CMP: AIE: رواية احببت مجنونة الجزءالخامس5 ) الفصل الاربعون40بقلم نجمه براقه
أخر الاخبار

رواية احببت مجنونة الجزءالخامس5 ) الفصل الاربعون40بقلم نجمه براقه

رواية احببت مجنونة الجزءالخامس5 ) 
الفصل الاربعون40
بقلم نجمه براقه


خالد 

اتصل بيا فارس وبقا يزعق 

فارس _ لما بنتك بتحب واحد تانى وافقتو عليه ليه من الاول 
خالد _ انت بتقول ايه  ...  ايه الكلام  الفارغ ده 
فارس _ بنت حضرتك يا استاذ لقيتها في غرفة البروڤه ومعاها واحد ولما سألتها مين ده زقني وجريت معاه  ...  وديني لا انا فضحكم في كل مكان 
خالد بذهول _ انت بتقول ايه  ..  بنتي فين انا بعتها معاك انت 
فارس _ ما خلاص بقا كل حآجه بانت انت هتعملي فيها راجل حمش،  انا من الاول مكنتش مطمنلها 
خالد بغضب _ اخرس يا حقير بنتي احسن منك انت وعيلتك 
فارس _ صح صح.....  وديني لا اوريكم ومن النهاردة الكل هيعرف ان خالد عمران بنته هربت مع عشيقها 

قفلت معاه وبقيت الف حولين نفسي  وانا مقهر....  معقول بنتي انا تعمل فيه كده  ..  ومع مين..  مع سليم اللي بيضحك عليها عشان ينتقم مني فيها هي

طلعت من البيت وروحت بيت سيف  
وأبنه فتحلي 

خالد _ فين سليم 
أسر _ انت تاني  
خالد بغضب _ فيييين سليم 
أسر _ صوتك ميعلاش هنا انت فاهم 
خالد يطلع المسدس _ انت هتقول هو فين ولا افرغه في دماغه 

أسر يمد ايده فجأه و يعكس حركة المسدس وياخده منه ويصوبه عليه  _ تحب افرغه في دماغك انا دلوقتي  
خالد بغضب _ وحيات ربنا لا ماشي هنتقم منكم واحد واحد 
أسر _ طيب اتفضل قبل ما اطلبك البوليس 
مسك تيجي من جوه _ في ايه يا أسر......  خالد؟  انت ايه جابك هنا 
خالد _ مسسك خطيبتي،  
أسر _ خطيبتك؟  انت لو مش  راجل  كبير كنت عرفتك مقامك، مين ده يا ماما 
مسك _ استنا....  راجع تاني ليه يا خالد 
خالد _ سليم خد بنتي،  قوليلوه لو مرجعهاش انا هقتلكم واحد واحد 
أسر _ برااافو يا سولي وبنتك مش هترجع واخبط دماغك في الحيط واتكل يلا بدل ما اقل منك 
خالد يبصله بغضب _ معرفتيش تربي ابنك ولا ابن ريماس 
أسر يرفع المسدس ومسك توقفه _ ماما سيبي خليني اخلص عليه 
مسك _ اسكت يا أسر.....  وانت اتفضل  وشوف بنتك راحت منك فين،  واحنا مبنتهددش 
خالد يشد المسدس _ ماشي...  هنتقابل تاني 
أسر _ متتاخرش في المقابله 

#ميرال 

فتحت عينى لقيت نفسي في اوضه ومربوطه بكلبش في سرير 

ميرال بخوف _ انا فين  ....  مييين هنا.... باباااا 
سليم يدخل _ صحيتي؟ 
ميرال تشد في ايدها _ انت مين وعاااوز منى ايه،  
سليم _ صوتك ميعلاش 
ميرال ببكاء _ انا عايزة امشي من هنا
سليم _ هو انتي لسه وصلتي 
ميرال ببكاء _ انا مليش دعوه بحاجه ومعرفش مشاكلك مع بابا تاخدني بذنبه ليه 
سليم _ اصل انا مفتري،  واخرسي بدال ما اخرسك دلوقتي 
ميرال بدموع _ كان ممكن تقتلني احسن ما تعمل فيه كده 
سليم _ مستعجله علي ايه هتموتي بس مش دلوقتي 
ميرال_ سليم عشان خاط...... 
سليم يمسكها من فكها بغضب _ قووولت اخرسي لا ادفنك حيه مكانك دلوقتي  ....  انتي  ملكيش خاطر عندي...  وياريت تفهمي ده بسرعه عشان منتعبش بعض 

