل من على الأرض بس مش عشان يواسيها لا عادل بتهديد اسمعيني كويس اوى انتى تنسى نهائى موت ميار ده مر عليه سنين انا كمان زعلت على بنتى الل ماتت بس نور هيا الوريثة الوحيدة ليا ومستحيل اخسرها هيا كمان ده آخر تحذير ليكى والا انتى عارفة كويس ممكن اعمل عن اذنك هروح اشوف بنتى
ميرفت بكره منك لله ياشيخ يارب ما يكونوا بيخططوا لحاجة تانية أو يأذوا حد احمى عيلتها من شرها يارب
_______________________
زياد بعدم فهم حاجة ايه ؟
رنا بتوتر زياد خليهم ياخدوها يرموها فى السجن
زياد اصبرى يارنا عايزة تقولى ايه يانور
نور مش انتى اعترفتى عليا ياحبيبتى انا كمان هعرفهم كلهم حقيقت*ك الزبا*لة اصلى مش هتسجن لوحدى ومين يسليني
زياد بغضب انتى هتخلصى ولا أخليهم ياخدوكى
رنا بتوتر ورعب زياد خ خليهم ياخدوها دى واحدة كدابة وهتفترى عليا
بصلها زياد بتحذير بلعت ريقها وسكتت علطول
نور الحلوة دى والل مفروض صحبتى بس طلعت واطي*ة وخانتى كانت معايا في كل حاجة عملتها وعلى فكرة اميرة محاولتش تقتل ابنك يازياد كانت خطتى انا ورنا عشان تطلق اميرة احنا الاتنين كنا دايما بنتهم اميرة بحاجات كدب وطبعا كانت شريكتى فى محاولة قتل نادر ولما بعت رجا*لة فى بيت اميرة عشان يختصب*وها
بص الكل بصدمة لرنا
ام نادر لا انتى بتكدبى رنا متعملش كدة اكيد بتفترى عليها حرام عليكى ياشيخة متخربيش حياة ابنى انتى ايييييه
نور بشر اخس عليكى ياحماتى ده انا حتى اكتر حاجة بكرهها خراب البيوت
زياد ده كل الل عندك
نور لا ياحضرة الظابط لسة فى مفاجأة هتعجبك اوى وحاجة كمان للهب*لة الل واقفة دى (كانت تقصد اميرة)
وكملت بشر فاكرين لما حمزة وقع من على السلم مكنش بسبب إهمال اميرة كانت أمه حبييته الل وقعته متحكلهم يارنا
____________________
زياد بعدم تصديق لا مستحيل انتى فعلا يارنا حاولتى تأذى ابنك
رنا ببكاء انا انا والله وقعته براحة عشان ميحصلهوش
زياد بغضب براااااحة ايه كاااااان مكن ابنك يمووووت ده طفل ازاااااى يهون عليكى انتى ازاااااااى ام انتى
رنا ببكاء كان خوفى انى اخسرك خلينى اعمل اى حاجة
بس والله انا ندمت ومسكت ايده سامحنى يازياد ارجوك
بعد زياد ايده مش عايز اشوفك فى حياتى تانى
كانت نور بتبتسم بخبث هيا ميهماش انها تحتبس على قد مايهمها أنها تدمر حياتهم
كان نادر بيبص لاميرة الل كانت بتبكى بصمت ومسك ايدها عشان يطمنها
نور حاجة اخيرة اختم بيها الدراما دى
عايزة اقولك حاجة للمغف*لة دى
نادر كان هينفعل بس اميرة مسكت ايده
اهدى يانادر عايزة تضايقنى بأى طريقة بس انا مش ههتم بكلامها
ضحكت نور بخبث تعرفى انك كان ممكن تخلفى لانك مكنش عندك اى مشكلة بس انا السبب انك متخلفيش كنت بحطلك برشام منع حمل فى العصير يامغف*لة لما كنت عاملة نفسى بحبك
أميرة انتى كدابة وبتقولى كدة عشان تحرقى دمى كل التحاليل كانت بتثبت انى مش بخلف حتى الدكتور اكدلى انى عندى مشكلة
ضحكت نور بقوة مانا يامغف*لة الل زورت التحاليل واديته الفلوس الل هو عايزها عشان يفهمك انك مستحيل تخلفى وفضلت احطلك لحد فعلا مباقتيش بتخلفى وهتفضلى طول عمرك ماتخلفيش
اميرة كانت هتنهار بس قررت تحرق دمها
اميرة بس أرادة ربنا فوق كل شئ يانور لانى حامل
نور بصدمة مستحيل
زياد بغضب خدوها من هنا
قبل مارنا تمشى راحت لاميرة تعتذر منها بس اميرة حتى مبصتلهاش
