سبتني ومشيت وانا قاعدة لوحدي ف البلكونة سمعت صوت حد من ورايا
_اذا اردت شيء بشدة ف اطلق صراحة فأن عاد اليك فهو ملكك....
لفيت بسرعة اشوف مين ف كملت وقالت
_وإن لم يعد ف أعرف انه لم يكن ملكك من البدايةة هاا ي ليلي مقولتليش معناها اي بشوفها علطول متعلقة ف اوضتك ع الحيطة بس مش عارفة اي السر
اتنهدت وانا ببصلها بخيبة امل وبقول
_تعالي ي ست نور انا هحكيلك الحكاية
_الله حكاية انا بحب الحكايات اوي
_بصي يستي انا زمان وانا صغننة قدك كدا
_كنتي ف رابعة ابتدائي؟!
_ايوا..كنت ف رابعة استني اكملك الحكاية
بصتلي ب انتباة وانسجمت ف كملت
_كانت جملة بتردد ف الراديو والتلفزيون ولحد ما حد قالها ف الاذاعة المدرسية وانا كان عندي فضول اعرف معناها زيك كدا بالظبط
_ومين بقا قالك معناها ي خالتو قصدي ي ليلي
اتنهدت وكملت
_حد جميل اوي..اقولك بقا معناها ..معناها يستي إن لو بتحبي حد اووي اويي ومش عاوزاة يسيبك أبداً متتمسكيش بية وسبية لو عاوز يمشي خلية يمشي ولو هو بيحبك اوي اوي هيرجع تاني فهمتي بقاا ي نور؟
_هو الحد الجميل دا فين!
_مشي مبقاش موجود
_هو انتِ طلقتي صراحة!!
بصتلها وعيوني بتدمع..
_هو ال كان عاوز يمشي انا مسبتهوش..
_بس انا مش عاوزة اسيبك تسافري.. خايفة تروحي ومترجعيش..
_هو مش انتِ بتحبيني اوي اوي!
_ايوا
_وانتِ بتحبيني اوي اوي اوي
قالت بدموع
_اه
_يبقا هرجعلك ومش هنساكي أبداً
قالت بضحك وهي بتحضني
_يبقا هطلق صراحك
قولت وانا ببدالها نفس الحضن
_انا بحبك اويي اويي ينور اكتر من مامتك حتي
_ايوا حبيني اكتر منها
ضحكنا ونمت صحيت تاني يوم بدري علشان متأخرش علي معاد الطيارة
جهزت وخليتهم نزلو الشنط تحت وجت لحظة الوداع..
_يعني خلاص ي ليلي مصممةة تمشي
بوست راسها وقولت
_هقعد اعمل اي هكمل تعليمي برة أحسن
_طيب اكلملك احم..
قولت وانا بقاطعها
_ماما بعد اذنك متعرفهوش نهائي..ارجوكي انا عاوزة ابعد عنة
ردت مها بسرعة
_ولما عاوزة تبعدي عنة رايحة البلد ال هو فيها لي ها
_لولا ما انت اختي الكبيرة كنت شمتك..بس عارفة سؤال نبيهه وهجاوبك..انا يستي رايحة علشان اثبت لكل اللناس واثبتلة هو اول واحد ان مش علشان هو جامد سافر ما انا اجمد منة وهسافر اهو فهمتي بقا
_هتوحشيني..
_وانتِ اكتر بس بلاش عياط خلي بالك علي نور
دخلت بوست نور وهي نايمة براحة علشان متصحاش ونزلت طري قبل ما ابينلهم دموعي ال خانتني ونزلت..
نززلت بسرعة ركبت العربية مع بابا ووصلنا المطار
_متغبيش ي ليلي
_هخلص دراسة وهرجع ي بابا
_انا عارف انك قدها وقدود وواثق فيكي لو ف اي حتة وعارف انك هترفعي راسي بوست راسو ودخلت بسرعة علي المطار
خلصت كل الاوراق واخيرا جه معاد ركوب الطيارة ركبت الطيارة واول ما ركبت لقيت حد جمبي بصتلة ب استغراب وقولت
_مصطفي!!
_ليلي انتِ اي ال جابك هنا
_رايحة اكمل دراسة برة وانتَ بقا رايح لي
_هروح اشتغل هناك..انا بقالي سنين مشوفتكيش
_من ساعة ما عزلنا يعم
_صدفة هايلة اكيد هنتقابل هناك كتير
_والله انا هبقا معرفش فيها غيرك اصلا
فضلنا نتكلم كتير لحد ما وصلنا نزلنا من المطار انا روحت السكن وهو راح الممكان ال هيقعد في وفضلنا نتكلم كتيرر لحد ما اتفقنا اننا ننزل باليل
نزلت قعدت ع كافية والجو كان شبهه تلج واستنيتة يجي لحد ما لقيت حد قعد قدامي ع التربيزة