ميرال تبصله بخوف وجسدها يرتجف

سليم يسيبها وينظر الجهه التانيه _ المأذون هيجي كمان شويه...  تقولي موافقه وتمضي من غير ما حد يحس بحاجه مفهوم 
ميرال ببكاء _ لأ....  مش ممكن اعمل كده لو انت اخر واحد علي وش الأرض
سليم يلتفت لها _ انا مش باخد رأيك انا  بأمرك،  والا الحنين ابوكي هيموت 
ميرال ببكاء _ حرام عليك انت ازاي طلعت بكل الشر ده 
سليم _ مفهووووم ولا لأ 
ميرال _ لا، لو هتموتني مش هعمل كده  ...  انا  لا يمكن  اتجوز  واحد زيك 
سليم _  انا هعرف اخليكي ازاي توافقي  ( بيطلع التليفون ويطلب رقم ويحطه على  ودنه) 
ميرال _ هتعمل ايه 
سليم _ ايوه يابني خلصو عليه وهاتلي صوابعه العشرين
ميرال ببكاء _ لا يا سليم الله يخليك  بلاش 
سليم _ لحظة يابني....  ها موافقه ولا اخليه ينفذ 
ميرال ببكاء _ لأ
سليم _ نفذ يابني واديني رنه
ميرال ببكاء _ موافقه 
سليم _ طيب يابني أجل الموضوع ده وخليك جمب التليفون...... سلام
ميرال  _ انت ازبل انسان شوفته في حياتي
سليم _ طيب قومي ادخلي الحمام وظبطي نفسك علشان الناس 

ميرال تبصله باحتقار وهو يفك الكلبش 

سليم يبصلها بطرف عين وهو يفكها_ كنتي امبارح بتحبيني ايه اللي حصل النهارده
ميرال باستحقار _ خلصني 
سليم _ اهو، قومي بس بلاش محاولات عشان مش هتقدري تهربي
 
ميرال تقوم وتمشي خطوات وفجأه تمسك الفازه وتتراجع تجاه الباب _ لو قربتلي هضربك ب دي.. خليك مكانك
سليم _ ههههه.... تعالي طيب 
ميرال بتحذير _ مش بهدد وخلاص، لو قربتلي هموتك 
سليم يرفع ايده ويتقدم ببطئ _ انا استسلمت بس سيبي دي 
ميرال _ خليك مكانك 
سليم يستمر في التقدم _ انتي فاكره ان الفازه هتخوفني يعني 
ميرال بدموع _ وقف عندك 

سليم يمسك ايدها وياخد منها الفازه وهى تسيبها من غير مقاومه 

ميرال  بدموع _ انا عايزة امشى  من هنا 
سليم يضغط على  ايدها _ ميرااال،  حبيبتي....  افهمي انتي  مش  هتمشي  من هنا تاني 
ميرال تشد في  ايدها وهي  تتألم _ اه. ايدي 
سليم يضغط اكثر _ لو فكرتي بس انك تسيبي هنا،  هكسرهالك 
ميرال بألم _ حاضر حاضر  ..  بس سيبني 
سليم يسيبها _ علي  الحمام  خمس دقايق  وتكوني جاهزة 
ميرال تدلك معصم يدها وتبكي _ حاضر 
سليم بزعيق _ يلاا انتي  لسه  واقفه. 
ميرال  تفزع وتجري علي  الحمام 

#سليم 

دخلت الحمام واتأخرت اوي جوه،  وانا قلقت لتكون عملت  في  نفسها  حآجه ف خبطت عليها ومكنتش بترد ف اطريت اني افتح الباب وادخل اشوفها... وفجأه طلعت من ورا الباب وضربتني على رأسي بحاجه وطلعت تجري بره الاوضه.. بس متعرفش  ان الباب مقفول  بالمفتاح من جوه  ،،  علشان كده سبتها وبعد ما هدي الألم  شويه روحت وراها لقيتها بتخبط علي  الباب  من جوه  وبتستنجد 