نور كانت شاي*طة وقبل ماالشرطة تاخدها كانت طلعت بسرعة من شنطتها مسدس
نور فى نفسها مش هسيبك يااميرة تتهنى حتى لو هتعدم
رنا شافت نور وكانت لسة هتخط اميرة بس رنا جت قدام اميرة فالطلقة جت فيها
الكل رنااااا
زياد ببكاء رنا رنا
رنا بدموع سا م ح و ن ى امي رة خ د ى با ل ك من
ح م زة
وبعدين ايدها وقعت وغمضت عينها
زياد بانهيار لاااااا رنااااااااا متموتيييش
_____________
نور ركبت العربية بسرعة ومشيت والشرطة كانوا وراها
كانت بتسوق بسرعة عشان متتمسكش
نور ايوة يابابا الحقنى الشرطة بتجرى ورايا عايزين يقبضوا عليا عشا
عادل ألو بنتى ردى عليا نور
كانت نور بتجرى بسرعة وخبطت فى عربية تانية عربية العربية انقلبت واتفجرت
اللهم طولك ياروح خلاص يابنى والله صدعت
طب استنى هغنيلك اغنية تانية هتعجبك
نادر بنفاذ صبر ولا تانية ولا تالته انت مفكر نفسك عبد الحليم حافظ
اميرة بضحك جالك كلامى مش قولتلك هيصعدك قولت متحبطيش الواد يااميرة وخلينا نسمعه اشرب بئا
نادر خلاص يااميرة وشوفيلك حل مع الواد ده بقاله ساعتين قاعد فى وشى
اميرة ما تقوم ياحمادة تلعب مع اخواتك بابا جاى من الشغل وعايز ينام
محمد لا انا عايز اقعد هنا
شال نادر محمد وخرجه بره وقفل الاوضة
اميرة ايه يانادر دى طريقة تعامل بيها الواد
نادر وهو بيفتح الباب هتسكتى ولا تطلعى انتى كمان انا مش ناقصك انتى وعيالك
كدة ماشى يانادر انا طالعة جت تطلع بس نادر مسك ايدها
نادر بحب بهزر ياحبيبتى والله انا اقدر ازعلك ده انتى روحى الل مقدرش أعيش من غيرها
ابتسمت أميرة بخجل بس فجأة سمعوا صوت حاجة بتخبط من تحت السرير
راح نادر يشوف وبصدمة
نادر بت يا هاجر بتعملى ايه هنا
خرجت هاجر من تحت السرير
كنت نايمة بتصحونى ليه؟
اميرة وهى بتمسكها من قفاها نايمة بردوا انا مش قولتلك يابت بطلى الحركات دى
هاجر خلاص يامامى كنا بنلعب خلاويص انا و حمزة
اميرة طب يلا روحى العبى تحت
هاجر وهى بتشوح باايدها انا ماشية الواحد ميعرفش يلعب فى البيت ده دى مبقتش عيشة
اميرة وهى بتجرى وراها بالشبشب بتشوح*ى باايدك يا هاجر والله لوريكى
كان نادر بيحوش اميرة
خلاص ياااميرة سيبى البت
اميرة اسكت انت ماهو من كتر دلعك فيها هيا وأخوها التؤام هيجنونى انا هلاقيها من الكبار ولا الصغيرين
_____________________
بت ياجنة قاعدة لوحدك ليه
جنة مفيش
مالك انتى زعلانة طيب
جنة قولت لا
مالك لا انتى شكلك مضايقة وزعلانة
جنة ايوة زعلانة
مالك اتفلقى أو اخبطى راسك فى الحيطة الل تعجبك أو أقولك اشربى من البحر ههههههههه
بصتله جنة بغضب
مالك بت متبصليش البصه دى انا مش بخاف طب بهزر قولى بئا مضايقة ليه كمل مالك انا عارف انك مش عايزة تحتفلى بعيد ميلادك بس ممكن تنسى الل حصل اليوم ده
وتعيشى وتفرحى عادى
جنة مش قادرة انسى ياانكل ماما ماتت يوم عيد ميلادى فاكرة لما كلكم كنتو بتتخاقوا معاها قبل ماتموت وهيا مشيت زعلانة
مالك بس احنا كلنا معاكى ابوكى وأخواتك وكمان اميرة انتى عارفة هيا بتبحبك قد ايه وبعدين الحادثة دى مر عليها ٨ سنين حاولى تنسى
جنة انا كمان والله بحبها اوى بس كمان بحب ماما الله يرحمها
مالك الله يرحمها عارفة يابت جنة حبك لامك بيفكرنى بمحبتى واحترامى ليها استغفر الله العظيم يارب على الكدب
بصتله جنة من طرف عينيها
مالك خلاصة الكلام موافقة نعملك عيد ميلاد ؟
جنة هفكر
