رواية غلطه ولكن
الفصل الثاني عشر12
بقلم حبيبه ممدوح
انا مالى بكل دااا حياتى تبوظ لى؟
_انتَ عاوز تسبق الأحداث !
ما انا جايلك ف الكلام اهو..
المهم يسيدى بقينا بنتكلم ف كل ثانية ف اليوم..ولحد ما علقتها بياا
_ودا طبعاً ال كنت عاوزة!
_بالظبط
_كملل
_بس كنت براقبها وبطلعلها ف كل حتة ف خلال تلت شهور وبعدين
بدأنا نتكلم ف حوالى ست شهور..و..
_هاااا كمللللل
_ف اخر تلت شهور كانت...كانتت...
_حامل!
بصلى وسكت وبعدين قال
_اة..
كنت مصدوم من ال بسمعة وازاى كل دا يحصل وانا محسش وازاى
ليلى تعمل كدا..قولت وانا بمسح وشى ب ايدى
_ودا حصل ازاى
اتنهد وقال
_كُنا خلاص اتعلقنا ببعض وكنت واعدها اننا هنتجوز
_وبعدين
_كانت حاطة امالها وثقتها فيا..ولما حصل ال حصل بعدت عنى علطول..شهر ولا بتكلمنى ولا اعرف عنها حاجة
قفلت تلفونها وعملتى بلوكات من كل حتة ولما اتكلمنا قبل ما تمشى قالتلى ي اتقدم ي الا مش
عاوزة تشوف وشى تانى..وانا مكنش معايا حاجة علشان اتقدم..الشقة ال انا فيها دى أصلا ايجار ولسا
متعين ف المستشفى جديد والمرتب على القد..سبنتى واختفت وحتى لما كنت بحاول
اوصلها من اى حتة كانت بتصدنى وبعدها ب اسبوع استننها قدام الشغل وكان باين عليها الحزن وقفت قدامها
ومكنتش هتحرك قولتها مش هتحرك غير لما تسمعينى اعاي
_انا مش طايقة اسمعك ولا اشوفك ابعد والله ي يونس انا حقيقي كره..تك
_لى انا مش هسيبكك
_وانا قولتلك مشوفش وشك غير وانتَ بتتقدم..انا كره..تك وكر..هت نفسى واليوم ال شوفتك فِ
اقولك على حاجة يارتنى ما عرفتك.. انا متاكدة انك خلاص مش هتيجى وكان كل غرضك تدمرنى
بصتلى وقالت
_واهو قد كان..براڤو والله ي دكتور..
سابتنى ومشيت وانا من ساعتها كلمة بكرهك بترن ف ودنى
قعدت اسبوع ف البيت مش بكلم حد لحد ما قولت هضغط نفسى ف الشغل حتى اجيب حق الشبكة علشان اعرف اتقدم..نزلت اشتغلت ف مستشفيتن شيفت الصبح للمستشفى الاولى وشيفت باليل ف المستشفى التانية..ويدوب ليا ساعتين راحة بين الإثنين بروح انامهم
وفضلت كدا على الحال دا شهر
لحد ما فَ مرة كُنت طالع على السلم ومش شايف قدامى وليت ليلى قاعدة قدام الباب..
جريت عليا اول ما شافتنى وكانت عنيها حمرة وبتعيط
كنت مخضوض ومستغرب انها قاعدة كدا قولتلها بسرعة
_انتِ كويسة!
دموعها زادت وقالت
_انا..حامل
الدنيا اسودت ف وشى لما قالت كدا
فتحت باب الشقة ودخلت فَ دخلت هى ورايا وقالت
_انتَ ساااكت ازااى!
رددد عليااا
قعدت على الكرسى وكنت ساكت..فقالت
_رد..انا فِ مصيبة
_اقول اى
لفت بصتلى وقالت
_هوو انتَ مش هتيجى تتقدم!
قومت بصتلها وقولت
_انا بقالى شهررر مفحوت علشان احاول ادخل باب بيتك وانا على
الاقل معايا حق الشبكة وكنت بحاول والله وهاجى..بس ..بس
_بس اىىى
_دلوقتى كل حاجة باظت..
_نعم!
باظظت
_انتِ لازم تنزلى العيل دا..