ميرال  بصراخ _ الحقوووني،  ..  حد يلحقني 
سليم يقرب منها بهدوء وهي تبصله وتسرع في  طرق الباب ويزيد استنجادها ليمسك بها ويحملها على  كتفه ويدخلها وهي تصرخ وتضرب بيديها  ثم  يرميها  علي  السرير  ويربط يدها بالكلبش 

ميرال  ببكاء _ ارجوك سيبني  امشي 
سليم يضرب يده علي الكوميدينو، لتفزع وتغمض عينيها 
سليم _   انا  مش حظرتك من  شويه 
ميرال  ببكاء  _ حظرتني 
سليم بزعيق _ ولما  انا  حظرتك عملتي كده  ليه 
ميرال  تفزع _ مش  هعمل  كده  تانى 
سليم يمسك  فكها بقوه  _ ميرااال،  انتي دلوقتي  مش  بتتعاملي  مع اسير  عينيها  ...  انتي  بتتعاملي  مع  عدو ابوكي،  متختبريش صبري ها
 
ميرال تنظر له بخوف وتهز رأسها بالأيجاب
 
سليم _ هتفضلي مربوطة  كده ولما  يجو هفكك واي حركه منك متلوميش غير  نفسك....  مفهوم  يا ميرال 
ميرال  تبكي  وتغمض عينيها 
سليم _ متعيطيش.......  بقولك  متعيطيش ( يضرب  يده بالكومدينو  مره اخرى  ويصرخ بوجهها)  اخررررسي 
ميرال  تفزع وتكمل بكاء _ حاضر حاضر

طلعت من  الاوضه  لما  حسيت  اني ممكن اتعاطف معاها ومع دموعها وخوفها مني،  ..... 

 مش قادر  انسا كلامها معايا  لما  كنا  علي  اليخت،....  ومش  حابب الي  بعمله  بس هي  لو حست للحظه اني  ممكن  اتعاطف معاها  يبقا كده  كل  اللي  عملتوه ملهوش لازمه 

بعد وقت  وصل  المأذون  واتنين انا  قولتلهم يجيبوه ويجو عشان  يشهدو، وبعد ما  قعدو، رجعتلها لقيتها قاعدة  ودموعها علي  خدها 

سليم  يوقف جمبها _ المأذون  جه،  مش  محتاج  اقولك  تعملي  ايه 
ميرال  _  هنكتب الكتاب وملكش حآجه  تانيه  عندي  بعد  كده 
سليم  وهو  يفك الكلبش _ انا  من نفسي  مش  عاوز حآجه، وانتي  فاهمه كده  كويس 
ميرال _ امال عاوز تجوزني ليه 
سليم _ يلا المأذون  مستني 
ميرال  تقف قدامه _ مش  قبل  ما تقولي جوازنا هيفرق ايه في  انتقامك لما  احنا  هنتجوز على  الورق بس 
سليم ينظر لها لبعض الوقت _ علشان اعمل اللي انا عايزة وابوكي ميقدرش يعمل حآجه...  مراتي بقا
ميرال بدموع _  عارف!  علي  قد ما حبيتك  ،  علي  قد  ما بكرهك ضعف حبي ليك دلوقتي
سليم _ شعور متبادل ليكي و لابوكي....  اتفضلي وخلصيني
ميرال بخزلان _ هيجي يوم واخلص منك اللي عملته معايا
سليم _ ماشي بس يلا  المأذون مستني

مسحت  دموعها ومشيت  قدامي،  وقعدت جمب المأذون 

المأذون  _ موافقه 
ميرال  تنظر ل سليم باستحقار _ موافقه 
المأذون  _ فين  وكيلك 
ميرال  _ انا  وكيلت نفسي 
المأذون _ علي  بركة الله،  هات ايدك يا عريس  ...  ايدك  يا عروسة 

مسكت ايدها  وبدأنا نقول ورا المأذون،  وهي  طول  الوقت  بصالي بكره لغيت  ما خلصنا ومشيو  

