رواية بنت العز
الفصل الثاني عشر والثالث عشر
بقلم ميرفت السيد
اول ما وصلت الشاليه انا وعزيز دخلت عشان اغير هدومي والتوأم هم اللي
كانوا مصممين يوضبوا لي الشنطه واتفاجئ 😳😳😳😳😳😳 ان الشنطه كلها لانجيريهات 😒 وما فيش ولا بيجامه ولا اي حاجه بكم 😳😳
قعدت مكاني وغيرتش شويه وعزيز خبط قلت له ادخل بس هاخذ غيار
من الشنطه بص لقاني زي ماانا بالفستان
قالي وانتي ما غيرتيش ليه
قلت له مش لاقية حاجة البسها قال لي ازاي يعني
وشي احمرمن الخجل قلت له ما فيش حاجه في الشنطه ينفع البسها
فقال لي يا بنتي مش شنطتك اهي ازاي يعني راح فاتحها اتفاجئ من المنظر وهو كمان اتحرج وشه احمر🫣
وقالي طيب انتي مش هينفع تباتي بالفستان طب بصي شوفي حاجه من عندي ممكن تكون مناسبه ليكي
قلت له حاضر اخذ ترنج وخرج يلبسه بره وانا قمت قلبت في شنطته طلعت سويت بانس وتيشيرت دخلت الحمام وغيرت 😁
كان شكلي مسخرة والهدوم بتاعته كبيرة
شويه وجالنا اتصال من التوام سلموا عليا انا عزيز باركوا لنا واتطمنوا على
وصولنا وقمر قالت لي في مفاجأة حلوه قوي قلت لها ايه قالت لي ان هما كمان مالحقوش برده يعملوا شهر عسل بسبب الظروف الي حصلت وهايحصلونا بعد
يومين يقضوا شهر العسل المتأخر بتاعهم معانا 😳😳😳😳😳😳😳😳😳😳😳😳
عزيز خطف التليفون مني وقال لهم لا ما حدش فيكم ييجي تيجوا فين قعدوا يضحكوا قالوا له مش عايزنا نشاركك في عروستك
قال لهم لا فعلا ما ينفعش الشاليه مش هيكفينا قالوا له الشاليه كبير وبعدين جدك اللي اقترح الاقتراح ده لان احنا من ثاني يوم زواجنا واحنا كنا معاكم في المستشفى وبعد كده
انشغلنا بالتحضيرات لجوازكم فيعتبر برضه ما كانش لنا شهر عسل زي الناس 😒و جدي صمم ان احنا نيجي نقضيه معكم نونس بعض كلنا
فشلت محاولات عزيز مافيش فايده قفل معهم وبص لي قال لي هنعمل ايه
مش عارفه انا جعانه
قال لي وانا كمان ثواني هاجيب بقيه الشنط بتاعة الاكل من العربيه واجي
جات شنط الاكل وكان في اكل جاهز يا دوب بس سخنته في الميكرويف وقعدنا ناكل وبعد الاكل قلت له انا جات لي فكره احنا نحجز في
.فندق لنفسنا ونسيبهم هما يقعدوا هنا في الشاليه
عويز: لا مينفعش كلنا الافضل نقعد هنا مع بعض وانا مش عايز حد يشك في أي حاجه
قلت له لا هم عارفين طبعي وطبعك ان احنا ما بنحبش حد يتدخل في حياتنا ونقدر نقول ان احنا عايزين ناخذ راحتنا اكتر
قال لي لا ما ينفعش يحسوا ان احنا سيبنا لهم الدنيا ومشينا
عامة يا علا احنا يبقى لنا اوضتنا ما حدش هيدخل معانا اوضتنا يعني
قلت له عندك حق بس انا بقى مش باتكلم على الاوضه انا باتكلم على باقي اليوم
قالي فاهمك نتعامل قدامهم ان احنا علاقتنا كويسه ببعض واحنا زوجين
زي ما هما هيتعاملوا قدامنا احنا كمان نتعامل قدامهم عادي كأننا في شهر عسل يعني
قلت له تمام
قال لي طيب انا في موضوع ما تكلمتش معك قلت له ايه هو قال لي انت ناوية على ايه
قلت له ناوية على ايه في ايه
قال لي يعني ناويه بعد جوازنا الي عالورق دة تعملي إيه 🤔 ايه الخطوة الجاية 🤔
: بصراحة مافكرتش
يعني لازم تعرفي انتي عاوز. ايه
: ممكن بعد شوية وقت ننفصل ونقول مش متفاهمين بس اتطمن على بابا الأول انا عاوزاك تقنعه يتعالج لو هايسافر برة حتى 🥺
والله بحاول معاه وهحاول تاني
: انا مش عارفة اشكرك ازاي 🤗
تحبي نطلع ننام
:اه ياريت انا مرهقة
ياللا نامي انتي جوة وانا هانام في الاوضة الي جنبك
: لأ ياعزيز 🥺 انا مش
باعرف انام بمكان ماعرفهوش لوحدي وخصوصا انه هنا مفيش حد حوالينا
عزيزقال : ماشي في ركنة في الاوضه انا هانام عليها جنبك
ابتسمت علا وقالت له: انا عارفة باتعبك معي
