رواية سوف نلتقي
الفصل السادس6
بقلم ندي صابر
ملك: حاضر
زين وهو يلقي بنفسه علي الفراش: ودلوقتي علي اوضتك عشان تقدري تصحي للشغل.
اتجهت لتخرج بتذمر: عيل كسلان
زين بضحك: متخليش حد يشگ ياملك واتلمي
اكمل ببسمه: تصبحي على خير
ملك وهي تغادر: وانت من اهله
ظل يفكر بها بعدما خرجت وكيف سيتعامل معها مع الأيام القادمه فهو ايضا خسر صديق عمره ولا يصدق.
في اليوم التالي استعد كل من ملك وزين لكي يذهبا إلي العمل.
فريده ببسمه:خلي بالك منها يازين مش هوصيك
زين بمرح:ايه ياريري هي دي اول مره اوصل ملك الشغل
فريده وهي تضربه بخفه:ياواد دلوقتي ملك بقيت مراتك يعنى تحطهت في عنيك احسن اولع فيك
زين بدراما: شوف الأمهات يجدعان دا انا ابنك ياريري مش واحد من الشارع، اكمل بغمزه: بس متقلقيش لأن ملك هتبقى في قلبي مش في عنيا بس
ملك قاطعتهم: يلا يازين اتاخرت
فريده بهمس: طب روح بقا إلحق قلبك
ملك بإستغراب: هو انتوا بتقولو ايه
زين وهو يغادر وبسحبها: لا ابدا بس ماما كنت بتوصيني عليكي
فتح لها باب السياره وجلس مكانه يقود
نظر إليها: ملك
ملك بإنتباه: نعم يازين
زين بجديه: وانتي في المستشفي ممنوع تتكلمي مع حد غريب غير للضروره القسوة ولو مالك اتكلم معاكي مترديش وسيبي المكان واخرجي وممنوع تعيطي قدامه ياملك انتي فاهمه
ملك بملل: وايه تاني يازين
زين بهدوء: عرفتي هتعملي ايه
ملك بسخريه: ماتيجي معايا احسن من كل الأوامر دي
زين ببرود: ملك مش هقول تاني ممنوع تتكلمي مع حد غريب إلا للضروره ولو مالك اتكلم معاكي سبيه وامشي ومش عاوز اسمع انك عيطتي
ملك بملل: حاضر حاجه تاني
اوقف السياره أمام المستشفى
ملك وهي تخرج من السياره: دا لو لسه فيه لأمواخذه
زين وهو يضع نظراته ويستعد للمغادره: باي يامراتي العزيزه
ملك وهي تدب قدميها كالاطفال: يخربيت برودك علي بيت اليوم اللي عرفتك فيه يااخي.
دخلت لمكتبها بتذمر فجائت إليها سماح: دكتوره ملك المدير عاوزك
ملك: يافتاح ياعليم خير ياسماح واصلا مش بيجي من وراكي خير ابدا
سماح بتذمر: يقطعني يختي وانا اللي خايفه عليكي وجريت اقولك
ملك برفع حاجب: خايفه عليا بردوا وإلا عاوزه تعرفي المدير عاوزني ليه علشان الخبر ينتشر في المستشفى
سماح وهي تغادر: والله انا قولتلك وانتي ودماغك بقا
ملك بهمس: كتك كسر نفخوك يشيخه عشان متعرفيش تتصنتي علي حد بعد كدا.
اتجهت إلي غرفه المدير
المدير: أنا مبسوط جدا انك رجعتي الشغل يادكتورة ملك لأنك من أكفأ الدكاتره الموجودين في المستشفي
ملك ببسمه: مفيش داعي للشكر يافندم وانا يشرفني اني ارجع لمكاني من تاني
المدير بتردد: كنت حابب اطلب منك طلب
ملك بشگ: اتفضل
المدير: عاوزك تمسكي حالة المريض اللي كان امبارح في العمليات
ملك بهدوء: اي مريض
المدير بخوف: المريض اللي عملتيلو العمليه ونجحت..مالك احمد
ملك ببرود: تمام حضرتك انا موافقه
المدير بصدمه: نعم
تماسكت لكي تهدأ مثلما اخبرها زين: بقول موافقه فيها حاجه دي
المدير بسرعه: لا لا تمام يادكتورة تقدري تروحي علي شغلك
خرجت وهي تشتم المدير بكل شتائم الأرض
ملك بعصيبه: اكيد متفق مع المدير ابن ال **** وكدا بقا سهل اخاد حقي بنفسي يامالك.
