رواية سانتقم
الفصل السادس والسابع
بقلم ميرفت السيد
بعد العشا احمد الي مش بيبطل كلام
واخد وضع الصامت المتوتر
واخيرا قرر يتكلم وطلب مني نرقص
ابتسمت وبدأنا نرقص وهو مش بيتكلم
شوية وقعدنا استغليت
ان جاله تليفون وبمنتهى الخفة حطيتله قرص بالمشروب بتاعه شوية
في ثواني كنت باتأكد من وجود فارس متخفي وقاعد بعيد عننا بس كاشف
ترابيزتنا زي مااتفقت معاه
احمد رجع و كل دقيقة يبص لعنيا ويبتسم بيداري توتره واول مالعبت في شعري فارس فهم ان دي الاشارة انه يصورنا
مسكت ايد احمد وانا باقوله ايه ده الخاتم دة تحفة
بدأ يقولي انه احجار كريمة وانا باطول بالكلام معاه لحد مافارس لقط الصورة وبعتها لسما من رقم غريب مع اسم المطعم
وانا بأماطل لحد ماسما توصل
فلاش باك
لما سما دخلت مكتب احمد وزعقت سمعتها بتقوله الي بينا اكبر من انك ترفض تشغلني هنا عشان مااعرفش بلاويك
زي منى ماكانت بتعمل
لان بيننا ولد مش هسمحلك تعرف غيري
وهو بيزعقلها وبيقولها انه شغل مش اكتر وتوطي صوتها وانه حر وهي
بتقوله حر ايه انا كتبت الولد باسم جوزي بس عشان خاطر انت وعدتني اننا هانفضل سوا
وفي الاخر احمد قدر يهديها بطريقته 😒
قررت بمراسلة فارس اني استغل النقطة دي واعمله فضيحة بمكان عام
واخلي فارس ينشرها عالسوشيال ولان احمد الشيخ شخصية عامة ورجل اعمال دة هايهز اسمه بالسوق
حتى لو هو متعدد العلاقات دة في الغالب بيتم بالسر حتى لو الكل عرف وشاف دة رجل اعمال وسيم وشاب وعايش حياته
انما فضايح السر خصوصا انه يخلف ولد من موظفة متجوزة وبتشتغل عنده الكلام دة في العلن يتسببله بخسارة وأزمة ودة هدفي
اطلع اسوأ اسراره للناس عشان يعرفوا حقيقته
بدأ يشرب وانا ابتسمت وقولتله انت مش عاجبني النهاردة
قالي :ولا أنا عاجبني
ضحكنا وبعدين اتوتر تاني وفجأة قالي : جولياانا معجب بيكي مش قادر اخبي بس انا فعلا من يوم ماشوفتك وانتي
غير اي واحدة عرفتها
وفجأة لقينا سما فوق دماغنا بتزعق وبتقوله دي اخرتها ياواطي وعاوزة
تضربني وهو بيضربها وبينده البودي جارد يطردوها وهي بتتوعد وبتهدد
وطبعا فارس بيصور واتضح ان الكل في المطعم بيصور
وانا بامثل الانهيار والخوف
احمد اتضايق واتعصب لدرجة اني خوفت بجد من شكله وطلب مني نمشي وقومني لاني بمثل الخوف والصدمة من الي حصل
سندني لحد العربية وركبني وساق بينا بسرعةلحد البيت
اول ماوصلنا شالني ودخلني فيللته على كتبة في الجنينة وطلب من الخدامة تعملي ليمون وتفضل جنبي و طلب من البودي جارد يحرسوني لحد.مايرجع
طلبت من الخدامة ادخل التواليت واتصلت بفارس وفهمت منه ان الفضيحة انتشرت ومش فارس بس الي نشرها من اكونت وهمي دة كل الي كانوا موجودين
قفلت وانا جوايا سعادة غير عادية كملت تظاهري ورجعت مكاني طلبت من الخدامة تروح تنام ومثلت اني هانام واني اتحسنت
ساعة ورجع وبيطوح وعرقان وطلب من البودي جارد يخرجوا ويسيبونا بس شكله مش طبيعي اكيد عمل مصيبة 🤔 قرب مني وهو زي السكران وعرفت ان مفعول القرص اشتغل
قعد جنبي وهو مرهق وقالي انا اسف علي الي حصل طمنيني عليكي
:انا احسن انت مالك فيك ايه انت كويس؟
اه بس دايخ وعاوز انام
تعالي اوصلك البيت ولا اقولك نامي هنا
ولسة بيقف كان هايقع سندته ودخلته لحد اوضته الي شاورلي عليها
بصعوبة واترمى على سريره
ونام غاب عن الوعي ولما اتأكدت انه مش هايصحى معما حصل الا تاني
يوم ويارب مايوعى يصحى 😒
ساعتها ابتسمت وقفلت باب الاوضة علينا بالمفتاح من جوة
خلاص انتقامي بدأ ومش هايهدا بالي الا لما انتقم