عزيز:مفيش حاجه تعبك راحة🤗
ونمنا بنفس الاوضة و تاتي يوم مفيش جديد غير أننا بناكل سوا وبنتمشا عالبحر وبندردش
واحنا قاعدين بنتغدا عالبحر طلبت منه يتصل
بوالدي ويتطمن على صحته واكني مش جنبه لقيته اتوتر وقالي. : المفروض اننا بشهر عسل ومش فاضيين للفون
: معلش مش هايحصل حاجة من دقيقة
قالي لما هو يتصل افضل عشان انا عرفتهم اني مش هاارد على حد
:مش مقتنعة بس ماشي انا هانزل المية
لا طبعا
: ليه 🤔
عشان ممكن حد يشوفك وانا ماقبلش حد يبص على مراتي وبنت عمي
:انا لبسي محترم 😒
عارف بس برضه مايصحش
:خلاص انزل معايا 😀
ماشي بس مش هانطول
سبقته ونزلت وهو ورايا المية كانت جميلة وهو كان جنبي مرافقني مسكت ايده وخليته يسابقني بالعوم ومين اطول نفس😁
وفضلنا نلعب في المية لحد ماتعبت شاورلي على مركب مكتوب عليها العز وقالي مركب دي بتاعتي
:بجد دي شكلها تحفة
انا غاوي ابحار بقولك ايه ياللا بينا ياعلا الليل داخل
: بشرط بكرة ناخد المركب ونبحر بيها
ماشي
:هيييه 😁
ساعات باحسك طفلة 🤔
: انا انسانة مزاجية 😒
طلعنا من المية غيرنا واتعشينا اتصلت بعمرو فيديو كول وكلمت علاء وبابا واتطمنت عليهم
ونمنا وتاني يوم عزيز جهز المركب بتاعته وابحرنا بيها ❤️🤗
وكلنا واحنا في المية وطلبت منه يعلمني الصيد وفضل يعلمني واصطدنا سمك
قولتله ممكن نبات فيها 🤔🤔
قالي اه طبعا.بس خليها يوم تاني
:ليه 🤔
اخواتي وعرسانهم جايين بكرة الصبح بدري نستقبلهم ونبقى ناخدهم عالمركب
: ماشي 🥺
خلص اليوم ورجعنا الشاليه ونمنا والصبح صحينا على ازعاج قمر وورد 😒
وبعد مافضوا الشنط وفطرنا نزلنا المية احنا ال٦
ولاد العم
وقتها عزيز كان ماسك ايديا طول الوقت وكنت متوترة همس لي
: لازم نبان اننا زوجين متنسيش
اومأت برأسي بالايجاب بس كنت متوترة جدا وهو كان عادي فضلنا نلعب
انا والبنات والشباب بيسابقوا بعض واحنا بنحكم بينهم
كان يوم ممتع وخرجنا قلتلهم عالسمك 😁 وشويناه
واحنا بناكل كان عزيز بيأكلني واضطريت أأكله قدامهم
وبالليل روحنا مطعم هالبحر مليان اجانب وعرب وفيه فقرات ورقص
قضينا السهرة هناك كل واحد رقص مع مراته واتحايلوا علينا
اضطريت ارقص مع عزيز وهو كان حاضنني وايده على
وسطي وأنا مستغربة جراءته لحد مااخيرا خلصنا رقص
وبعدها رجعنا نمنا
وتاني يوم قررنا نبات عالمركب وبعد مااصطدنا وأكلنا كل زوجين دخلو
اوضتهم اتفاجئت انه الاوضة سرير واحد وبس 😳😳
: ايه دة ياعزيز 😳😳
تحبي اطلع انام برة
: لا طبعا حد يشوفك
انا مش هاكلك ومتنسيش انا جوزك ياعلا ختى لو كدة وكدة 😒
: أمري لله
السرير كان ضيق وكان مقرب مني مكنتش مرتاحة بس مرهقة استسلمت للنوم
محستش بحاجة الصبح قمت على خبطات قمر عالباب بتصحينا
قمت لقيته حاضني وايديه حواليا 😳
فضلت اصحيه لحد ماقام وغيرنا وخرجنا للدوشة 😒😁
فطرنا ونزلنا المية وطلعنا فضلنا نلعب ونرقص ماهو محدش شايفنا بقى 😁😂
ولما طلعنا عزيز جاله تليفون وشه اتغير وقال انه لازم نرجع كلنا البيت حالا
كلنا بنسأله في ايه
وهو بيقول مفيش جدو عاوزنا عشان الشغل واقف وانا زبايني بيسألوا عني
دخلنا نلم حاجتنا قلتله: عزيز في حاجة حصلت لبابا
لا خالص
وهرب مني لقيته بيكلم ولاد عمه على جنب وحاسة ان في حاجة
الشباب بيلموا معانا الهدوم بسرعة وبيستعجلوناوانا والبنات مش فاهمين
انطلقنا في السيارتين
حاولت اتصل بعمرو او بابا مفيش رد
قلقت اكتر وعزيز
ساكت وكل شوية يمسك ايدي يطمني ويقول متقلقيش مفيش حاجة 🥺
القلق كان بينهش في
اعصابي ومتماسكة
واخيرا وصلنا واول ماوصلنا لقيت ...... الفصل الرابع عشر من هنا