ميرال _ ارتحت كده  ...  انتقمت خلاص 
سليم _ لسه انتقامي مبدأش،  يلا ارجعي الأوضة 
ميرال _ مش  راجعه،  انا  مش  هقعد دقيقه  واحده  تاني،  ولو عاوز تموتني اتفضل 
سليم _ انا مش  هدادي فيكى  كتير،  ارجعي بمزاجك احسن 
ميرال _ مش  هرجع وهمشي دلوقتي 
سليم يقترب منها  بخطوات بطيئة _  قولتلك  انتي  دلوقتي مش بتتعاملي  مع  اسير عينيها ومتختبريش صبري عليكي 
ميرال تنظر له بدون خوف _ نفسي اعرف قدرت ازاي تخدعني ....  ازاي  قدرت تغير شخصيتك بشكل ده 
سليم _ احمدي ربنا اني  طول  الفترة  دي مرجعتكيش  ل ابوكي في  اكياس  
ميرال بدموع _ لو كنت  عملت  كده  كان  اهون عندي من انك تلعب بيه  .....  كنت  رمتني في  البحر لما  روحت  معاك 
سليم _ الكلام انتها يلا على الاوضه 
ميرال بدموع _ منتهاش ومش هينتهي قبل ما تفهمني انا ايه ذنبي علشان تعمل فيه كده
سليم _ بقولك  ارجع الاوضه 
ميرال  _ مش هرجع وانت لازم تتكلم وتقولي كل حآجه ومين قالك علي الحاجات اللي بحبها وناوي علي ايه بعد كده
سليم بغضب _ خلصناااا،  قولت  ارجعي الاوضه  ولا  حابه تجربي شويه ضرب من ضرب ابوكي ليه 
ميرال تفزع _ انا  مش  مصدقه ان بابا  ازاك،  
سليم يمسك ايدها  ويشدها لغيت السرير  ويربطها بالكلبش _ عنك ما تصدقي انتي  مش  اكتر من وسيله اخلص منه  بيها،.. وتصدقي او لأ متهمنيش 

#مريم

النهارده الخطوبه وعلشان معارفنا مش كتير وجواد ملهوش معارف في اسكندريه،  قررنا نعمل الخطوبه في البيت بدال القاعه،... وجم صحاب فرح والكوفيره، وبدأ يمكيجوها، وطلعت جميله فوق جمالها، 

مريم توقف قدامها ودموعها تنزل _ قمر ياحبيبتي، ربنا يحميكي 
فرح بإبتسامه زادتها جمال _ حبيبتي يا ماما ربنا يخليكي ليه 
مريم تحضنها _ ربنا يسعدك ياحبيبتي
فرح _ ويخليكي ليه يارب
مريم _ طيب خلصتي كده ولا لسه...زمان جواد واهله علي وصول 
فرح بإبتسامه _ اه خلاص مش ناقص غير حآجه بسيطه 
مريم _ ماشي حبيبتي، خلصي واطلعي، وانا هروح اجهز الاطباق

كنت بجهز الاطباق والكبايات، واعدل المكان، وفي الوقت ده دخل جواد و مامته 

مريم _ اهلا وسهلا بيكم اتفضلو،
سماح _ هي دي العروسه يا جواد
مريم _ ههههه انا امها.. باين عليه اني عجوزه اهو
سماح _ والله يا حبيبتي ما باين عليكي، شوقتيني اشوف فرح على كده
مريم بإبتسامه _ هتشوفيها... ازيك يا جواد
جواد _ كويس الحمدلله وحضرتك
مريم _ نحمد الله... امال فين الدكتور سامح 
سماح _ اهو طالع ورانا
مريم _ ينور 
جواد _ فرح جهزت 
مريم _ قربت تخلص
جواد _ طيب عاوز حضرتك في موضوع مهم
مريم _ خير يابني 
جواد _ ممكن تروحي معايا فوق السطح علشان مش عاوز فرح تسمع 
مريم _ طيب حاضر، اتفضل 

#ياسر

كنت حابب اشوف فرح بس مش عاوز اتواجه مع مريم دلوقتي، علشان كده طلبت من سامح يتصرف ويخليني اقابل فرح بس..
وفعلا لما وصلنا وقفنا تحت شويه وبعدين جاله اتصال، وبعدها قالي يلا هي مش موجوده،وطلعنا على طول واول ما وصلت لقيت فرح واقفه مع سماح وصحبتها... كان شكلها جميله اوي ورقيقه، كان نفسي احضنها واقولها اني انا ابوكي بس محبتش ابوظ عليها فرحتها 

