رواية حارسة الكنز الفصل الرابع4الاخيربقلم نشوه عادل
الطيبة ليا كفانى عن كل الناس المزيفين ولانه معوضنى عن كل شئ عمر ما فيه شاب قدر يضحك
عليا ويستغل احتياجى لان هو مش مخلينى محتاجة حاجة ... لقيت فونى بيرن
ياسين: ها اجيب ايه وانا جاى
ياسمين: عيش فينو وشيبسى بالجبنة المتبلة او الشطة
ياسين: بقولك ايه عندك بانيه؟
ياسمين: لا فيه كفتة فراخ
ياسين: خلصانة هجيب العيش والبيبسى والشيبسى واجى
ياسمين: وهات اندومى وشوكلاتة بابلى
ياسين: والله ما حد منفضنى الا انتى
ياسمين: هو مش انت مزعلانى خلاص اشرب بقى
ياسين: والنبى ياختى انتى كده سواء زعلتك او لا غورى يالا
قفلت معاه وقومت اقلى الكفتة وهو جه وقعدنا فطرنا وعملت
القهوة وبعدين هو دخل ينام وانا كمان .... ع الضهر صحيت
ولما خرجت لقيته لابس ومتشيك وحاطط برفيوم ايه جامد
ياسمين بتصفير: ايه الجمدان ده يا مان رايح تقابل مين ها ها؟!
ياسين: رايح اقابل الشركة يا عسل
ياسمين بخبث: الشركة برضه ولابس ومتشيك وحاطط ريحة فواحى
ياسين: ريحة وفواحى ده امه داعية عليه اللى هيتجوزك بالله
ياسمين: انا مش هتجوز يا اخويا انا قاعدة ع قلبك
ياسين: تؤ انتى قاعدة فى قلبى وفى عينى كمان يا ست البنات
ياسمين: والنبى انت اللى سيد الرجالة وسيد قلبى كمان اخراشى يا جدعان بحبه والله 😂
قربت منه وبوسته من خده ... ياسين: عندك دروس النهاردة؟!
ياسمين: ايوة فيزياء وجولوجيا
ياسين: ماشى يا دكتور خلى بالك من نفسك
بعد مرور ثمان سنوات فى حفلة خريجين كلية الطب اتسلمت شهادات
التقدير للطلبة الاوائل و رئيس قسم الجراحة وقف بنفسه وقال: والان نتشرف بتسليم شهادة التخرج للطالبة
الحاصلة ع المركز الاول بدرجة الامتياز مع مرتبة الشرف الطالبة ياسمين رائد ابو اليزيد
طلعت وانا كلى ثقة واتسلمت الشهادة ودرع الكلية
وبعدين وقفت ع الاستاند عشان اقول كلمتى
ياسمين: انا متشكرة جدا من كل قلبى ع القائمين ع الحفل ولدكاترة القسم
وللسيد العميد وياريت تسامحونى لو اتلخبطت فى الكلام وخصوصا انى هخرج عن الاطار يعنى
بس انا اللى وصلت ليه ده الفضل فيه بعد ربنا يرجع لاخويا ياسين هو ابويا وسندى وامانى اللى
اتحمل مسؤليتى بعد وفاة امى وابويا وكان عمره يدوب 22 سنة النهاردة ومن مكانى ده عايزة اقولك انى
بحبك فوق حب المحبين عشقا والجايزة دى انت اللى تستحقها مش انا بحبك ياسين
نزلت من الاستاند وجريت عليه وحضنته وسط تصفيق حار من الموجودين
والنهاردة بقى يوم مش عادى لينا احنا الاثنين ايون ليه بقى لان النهاردة
فرحنا احنا الاثنين😂 وتخيلوا اننا هنتجوز اثنين اخوات برضه
فى الكوافير ... ياسمين: يا بختك يا سالى هتاخدى ياسين منى خلاص
ومعتش هشوفه كل يوم الصبح خلاوص
سالى: يا سلام يا اختى ما انتى اخدتى وائل اخويا ومفتحتش بوقى حجج فارغة
فطسنا ضحك وجه العرسان واخدوا العرايس ع القاعة واثناء الرقص
وقف ياسين الموسيقى فجأة
ياسين: وائل الكلام ده ليك انت واخد حتة من قلبى بنتى البكرية وحبيبتى
الاولى حطها فى عنيك واكرمها ولو غلطت
هاتهالى وانا اربيها ولو انت غلطت صدقنى مش هرحمك
انت واخد ضلع من ضلوعى حافظ عليه واتقى ربنا فيها وخليك امانها فى الدنيا ووعد منى ليك ادام
ربنا والناس دى كلها ان احط اختك فى عيونى وهجعلها تاج فوق راسى وهكون ليها زى ما تتمنى
واكتر وعمرى ما هعاملها الا بما يرضى الله ورسوله ها قولت ايه وعد رجالة
وائل: وعد رجالة يا صاحبى
( الاخ هو السند الحقيقى الذى لا يميل فقال تعالى فى كتابه العزيز "﷽ سنشد عضدك بأخيك صدق الله العظيم" اتقوا الله فى اخواتكم وصلوا الارحام حتى ان هم قطعوها واحشنوا اليهم حتى لا ينخدعوا بالاخرين🤍)
تمت