رواية صرخت عذراء
الجزء الثاني الفصل السادس6
بقلم صاحبة السعاده
تأكدت جميله من شكوكها فذلك هو نفس الشخص الذي كانت تتغزل به ندى..
جميله لنفسها:وبعدين بقي..اقوله ولا اي؟؟ بس انا معنديش دليل..ثم قالت بعزم:وانا مالي مسيره يعرف.
رأي مجدي ندى وهي تشير اليه من بعيد وكانت ترتدي فستان فاضح كالعاده..
تقدم اليها بأبتسامه خبيثه وقال:اي القمر دا يا بطتي!
ندى بتوتر:مجدي مش هنا هاه متنساش رافت والناس هنااا.
مجدي بتهكم:No problem my honey.
ندى:يا سلام.
غمز مجدي اليها وقال:عملتي اي في موضوعنا؟
ندى:مش عارفه افصل اللي اسمها جميله عن زين ابدا عامله زي اللزقه كدا.
مجدي وهو يجز علي اسنانه:رافت مينفعش يبقي له نسل يا ندى الورث كله هيروح لابنه وانت بحح.
ندى وهي تنظر حولها بتوتر:عارفه عاررفه اعمل اي طيب!
مجدي:اربع سنين مش عارفه تعملي حاجه!!
ندى:اصبر بس هجبلك خبره قريب بس اللي الزفته جميله دي تسيبه واستفرد به.
مجدي:مين جمل دي؟
ندى؛جميله يا مجدي اسمها جميله..بص وراك هتلاقي واحده محجبه لابسه فستان احمر هي دي.
نظر خلفه بترقب وجدتها تضحك وتلهو مع زين فقال لنفسه:اي الفرس العربي الاصيل دا؟
ندى:مجدي..مجدييي.
انتبه اليها فقال:ايي؟
ندى:عرفتها؟
مجدي:اه عرفتها.
ندى:زي مانت شايف كدا علي طول معاه.
مجدي بشهوه:بقولك اي..اي رأيك اخطفها؟
شهقت ندى وقالت:انت اتجننت ولا اي؟؟
مجدي:ماهي فرسه بصراحه متتسابش.
ندى بحنق:مجدي!
مجدي بضيق:خلاص خلاص انت صدقتي ولا اي.
ندى:لا صدقت ولا زفت ويلا روح عشان الناس لاحظوا وقفتنا دي.
قال مجدي بصوت مرتفع:كل سنه وزين طيب يامو زين وابقي كلميلي السفير ضروري.
ندى بأبتسامه صفراء:يوصل.
ندى مجدي بجوار جميله وتعمد ان بصطدم بها بقوه..
جميله:ماتحاسب يا متخلف انت.
مجدي بتفاجئ:متخلف! انت بتكلميني انا كدا.
جميله وهي تضع يدها في خصرها:وانت شايف متخلف غيرك هنا؟؟
مجدي بوقاحه:احب الفرسه لم ترفس.
جميله:طب خد بالك بقي المره الجايه هرفسك في خلقتك العكره دي..جاتك القرف.
سمعت جميله صوت بكاء زين فالتفت اتجاه الصوت وجدته ساقط علي الارض ويمسك ركبته ويبكي..
جميله بصراخ:شوووفت خالتني اسرح عنه روح منك لله..ثم ركضت الي زين وحملته واتجهت الي الداخل..
دخلت الي المطبخ واجلسته علي المنضده واحضرت علبة الاسعافات ووقفت امامه بندم وايدي مرتعشه..
جميله بنبره مرتعشة وندم:زين حبيبي اهدي.
زين ببكاء:بتوجعنننييي.
جميله:عارفه عارفه بص سيبني اشمر بنطالونك عشان اطهر الجرح.
زين وهو يمسح دموعه:هتوجعيني!؟
جميله:شويه اه..بس انت راجل لازم تتحمل الوجع مش كدا ولا اي.
هز رأسه بتفهم فأبتسمت جميله ثم كشفت عن ساقه المصابه..
مسك زين يدها وهو يقول:براحه ماشي!
جميله:طييب اي رأيك تحضن كتفي لو وجعتك تضغط عليه جامد وتتحمل الوجع.