فرح تشوفهم وتروح عندهم 

فرح بإبتسامة _ دكتور سامح عامل ايه
سامح _ الف مبروك يا عروستنا 
فرح _ ههههه لسه بدري علي عروستنا دي..... عمي ياسر عامل ايه
ياسر بإبتسامه _ كويس... الف مبروك يا حبيبتي وربنا يفرحك دايما
فرح تبصله بإبتسامه _ ربنا يخليك ياعمي... بقيت احسن دلوقتي 
ياسر _ حد يشوف القمر ده وميبقاش كويس 
فرح بإبتسامة باهته وقلق من اسلوبه _ متشكره.... طيب اتفضلو، واقفين ليه
ياسر _ انا همشي،  والف مبروك 
فرح  _ تمشي  فين  دلوقتي 
ياسر  _ ورايا  مشوار  مهم لازم  اعمله،...  يلا عن اذنكم 
فرح  _ طيب  حتي  اعرفك  علي  ماما 
ياسر  بإبتسامه  _ شوفتها انا وداخل وسلمت عليها 
فرح  _ ماشي  ،  اتفضل 

نزلت السلم و وقفني صوت مريم  وهي  نازله  من فوق،  مقدرتش  مبصش عليها  مره  وفعلا بصيت وشوفتها وهي  بتكلم  جواد ومش  مركزه.....  زي ماهي وكأن معداش يوم من  وقت  ما كانت  معايا،  لسه  حلوه  ...  بس باين عليها  شالت الهم وبتتكلم بجديه  زياده....  كان  نفسي  اكلمها  لكن  قولت  استنا شويه بلاش  استعجل،  وابوظ الخطوبه

#مريم 

كنت  نازله ولمحة واحد  واقف تحت  ولما  بصيت عليه  كان  استدار وملحقتش اشوف  وشه،  بس  زي ما يكون  شوفته واقف  وببص علينا   

مريم  _ مين ده 
جواد  _ مين قصدك  
مريم  _ الراجل  اللي  نزل من شويه
جواد _ لا مخدتش بالي الحقيقة 
مريم  _ كان  واقف دلوقتي،  مشوفتهوش ازاي  
جواد  _ مش مهم  ...  يلا زمان  فرح  مستنيه 

#احمد 

روحت  اوصل  شدن لصاحبتها في كافية ولما  وصلنا طلبت  مني أدخل  معاها 

أحمد  _ اتفضلي  انتي  ولما  تخلصي  تعالي 
شدن  _ لا،  هتيجي  معايا يعني  هتيجي 
أحمد  _ انسه شدن، انا  السواق ومكاني هنا 
شدن  _ احماااه انت مدير اعمالي وصاحبي،  مش  سواق
أحمد  _ لسه  مبدأناش شغل  علشان  اكون  مدير  اعمالك
شدن  _ يوووه،  في  ايه بقولك  يلا...  مش  انت  السواق،  انا  بقولك  اهو  تعاله
أحمد  _ ماشي  بس  انا  مليش دعوه  بكلام  صحابك  بعد كده 
شدن  _ وهما مالهم 
أحمد  _ هيقولو انك مصاحبه السواق  ويتريقو عليكى 
شدن  _ طيب  تعاله وخلي واحده  تلمح بس  وانا  اقطع علاقتي بيها 
أحمد  _ ههههه  يلا طيب

دخلنا جوه ولقينا تلاته صحابتها مستنين 

مها _ اخيرآ وصلتو 
شدن  تبصله بطرف عينها _ البركه  في  الأخ ده،  مكنش  عاوز يدخل
سلمي _ ليه  مش  عاوز تدخل 
أحمد  _ حبيت اسيبكم على  راحتكم 
سلمي  _ طيب  بطل الدماغ  دي وتعاله اقعد  هنا 
احمد _ نقعد منقعدش ليه 

#شدن 

بقيت  اتحايل عليه  يدخل  ولما  دخلنا وسلمي قالتله يقعد جمبها مفكرش لحظه وقعد وسابني واقفه....  وبعدين انا قعدت  جمب  مها ومي،  وهو  كان  قاعد  جمب  سلمي،  وهي مش مبطله كلام  وضحك معاه بسبب ومن غير  سبب

