صحيت من النوم لقيت أحمد نايم ع الكنبة وف ايدة صورة..اخدتها بشوف
صورت مين لقيتها صورتي..!!
دموعي نزلت لوحدها
وطلعت من جيبي نفس الصورة بس وهو فيها واحنا ماسكين ايد بعض..سبتة بسرعة ودخلت الاوضه وانا بعيط
مش عارفة هعمل اي انا ف حيرة غريبه اول مرة احس اني محتارة..مش عاوزة اظلم حد بس انا حقيقي تعبت..
نمت وصحيت ع صوت المنبهه لبست ونزلت بسرعة علشان المفروض انزل
اظبط شوية اوراق ف الجامعة
نزلت وركبت تاكسي وصلني عندها كنت بجري علشان الحق لان الوقت كان اتأخر جداً والمفروض ان كان لازم اجي بدري
وانا ماشية خبطت ف واحد ماسك قهوة اتكبت عليا وعلية
شهقت
_Sorry I didn't mean
قولت لا ارادياً
_يخربيتك يشيخخ اسف اي ونيلة اييي اعمل اي انا دلوقتي البلوزة البيضا باظة
قال بستغراب
_يخربيتك!!انتِ مصرية اعوذ بالله
_الله الله الله الله دا انتتت مصري اهو وبتتكلم زي القرد
_انا قرد!!!
_انتَ كمان بجح وليك عين تتكلم ولا دا انت بارد
_يعني انا طفشت من البلد وال فيها ياربي وسبتهالكم مخضرة اجي هنا بردو واحدة تشرشحلي
فرعت صباعي ف وشة وقولت
_ولا بقولك اي انا ع كدا مشرشحتش اصلا
نزل صباعي وقال وهو بيجز ع سنانة
_اولاً متعمليش الحركة دي بتستفزيني
ثانياااا انتِ كل دا ومشرشحتيش اومال لوو....
_شششش انا متاخرة عارف انا لو مكنتش متاخرة كنت فرجعت عليك الجامعة دي ...
سبني وبص حوالينا بذهول فبصيت اشوف في اي لقيت الناس كلها بصالنا لان صوتنا كان عالي جداً
قرب مني وقال
_عجبك كدا
_اهو كلة منك يبوز الاخس
_انا بوز الاخس
شدني من البليزر ورماني خطوتين قدام وقال
_كفايا بقا بلاعة واتفتحت امشي
قولت وانا بعدل هدومي
_بني ادم سخيف وقليل ذوق
_سامعك علفكرا
_منا عارفة يبو لسان
سبتة وجريت مش علشان معرفش ارد تؤتؤ لاني متاخرة طلعت جري
والحمدلله خلصت كل حاجة ونزلت علشان اروح بس الغريبة ان وانا ماشية لقيت نفس الواد السخيف تاني واقف جمب عربية وبيضحكلي..
حاولت اتجاهلة لحد ما فضل ينادي
_ياااااا بس بسسسس بسسس
جريت علية وانا بشاورلة ان يسكت
_اي بسبسسسس دي انتَ بتنادي ع قطة سمعت بينا الناس الصبح وعاوز تسمع بينا الناس تاني انت اييي حكايتك ياااض بقا
_ياض؟ف واحدة ف جامعة محترمة ف ايطاليا مش ف شارع السيدة يختي
_خلااص يعمم انت ما بتصدف تتفتح..عاوز اي اخلص..
_اخلص!صبرني يصبرر
_اسمها صبرني ياارب الصبر هيصبرك ازاي هااا
_يستي انا آسف ان ناديت عليكي واتلطعت هنا ساعةة مستنيكييي
_يعم خد هنا متبقاش قفوش دا احنا حتي بلديات
_ماهو علشان بلديات انا جاي اتأسفلك ع البلوزة ال باظت دي
_لا ولا يهمك انا اصلا اسمي ليلي حوادث
_اسمك ليلي
_تقريباً
_سخيفة اوي
_اسفة خلاص..وانتَ
_يونس..صاف يا لبن؟
_حليب يقشطة يعم..باي
سبتة ومشيت لغبطلي كل يوم ومع ذلك فرحت بالكام دقيقة ال وقفنا فيهم
دول..حاسة هنبقا صحاب
فتحت الشنطة ملقتيش التليفون توقعت ان نسيتة..حمدت ربنا لان
احمد مكنش هيبطل رن.. مانا لازم ادي نفسي فرصة علشان اعرف افكر بعيد عن تأثير أحمد ومحوطتة ليا ف كل حتة
فضلت ماشية لحد ما لقيت مكان ع البحر وقعدت فية المكان كان شبهه خيالي المنظر كان جميل أصلا وانا بحب البحر بس
كنت مفتقدة بحر اسكندرية لحد ما قطع تفكيري حد بيخبط ع كتفي
لفيت اشوف مين لقيت...