نظر لعيناها وجد بها نظرت الثقه والأمان فاحضتن كتفيها..
فبدءت جميله بتطهير الجرح فصرخ زين صرخه مكتومه في كتيفها..تألم قلب جميله لتلك الصرخه فاكملت التطهير ثم ضمدت الجرح..وطبعت قبله صغيره مكانه...
وابتعدت وحاصرت وجه زين بين كفوفها ومسحت دموعها وقالت بفرحه:شاطر يا زين..هتكون زي بابي قوي.
زين بوجه برئ:بجد!
جميله:بجد يا قلبي..ثم قبلت رأسه واحضتنته بقوه..
كان كل شيء تحت مسمع ومرئى رافت فهو رأي سقوط زين ولكن قبل ان يصل اليه قامت جميله بالواجب..
رافت لنفسه:انت تستحق امك الحقيقه يا زين مش ندى!
ثم تقدم باتجاهم وقال بقلق:زين انت كويس!
ابتعدوا عن بعضهم فنظر رافت لوجه جميله وجدها تبكي..
زين:جمييله انت بتعيطي لي؟
جميله وهي تسمح دموعها:مفيش يا حبيبي كنت زعلانه عشانك.
زين:لا خلاص متزعليش بقي انا هكون زي بابا قوي.
رافت:زيي؟!
زين بسعاده وحماس:اه جميله قالت اني لازم اكون قوي زي بابي.
نظر افت لجميله فابعدت وجهها عنه فقال:ولازم تكون في صبر جميله!
نظرت جميله اليه فأكمل:اتعلم مني القوه واتعلم من جميله الصبر.
زين:حاضر يا بابي.
جميله:هتقدر تمشي عليها يا زين.
زين:معرفش نزليني كدا.
انزلته جميله فلمست قدميه الارض وكتم وجهه ولكنه لم يحتمل فبكى..
حملته جميله مجددا وقالت:خلاص يا زين متزعلش بقي.
زين:عاوز امشي بس بتوجعني اووي.
جميله:عندي فكره.
نظروا لها الاثنان فقالت:تمشي زي الراجل العجوز الاعرج.
زين:ازاي؟
جميله:هنزلك وتمسك ايد بابي وانا امسك ايدك التانيه..عشان هتروح تطفي الشمع.
زين بفرحه:الله طب يلا.
نظر رافت لها وامسك زين من يد وجميله اليد الأخرى..
جميله:متضغطش عليها بقي اعرج اكنك راجل عجوز.
فعلها زين وقال بضحكه طفوليه بريئه:شكلي عجوز بجد.
جميله:عجوز قمر.
ضحك زين واكملوا سيرهم حتي وقفوا امام منضده عليها الكعكه المزينه وفوقها شمعه علي رقم اربعه..
تركته جميله يقف علي كرسي بين رافت وندى وابتعدت عن الإطار باكمله ووقفت بعيد..
اخذ زين يبحث عنها بعيناه..
زين:بابي فين جميله.
رافت:معرفش اختفيت.
نظر رافت حوله فوجدتها تنظر اليهم من بعيدا فقال:اهي يا زين هناك.
فقالت ندى بحقد:زين انا مامي معاك.
نظر لها بعدم اهتمام وقال:هات جميله يا بابي تقف جنبي عاوزه تطفي الشمعه معايا.
ندى بحنق:لا مفيش زف..قاطعها رافت وهو يقول:اخرصي.
نزل زين وهو يمسك كف والده تحت انظار الجميع وذهب الي جميله..
انحنت جميله اليه وقالت:اي يا زين جيت لي؟
زين وهو يمسك كفها:جيت اخدك تطفي الشمع معايا انا وبابي.
ثم سار وهو ممسك بها في كف رافت الكف الاخر حتي وصلوا الي المنضده..
وقفت جميله خلف زين واحضتنته من الخلف ووضعت رأسها علي كتفه..وأخذوا جميعهم يغنون أنشودة عيد الميلاد ثم طفوا الشمع..
صفق زين بسعاده ثم طبع قبله علي وجه جميله..التي بدورها كانت ستطير من سعادتها..نظرت ندى اليها بضيق ثم تركتهم ودخلت الي داخل المنزل..
