رواية سوف نلتقي
الفصل الرابع4
بقلم ندي صابر
ملك: ماما فريده ممكن اتكلم معاكي
فريده ببسمه: اتفضلي يابنتي
ملك بتردد: هو انا بصراحه كنت عاوزه انزل الشغل تاني وبقول كفايه كده انا قاعده في البيت بقالي 9شهور وزهقت
فريده بحنان: زين مش هيوافق ياحبيبتي وانتي عارفه ليه
ملك بتردد: ماانا بصراحه عاوزاكي تتكلمي معاه
زين آتى من الخارج وسمعهم: تتكلم معايا في ايه ياملك
ملك بخوف:كنت عاوزه انزل المستشفي تاني
زين ببرود: انسي
ملك بخنقه: زين انا بجد اتخنقت وانت عارف اني مش بحب قعده البيت وبعدين انا دكتوره جراحه يابني وبحب شغلي وبقول كفايه كده غياب
نظر إليها: عاوزه تنزلي المستشفى ياملك وتفضلي طول النبطشيه برا ومش عارف عنك حاجه ولا مين بيكلمك هناك حتى، طب افرض حد ضايقك
ملك وهي تلوي فمها بإنزعاج: ماتصلي علي النبي كدا ياكبير وتهدي
زين: عليه افضل الصلاة والسلام
ملك بهدوء: انت مش عارف ملك وإلا ايه يازين، من امتي حد بيقدر يضايقني وبسكت وبعدين انت بقيت بتخاف عليا كدا ليه وكل شويه ممنوع خروج وممنوع تتكلمي مع صحابك وو إلخ... ايه ياابني انا اتخنقت بجد
زين بأسف:اسف غصب عني والله ياموكا بس انا خايف عليكي
ملك بمرح: طب ايه مش هنزل بردو الشغل يجدع قربت اتعفن
نظر زين لــ فريده وأومأت له برأسها: طب تمام بس انا اللي هوصلك وهجيبك كل يوم
ملك بملل: ونا موافقه ياكبير بس المهم ارجع لشغلي تاني
زين لفريده: هي البت دي غاويه تعب وخلاص ياريري
فريده بضحك: هي شبهك يافاشل دخلت كليه الطب واتخرجت ومردتش تفتح عياده ولا حتى تنزل المستشفي
زين: ايوا يعني كنتي عاوزاني اسيب مصنع ابويا الله يرحمه لمين
فريده بحزن: ربنا يرحمه يابني
ملك بغمزه مرح: ياماما فريده زين طول عمره مش بيحب الكليه ولا التخصص وكان داخل عشان انا دخلتها مش اكتر
زين بحاجب مرفوع: اومال يعنى عاوزاني اسيبك تدخلي لوحدك واحنا طول سنين الدراسه مع بعض انتي هبله يابت وإلا ايه
ملك بضحك: خلاص ياكبير احنا أسفين وهدخل احضر نفسي لأن كمان ساعتين عندي نبطشيه
زين بعد ذهابها: يخربيتك انتي لحقتي تكلمي المستشفى وانا اللي بقول البت مالها قلبت مؤدبه ليه كدا
ملك من داخل غرفتها: منا كنت لازم احطك تحت الأمر الواقع عشان لو رفضت ياسطا
زين بتذمر وهو يفتح الباب لرحمه: ماشي ياملك
دخلت رحمه بمرح: عامل ايه ياكبير
زين وهو يضربها علي قفاها: كويس يافاشله ها حليتي حلو في الامتحان وإلا هتكسفينا
رحمه وهي تقف وترفع رأسها مثل الظباط: علي كليه الشرطه حدف ياباشا وهتتفشخر بيا متقلقش
زين وهو يتجاهلها بسخريه: لو دخلتي هندسه بس ابقي تعالي تفي في وشي
رحمه بإبتسامه بلهاء: ههههه طب والله لداخله كليه الشرطه وهتفي في وشگ واغسلك وشگ البارد دا
نظر إليها بغضب: قولتي ايه ياشبر ونص
رحمه وهي تركض لفريده: بقولك منور ياكبير النهارده ووشك ولا القمر... سامحني يارب علي الكدب دا
اقترب منها بغضب: هقتلك يارحمه في يوم واخلص البشريه من لسانك وبعدين ملك لأنها سبحان الله اسوء منگ بمراحل
ملك وهي تخرج: مالك بقا بملك دلوقتي هي كلمتك
زين بسخريه: هو انتي بتكلمي حد كفاالله الشر
ملك: طب هتوصلني وإلا اسوق عربيتي
رحمه مقاطعة: انتي رايحه فين يامزه كدا عالصبح لأمؤاخذه يعنى
ملك بغمزه: هرجع المستشفى يقلب المزه
رحمه بفرحه: احلفي، طب ماتاخديني معاكي والنبي