شدن  _ اممم،  فكرو هنشرب ايه 
مها _ انا  عايزة  عصير مانجه 
مي _ وانا زيها 

شدن  تركز على  احمد  وسلمي اللي  مش  مركزين في  سؤالها 

شدن _ علي  فكره  انا  بسأل  تشربو  ايه 
أحمد  _ انا  مش  هشرب
سلمى  _ ليه،  دا هنا  في  كابتشينو فظييييع 
أحمد  _ يبقا نشرب كابتشينو  من الفظيع ده 
شدن  تهز رجليها بغيظ _ جرسووون...  ما تنده ينفع  انده انا  و احنا  معانا  راجل 
أحمد  _  حاضر  ...  جرسووون 
الجرسون يجي  _ افندم 
أحمد  _ اتنين  كابتشينو،  واتنين عصير مانجه 
الجرسون  _ اي حآجه  تانيه 
أحمد  _ شوف الانسه تشرب ايه 
شدن تهز  رجلها _ حلبه حصا
سلمي _ ياااي يا شدن...  حلبه
شدن  تمط شفتيها بقرف _ اه حلبه...  مالها الحلبه...  امشي  يابني 
(أحمد  يبصلها  بأستغراب)
سلمي  _ ههههه  اكيد أحمد  علمك تشربي الحاجات  دي،  مش  صح  يا أحمد 
أحمد  _ انا  عن نفسى  مبحبش  الحلبه
شدن _ وتحب الحلبه ليه لما  فى  كابتشينو 
أحمد  _ طبيعي  هحب الكابتشينو لانه احلي  من الحلبه بكتير 
سلمي  _ عندك  حق،  الكابتشينو  ده  اكتر حآجه  حلوه  في  العالم 
أحمد  _ مش  أحلي  منك
سلمي  _ ههههه  ميرررسي
شدن بنرفزه  _ يااااجرسون 
مها  بفزع _ ودددني اتخرمت 
شدن  _ اتاخر اوي،  نااس بارده
احمد باستغراب  _ يابنتي مالك 
شدن بنرفزه  _ اسمه انسه شدن،  بنتي دي تقولاها لوحده  معديه في  الشارع 
أحمد  يقوم _ مفهوم  ....  مستنيكي عند  العربية 
سلمي  تقوم  _ أحمد  استنا...  ياشيخه منك لله  ( بتروح  وراه) 

شدن تعضعض ضوافره بغيظ 

مي _ مالك  النهارده 
شدن  _ مفيش  انا  ماشيه  
مها   _ اقعدي  شويه لما  تهدي
شدن  بنرفزه  _ مش  قاعده 

خدت شنطتي وروحت  عند العربيه  لقيتها  واقفه جمبه 

شدن  تشدها وتحضنها _ حبيبتي،  اشوفك  بعدين  ،  البنات  مستنينك،  ...  يلا يا أحمد 

ركبت العربية  في  المقدمة  وهو  دخل  وشغل العربيه  ومشي وطول الطريق  ساكت  لغيت  ما وصلنا و وقف العربيه،  وكان هينزل بس  انا  مسكت  ايده 