بعد كل المواعظ والحكم الل قولتهالك ولسة هتفكرى طب هسيبك انتى تفكرى مع نفسك واروح اصالح ملك بعد المقلب الل انتو عملتوه فيها اخواتكم جايين اهم
فضلوا يلعبوا مع بعض وبعد شوية جه حمزة
هاجر ايه ياحمزة اتأخرت ليه مستنياك من بدرى
حمزة بابا بيقولوكم وطوا صوتكم بدل ماينزلكم
جنة هو هو ابوك مش بيتهد فى حته ويسكت
حمزة انا قولتكم وخلاص عشان هينزلكم بالحزام اصلا باين عليه مش طايق نفسه
محمد سيبكم المهم هنعمل مقلب في مين المرة المرادى
هاجر احنا كدة عملنا فى كله
جنة بتفكير الا انكل زياد
كلهم بصوت واحد وبخوف اييبيه؟
حمزة استكى ياجنة بدل ما يشلو*حنا انا مش هشترك معاكم
هاجر ومحمد ولا انا
جنة شىوية خوافين
قومى ياعيال عشان تناموا
ردوا بصوت واحد حاضر ياتيته
_________________
خدى هنا انا لسة مخلصتش كلامى
رنا قولتلك ميت مرة مكنتش اعرف ان انه هيبقى هناك
زياد بغضب وده على أساس ان امك مقالتلكيش أنها عازمة الزفت ده معانا
رنا لا مقالتليش انا اتفاجأت زيى زيك بالظبط وبعدين متقولش عليه زفت ده ابن عمى أنا مش عارفة انت مش طايقة ليه
زياد بغيرة البيه كان عمال يبصلك طول ماهو قاعد لا وكمان كنتى بتهزرى وتضحكى معاه
رنا احمد ابن عمى ومتربيين مع بعض وبعتبره زى اخويا بالظبط انت اكيد فاهمه غلط ده طيب اوى والله
زياد بغيرة انا مطلبتش من حضرتك تحللى شخصيته
ولو لقيت الواد ده بيكلمك تانى هزعله اللهم بلغت
رنا ماشى يازياد الل انت عايزه
زياد بعد ماهدى حقك عليا ياحبيبتى
رنا خلاص ولايهمك
زياد يعنى مش زعلانة
رنا بحب انت بالذات مقدرش ازعل منك انت متعرفش يازياد انت بالنسبالى ايه ربنا يخليك ليا يازياد
حضنها زياد بحب
ويخليكى ليا ياقلب زياد
________________
فى عيد ميلاد جنة
جنة دى هدايا ده انتو عيال معف*نة
حمزة كويس اصلا اننا عبرناكى
معتز اتفضلى ياجنة دى بئا هدية مختلفة عنهم كتاب كونى صحابية
خدت جنة منه الهدية تسلم ياشيخ معتز وانت يامحمد مش جايبلى اى حاجة
مسك محمد المكرفون
سمير ( ابن سها) هو جايبلك المكرفون هدية ولا ايه
معتز لا ده اكيد هيقولها شعر
هاجر أو ممكن يكون هيقدملك هدية قيمة قدام الكل
محمد فضلت افكر كتير اوى اقدم لاختى حبيبتى ايه وملقتش هدية احسن وافضل واجمل من انى اغنلها اغنية
عشان كدة هغنلها اغنية بصوتى الرائع وهى اخت الحبايب ياحبيية من تأليف عمو مالك وإخراج سمير
مالك الواد ده كداب محدش يصدقوا لا متبصوش كدة
اميرة يارب صبرنى هنتفضج النهاردة قدام الضيوف وانت يامالك انا قولت عليك كبرت وعقلت
بدأ محمد يغنى وجنة بتبصله بقرف الكل كان هيموت ويخلص 😂
زياد واخيرا يلا بئا نقطع التورته
قطعت جنة التورته وادت لاميرة أول واحده وبصتلها بحب
جنة شكرا ياماما على كل حاجة عملتيها عشانى وعلى اهتمامك دايما بيا بحبك اوى وحضنتها
اميرة عينها دمعت و مكنتش مصدقة من الفرحة ودى كانت اول مرة جنة تقولها ماما
وبعدين فضلوا يضحكوا ويهزروا وكل واحد كان بيحكى عن موقف حصل معاه كانوا مبسوطين جداا
بالنسبة لاميرة ونادر فكانوا عايشين فى سعادة وعلى الرغم أن العيال كانوا مطلعين روح اميرة بس كانت روحها فيهم وكانت دايما بتدعى ربنا يحميهم ودايما بتشكره انه رزقها بمحمد وهاجر وعمرها مافرقت مابينهم وبين عيال نادر
اما بالنسبة لمالك فخطب ملك حب حياته
زياد سامح رنا وحبها خصوصاً لما اتغيرت وبقت بتحب الكل
تمت