زين وهو يضربها علي قفاها: هي رايحه الملاهي ياشبر ونص
رحمه بحنق: قفايا لو سمحت من الصبح مستحمل كتير
ملك ضحكت بكل صوتها:يلهوي هموت
فريده بحنان: بعد الشر عليكي ياحبيبتي، خودي بالك من نفسك وكلميني لو حصل حاجه
اتجهت إليها ملك: من عيوني ياماما فريده ومتقلقيش عليا دا انا ملك بردو
زين وهو يلبس نظراته الشمسيه: قدامي ياعم سوبر مان
ملك وهي تغادر: اتريق اتريق
اوصلها إلي المستشفى التي تعمل بها ولكن اوقفها قبل ان تدخل
زين: ملك
ملك بقلق: خير يااخويا نسيت حاجه معايا وإلا هتغير رأيك وتاخديني البيت تاني لا ب
قاطعها زين بصراخ: افصلي بقا يخربيتك انتي مصدقتي تفتحي، اسمعيني كويس لو حصل اي حاجه تتصلي عليا ياملك وانا بقولك اهو لو عرفت ان حصلك حاجه من ورايا مش هيبقي خير ابدا
نظرت له ملك بحاجب مرفوع وسخريه: هو انا لسه عندي 15سنه يازين ماتهدى ياسطا كدا وتروح علي شغلك
زين وهو يشغل محرك السياره: اظن كلامي واضح يلا باي
ملك بعدما غادر: الواد دا عقله فيه حاجه دا لا يمكن كدا والله
دخلت إلي مكتبها وهي تلقى التحيه علي الجميع ببسمه.
ممرضه ما: بجد المستشفى نورت تاني بيكي يادكتوره ياملك
ملك ببسمه: حبيبتي ياسماح اومال فين البنات
سماح بضحكه: هو انتي متعرفيش
ملك بغمزه: ايه اللي حصل من ورايا اشجيني
سماح وهي تستعد لتتحدث فهي تمتلك كل معلومات المستشفى وتتصنت علي الجميع: دكتوره ابتسام اتجوزت من دكتور عامر
ملك بصدمه وقرف: دكتوره عامر دكتور البهايم اللي مكنش حد فينا بيطيق يشوف وشه
سماح: ايوا شوفتي يادكتوره سبحان مقلب الأحوال
ملك بغيظ: يابت الـمقشفه يعني تتجوز منغير ماتقولي، اها صحيح منا مش عارفه اتواصل مع حد بسبب استاذ زين
لاحظت سماح اسم زين وجائت لتسأل بفضول ولكن قاطعهم دخول ممرضه اخرى: دكتوره ملك فيه حادثه جامد حصلت والمريض حالة حرجه جدا
ملك وهي تركض لغرفة العمليات: هرجعلك تاني يابت ياسماح، وانتي ياوش السعد فين المريض دا
الممرضه : في اوضه العمليات يادكتوره
ملك وهي تشمر أكمامها: استعنا علي الشقاا بالله ورايا يابنتي
دخلت لغرفه العمليات ونظرت إلي ذاك المريض الذي كان الدماء يغطي وجه: دي حادثه عربيه
احد الاطباء: حصلت من شويه علي الطريق السريع يادكتوره ملك وتقريبا عنده نزيف داخلي
ملك بجديه: تمام يادكتور عاوزه ممرضه تنضف المريض من الدم دا
بدءات تعمل العمليه بمهاره وهي لسه متعرفش هويه المريض
خلصت العمليه ولمحت وش المريض اتسمرت مكانها وجريت علي برا تسأل : هو المريض اللي جوا دا اسمه ايه
احدى الممرضات: مالك احمد
اسود كل شي أمامها وهي تتذكر فعلته وكل ما عانته في الشهور الماضيه: نا... انا لازم امشي دلوقتي
ركضت للخارج وتجاهلت نداء الجميع، تذكرت زين واتصلت به
زين بمرح: ايه ياوحش عامل ايه
ملك ببكاء: تعال حالا يازين انا عاوزه اروح
زين بقلق: مالك ياملك حد ضايقك
ملك : هتيجي يازين وإلا اطلب تاكسي
زين بسرعه: خليكي مكانك 5دقايق واكون عندك
ركض بسرعه وهو يقود سيارته لكي يعلم مابها صغيرته
زين وهو يراها تجلس علي أحد الكراسي وتبكي: ملك
ركضت للسياره عندما رأته: عاوزه امشي من هنا بسرعه يازين
زين وهو يقود السياره بقلق: ايه اللي حصل ياموكا وليه كل الدموع دول
ملك بإنهيار: شوفته يازين شوفته
زين بخوف من المجهول: شوفتي مين ياملك
ملك: شوفت مالك يازين
زين بصدمه: مالك... ودا رجع امتى