ركبنا الاسانسير وانا ركبي بتخبط ف بعض قلقانة تحصل مشكلة واول
ما نزلنا لقيت مصطفي ف وشي
بص ل أحمد وقال بستهزاء وضحك
_اي دا انت هتيجي معانا
_اجي معاكم!!؟
اجي فين يبا؟
_الله الله الله..هو انتِ مش قيلالة انك نازلة تقابليني!
احمد بصلي شوية وراح بصلة وقال
_هو مين قالك اصلا ان اناا رايح معاها ف حتة..انا اصلا رايح مشوار..
غمز وكمل
_رايح قاعدة كبار ملكش فيها انتَ يسُكر
ولف بصلي وكمل
_متتاخريش ي ليلي ها..
هزيت راسي ب ارتباك وانا مش عارفة اي الموقف الزفت ال حطيت نفسي في دا
سبني احمد ومشي وانا عارفة انة مش هيجبها لبر قطع تفكير مصطفي وهو بيقول
_حاسس ف حاجة غلط
بصيتلة وقولت ب ارتباك
_ها لا ولا حاجة.
_يالة طيب..تحبي نتمشي ولا نقعد ف حتة
_لا حابة اتمشي
_تمام
فضلنا ساكتين ما يقارب ال ربع ساعة لحد ما هو قطع السكوت وقال
_انا بحبك
رفعت راسي لية وبصتلة بسرعة بذهول فكمل كلام
_مستغربة!
لي مانا فعلاً بحبك..
سكت شوية فكمل
_انا من زمان من واحنا صغيرين كنت بحب العب معاكي جداً وبتبسط لما بتبقي معايا..بس لما عزلتي وسبتي القاهرة اصلا وسافرتي اسكندريه انا كنت زعلان جدا ومكنتش متخيل ان هعرف اشوفك تاني..واهو القدر جمعني بيكي تاني وكمان سبحان الله كان فعلا ف ترتيبات غريبة علشان نتقابل..فجاة.. انا بعد ما خلصت دراسة جيت هنا واستقريت سنة وجيت جربت انزل تاني مصر وبالتحديد اسكندرية علشان كان لازم اخلص ورق ولحسن حظي لقيتك..مكنش ف يوم بنام قبل ما بفتكر كل حاجة بينا..
فتح زرار القميص وطلع سلسلة لابسها وقال
_فاكراها! كنتي جيبهالي لما نجحت ف سنة خمسة ابتدائي كنت انتِ لسا ف تانية ومن ساعتها وانا مقلعتهاش ع امل القيكي تاني..
كنت بسمع كلامة وانا دموعي بتنزل..مش عارفة دا لان خايفة يكون اتظلم معايا او لان مش عارفة احدد هعمل اي
كمل وقال
_لما شوفتك ف الطيارة حسيت ان روحي ردت فيا تاني وان اخيرا هحاول مضيعكيش من ايدي تاني زي زمان..
ضحك بحسرة وكمل
_بس الاستاذ احمد بوظ عليا كل حاجة..حبيت اعترفلك بحبي دلوقت..
مسك ايدي وقال
_حبيت مضعيش مني تاني
بصلي فقال
_مش عاوز رد منك دلوقت فكري وشوفي عاوزة اي وانا معاكي ف اي حاجة..اتفقنا
ضحكت وقولت
_اتفقنا
اتمشينا شوية وفجاة ببص ف الساعة لقيت الوقت اتاخر
_مممكن اروح...اتاخرت اوي وعندي حاجات كتيره بكرا لازم اصحا بدري
_تمام ياله اوصلك
وصلني تحت البيت وانا طالعة فنادي عليا لفيت وبصتلة فقال
_هتسنا ردك..هستناكي
هزيت راسي وطلعت بسرعة وانا ف راسي الف سؤال وسؤال وكمان كلام احمد ال مش هخلص من تحقيقة
طلعت خبطت الباب ف فتح وقال
_لسا بدري والله..
سكتت فكمل
_مقولتليش لي انك نازلة معاة؟
اخدت نفس ودخلت جوا الشقة وقفلت الباب وقولت وانا بحط الشنطة ع التربيزة
_انتَ مدتنيش فرصة اشرحلك
_والله!
والمفروض كان تقوليلي امتا بقا
قال وهو بيخبط ع التربيزة جامد
_لماا اتحط ف موقف بايخ وزي الزفت قصااد واحد زي دا ميسواش
_أحمد لو سمحت متشتمش علية..زي ما انا مرداش يشتم عليك مرداش انك تشتم انتَ علية
_بتدافعي عنة لية عاوزة افهم!!!
_علشان بيحبني
سكت فكملت
_بقالة سنين بيدور عليا وعمرة منساني لحظة واحدة..ولما اخيرا لقياني
سبحان الله تظهر انتَ ف حياتي تاني ويكون مصطفي اصلا عدوك اللدود..
قال بزعيق خلاني اتنفض من مكاني
_ما كل دا علشاااانك..انا كنت بكرهه مصطفي وما زلت علشاان كان باين ان ف حاجة ناحيتة ليكي من واحنا صغيرين..علشاان بكرهه اي حد يقرب منك حتة لو كان مين..علشان انا بحبك يليلي
فضلت واقفة بصالة لحد ما اخدت شنطتي بسرعة ودخلت اوضتي قفلت عليا الباب..صليت وانا بعيط..اختار ال حبيتة
ولا اختار ال حبيني..بين نارين محدش عارف يطفيها..بين مصطفي صديق الطفولة..وبين أحمد حب عمري..
نمت من التفكير
_انا بجد بحبها..منكرش ان كنت غبي علشان بعدت عنها فترة كبيرة وكمان
فترة ثانوي دي كلها كنت بحاول ابعد واتهرب منها..بس دا كلة خوف من ربنا وخوف ان لو عملت حاجة تغضب ربنا ميكرمنيش فيها ومكنش من نصيبي
..انا بحبها من زمان اوي وكنت دايما بغير من مصطفي عليها كان كل ما بروح عند خالتي كانو علطول
مع بعض..واوقات كنت بضربة علشان يبعد عنها..الكام يوم ال كنت بجيهم عن خالتي من اسكندريه للقاهرة ف الاجازة كان اغلبهم او كلهم بقعد مع
ليلي ولما ربنا اراد انها تيجي تعيش هي واهلها ف اسكندريه واتنقل شغل باباها وعاشو واستقرو كنت
فرحان اوي انها هتبقا معايا اغلب الوقت..وان كمان مصطفي هيختفي من حياتها..كنت عارف انها بتحبني بس بغبائي سبتها ومشيت..ولما حمدت
ربنا انها جت وهحاول اخليها تسامحني يطلعلي سي زفت ويخرب الدنيا
طلعت نص الصورة ال هي فيها من جراب الموبيل..محتفظ بيها
بقالي سنين وعمرها ما فرقتني بحاول اصبر بيها نفسي واصبر وجع الفراق كل ليلة بيها...
صحيت من النوم لقيت أحمد نايم ع الكنبة وف ايدة صورة..اخدتها بشوف
صورت مين لقيتها صورتي..!!