رواية غلطه ولكن الفصل الثاني2بقلم حبيبه ممدوح
بلعت ريقي بصعوبة وقولت
_دي اى!!
_مراية ..مراية ي اخرة صبرى
_طيب وال فيها دي مين
_انتِ يحبيبتي
انا!!!
اغم عليا محستش بالدنيا
_يالهوييي البت مالها يعبد الجوادد
_ايدك معايا نشيها نحطها ع سريرهاا وانا هجرى اجيب الدكتور محمد من العمارة ال جمبناا بسرعااةة
فوقت لقيت بيكشف عليا..استغربت لما دققت فى قوى
بصتلة ونطيت بسرعة من ع السرير وقولت
_يونس ..الحقنى ابوس ايدك..انتَ صحبى وعشرة عمرى وعارفنى اكيدد
علامات التعجب بداءت تظهر على وشة فكملت وقولت
_اعتقنى من الناس المجانين دول ابوس ايدك..دول مقتنعين انى بنتهم المتخ..فة دى لا وكمان عندهم مراية فيديو اة والله
سكت فجأة لما لقيتهم كلهم بيبصولى بستغراب ف قولت بهدوء
_مراية فيديو ازاي!؟؟؟
بصيت لقيت سراحة قدام جريت وقولتهم
_بصو هثبتلكم انى راجل وتعالو شوفو اهو
ببص ف المراية والغريبة ان لقيت نفس البنت ال
شوفتها برة..قعدت المس وشي واحاول اقنع نفسى انى بتخيل..غمضت عينى وفتحتها كذا مرة ومع كل مرة بفتح فيها عينى بلاقى نفس البنت واقفة...
ضحكت ضحكة حسرة وقولت
_يعنى دى انا!؟
محمد حجازى بقا ليلى..ف يوم وليلة؟
طيب ازاي..صدقونى انا محمد..صوتى رفع كدا لي..اناا محمددد واللهه يونس قولى بقا ان هزار من هزارك البايخ دا وانا مش هزعل يسيدى..بس ارجوك مشينى من هناا ارجوكك
بصيت ليهم وكلهم واقفين ف ذهول وساكتين قربت من يونس وهزيت جامد وقولت
_انتَ مش بترد عليا لى!
مترررد ي اخى وقولهم انى محمددددد..
عاوزنى اديك امارة طيب!
اتدخل ساعتها عبد الجواد وقال
_بتت اخرسى بقا كفايا واضح ان دلعتك زيادة عن اللزوم كل يوم بتطلعيلنا بحكاية جديدة لحد ما قرفتينى يشيخة..هتجلطينى بقاا ارحمينى
سابنى وطلع
ولقيت ماما قالت
_تعبناك معانا ي يونس..يونس انتَ سمعنى
_هااا بتقولى حاجة يماما!
_بقولك تعبتك معانا يحبيبي احنا اسفين اهى البت زى القردة اهى
بصتلة وقولت
_انتَ هتمشي وتسبنى؟
_بتت ما تتلمى بقااا هو ف اي...يالة يدكتور معلش عطلانك
طلعو وسبونى ف الاوضه مش عارف أعمل اي..
قعدت ع السرير شوية وبعدين قومت بسرعة بصيت من الشباك لقيت يونس ماشي بعيد..
طلعت بسرعة ف الصالة لقيت الست دي ف المطبخ والراجل مش قاعد اتسحبت وفتحت الباب ونزلت جرى ورا يونس..
بما انى عارف بيتة ف الطريق ميتوهش وصلت للبيت وخبطت الباب
فتح وقال
_ليلى
_يادى النيلة ليلى مين بقاا ارحمنى ياخى وسع كدا دخلنى
_ادخلك فين انتِ اتجننتى!
انتِ عارفة لو حد شافك هنا اي ال هيحصل
_ولااا انا مبخفش من حد وسع بقا
زقيتة ودخلت
_انتِ بجد شكلك اتهب...لتى ع الآخر
_يبنى افهم انا محمد حجازى والله..
_محمد حجازى؟
انتِ عرفتى محمد منين اصلا
_انا محمد
_يارب ارحمنى
_طيب ب امارة وحمة الفراولة ال ف قفاك
_يشيخة ع الاساس ان دا سر محدش يعرفة؟
_طيب ب امارة انك بتحب الافوكادو بس مبتشربهوش
_عادى بردو كل الناس عارفة المعلومة دى
_طيب خد التقيلة بقا انتَ مبتحبش الجبنة
_يشيخة
عرفتيها لوحدك ولا حد ساعدك فيها .. ما امة محمد عارفة الحوار دا
_خد التقيلة بقا
_والله ما فى حاجة تقيلة غير خيبتك
_اسمع بس منى
_اممممم
_ب امارة البت ليلى ال انتَ بتحبها جارتك
_اي ليلى!
_اة .. انتَ قولت اسمها اي!!؟!!
بصينا بعض وقولت
_ليلي ال هو انا دلوقتي !!!!!!!