أحمد يبص لايدها ليتنقل بنظره الى  وجهها 

شدن  _ أنا  اسفه 
أحمد  ينظر ليدها ويبعدها باليد الاخرى 
شدن تشد كمه بخفه _ انا  اسفة.....  احمد  انا  بكلمك 
أحمد بخيبه  _ قولتلك  قبل  ما ندخل  ان صحباتك هيتريقو عليكي  انك مصاحبه  السواق،  وقولتيلي لو وحده اتكلمت  هعمل  معرفش  ايه....  بس  الكلام  طلع  منك  انتي مش  منهم
شدن  بدموع  _ انا  اسفه  عشان  خاطري  متزعلش 
أحمد _ مفيش  حآجه  خلاص  ...  حضرتك  مغلطيش،  انا  اللي  نسيت  نفسي 
شدن  تشده من كمه والدموع في عينيها _ طيب  اعمل  ايه وتسامحني 
أحمد  _ ولا  حآجه  خلاص  انا  مش  زعلان 
شدن  ببكاء  _ لأ  زعلان  و اوي كمان  ...  احمد  علشان  خاطري  متزعلش
أحمد  _ طيب بتعيطي ليه 
شدن _ علشان مبحبش  حد  يزعل  منى 
احمد  _ ههههههههههههههه طيب  احلفي كده 
شدن  تضحك  وسط دموعها _ ههههههههههههههه  قصدي  من صحابي  بلاش  بواخه
احمد  _ ايوه  كده  اظبطي 
شدن  تمسح  دموعها  بضهر يدها _ يعني  مش  زعلان  منى 
احمد _ مش  زعلان 
شدن _ متشكره
احمد  _ طيب  ممكن  تقوليلي  كنتي  بتتخانقي  مع  دبان وشك  ليه 
شدن _ عشان انت  سبتني وقعدت تهزر مع  سلمى...  انا  بغير علي  صحابي  اوي بحس انهم بتوعي  لوحدي 
أحمد  _ غيرتي 
شدن  _ اه انا  كده  غياره ودا عيبي
(أحمد  يشرد)
شدن  _ مالك 
أحمد  _ اها...  مفيش  ....  يلا انزلي  وانا  هروح  أنام  شويه
شدن _ يابني  مالك 
أحمد  _ مفيش حآجه  ...  يلا بقا  انا  مش  شايف  قدامي من التعب 
شدن  _ طيب  ما تدخل  اجبلك  دوا 
أحمد  _ دوايا اني  أنام 
شدن  _ طيب  ممكن  متتاخرش عليه  بكره  علشان هروح  الاستديو 
أحمد  _ حاضر

#عائشة 

اتخطبنا انا  وباسم،  بس  زعلانه  من نفسي  علشان  كل  تفكيري ف أسر وبس  ،  ومش  قادره  احذف الشات بتاعه مع  انه كله عن الشغل  ..  ورقمه حفظاه في  دماغي  ..  وصورنا مع  بعض  .. وزكرياتنا كلها، الحلوه  والوحشه،  واللي حصل  معاه  في  المكتب  ...  كل  حآجه  فكراها  ومش  قادره  احس ب اي شعور تجاه باسم  ،  واللي زاد المشكله  عندي  اكتر  اني  كنت بقلب في  الشات  بتاعه وبقراه للمره العاشرة  في  نفس  الليله.  ف بعتلي  ،  وللأسف ظهر اني  استلمتها من اول  ما وصلت  ، وانا  مقدرتش  مردش 

أسر  _ صاحيه؟ 
عائشة  _ ايوه  
أسر _ يارب  يكون  سهرك لنفس السبب اللي  مسهرني
عائشة  _ معرفش  اسبابك،،  بس انا  بكلم  باسم  دلوقتي 
أسر  _ باسم  قافل  
عائشة  _ كنت  بكلمه صوت  مش  محادثه 
أسر  _ انا  عارف  انك  بتكدبي...  متأكد  انك  سهرانه  بتفكري  فيه  وبتقري الشات بتاعنا
عائشة  _ عيب اوي تتكلم  بطريقة  دي،  انا  مخطوبه  وانت كمان  خاطب 
أسر  _ كفايه  عِند معايا  ومع نفسك،  انتي  عارفه  اننا احنا  الاتنين  مش  عاوزينهم
عائشة  _ تصبح  على  خير  يا أسر
أسر _ انا  بحبك  يا أش 
عائشة   دموعها تنزل_ تصبح  على  خير  وياريت متبعتش تانى 
أسر  _ بقولك  بحبك افهممي
عائشة بدموع  _ اقولك  ...  انا  هعمل  بلوك  احسن 
أسر  _ بردو بحبك  وانتي  بتحبيني  بس دماغك  جزمه  قديمه 

مردتش  عليه  وعملت بلوك 

ابتسام  تقوم _ هو  صح 
عائشة  ببكاء  _ هو  ....  شوفي  حظي،  استنيته ينطقها من سنين  او يحس بيه  ومنطقهاش غير  دلوقتي 
ابتسام  تقعد جمبها  وتحضنها _ ياحبيبتي  ما كنتى  قولتيلوه انتي  كمان 
عائشة  _ اقول  ايه  بعد  ما اتخطبت وبعد  ما شك فيه  كذا مره  ...  افرضي سبت باسم  وروحتله وهو  رجع  يشك فيه  ويفهمني غلط  تانى 
ابتسام  _ صدقيني  مش  هيضيعك تانى...  تلاقيه دلوقتي  تايه من غيرك 
عائشة  تضمها وتبكي  _ انا  اللي  بموت من غيره  يا ابتسام  ،،  حاسه  روحي  بتتسحب  مني 

