رواية احببته سرا الفصل الثالث3بقلم ولاء طه
ريم /انا مبقابلش حد اللي عاوز يجي يسأل مش هيتوه عن اذنكم
نزلت قعدت ف كافتيريا المستشفي وانا قلبي بيتقطع عليه وعلي البهدله اللي فيه وف نفس الوقت متضايقه منو انو مش
واخد بالو من حبي ليه
طلبت قهوه ساده ورنيت علي اعز صاحبه ليا مريم قولتلها تعاليلي ف المكان ده وبعد نص ساعه وصلت
عند كريم /نورا واهلها قاعدين معاها وهو عمال يتكلم معاها ويهزروا سوا
وكوثر وايمان ونبيله والدت نورا قاعدين يتكلمو علي جهاز العرايس والاتفاقات اللي بينهم
اما والد كريم ووالد نورا قاعدين علي قهوه جمب المستشفي
نورا /كريم. انا شوفت بنت خارجه من الاوضه بتاعتك وانا نازله هي قمر اوي مين دي
كريم./دي ريم بنت خالتي ايمان
نورا /هي عندها كام سنه
كريم/20بس ليه بتسالي عنها
نورا /بابا شافها وعجبتو عاوز يخطبها لمازن اخويا
كريم/مش عارف بس متهيالي هترفض لانها رفضت احمد صاحبي لما اتقدم لها وهي اصلا رافضه الفكره عموما قالت لخالتي قبل كده انها مش هتفكر ف الارتباط غير لما تتخرج
عند ريم
ي مريم بقولك بيقولي انزلي قابلي الزفته خطيبتو واهلها مش حاسس بيا ده جبله
مريم/هيحس بيكي ازاي ي بنتي هو انتي كنتي لمحتيلو بحاجه ولا قولتيلو ده انتي وهو ولا اللي مولودين ع رأس بعض احنا هنستعبط وبعدين انتي عامله ولا سيد صاحبو اما بتشوفيه عندكو حتا م بتقوليش له سلام عليكو بصي ي ريم خلاص بقا سيبك منو هو خطب وشاف حياتو اللي بيحب حد بيحب يشوفو مبسوط انسيه
ريم/انسي اي بس م انتي عمرك م هتحسي بيا ع العموم ربنا يوفقوا
مريم عشان تلطف الجو غنت لها/ اللي روحي معااااااه بيقولولي انسااااه بس هنسي ازاي حد ينسي حياتو قلبو في دقاتو حد ينسي حياتو قلبو في دقاتو
ريم وقد وشكت ع البكاء /مريم يالله نمشي. انا هرن علي امي اقولها اني همشي
مريم /تمام يالله
ريم /الو يا ماما انا هروح البيت هجهز الغدا انا ومريم وهستناكي
ايمان/ خلاص ماشي انا مش هاجي غير لما خالتك تروح هي وكريم فلو اتاخرت اتغدوا انتو وحسابي معاكي اما اجي
ريم /تمام +هو اي اصلو ده هو اي اللي حسابي معاكي هو انا كنت عملت اي يا ماما
ايمان /اما اجيلك وقفلت التلفون في وشها
مريم /يالله
ريم /يالله ي بنتي
عند كريم
اي عمي جلال مستعجل ليه بس ده انتو حتا منورنا والله
جلال/لاءا ي ابني كويس اننا اتطمنا عليك هنروح بقا وان شاء الله لينا قاعده تانيه عشان عاوزك
نادر والد كريم/تنور ف اي وقت يا ابو مازن
ومشيت نورا هي ووالدها ووالدتها بعد ما ودعت كريم
كريم /يالله يا ماما انتي وخالتي خلينا نمشي انا مبحبش قعدت المستشفيات دي
ايمان /علي رايك ي ابني يالله بينا
بعد وقت وصلت ايمان وكوثر وكريم ونادر بيتهم وايمان اتطمنت عليهم وجايه تمشي كريم نادلها
كريم /خالتي بعد اذنك كنت عاوزك ف كلمه قبل م تمشي
ايمان /خير ي حبيبي ف اي
كريم/هي ريم كانت مالها واحنا ف المستشفى انتي زعلتيها ولا حاجه
ايمان/لاءا ي حبيبي بس اصل انا خضيتها ومرمتها معايا كانت خارجه وانا رنيت عليها قولتلها تعالي وديني لخالتك حالا ف هي اتوترت بس كانت بتحسب ف حاجه
كريم/طيب ي خالتي تمام انا كنت بحسب ف حاجه
ايمان/لا ي حبيبي طيب انتا عاوز حاجه انا همشي بقا
كريم /لاءا سلامتك ي خالتي
ايمان /يالله سلام عليكم ي جماعه
ايمان وهي ف الطريق رنت علي تامر جوزها
الو اي ي تامر انا مروحه البيت اهو عاوز اي اعملهولك علي الغدا
تامر/لاءا ي حبيبتي اتغدوا انتو انا هبات ف الشغل عشان عندي شغل كتير النهارده
ايمان/طيب ي حبيبي خالي بالك من نفسك
تامر/حاضر وانتي كمان يالله في رعايه الله
عند ريم
اموت واعرف نورا دي تقربلك اي ي مريم عشان كل م اقولك حاجه عليها تتحمقي اوي كده
مريم /ي بنتي والله م اعرفها بس انا قصدي انها مش زمبها حاجه ابن خالتك هو اللي خطبها يعني هي اللي رمت بلاها عليه
ريم /هششششش اسكوتي الباب بيتفتح امي جت قطعي السلطه وانتي ساكته اخرسي
مريم/طنط ايمان وحشتيني كدهو تعرفي اني عندكو ومتجيش ولسه راحه تحضنها
ايمان/اركنيلي انتي ع جمب دلوقتي
مريم /اي الكسفه دي ي نصه
ايمان /هششش اسكوتي
انتي بقا ي ابله ريم كريم يقولك انزلي قابلي خطيبتي واهلها تقوليلو مبقابلش حد من امتا وانتي بتبجحي كده وانتي اصلا
عمرك م كلمتيه واول م تكلميه تبجحي فيه كده قوليلي ف اي مالك مش عجباني اي اللي حصل عشان تقولي كلامك المايع ده م تردي
ريم /ماما مكانش قصدي والله انا كنت لسه دايخه ومصدعه من سحب الدم مني معرفش قولت كده ازاي
ايمان/اول واخر مره تكلمي حد كده فاهمه واما ابوكي يجيلك
ريم /ماما خلاص حقك عليا والله انا اسفه
ايمان متجاهلها /اي ي بت ي مريم وحشتيني والله هاتي بوسه
مريم /اخيرا خدتي بالك مني ي طنط
ايمان/تعالي اما اقولك ي بت طمنيني علي امك واخواتك
ريم وهي بتبكي ومتجها اليها
ماما ارجوكي بلاش عقابك ده انك تتجاهليني كده هموت بالله عليكي خلاص انا اسفه
ايمان/ عاوزاني اصالحك
ريم/ياريت
مريم وهي حاطه ايديها ع خدها وبتتفرج عليهم /والله لو امي كانت زمانها حدفتني با ابو الغالي وناولتهولها وخلص الموضوع
ايمان وريم ضحكو مع بعض وضربو مريم. بخفه
ايمان/لاءا بتكلم بجد لو عاوزاني اصالحك يبقا تعملي اللي هقولك عليه
ريم /قولي ي ماما اعمل اي
ايمان/......................
ريم/ايهههههه