رواية الفهد وجريمة الذئب
الفصل الرابع4
بقلم صاحبة السعاده
وحس ان دى ممكن تكون نوبه صراع ،
قرب منها بسرعه وشالها ،
حطها علي السرير وشها
أزرق وجس*مها تخشب
فهد مش عارف يعمل ايه
ويقول يخربيتك هتموتى ......
ف مكان تاني عند خالد
الوووو.
ايوه يا زفته
ساره:فى ايه يا خالد
خالد: هو انتى مش قولتليى
ان ملام اتجوزت واحد كبير عنها
وجوزات جواز عرفي
ساره:اه وانا تأكدت من ده بنفسي
خالد :بس دى مرات فهد صاحبي
ساره: ازاى ده ..بس انا مكنتش شوفت
هو مين
وكل اللي اعرفه انه كبير فى السن
خالد :انا مش فاهم اتجوزها ازاي بعد
اللي فيها كل ده
ساره: يمكن بيتستر عليها
خالد : ويمكن بيحبها انتى ماشفتيش الغيره اللي فى عنيه
ساره: يبني هو يعرفها اصلا
خالد: مش عارف ، بس آخر فتره كان بيروح المنطقه بتاعتها كتير اوي
ساره: انت متأكد
خالد: اه والله
بس تفتكر فهد يكون ورا الموضوع اللي حصلها ده
ساره اتنهد وقااال : مش عااارفه
وعند ملام وفهد
وبعد ما جاب فهد الدكتور ل ملام
وقالوا ان دى حاله نفسيه ولازم تتنقل للمستشفى
لانى شاكك ان كهربه لمخ عاليه
وهى سبب الحاله دى
لكن فهد رفض وقالوا أنه ياخذها عشان يعملها كل حاجه بس حجز فى المستشفى لا
الدكتور قالوا :خلاص اللي تشوفه علي العموم هى دلوقتي وخده مهدا ومش تفوق غير الصبح
وفى صباح يوم جديد ، واحداث جديده
خبط فهد علي باب ملام ،
ملقاش منها رد فدخل
قرب منها وهي نايمه ،
سمعها بتخطرف بالكلام
قرب منها عشان يسمع هي
بتقول اي ، لكن مش فاهم
فضل خمس دقايق وشال راسه
وخرج برا الاوضه وهو بيرزع الباب
صحيت ملام مفزوعه من الرزعه ،
قعدت مكانها علي السرير ،
قعدت تفرك عيونها وتلعب
ف شعرها ...
و وحده وحده فضلت تفتكر
اللي حصل اليوم اللي فات ،
حطت ايديها علي وشها بزهق
وهي بتزفر ،
بعدين نزلت من ع السرير
وخرجت من الاوضه ،
لقت فهد قاعد في الريسيبشن
بيقلب ف ورق فقالتله
ملام : صباح الخير
بصلها بعدم اهتمام وبص
للورق تاني وكمل شغله
هعمل فطار ،
اعملك معايا !؟
مردش عليها ، اتكسفت ودخلت
المطبخ ، بينما هو كان باصص لأثارها
عملت الاكل وخرجت حطته علي
السفره ، ودخلت تجيب عصير ....
الاكل كان ريحته حلوه جدا ،
أغرت فهد لانه مكلش حاجه
من امبارح ،
قام من مكانه وقعد ياكل ،
كانت هي خارجه من المطبخ
وف ايديها كوبايتين عصير
شافها جايه راح قالب الاكل
علي السفره
فهد : ايه القرف اللي انتي عملاه ده ....
وسابها وخرج
👈هو ليه بيعاملها كده المفروض انها تعبانه وهتروح تعمل فحوصات بس هتعرفوا بعدين👉👇
تعالوا نكمل
بصت للأرض بشرود وحزن ،
خدت نفس طوييييييل ،
بعدين انحنت
وبدأت تلم الاول الاكل اللي
الموجود علي الارض ....
وتقول استغفر الله العظيم يارب
وهو كان واقف ورا الباب
بيحاول يسمع هى هتقول ايه
وشويه ونزل و بيفتح
عربيته وقف مرعي البواب
وقاله :فهد بيه ، يا فهد بيه
فهد: يوووه ، اي يعم رعى
معلش يبيه علي العطله دي
بس غصب عني و....
فهد: انجز يعم مرعي مش فاضيلك
مرعي: في واحد بيه كده سأل عليك
انت والجماعه بتوعك
فهد :جماعة مين دول
مرعي:مرتك يبييه
فهد : وانت عرفت منين انها مراتي
مرعي: اصل البيه اللي كان عندك امبارح
وهو نازل من ععندك
كان بيجولو فى فون اتچوزها ميته
فهد : وانت رامي ودانك كده دايما ...
مرعي : لا يبيه صوته اللي كان عالي هباابه
فهد : مشوفتش اللي سألك عني ده قبل كده
مرعي: لا يبيه ، دي اول مره
فهد :طب خد بالك من الهانم وانا هرجع بسرعه ..
مرعي :حاضر يبيه هبجي اشج عليها طوالي
فهد : معلش بقي هتعبك معايا يعم مرعي
مرعي :تعبك راحه يبيه
ركب فهد العربيه فسمعه وهو بيقول
مرعى: حتى اللي سال خلج معفنه اله ما اداني چوز چنهات حتي
فهد: سمعتك يعم مرعي وهروقك
مرعي: لا يبيه ، مجصدكش نت والله
سابه ومشي ،
وبعد وقت مش بعيد
طلع مرعي عشان يشوف ملام ،
فضل يخبط علي الباب بس
محدش بيرد ، خبط كتير اوي
لكن محدش رد عليه
نزل بسرعه جاب المفتاح
الاحتياطي وطلع. ،
فتح الباب لقاها نايمه علي
الشيزلونج مش باين منها غير
دراعها المدلدل علي الارض
مرعي :يهااانم. يهانم انتي سمعاني ....
يخراب بيتك يا مرعى ،
هي ماتت ولا ايييه ، دلوجتي يجول ان انا اللي جتلتها ...
يليلة ابوك وهدان السودا يا مرعي ،
فهد بيه هيوديك ف داهيه يا مرعي
كان بيقرب منها خطوات متتاليه وهو بيترعش ، اتفاجئ من منظرها و ....