رواية احببته سرا الفصل التاسع9بقلم ولاء طه
ف فيلا نادر الاسيوطي
وبالتحديد من جناح كريم ونورا
هو انتي مفكره اما تخبي عليا وتقوليلي بعد الجواز اني هبقا عليكي
وهفضل ماسك فيكي لاءا والله عال اوي بتفكري ومفكره نفسك انصح مني اللي انتي متعرفيهوش اني ممكن
ابيع اي حاجه مهما ان كانت غاليه ف دقيقه واللي انتي متعرفيهوش بردوا اني عمري م حبيتك انتي كنتي بديل كنت بحاول انسي بيكي حبيبتي بس معرفتش
ومش هعرف ودي غلطتي بس هصلحها انتي طالق ي هانم طالق بالتلاته ورقه طلاقك هتوصلك بيت اهلك وي عالم دول كمان اهلك ولا انتي مأجراهم
نورا/هه انتا مفكر انك بتخوفني اي يعني اهم حاجه المؤخر اللي هاخدو منك هيعيشني ملكه براحتي اعمل اللي انا عاوزه انا كنت متجوزاك اصلا عشان فلوسك عمري م حبيتك انا كمان ولا عمري حبيت اي راجل انتو نزوه بالنسبالي
كريم/رخيصه وماديه وعمري م شوفت زيك اطلع بره البيت ده يالله البيت ده للناس النضيفه بس اما انتي لاءا بره
نورا ببرود مصطنع/بره بره يعني هخرج من الجنه باي باي بيبي
نادر وكوثر ف الصالون تحت
اي ده نورا راحه فين ي حبيبتي ده النهارده الصباحيه
استاذنك ي طنط همشي اصل ابنك طلقني
كوثر ونادر بصدمه /اي طلاق اي ي بنتي ده تاني يوم جواز ليكو
خرجت نورا دون اهتمام لما تقول كوثر
نزل كريم هي مشيت خليها تغور
نادر /كريم ممكن افهم ف اي
انا مش عاوزها ي بابا انا طلقتها وورقتها هتوصل لها هي ومؤخرها ومش عاوزها
نادر/طب عاوزه افهم السبب وبعدين انتا مش هامك منظرنا قدام الناس هيقولو علينا اي ي ابني الدنيا هتتقلب علينا وخصوصا اننا لنا اسمنا ف السوق بلاش كده
كريم/بابا لو سمحت مش عاوز اتكلم ف حوار. اي السبب ده اما من ناحيت الشركه ف انا مش هاممني اي شيئ انا مش هعيش
حياه تعيسه واقول عشان الناس الناس مش هتعيش مكاني ي بابا كل واحد بيتكلم ع حسب م هو شايف من بره انما محدش دخل جوه
نادر/اللي انتا شايفو ي كريم ولاحظ اني عمري معارضتك ف اي حاجه تقولي عليها بس اعمل حسابك بعد كده انا اللي هقول هنعمل اي
كريم~اللي تشوفه ي بابا
عند ايمان
اي كوثر بتقولي اي يالله ربنا يسهلها احنا منجبش ف سيره بنات الناس انا عندي بنتي واخاف عليها
كوثر/طب بصي ي ايمان هقفل دلوقتي واكلمك بعدين
ايمان/ماشي ي حبيبتي سلام
لا اله الا الله شوفتي اي اللي حصل لابن خالتك ي ريم شوفت ي امير يعيني ربنا يصبرو كريم
ريم بخوف/مالو كريم يا ماما انطقي ف اي
امير /اها ي ماما مالو كريم خير ان شآء الله
ايمان/خالتكو بتقول طلق مراتو
امير وريم ف نفس واحد/ايههههههه ازاي ده حصل ازاي ده لسه الفرح كان امبارح
امير /بخفه ده انا برفاني لسه مراحش من هدومي
ريم/ليه ياماما طلقها
ايمان/مالناش دعوه ي بنتي بس خالتك وهي بتقفل معايا سمعت عمك نادر بيقولها هنروح نخطبلو النهارده مش عارفه بقا معقوله يعملو كده
ريم/طب هستأذن انا ادخل اوضتي اكلم مريم احسن نسيت اطمن عليها امبارح
الو اي ي بنتي عامله اي وطنط منال عامله اي
مريم/بخير الحمد لله انتو عاملين اي
ريم/نمتي وفوقتي وصحيتي
مريم باستغراب /ايوه اي ف اي يعني
ريم/ده في وفي كنتي مالك امبارح بقا ي حلوه وشك كان عاوز يتسخن عليه عيش واحمر وايدك تلج وبتترعش كان ف اي
مريم /مفيش ي ستي عادي كان واحد عاكسني بره واتكسفت بس
ريم/مش مقتنعه ي هبله اقنعيني اكتر هاتيلي اي حوار غير ده عشان اصدقه
مريم/بقولك صحيح مش هتروحي تزوري خالتك وتنقطي العريس
ريم بضحك /نقطه اي بقا م العروسه خلعت
مريم بعدم فهم يعني اي مش فاهمه
ريم/كريم طلق نورا وهيخطب النهارده
مريم اي نعم ده ازاي ده ان شاء الله
ريم/وهي تاكل فاكهه بمرح والله م اعرف بس امي بتقول مالناش دعوه بالناس يعني شكلو الحوار كبير
