رواية شبة موهبة
الفصل السابع7الاخير
بقلم حبيبه ممدوح
صحيت ممن النوم وانا مش مصدقة ال حصل اي دا
ولقيت الكتاب جمبي...انا ف بيتنا... يعني كل دااااا حلم!!!!!!!!!
قومت بسرعة من ع السرير وعديت من قدام المراية علشان افتح باب الاوضة.. رجعت خطوة ل ورا بصيت لنفسي ف المراية
اي دا!! دا نفس اللبس ال كنت بِ هناك؟
اي ال بيحصل دااا
غيرت بسرعة هدومي وقررت انزل للمكتبة بصيت ف الساعة لقيتها خمسة دا نفس المعاد ال روحتها فِ
نزلت بسرعة كنت بجري
والكتاب ف ايدي عاوزة اوصل بسرعة واعرف اي ال حصل اي ال بيحصل دااا
اخيرا وصلت للمكتبة بعد جري ربع ساعة و وانا داخلة لقيت..
_يونس؟
_ليل!!
_اي ال بيحصل داااا
دخلنا بسرعة لجوا لقينا عم وجية قاعد ومدينا ضهرو
نديناا علية بصوت واحد
_عم وجية
لف بسرعة وضحك
استغربناة.. بصلنا وقال
_عجبتكم الرحلة مش كدا!
بصينا لبعض ف كمل
_كان لازم ارواحكم تتلاقي علشان انتو شبه بعض..
_يعني ال حصل دااا بجد
_بجد جدا ي استاذ يونس
_ايوا يعني ازاي حصل كدا
_احنا عااوزين نفهم ممكن
_اقعدو وانا هفهمكم
قعدنا وهو قعد و بدا ف كلام
_الكتاب دا ف منو نسختين بس ف العالم كلو وفِ كل زمن اتنين ارواحهم بتتلاقي ولازم ياخدو الكتاب دا و..
قطعو يونس وقال
_ويحبو بعض
_بالظبط كدا داا غرض الكتاب.. هو ف زي لعنة كدا بس لعنة كويسة بتقرب الارواح ال شبه بعض ويستاهلو بعض.. الناس النادرة ال مفيش منهم كتير..
_يعني احنا فعلا شوفناك هناك
_هو انا مش قولتلكم ي ليل اني بتنقل لااي زمن وف اي وقت
_هو احنا ف غيرنا حصل معاهم كدا
_ياااة كتيرر ي يونس من كل زمن بيجي اتنين شبه بعض رغم انهم ميعرفوش بعض خالص بس يشاء القدر ويتجمعو اعتقد كدا فهمتو كل حاجة..
قومنا انا ويونس وقولت
_شكرا ع اي حاجة عملتها علشانا
_شكر ع واجب انا هنا علشان لازم اعمل كدا.. هستناكم تاني.. هاتو الكتب بقا
ضحنا وادينالو الكتب ودعناه وخرجنا
كنت همشي بس لقيت ايد يونس بتمنعني
_رايحه فين
_ماشية
_وانا
_انت اي
_انتِ نسيتي ولااي..هو انا مش قولتلك اني بحبك
_بصراحه قولت
قربت منو وهمست
_بس مقولتش ف زمنا احنا
_بس كدا!
هزيت راسي ب اة
_طيب ي ستي بحبك والنعمة بحبك
جري ف الشارع وقف شاب وقالو
_بحبها والله.. ي حاجة انا بحبها وهتجوزها
ف ثانية كانت الناس ملمومة علينا وال بتحضني وبتباركلي وال بتزغرط
ف وسط الزحمة بصيت هنااك ع المكتبة لقيت عم وجية واقف وبيضحك وفجاة مشي..
_اظن كفايا لحد كدا ولا اي.. موافقة نتجوز ماهو مقدمكيش غير حلين ي اة ي اة تختاري اي!
_يبقا اة
_طب زغرطي ي حاجة والنبي
بصيت للبحر وسرحت..
لما بتحس إن في حاجه غلط بيكون فعلاً في حاجه غلط، لما بتحس
إن اللي قدامك بيكدب وانت مش مصدقه يبقا فعلاً بيكدب
، لما بتحس إن حد متغير من ناحيتك مهما بررلك بيكون فعلاً متغير،كل لحظه قلبك مبيبقاش مرتاح فيها
بيبقى وراها حاجه أنت متعرفهاش بس حاسس بيها..وانا دلوقتِ قلبي ف قمة سعادة..
"مفيش أصدق من احساس قلبك مهما لفيت و دورت"