#أسر 

في  ابسط امور حياتي  كنت  الأقيها  جمبي،  حتى  لو عندي  صداع  مكنتش  تسكت غير  لما  تلاقي دوا ينفع  معايا...  ودلوقتي في  اكتر وقت  انا  محتاجها فيه،  اتخلت عني  من غير  ما تفكر....  بقيت  طول  الليل  حاسس  اني  هطق ومقهور بسبب اللي  عملته،  كنت  عاوزها ترجع  بأي طريقه  ، وملقتش حل غير  اني  اعمل  زيها  وخليها تجرب احساسي يمكن  تحن  وترجع  تكلمني 

صحيت  الصبح  ومن غير  ما افكر  في  مشكله  سليم  ،  روحت  قولت  ل بابا  انا  هخطب روما  رسمي،  في  الاول  اعترضو هما  الاتنين  بس  مع اصراري وبعد  ما اطمنو ان سليم  بخير  ، وافقو، وانا  بدأت  أجهز  القاعه  والمعازيم وحتي هي  بعتلها دعوه هي  وباسم  وخليها  تشوف  بعينها يمكن  تحس  احساسي  

#خالد  

كنت  في  البيت  وتليفوني مسكتش دقيقة  وانا  عمال  اتصل  علي  الناس علشان  اوصل  ل ميرال  ،  وبعدين  لقيت  واحد  من الامن بيقولي  واحد  بيقول  انه نسيبك طالب  يشوفك...  عرفت  ان هو  ف طلعت  بنفسي  وانا  هاين  عليه  افرغ في  قلبه  مليون  رصاصه واول ما وصلت  ومسكت فيه  ،  شال ايدي  ببرود 

سليم  _ معقول  في  حما يقابل جوز بنته كده 
خالد  بغضب  _ بنتي  فين  يا حيوان 
سليم  _ ايه  السؤال  ده  ياعمي متكسفنيش،  في  حد  يسأل علي عروسة  في  شهر  العسل  بتاعها ويقول هي فين  
خالد  _ انا  غلطان  اني  سبتك عايش لدوقتي كان  لازم  اقتلك انت وصغير
سليم  ببرود  _   وانا  معاك  انت كان  لازم  تموتني وقتها، بس عادى كلنا بنغلط،
خالد  _من الآخر  انت عاوز اية  وترجعلي بنتي 
سليم  _ طول  عمري  بقول  عليك  ذكي...  ايوه  كده  وفرت علينا كتير 
خالد  _ طيب  اخلص 
سليم  وهو  يدور حولية  _ عارف  ياعمو الحرامي  ،  طول  عمري  بحب  الألعاب  اللي  فيها  مستوايات،  بحب  اوي أ خلص  العبه حته حته.....  ف انا هلعب معاك  بطريقة  دي  
خالد  يزفر بغضب _ اللهم  طولك يا روح 
سليم  _ ادعي دعوه  غيرها دي مش  هتنفع للأسف 
خالد  _ طيب  اخلص 
سليم  يرفع ايده ويأشر علي  الصباع المقطوع _ اكتر حآجه  مضيقاني انهم مش  مخترعين اطرافع صناعيه لصوابع،  لكن  الحمدلله  استعوضت ربنا  في  صوباعي،  لكن  يا عمو...  انا  عاوز مقابل لصباعي،  وهو  تعويض بسيط بدال ما انا  من غير  صوباع كده  خالد  _ والتعويض اني  اقطعلك صوباع من ايدي طبعا 
سليم  _ ههههه  لا لا،  انا  طيب  مقدرش  اعمل  كده 
خالد  _ امال  ايه  
سليم  يحسب بتمتمه _ لو اعتبرت ان صوابعي الخمسه  اتقطعو وحسبنا الصوباع بعشره،  يبقي عشره  في  الخمسه  ب خمسين  مليون  جنيه  ....  اه صح  خمسين مليون  ...  ( يبتسم  ببرود  )  عاوز خمسين  مليون  ..  بس  يا حمايا العزيز 


تعليقات



حجم الخط
+
16
-
تباعد السطور
+
2
-