غادرت إلي وجهتها بعصبيه، دخلت إلي غرفته وعندما رأته تجمعت الدموع في عينيها لكن تماسكت وتظاهرت بالقوه لكي لا تضعف.
ممرضه: اهي دكتوره ملك وصلت
مالك بلهفه: ملك
نظرت إليه بتحذير
مالك بإحراج: اصدي دكتوره ملك
غادرت الممرضه من الغرفه بعد أوامأ برأسه لها لكي تذهب.
اتجهت ملك إليه لكي تفحصه: تمام الضغط مظبوط وضربات القلب منتظمه.
مالك وهو ينظر إليها بندم: أنا اسف
تجاهلته ملك واكملت: لازم تعمل اشعه بعد 5دقايق وهطلب من الممرضه تجهزك.
مالك برجاء: يعني مش عاوزه تكلميني ارجوكي ردي عليا او حتى اصرخي في وشي متفضليش ساكته
ملك وهي تتجه لنهايه الغرفه لكي تغادر: بعد شويه الممرضه هتجيلك عشان الأشعه
غادرت من الغرفه وقلبها يكاد يبكي، من اين جائت بكل هذه القوه والقسوه كانت ستبكي لثواني أمامه وتفرغ غضبها به لكن تذكرت عذابها في تلك الأيام ودموعها التي لا تتوقف علي صغيرها التي فقدته بسببه، حقا لم تكن تعلم انها سوف تلتقي به بهذه السرعه وهذا الوضع أيضا.
مسحت دموعها وقالت بوجع: مش هسامحك يامالك ولا هضعف حتى.
جاءها اتصال من زين فاجابت بلهفه: كنت لسه هتصل عليك
زين بقلق:انتي كويسه.. خلصتي النبطشيه وإلا لسه
ملك بتنهيده: مش كويسه خالص يازين وايوا خلصت وعاوزه امشي
زين :طب اطلعي انا برا وهنكمل كلامنا في العربيه
ملك وهي تحمل حقيبتها: دقايق واكون قدامك
رأها تخرج من باب المستشفى ويبدو عليها التعب والأرهاق انقبض صدره فجأه ونزل من السياره: انتي كويسه
ملك بتعب:اطلع بس وبعدين نتكلم
فتح لها الباب بمرح: وشگ لا يوحي بالخير سيدتي الجميلة
ملك وهي تجلس: لا تقلق سيدي أنا استرونج ياض
زين بسخريه: يشيخه قولي سبونج بوب اتنيلي بلا استرونج
قاد السياره بهدوء ونظر إليها: فين لسانك النهارده يعني مردتيش كالعاده
ملك بحزن: مش قادره يازين نفسي أساله ليه عمل كده نفسي اصرخ في وشه واقوله إزاي جالك قلب تعمل كده.
زين بحزن: ايه اللي حصل النهارده
ملك بسخريه: طلع موصي المدير عليا وبقيت متابعه حالته دا غير شكله وانا بكشف عليه وكلامه ليا بس انا مردتش وعملت زي ماانت قولت.
زين بغيره: انتي كشفتي عليه إزاي
ملك بعد فهم: زي الدكاتره هيكون إزاي مش فاهمه
زين بغضب: يعني لمستيه وانتي بتكشفي عليه
ملك بصدمه: وأنا ألمسه ليه يازين انا مجرد دكتوره وبكشف علي مريض هلمسه ليه وتقصد ايه بالكلام دا
زين بعمق: فضول مش اكتر
ملك بسخريه: فضول لا والله برافو يازين
زين بهروب: ماخلاص بقا ياملك مكنش سؤال
ملك بتنهيده: ابقا راجع كلامك قبل ماتسأل يازين
زين بغمزه: خلاص بقا متزعليش اجبلك إيس كريم
تناست الزعل: لا انا بقول نضرب اتنين قصب احسن
زين: اشمعنا يختي
ملك بضحك: احنا في الحر وهبهدل نفسي وهضحك الناس عليك
زين ببسمه: هجبلك في العربيه عشان تبهدلي نفسك براحتك
ملك: والعربيه يازين
زين وهو يتوقف أمام احدى المحلات: فداكي ياموكا.
