رواية سانتقم
الفصل التاسع والعاشر
بقلم ميرفت السيد
الي يدخل عش الدبابير يستحمل لسعها
دة الي قاله ليا فارس بعد ما حكيت له الي حصل
يعني ايه يافارس؟
يعني شاف جسمك ولمسك 😡
كان لازم اعمل كدة انا مستعدة اموت في سبيل اخد تاري منه وبعدين هو كان في ايه ولافي ايه كانت دماغه في المصيبة الي عملها
:بعد الشر عنك بس ارجوكي خدي بالك من نفسك
متقلقش ربنا معايا وانت جنبي ودي اخر مرة هايلمس شعرة مني
طب وافترضي صمم يتجوزك 🤔
لو دة هايوصلني لنتيجة اسرع واقوى بالانتقام هاتجوزه عشان اعذبه مايهمنيش غير اني اشوفه بيموت قدامي بالبطيء 😒
انا متابعك ولو في يوم اتاخرتي عليا بالاتصال اليومي او زي مامتفقين رسالة هافهم انك بخطر وهاتدخل فورا
ربنا يخليك ليا اخويا وسندي ❤️
قفلت معاه وقررت اني ماظهرش لمدة يومين واول ماانزل هاروح بيوتي سنتر اصبغ شعري اصفر لاني زهقت من الباروكة
نمت وتليفوني مابطلش رن من احمد
قفلت الفون ونمت كنت مرهقة جسديا وعقليا
يومين وانا قافلة فوني ومعتكفة بالبيت باطمن فارس بس ثواني واقفل
صحيت على خبط وجرس الباب صحيت وانا باحاول اركز ظبطت شعري ولبست روب فوق البيجامة وخرجت
بصيت من العين السحريه المتوقع طبعا احمد
قال انا عارف انك جوة
افتحي بدل مااكسر الباب
فتحت لقيته متبهدل شعره ولبسه متبهدل زي الي مش بينام واحد غير احمد الجان مش مهتم بنفسه 😒
قالي ممكن ادخل
:ماانت كنت عاوز تكسر الباب دلوقتي بتستئذن
دة كلام عشان تفتحي
كدة ٣ ايام من ساعة الي حصل تختفي بتموتيني من القلق حرام عليكي
:وانت مالك بيا
طب نتكلم جوة
:اتفضل
دخل وقعد ضايفته وقعدت حطيت رجل على رجل
بصي ياجوليا انا فكرت
كويس الحل الوحيد نتجوز
:ليه
عشان بحبك ومحتاجلك جنبي
:مش عشان الي حصل يعني
لا عشان انا مشدودلك فيكي كل الي باتمناه لما عملت فيكي كدة مكنتش في وعيي بس انا واثق انه عقلي الباطن انتي غير اي حد
اي واحدة بسهولة اجيبها تحت جزمتي انتي
احترمتك اينعم لوحدك وتقدري تعملي اي حاجة بس لقيتك محافظة على نفسك ومحترمة
ارجومي اديني فرصة اعوضك وتعرفيني على حقيقتي هاتغير عشانك
قلتله : مبدئيا خطوبة لحد مااتأكد من كلامك وتغييرك
يعني مش عاوزة تتجوزيني الا لما تختبريني
: حقي اتأكد اني هاتجوز شخص محترم ولو حسيت انك عكس الي بتقوله مش هكمل
قام بانفعال :انا احمد الي مفيش ست الا وتتمنى ابصلها بس ترفضيني وعاوزة تختبريني
وضحك بعصبية :انا احمد الشيخ عاوزة تكسري مناخيري وتذليني
انا الي فكرت ان المسافة قربت وبعد الي حصل هاتتمني نتجوز عشان الغلطة ماتفضليش عايشة بيها
وقعد على ركبته قدامي وبص في عينيا انا الي اتوترت
قالي : متزعليش مني غصب عني انا جوايا حرب ارجوكي اديني فرصة غيريني
قمت وقولتله بهدوء: انت بكل غرورك دة ماتلزمنيش انا غيرت رأيي حتى الخطوبة لا انت اتحولت في كلمة 🥺 لا لا انت تخوف
قعد باستسلام وحط وشه بين أيديه وطلب مني مياة ساقعة
قمت اجيبهاله لقيته ورايا وعنيه كلها شر
رميت الازازة عليه
وجريت برة المطبخ جري ورايا وشالني ورماني عالكنبة وبسرعة قعد وكتفني بأيد وكتم نفسي بايده التانية
وقالي انا اقدر حالا اكسرك بس عشان اثبتلك اني مش وحش مش هاأذيكي
انا فعلا بحبك وانتي يااجنبية يالي لفيتي العالم عارفة ان مفيش حد بيتغير من يوم وليلة
وسابني وقام وانا باتوجع من ايديا
قالي: هانتخطب ماشي ياجوليا ؟
هزيت راسي بالموافقة
قعد تاني شد ايدي وباسها
قالي والشغل هاتنزليه عشان تتٱكدي اني اتغيرت وساعديني اتغير اكتر
حضري نفسك بكرة هاننزل نشتري الشبكة وكل الي تحتاجيه وتجهزي فيللتي للخطوبة
:اوك
كان هايمشي ندهت عليه :احمد استنى
قمت وانا باتمادى بالرقة والدلع وباسترجع كل الي بيحبه في الست وقربت منه اوي كان ضهره للباب همست في ودنه : عاوزة اسهر معاك الليلة
وبوسته من خده ومشيت ايديا على دقنه وانا عارفة انه بيعشق كدة وبيدوب من الاسلوب دة
اتوتر ومش قادر يسيطر على انفاسه
سيبته ومشيت دخلت اوضتي وقفلت الباب
٥ دقايق وسمعت الباب بيتقفل
بصيت من الشباك اتأكدت انه خرج
وابتسمت لنفسي خطتي ماشية صح هاجننه قريب
🤗
اتصلت بفارس وحكيتله
نزلت بيوتي سنتر صبغت شعري وعملت باديكير ومانيكير
وبالليل رن عليا ومستنيني انزل المرادي كان لازم انزل بخطة اتقل وفعلا لبست فستان دهبي قصير ضيق وفردت شعري
وحطيت البرفيوم الشوجري الي بيحبه والروج الاحمر ورسمة العين السموكي والهيلز الدهبي كل مايعشقه
واول ماشافني انبهر جري فتحلي باب العربية وفضل دقايق بيحاول يتماسك
وركبنا وروحنا مكان هاديء وانا باتصنع الرقة والنعومة ورقصنا وانا باتعمد شعري يلمس وشه لحد ماحسيته استوى عالاخر
واحنا بالطريق للبيت قولتله انا ليا شرط عشان نتجوز
قالي أوامر ياجوليا موافق❤️
طب مش تعرفه الاول مهري يمكن يكون غالي عليك
:مهما كان موافق مفيش اغلى منك
مهما كان
:مهنا كان
كنا وصلنا طلب مني نقعد في فيللته شوية ونكمل كلامنا وافقت
؛قولي ياستي بس الاول اقبلي مني الهدية دي
وطلع علبة فيها طقم الماس تحفة
بوسته برقة على خده لسة هايبوسني بعدت عنه بسرعة
خليته مش قادر يتكلم
وبعد.محاولات منه لاستعادة رباطة جأشه قال : أأمريني وباس ايدي
احمد انا عاوزة .....
تفنكروا هاتطلب ايه