رواية نجمة احتلت عرش قلبي
الفصل الثامن8
بقلم يارا عبد العزيز
ياسين بوجع: عارف من غير ما تقولى يا فرحة
فرحة : عارف ايه
ياسين: عارف انك مش بتحبينى وانك بتحبى فهد وانك مكنتيش عايزة غير فهد ولو عليا انا استحالة كنت اجبرك على حاجه بس دى اوامر جدك وانتى عارفه
فرحة بدموع: انا اسفة يا ياسين
ياسين وهو بيمسح دموعها: متعيطيش انا مش زعلان ربنا يسعدك يا فرحة
فرحة وقتها حض'نته وانهارت من العياط
ياسين وقتها قلبه اتنفض وصوت دقاته بقيت مسموعة
فرحة بشهقات: هو انا ليه عمرى ما اخدت حاجه انا عايزاها طب هو ليه يجوزه نجمة وانا اللى بحبه انا مش وحشة يا ياسين بس انا قلبى وجعانى اوى
ياسين بوجع: بكرة ربنا يفرح قلبك هتعدى متقلقيش وانا جانبك وكمل بوجع اكبر: اخوكى الكبير جانبك مش هيسيبك
فرحة وهى بتطلع من حض'نه وبتمسح دموعها: ربنا يديمك ليا
ياسين ببأتسامة: يلا نامى وارتاحى وبطلى عياط
فرحة ببأتسامة: حاضر هو انت هتنام فين
ياسين: على الكنبة وانتى نامى على السرير
فرحة: معلش بقى احتلت اوضتك واخدت سريرك
ياسين بحب: دى الاوضة نورت والله
فرحة: تسلم يباشا
ياسين بضحك: باشا
فرحة: مش ظبوطة بقى لازم نحترمك
ياسين: انتى تنادينى باللى انتى عايزاه
فرحة بهزار: اوك يحبيبى
ياسين بوجع: انا طالع اقعد فى البلكونة شوية وانتى نامى
فرحة: انت كويس
ياسين وهو بي'بوس راسها : ايوا يلا تصبحى على خير
فرحة: وانت من اهل الخير
عند نجمة وفهد
نجمة : اليوم كان جميل اوى وفرحه كانت اجمل
فهد : ايوا ربنا يسعدهم
نجمة وهى بترفع ايدها: يا رب بقولك ايه
فهد : ايه
نجمة : صلى على النبى
فهد : عليه أفضل الصلاة والسلام
نجمة : طب زيد النبى صلاة
فهد : عليه افضل الصلاه والسلام عاملة مصيبة ولا ايه مش مطمنلك
نجمة: تعرف عنى كدا
فهد : لا طبعا غلطان اللى يقول عليكى كدا بس انجزى عايزة تقولى ايه
نجمة : استاذ الرياضه مدينا شوية مسائل انما ايه من المريخ مش عارفه احط القلم فيهم فأنا قولت ايه ما تقول ايه
فهد : ايه
نجمة : قولت مفيش غير البشمهندس بتاع العيلة اشطر واجدع مهندسة عندنا
فهد ببأتسامة: عايزنى احلهم معاكى
نجمة بطفولة: الله ينور عليك
فهد : انتى عاملة كل دا عشان كدا هاتى المسائل يا نجمة هاتى يحبيبتى الله يهديكى
نجمة : اجبلك الكشكول اللى فيه المسائل قصدك
فهد وهو بيشد قميصه: ربنا يصبرنى عليكى
نجمة : هو انت هتبديها من الاول تتعصب كدا
فهد : معلش يستى حقك عليا يلا هاتيهم
نجمة راحت وجابته الكشكول بتاعها
نجمة : اهم شفت صعابين ازاى وانا عملت كل دا ومش عارفه اجيب الناتج برا
فهد : هو انتى مخدتيش رياضة فى حياتك خالص قبل كدا
نجمة : دا ايه ق'ذف الحبهة دا بقى
فهد : انتى بتحلى غلط خالص
نجمة وقتها بدأت تعيط
فهد بحنية : بتعيطى ليه طيب
نجمة : انا اكيد مش هعرف احل فى الامتحان وهسقط
فهد : متعيطيش كله هيتحل وانا هفهمك مش كل حاجه تعيطى عليها كدا
نجمة وهى بتمسح دموعها بضهر ايديها وكانت زى الاطفال: حاضر مش هعيط
وبدأ فهد يفهمها
فهد : شفتى فهمتى ازاى مش محتاجه عياطك يعنى
نجمة بفرحة : يعيش ابيه فهد يعيش يعيش
فهد بضحك : هبلة
فهد اخدها ونايمها: يلا على النوم بتغلبينى عبال ما بتصحى
نجمة : انا مش عايزة انام
فهد : يلا هتحاولى
نجمة بخجل: امم
فهد : عايزة حاجة
نجمة : ممكن تاخدنى فى حضنك وتلعبلى فى شعرى انا لما ماما كانت بتعملى كدا كنت بنام على طول
فهد بحب: حاضر
واخدها فى حضنه لحد اما نامت
فهد وهو بيبص عليها وهى نايمة
فهد : انتى عملتى فيا ايه يا نجمة وياترى ايه اللى هيحصل بعد كدا معانا
فى الصباح
فهد : يلا نجمة يلا يا قمر اصحى
نجمة بضيق: هو كل يوم كدا صحيان بدرى
فهد : أهو انا قولتلك تنامى بدرى عشان كدا يلا قومى بقى
نجمة قامت وفضلت تضرب برجليها فى الارض: يواه بقى انا عايزة اطلع من التعليم دا خالص منك لله ياللى فى بالى
فهد بغيرة: مين دا
نجمة : هيكون مين يعنى اللى طالب بتعليم المرأة هى الست ملهاش غير بيت جوزها معروفة
فهد بضحك: طب ما انتى فى بيت جوزك أهو
نجمة : ما هو جوزى مارحش لى امى وقالها انا مش عايزاها تكمل تعليمها
فهد : يعنى لو قلت كدا هتبقى مبسوطة
نجمة : لا طبعا وكريرى وطموحاتى اعمل فيهم ايه
فهد بضحك : دا انتى نكتة
نجمة : تسلم يا رايق
فهد : طب يلا انجزى عشان متتأخريش
نجمة : اوك
فهد ونجمة نزلوا تحت وفطروا
فى عربية فهد
نجمة: ابيه
فهد : نعم
نجمة : فكرك يعنى بذكائى دا ادخل هندسة
فهد : ليه لا انتى ذاكرى واجتهدى وربنا مبيضيعش تعب حد
نجمة: ونعمة بالله
نجمة : وصلنا
فهد : خدى بالك من نفسك
نجمة : حاضر
فهد شدها عنده وبا'سها
نجمة بخجل وخدود حمرة : سلام
نجمة نزلت من العربية وهى دخلة قابلت مريم
مريم : مالك يبنتى باين عليكى متوترة
نجمة وهى بتفتكر اللى فهد عمله: هاا لا مفيش حاجه يلا عشان منتأخرش على الحصة
مريم : ماشى يلا
فى القاهرة فى بيت ام نجمة
الجرس رن
فاطمه: حاضر جاية اهو
فاطمه: اهلا وحشتنى اوى يحبيبى