رواية مر الاختيار الفصل السادس6بقلم حبيبة ممدوح
صوت الاجهزة بداء يعلي واغم عليها
قولت وانا بحاول افوقها
_ليل انتتتِ كويسة ..ليل فوقييي
طلعت جري اشوف حد يساعدنا
_حد يلحقني يجماعةةةةة...مراتي بتروح مني......
الدكاترة كلهم دخلو الاوضة وجيت ادخل
_لو سمحت خليك هنا دقيقة
كنت واقف مش عارف اعمل اي دماغي هتنفجر من كتر التفكير قعدت ع الارض
وانا ماسك دماغي و مش قادر حاسس ان ف نار جوايا سرحت شوية وافتكرت..
قولت وانا بعدل چاكت البدلة
_هاا ي امى اي رايك كدا
_قمر يواد عشت وشوفتك يمحروس عريس
بوست ايديها وقولت
_ربنا يخليكي ليا يست الكل وتشوفي احفاد عيالي
ضحكت وقالت
_يواد يبكاش وانا اجيب العُمر دا كلة منين بس انا كفايا علياا ان شوفتك عريس يضنايا، واتمني من الله ولا يكتر عليه شيء ان اشوف اول حفيد ليا يحبيبي..
_ربنا يديكي الصحة ي أمى ..فين الحاج بقا هنتاخر
طلع من الاوضة وقاال
_مالك ياض انشف كدا متصربع على الجواز اوي كدا لي
قولت ببكش
_بقا ي حاج ع الاساس انك مكنتش متصربع وانتِ بتتجوز امى
ضحك بتصنع وقال
_طبعاً طبعا
وقال بهمس
_كان يوم مطلعتلهوش شمس
_بتقول حاجة يا حاااج
_أبداً ي ام محروس بقولك اتاخرنا
_اممممم...طيب ياله يواد
وصلنا بيت ليل ال ميبعدش عن بيتنا بدقايق..
طلعنا وانا كان جوايا فرحة غير عادية مش مصدق ان خلاص هتتخطبلي
كنت قاعد ولقيتها داخلة عليا..بدر منور..تشبهة القمر ف ليلة كمالة وقفت وانا مش حاسس بنفسي سلمت عليها ومكنتش عاوز اسيب ايديها..
_احم..ايدي
قولت ب احراج
_آسف..ماخدتش بالي
سكتت شوية ف اتكلمت
_انا مش مصدق نفسي
قالت بضحك
_صدق عادي
_انا بجد مكنتش اعرف إن ف حد هيوقعني بالسهولة دي..انا عرفت نسوان بعدد شعر راسي
شاورت ع قلبي وقولت
_مفيش حد عرف يهز دا غير واحدة بس، غيرك انتِ ي ليل.
وشها احمر وحستها اتحرجت فقولت
_اتمني تحبيني ربع ما بحبك..ربع بس حبة صغننه
شاورت ب ايدي وقولت
_قد كدا اهو
ضحكت وقالت
_هنشوف الموضوع دا بعدين..
فوقت على صوت الدكتور
_لو سمحت
قومت بسرعة من ع الأرض وقولت
_ايوا يدكتور طمني
_للاسف المدام جاتلها صدمة عصبية وانا اديتها ابرة منونة هتقدر ترتاح دلوقتي ومينفعش تتعرض ل اي توتر الفترة دي خالص
والا كدا هيبقا ف خطر عليها وع الجنين..قعدت حضرتك ملهاش فايدة اتفضل تقدر تروح دلوقتي هي كدا كدا هتفوق الصبح..
كنت واقف باصص عليها من برة الازاز وانا مش قادر اتخيل انها ممكن تتأذي بسببي..
كنت ماشي ف الشارع مش عارف اعمل اي ولا اروح فين لحد ما لقيت رجلي وخداني ل اول مكان قعدنا في..
_بتحبية..
_هو مين
_البحر ي ليل البحر
_وهو دا سؤال!
اومال احنا هنا لي
_مش علشان بنحب بعض مثلا والمفروض نبقا ف جو رومانسي وكدا وامسك ايدك ونقعد نقول كلام حب و...
قاطعتني وقالت
_اييييييي حيلك حيلك يعمهم جو رومانسي اي وبنحب بعض ايي ي راجل اتقي الله ولا اقول والله لقول ل ابويا
_بتت بتت اسكتييي ابلعييي ريقككك فضحتنينا يخربيتككك
_مانت ال بتقول كلام ميعقلش
_انا بردو ي ام لسان مضرب يالهوي عليا انا عارف ان هشوف ايام..
قاطعتني وقالت
_ايام اي..متكمل سكت لي يخويا
قولت وانا بجز ع سناني
_اياام عسل..
كملت بتسبيل وقولت
_عسل يعسل
_يالهوتتاااااي هرج....ع من كتر التلزيق
_يشيخة ربنا يبتليكي بقرفة زي ما انتِ قرفانة
وجيبالي القرفة...اي يبت المصطلحات ال بتستخدميهاا ف كلامك دي!
هو انا جايبك من الشارع يبت
_مالها مصطلحاتي يخويا مش عاجبك..
قولت وانا بمسح ب ايدي ع وشي
_صبر ايوب يااارب، لا يختي عجبني وميعجبنيش لي
قالت وهي بتعدي التيشيرت بعنطظة
_ايوا كدا رجالة متجيش غير بالوش الخشب
_اة يمرارتي..بت هو انتِ محدش علمك تتكلمي ازاي مع خطيبك؟
_انا؟ أبداً
_ولا حتي تقوليلة كلام حب؟
_حب مين يالي جاااك حبك بر...ص يااض هو انتَ جوزي!
_جوزززك مستقبلاً ..وشكلي هغير رايي
_طيب يخويا لما تبقا جوزي مستقبلاً هبقا اقولك كلام حب ع عيني والله..انما دلوقتي ف كان في وخلص..
_يشخة روحي ربنا يسد نفسك زي ما سدة نفسي
_انتَ بتدعي عليا ؟
_أبداً ان شالله ال يكرهوكي يختي
_يالهوييييي
_اي تاااني
_كدا عيلتنا كلهم هيموتو..
ضحكت وقولت
_بقا ف حد يكرهه القمر دا
_ييييييي كتير
_احكيلي يختي وفضفضيلي مين ال منتص ف نظرة دا وكرهك
_تصدق بالله
_لا اله الا الله
_ما في حد منتص ف نظرة غيرك..
_يشيخة ارحمي امى بقااا هسيبك وامشي
_خلاص ي محاميحو متبقاش قفوش كدا يراجل الاه
قولت وانا رافع ايدي للسما
_الحمدلله يااارب كلمة عدلة طلعت من بوقها ال بيطلع بيكاب...ورت من ساعة ما قعدتتتت
ضحكت فقولت
_بالله ما في حاجة خطفت قلبي غير ضحكتك..
مكنتش طايق اروح الششقة وهي مش فيها روحت بيت ابويا وماما هي اكتر حد هتقدر تحتويني.
_مالك يبني فيك اي
_ليل.
قالت بخوف
_مالها ليل يواد متنطق
_ف المستشفى..ادعيلها ي امى
قولت وانا دموعي بتنزل
_انا مش عارف اعمل اي انا تعبان اوي..حاسس اني بجري ف دايرة مقفولة.
.ومش عارفة اخرج منها
_تعالة يضنايا نام ع رجلي تعاله
نمت ع رجليها ومنطقتش ولا كلمة لحد ما روحت ف النوم..
صحيت ع تليفون
_الو..
_الحق........