ودع رافت الجميع وتبقي هما فقط الثلاثه..
رافت:فرحان يا زين!
زين:اه فرحان عشان جميله معايا.
رافت:خد بالك بدءت اغير منها.
احضتنه زين وقال:انت بابي حبيبي وصحبي صح!
احضتنه رافت بقوه ورفعه عن الارض ولف به عدت مرات تحت ضحكات زين وقال:انت روووح وقلب بابي من جوا.
كانت جميله تشاهدهم بسعاده ثم انزله رافت بحذر حتي لا يتألم زين وقال:اخدنا صور كتيره انهاردا.
زين:جوجو ظهرت!
رافت:طبعا مش كانت معانا ساعة طفى الشموع.
تثأب زين وقال بنعاس:امممم جوجو.
اتجهت جميله اليه وحملته فقال وهو يدعك عيناه بنعاس:عاوز انام.
جميله:تعال نغير البدله دي وتنام براحتك.
هز راسه فقالت ل رافت:عن اذنك.
فهز رأسه بتفاهم فصعدت الي غرفة زين وغيرت ملابسه...
ووضعته في فراشه فامسك يدها وقال بأبتسامه ناعسه:علي فكره شكل بابي بدء يحبك!
ابتسمت جميله:نام يا زين.
نهض زين وقال:جوجو لو بابي طلب يتجوزك هتوافقي؟
عبثت في شعره وقالت:هوافق عشانك.
قفز زين في احضانها وضمها بقوه وقال:هتجبيلي اخوات صح؟؟
ضمته جميله بقوه وقالت:اه هجبلك اخوات كتييير اوي.
ابتعد عنها وقال:يعني مش هكون وحيد!
جميله:لا مش هتكون وحيد..وانت دلوقت مش وحيد بردو بابي موجود وانا موجوده ومام..قاطعها زين:لا مامي لا مش بحبها.
تنهدت جميله ونظرت للارض..ثم رفعت رأسها بسرعه وقالت:يالهوي نسيييت اديك هديتك!
ثم خرجت ونزلت الي غرفتها واحضرت صندوق هدايه كبير وصعدت مره اخرى ووضعته أمامه..
جميله:يلا افتحها.
نظر زين اليها ثم الي ذلك الصندوق وهم بفتحه ليصرخ بسعاده وهو يحمل سياره ذات تحكم عن بعد باللون الاحمر..
زين وهو يكاد يقفز من السعاده ولكن ألم ركبته تعكر صفو فرحته:عربيييههه حمراااا. ثم قفز في احضان جميله..
ضمته ثم قالت:عجبتك يا زين.
زين بفرحه:اووي يا جوجو.
جميله:بس انت جاتلك هدايا اغلي واحسن من دي!
زين:بس معجبتنيش زي الهديه دي ثم طبع قبله علي خدها ..
جميله براحه:طيب ننام بقي عشان نصحي بدري للحضانه.
زين:ماشي تصبح علي خير.
قبلته جميله من جبينه:وانت من اهله يا روحي.
احضتن زين السياره ونام وهي بين يديه..فخرجت جميله واغلقت الباب وزفرت براحه..ثم نزلت الي غرفتها واغلق الباب..
سمع رافت كل ما قاله زين ل جميله عن الزواج من والده ورغبته في ذلك بشده..فقال لنفسه:هحاول يا زين هحاول.
ثم ذهب الي غرفته وجد تلك الحيه نائمه فغير ثيابه ونام بجانبها...
في الصباح..
وجدت جميله من يضرب علي وجهها بكفه الصغير ففتحت عيناها وتبسمت واخذته في احضانها..
جميله:صباح الخير.
زين:صباح النور يلا بسرعه اصحي!
نهضت جميله وجلست علي حافه الفراش:حاضر بس ليه؟
زين:انا هروح مع بابا الشركه وعاوزك معايا.
فتحت عيناها واغلقتها مجددا وقالت:ايه؟؟
زين:يلا بسرعه مفيش وقت للاستغراب.
جذبها من يدها واوقفها وقال:يلا بسرعه قالي قدامكم ربع ساعه.