نزل من العربيه يشتري لها المثلجات وهي تراقبه بصمت هو اصبح حنون عليها في الفتره الأخيره ولا يتركها وحدها خوفا عليها، اصبحت نظراته لها غريبه وترسل كلمات لا تفهم مضمونها
قاطع افكارها دخوله: اتفضلي يستي الايس كريم بتاعك
اخذتها منه بفرحه: تسلم ياذوق
اخذت تأكل بشارهه وهو ينظر إليها، اتسخت ملابسها بالكامل ونظرت إليه بطفوله: عاوزه منديل
ضحك عليها بكل صوته: طب ثواني اصورك وبعدين نشوف المنديل دا
ملك وهي تختبأ منه: زين لا بطل بقا بلاش تغفيلات عشان هنزعل من بعض كدا
إلتقطت إليها عدة صور: استهدي بالله واقعدي كدا وادي المنديل
ملك بتهديد: امسح الصور دي حالا يازين
زين بخبث: ولو مش موافق هتعملي ايه
ملك بهدوء غريب: مش هعمل حاجه وربنا يسامحك
زين بخبث: دا هدوء ماقبل العاصفه صح
ملك بشر: كتك عاصفه لما تكسر نفخوك يشيخ
اقترب منها بسرعه: لسانك ياملك بدء يطول اوي وانا ليا أخر
ملك بخجل: انت لازقت فيا كدا ليه ماتوسع شويه عشان النفس
زين بغضب: ياربي انا عملت ايه في حياتي عشان اتعاقب كدا
ملك وهي تخرج لسانها: طول عمرك فاشل يلا يافاشل
اقترب منها بشده والناس تشاهدهم بالخارج: لا عشان اتجوزتك وهتتربي علي ايدي ياملك لأن خلاص صبري نفذ
ملك بتوتر: ط. طب ابعد الناس هتطلب بوليس الأداب يجدع مينفعش كده
زين ببرود: انتي مراتي مش شاقطك أنا
ملك بهدوء: مراتك دا في البيت قدام العيله يسطا مش في الشارع، اتلم بقا وابعد
ابعدته بإحراج وهو يضحك علي خجلها: هتروحي مني فين بس ياموكا مصيرك هتقعي.
ملك بخجل وخدود حمراء: تقصد ايه
زين وهو يقود متجاهلها: ولا حاجه
بعد دقائق دلف كل منهما إلي البيت.
رحمه بصفير: اوباااا العرسان وصلوا والبنيه وشها طماطم عملت فيها ايه يازين
زين بسخريه: اخرصي يازباله مش فايق ليكي دلوقتي
فريده مقاطعه:سيبك من بنت الهبله دي وتعال اتغدا انت وملك
ضحكت رحمه: وانا مش بنتك ياريري وإلا لاقيتني علي بابا جامع
زين بغيظ: ورحمه ابويا لو مااتكتمي ل هاجي اعلقك يارحمه واسهر عليكي النهارده
ملك وقد خرج صوتها: ماتسيب فواز في حاله وتروح لحالك يسطا
زين بسخريه: انتي تسكتي خالص عشان الدور لسه جاي عليكي.
فريده: يلا بطلوا خناق وتعالو السفره جاهزه
جلس الجميع علي المائده
نظرت فريده لملك: مش هتروحي تختاري فستانك ياموكا
توقف الطعام بحلقها وسعلت بشده: ها
زين بسخريه: اشربي يختي بدل ماتموتي قبل الفرح
ملك بغيظ: اكيد يماما شوفي مواعيدك وانا هاخد إذن من المستشفى ونروح
رحمه بحماس: وانا هاجي معاكم وكمان عشان اختار فستاني
ملك ببسمه: طبعاً ياقلبي
فريده ل زين الذي كان يفكر بشي ما: زين انت ياابني
زين بإنتباه: هاا نعم يماما
فريده:انا شايفه انك مجبتش خاتم لملك لحد دلوقتي ومينفعش كدا
زين بتوتر وهو ينظر لملك: اتفقنا أنا وملك هننزل بكرا
رحمه بتذمر:وانا كمان عاوزه اجي معاكم
فريده: مينفعش ياحبيبتي لازم ملك بس اللي تختار
ملك ببسمه: خليها تيجي
معانا ياماما فريده انا بحب ذوق رحمه اوي
رحمه بحماس: ايوا بقا هو دا والله انتي قلبي يااختشي
زين بهمس وهو ينظر لملك: كملت