فتحت الشنطة ملقتيش التليفون توقعت ان نسيتة ف البيت..حمدت ربنا لان
احمد مكنش هيبطل رن.. مانا لازم ادي نفسي فرصة علشان اعرف افكر بعيد عن تأثير أحمد ومحوطتة ليا ف كل حتة
فضلت ماشية لحد ما لقيت مكان ع البحر وقعدت فية المكان كان شبهه خيالي المنظر كان جميل أصلا وانا بحب البحر بس كنت مفتقدة بحر اسكندرية لحد ما قطع تفكيري حد بيخبط ع كتفي
لفيت اشوف مين..
قولت بذهول
_يونس.!
_اها معلش بقا ان مشيت وراكي وجيت لحد هنا
قال وهو بيمد ايدة بالتلفون
نسيتي تلفونك لما كنا عند العربية وسندتي حاجاتك عليها وحاولت انادي كتير بس مسمعتنيش..ف مشيت بالعربية وراكي..اسف مرة تانية
_شكرا بجد انا كنت بدور علية اصلا دلوقتي وفكرت ان نسيتة ف البيت معلش تعبتك معايا
_هو انا ممكن اقعد
_اها طبعاً اتفضل
قعد وبعدين قال
_بتحبي البحر مش كدا؟
_جدا وخصوصا ف الشتاء
_بتحبية لي
_مش عارفه عمري مسألت نفسي السؤال دا بس بحس انة غريب اوقات يبقا هادي وفجاة يغدر بيك ف ثانية..بحب هدوءة
وبحب السماء معاه اوي..من زمان وانا بحب البحر لحد ما عشنا ف اسكندريه وحبيتة اكتر واكتر ومن ساعتها انا وهو
صحاب..واغلب الوقت باجي هنا علشان احكيلة..صحيح مليش صحاب خالص بس هو صحبي
_وياتري جاية تحكي اي المرة دي
اخدت نفس وقولت
_كلكعة حصلت ف حياتي مكنتش اتمني انها تحصل أبداً..واختيارات صعبة وانا مش قدها خالص..انا لسا جاية مكملتش اسبوع وهوب الدنيا خربت ..معلش صدعتك مضرة امشي باي
سبتة ومشيت..انا مش عارفة اي الحاجات الغريبة ال بتظهرلي ف حياتي مؤخرا..
اخدت نفس وقولت..عمري ماشوفت حد بالبرئة والجمال دا كلة بجد..ملامحها عادية وروحها حلوة..اي دا هو انا لحقت اتشدلها ولاااي لااا يونس اجمد كدا اوماللل..اسد يلا ف اي..
روحت لقيت أحمد مش موجود غيرت وصليت وعملت قهوة ودخلت اشربها ف البلكونة وبعد حوالي ساعتين لقيت أحمد بيفتح الباب ومعاة كياس كتير وداخل وكان بينادي عليا
_نعم
_انا عارف انك بتعرفي تتطبخي كويس اوي ف جبتلك حاجات اعتقد انك بتحبيها اتمني تعمليها للغدا
قولت وانا بفتش ف الاكياس
_جبت اي
_ورق عنببب..
_بتهزاااار بقالي كتير ماكلتهوش...
_كتير اي انتِ لسا جاية من اسبوع فوقي يما ومتأفوريش
_ماهي خلتك يخويا مش بتعملة من ساعة مانت مشيت قال ايي بتفتكرك لما بتعملة معرفش اي المشاعر الفياضة دي
_احسن منك يختي خالتي ع الاقل بتفتكرني..
_يعم انتَ وخالتك اشبعو ببعض وانا هشبع ب ال ورق العنب القمر دا
_مما هشبع معاكي بردو
قولت وانا ف المطبخ وببصلو لان المطبخ مفتوح ع الصالة وهو قاعد ع الكرسي
_لولاش صعبت عليا بس مكنتش هاكلك
_اهون يعم
_متهونش خلاص
بداءت اعمل ف ورق العنب والبتنجان والفلفل
_يالة يبنتي بقا انا جعان
_تعالة خد الاطباق حطهم ع السفرة
قال وهو بيفرك ف ايدو
_الريحة جوعتنااااي اخيرا محشي يدفي الواحد ف التلج دا
_دوق وقال رايك ال مش هيهمني اصلا
_الله..تسلم ايدك يخالتي والله
_خالتك!خالتك مين يبو خالتك
_ايي مش هي ال معلماكي ولا اي
_ماشي معلماني مفيش تسلم ايدك يليلي يالي تعبتي ولا اقولك انا هاخد المحشي بتاعي واكل ف اوضتي ومش هاكلك
قال وخو بيزقني قعدتني
_يشيخة اتهدي واقعدي..تسلم ايدك يست ليلي
_ايوا كدا ناس متجيش غير بالعين الحمرا
قولت واحنا بناكل
_بقولك اي
_قولي ي ام لسان
_هو مين عرفك عنواني؟
_ست الكل طبعاً
_الله
_بصي انا عرفت ان جاية من اختي
_ام لساان؟
ضحك وقال
_اها وطبعا امك مكدبتش خبر وكلمتني ووصتني عليكي كتير..جوهرة ثمينة يختي وانا معرفش
هزيت راسي بتفاخر
_جوهرة بس دا انا اغلي من الماس
_ماشي يختي سبيني اكمل..
_كمل كمل
_واول ما هي عرفت العنوان بعتتهولي وساعتها جتلك علطول
_عارف انا محلفاها قد اي متعرفكش اصلا!
_لي يمااا وانا هعضك ولا هعضك
_لا يسُكر عاوزة استقل بذاتي..
_يعني مكنتيش مثلا عاوزة تبعدي عني
_وابعد لي ما ادينا اتقابلنا اهو واتلم المتعوس ع خايب الرجا
_اكيد انا بقا المتعوس!
_لا خايب الرجا
ضحكنا خلصنا اكل وكل واحد دخل أوضتة
مسكت التليفون كلمت ماما وطبعا ال كانت مبسوطة اوي ان انا واحمد اتقابلنا..قفلت معاها ولقيت مصطفي باعتلي
_انتِ كويسة؟
_اه تمام وانتَ
_كويس..هتفضلي عندك كدا كتير
سكت شوية وقولت
_ماما مطمنة وانا هنا اكتر..وحابة مزعلهاش
_تمام
قفلت معاه
والايام بتداءت تعدي بين نزولي الجامعة االصبح وارجع اعمل غدا
ونتغدا انا واحمد وننزل نتمشي بالليل عدا سنة و بشوف مصطفي كل فين وفين ويونس بشوفة ف الجامعة
وبقينا صحاب جدا
فيوم ققرررت احسم الامر نزلت قعدت ع البحر لوحدي وقررت اعيد حسباتي
ببص من بعيد لقيت يونس جاي
قومت بسرعة وقولت
_جاي لي
_جاي احسم الامر معاكي..