مريم /طب اقفلي دلوقتي سلام
مريم فتحت ايميلها وجابت ايميل كريم وبعتتلو ع الخاص
سلام عليكم ي كريم انا مريم صاحبت ريم احب اقولك ان ريم بتحبك من زمان اوي ي كريم وكانت بتتدمر وانتا بتتجوز مش بقولك كده عشان انك تتجوزها بس لما عرفت باللي
حصل قولت طالما ناوي تتجوز تاني يبقا الاولي انك تاخد اللي بتحبك صدقني ي كريم مش هتندم انك تاخد ريم
عند كريم
كريم بزهق /بابا انا رايح الشركه
نادر/تمام متتاخرش عشان هنروح نخطبلك يعني قبل العصر تكون هنا تيجي تصلي فرضك ونمشي
كريم باستقطاب حاجبيه/اخطب اخطب اي بابا هو انا لسه طلقت عشان اخطب وبعدين مين دي اللي هخطبها وانا اصلا مش عاوز اتجوز انا شيلت الموضوع ده من دماغي خلاص
نادر/انا اللي قولت عليه هيتنفذ واتفضل يالله ع الشركه وزي م قولتلك تكون موجود اتفضل
خرج كريم من الفيلا متجها الي سيارته ركب السياره واخذ يسوق باقصي سرعه متجها الي الشركه بزهق وغضب يعمي عيناها وصل كريم ف خلال دقائق الي الشركه والقي السلام ع بعض الموظفين
كريم وهو داخل مكتبه بملل سحر هاتيلي القهوه بتاعتي ومتدخليش ليا حد المكتب
بعد عده دقايق دخلت سحر السكرتيره بالقهوه وخرجت تاني متجها الي عملها
كريم وهو سرحان
انا اللي اتسرعت سوقت الدلال وقولت مش هقولها اني بحبها وقعدت اقول فرق السن 3سنين وده كتير وهي مش بتحبني بس اواي مش بتحبني وهي لما كانت راكبه معايا العربيه هي وصاحبتها وانا كنت بكلم نورا لقيت ف نظره عيونها الغيره والحزن تؤ انا اصلا بوهم نفسي اي يعني هي كانت بتحبني او مبتحبنيش مكنت اتقدمت لها وهي كانت هتوافق وتتجوزني اكيد طب دلوقتي لو اتقدمت لها هي هترضا اكيد لاءا دلوقتي بقيت واحد متجوز قبل كده ومطلق يعني عمرها م هترضا طب وبابا اللي عاوز يجوزني مين دي معرفش اللي جاهزه دي هي كمان بس لو هي موافقه كنت انا اقنعت بابا بيها بس هي مش ممكن توافق خمس سنين وانا بحب فيكي مش عارف ان كنتي بتحبيني ولا لاءا بحس بيك قبل م تيجي بيتنا قلبي بينبض بشده اول م بشوفك دايما ببان قدامك عادي لكن من جوايا هموت واخدك ف حض*نى انتي كل حاجه ف حياتي كنت بحاول كتير انساكي لكني والله نسيت نفسي ومنستكيش يوم فرحي كنتي انتي العروسه ف خيالي كنت شايفك بفستانك الزهري اللي انتي محليها ده ومخليها كانك اميره وانا حبيبك
ثم فاق من شروده وتنهد اممممممم اما اشرب القهوه احسن بردت
وفتح فونو ودخل يتصفح ع صفحات الفيس بوك واذا برساله من ايميل ليس بصديق له دخل علي الصفحه وعرف انها مريم صاحبت ريم قرأ الرساله وبعد ان قرأ الرساله
كلام مريم بث الامل جواها وخذ قلبه يتراقص من الفرح اخذ فونو وخرج من المكتب بسرعه البرق واتجه الي الفيلا ثم وصل واخذ يبحث عن والده معلنا باعلي صوته باااااباااا باااابااا
الاب/خير جيت قبل المعاد يعني
كريم/كنت محتاج اتكلم مع حضرتك ممكن اعرف مين تللي عاوز تخطبهالي بس
نادر/ليه ان شاء الله يكونش موافق
كريم/افهم بس
نادر/واحده بتحبك اووي وانتا هتبقا مبسوط معاها ووالده موافق واخوها ومامتها اكيد انما هي لسه
كريم باندهاش/بتحبني؟ طب منين بتحبني ومنين مش موافقه وبعدين اي اللي عرفك انها بتحبني ي بابا
نادر بدون اهتمام/لان انتا كمان بتحبها ومن زمان اوي وهتبقو مبسوطين سوا
كريم باستغراب/انا كمان بحبها؟ انتا قصدك علي مين يا بابا
نادر بتركيز/ريم بنت خالتك ومتقوليش لاءا ومحصلش انا عارف انك بتحبها ده انتا مكنتش بتتحرك من البيت
لما تعرف انها جايه وكمان مكنتش بترضا تقلع نضاره الشمس عشان تفضل تبص لها من غير ما تاخد بالها
كريم بفرحه كادت تفجر قلبه/مركز انتا اوي ي بابا فالصغيره والكبيره المهم هنروح امتا