الفصل الخامس الاخير
بقلم نشوه عادل
وجدان وهى بتخبط ع صدرها: يا مصيبتى انتى بتقولى ايه اتجوزتيه ازاى وامتى؟!
سلمى بعياط: مش انتى اللى قولتيلى اعملى اى حاجة عشان ميطيرش
من ايدك انا عملت اللى انتى طلبتيه منى مالك دلوقتى مصدومة ليه!
وجدان: طب والصريطى وايصالات الامانة اللى ماسكها عليا والفضيحة اللى هتحصل ادام الجيران اعمل فيها ايه؟
سلمى: هو ده كل اللى همك نفسك والناس انما انا مش مهم عندك
ولا مهم انى هعيش عمرى مع راجل اد ابويا المهم انك مش تتسجنى
سمعنا صوت جرس الباب خرجت وجدان تفتح عشان تتفاجئ بالصريطى ادامها: ازيك يا حماتى
وجدان باضطراب: اهلا يا سيد بيه اتفضل
سيد: فى ايه مالك يا وجدان شكلك ميطمنش؟! هى العروسة فيها حاجة ولا ايه؟!
وجدان: ابدا ابدا دى مستنياك من بدرى
سيد: اومال فى ايه مالك؟!
سلمى خرجت وقالت: انا اقولك يا سيد بيه انا متجوزة عرفى من شاب اسمه حسام
انهت كلمتها الاخيرة لتتفاجئ بقلم نازل ع وشها .. سيد بشر: متجوزة وعرفى كمان بتستقرضينى يا بت ورايحة فين رايحة الدرس جاية منين جاية من الدرس اسمعى باب اوضتك ده مش هتخرجى منه تانى انتى فاهمة
سلمى: انا بكرهك بكرهك
وجدان: اهدى بس يا سيد بيه كل مشكلة وليها حل
سيد: حل انتم خليته فيها حلول اسمعى يا وجدان معاكى يومين اثنين مفيش غيرهم البت دى تطلق وبعد 3 شهور هكون كاتب عليها والا لو عدى اليومين انتى عارفة انا هعمل ايه كويس
نزل وسابهم فضلت سلمى تعيط: ماما ارجوكى موتينى بس متجوزنيش للراجل ده
وجدان: انتى تخرسى خالص يالا انجرى ادامى
سحبتنى من ايدى ولقيت نفسى ادام بيت طنط الهام طلعنا فوق ولقينها موجودة
الهام: اهلا يا وجدان ايه الخطوة العزيزة دى اتفضلوا ادخلوا
دخلنا لكن وجدان قالت: من غير كلام كتير يا الهام ابنك ضحك ع بنتى واتجوزها عرفى من ورانا
الهام بصدمة: انتى ايه اللى بتقوليه ده يا وجدان حسام ابنى مش ممكن يعمل كده ابدا
خرج حسام ع صوت الزعيق واتفاجئ بسلمى وامها وهنا كملت وجدان: اهو بسلامته اهو اسإليه بنفسك
الهام: حسام انت متجوز سلمى عرفى؟!
حسام مردش وبص فى الارض فكررت الهام كلامها بصوت عالى: انا بسألك انطق الكلام ده صحيح
برضه مفيش اجابة ... الهام: فين الورقة؟! بقولك هات الورقة دى حالا
دخل حسام ع غرفته وطلع ومعاه الورقة .. الهام: ارمى عليها يمين الطلاق
بصيت لحسام بنظرة فيها نوع من التوسل انه ميتخلاش عنى لكن صعقنى كلامه: انتى طالق بالتلاتة يا سلمى
اخدت وجدان الورقة وسحبت سلمى وراها وهى منهارة من العياط .... دخل حسام ع غرفته وهو مضايق جدا فدخلت الهام وراه: اقولك مبروك ع الجواز ولا ربنا يعوض عليك ع الطلاق
حسام: ماما انا...............................
الهام مقاطعة: بلا ماما بلا زفت بقى انت اتخطيت كل الحدود كل الناس كان عندها حق لما قالولى انى
دلعتك وبوظتك بس خلاص من النهاردة هربيك من اول وجديد وهعلمك معنى كلمة رجولة من هنا ورايح هتنزل المصنع وهتشتغل زيك زى اى
عامل وتصرف ع نفسك من المرتب اللى هتاخده ومن الكلية للشغل للبيت وكل ده تحت عينى انت فاهم
خرجت الهام وسابته بدون ما تسمع منه حتى رد .... بعد مرور تلات شهور اتجوزنى الصريطى غصب عنى وحرمنى من تعليمى وكمان منعنى من التواصل مع امى وكل
يوم علقة ع الفاضى والمليان وبعد سنة تعب الصريطى بمرض خبيث ومات بسببه وبعدها ورثت منه ارث كبير اخدته وروحت بيه ع محافظة
تانية بعيد عن امى وعن كل الذكريات اللى بتوجعنى واخدت لنفسى شقة ع ادى وقدمت فى الثانوى من جديد واتخرجت من كلية الطب زى ما كنت بحلم
سلمى وهى بترجع ع الكرسى بضهرها: بس يا سيدى هى دى حكايتى
خالد زميلها بالمستشفى: يااااااه يا سلمى كل ده عانيتى منه كل ده
قدرتى تتخطيه لوحدك ده انتى جبل بس انا عايز افهم ليه حكيتلى كل ده؟!
سلمى: عشان مينفعش ابدأ حياتى معاك بالكدب يا خالد انا مقبلش
انى اغشك وعاجلا او اجلا كنت هتعرف الحقيقة فتعرفها منى احسن ما تعرفها من الغريب
خالد: واللى انتى قولتيه ده كله مأثرش فى حبى ليكى ولا احترامى
ليكى واى بنت مكانك اتربت وسط ناس انانية زى اهلك اسف متزعليش
منى انى بقول عنهم كده كان اكيد مصيرها هيكون اسوء من كده بس
انتى قوية وخرجتى نفسك من المحنة وبدأتى حياة جديدة فى النور وده يخلينى اتمسك بيكى اكتر
سلمى: يعنى عمرك فى يوم ما هتعايرنى بحياتى واخطائى؟!
خالد وهو بيمسك ايدها: انا مقدرش احاسبك ع الماضى لانى مكنتش
فيه وكمان كل واحد فينا بيغلط محدش فينا معصوم من الخطأ واخطائك مكنتش بارداتك انتى كنتى ضحية يا سلمى
سلمى بابتسامة: انا ارتحت اوى انى حكيتلك حاسة انى شيلت جبل هموم من ع قلبى
خالد: طب ايه رأيك نكتب الكتاب النهاردة؟
سلمى: ايه النهاردة؟!
خالد: خير البر عاجله يا اميرتى
وافقت سلمى وكتبوا الكتاب وعوضها خالد عن كل اللى عدى ورجع
ليها الثقة من جديد سواء فى نفسها او فى اللى حواليها وده مش من اول مرة ده بعد محاولات
كتير بدون استسلام او يأس ورزقت منه بولد وبنت ربيتهم تربية اسلامية وكانت دايما
صديقة ليهم وبتحاول متخليهومش يقعوا فى نفس اخطاءها🤍