عدا اسبوع ولقيت ماما داخلة بتقولي عاوزاكي ف حاجة
_اتفضلي يماما
_متقدملك عريس..
_نعم!
عريس لمين
_اي يبت انتِ اتسطلطي ولااي عريسسس عريسسس ليكي
_ماما انتِ بتهزري صح!
هو مش انتِ عارفة اني رافضة الفكرة نهائي؟
قالت بتصنع
_يشيخة؟
هتلفي ودوري عليا انا يبت دا انا امك...انا عارفة انك بتحبية اصلاا وع ايدي
قولت بذهول وانا ببلع ريقي بالعافية
_هو مين دا؟
_يعني مش عارفاة يقلب ماما
_احم ..ماما قصدك مين
_بت متتغابيش شكل التعليم لحس دماغ باين او كل عقلك
متفرسنيش ركزي كدااا
_مانا مركزة ي أمي اهو ..بس قصدك مين
_احمد يختي
_نعمم مالو داا؟
_هو مش انتِ يبت بتحبية
_انا؟
محصلش
_يبتتت هتلفي عليا انا بردو
_يشيخة مش تقولي كداا من بدري وقعتي قلبيي
_اي يبتتتتا
قولتها وانا بقوم من ع السرير وبحط الرواية ع المكتب
_ماما كان..كاااان فعل ماااضي مبني ع الفتح
قالت بستغراب
_فتح؟
فتتتتح اييي يالي فتح دماغك خدي هنا يبتتت
_خير يماما
_مالك يختي مش عاجبك دلوقتي ؟
_ماما انا كنت بحبة زمان بس كنت هبلة لما فكرت احب البني ادم دا..
_لي بتقولي كدا يحبيبتي
_هلكت مشاعري وضيعت عمري علشانة..
_هو عملك اي لكل دا؟
_مامااا أحمد علطول عصبي وقرف وانا مبقتش استحمل خلاصصصص تعبتتتت واة انا لما روحت سويسرا روحت علشان ابعد عنو وعن عصبيتة وقر"فةة
_ياابن ال....والله لوريك ياابن اعتماااد
_ولا تورية ولا متوريهوش بس هو فين اصلا
_ف ايطاليا..
_طيب الحمدلله
_بس جاي بكرا
_ايييييي يالهوييييي
_اي يبت الهبلة مالك
سكت شوية بعد ما فكرت وقولت
_معلش طالما هو مش هنا اومال طلب ايدي اازاي
_لا مااهو....
قولت بخبث وانا بضيق عيني
_ماهو اييي يماما
_ماهو انا كنت بجود من عندي بعد ماا فتحت معايا الحوار امة امبارح
_نعم يماما؟؟؟؟؟؟
_اه والله علشان كنت عاوزة اعرف انتِ لي علطول سرحانة وكدا.وكنت عاوزة اعرف بردو مشيتي لي من ايطاليا وكنت عاوزة اعر...
_اي يماما كل الحاجات ال كنتي عاوزة تعرفيها ديي..وانا ال مغفلة واستدرجتيني..عارفة لوو جتيلي ع الدوغري من الاول كنت هحكيلك اصلا
قولت وانا بحضنها
_ لان كنت هطق واحكيلك
حضنتني وقالت
_بس دا ميمنعش ان احمد بيحبك
_ماما ال بيحب حد مش بياذية يماما..ماما بصي انا أحمد طلع من قلبي بجد..أحمد من اولل ما جالي البيت وانتِ ادتيلة العنوان وهو منغص عليا عيشتي واولهم لما شاففف مصطفي معايا
_مصطفي؟
مصطفي مين يليلي
_مصطفي عبدالستار يماما.جارنا
_بتهزري ي ليلي انتِ بجد شوفتية ازاي
_والله يماما صدفة..وبقينا صحاب زي زمان وكنت تعبانة ف طلع يجبلي الدوا واحمد شافة وعمل ححوار وانتِ عارفة هما بيكرهو بعض ازاي من زمان
_هو فين مصطفي دلوقت!
قولت وانا دموعي بتنزل ع خدي
_مات يماما..مات
_ماتتت!
ازااااي
_بسببي يماما..كنت معدية ف الشارع بجري بسبب ان أحمد كان بيزعقلي ف وسط الناس وبعدين كنت بجري..
دموعي زادت وقولت
_العربية بدل ما تخبطني هو زقني واتخبط هو..ومات... مات بسبيي
قالت وهي بتعيط وبتخدني ف حضنها
_لا يحبيبتي مش بسببي دا اقدار ي حبيبتي اهدي..يحبيبي يابني..من يومة محترم..ربنا يرحمة..
تاني يوم لقيت صوت دوشة جامدة اوي برة
طلعت بسرعه وبقول
_هو اي الدوشة دي يمام.....
لقيت أحمد اول ما شفني وقف ومد ايدو وقال
_ازيك يليلي..
مديت ايدي وقولت
_تمام..جيت امتا!
_دلوقتي حالا..وجيت اشوفك..اقصد اشوفكم واسلم ع خالتي
_اة تمام اكيد عن اذنك
دخلت الأوضة اكمل قراية للرواية بتاعتي..ودي اول مرة يكون أحمد برة وانا ادخل اوضتي واسيبة وميبقاش عندي شغف ان اقعد معاة حتي..
جة باليل وكنت زهقانة اوي وقررت انزل اقعد ع البحر لبست واستاذنت ماما ونزلت
بحب اجي البحر واشتكيلة كل ال مضايقني..اشتكي ان حسن وحشني وكمان ان مش عارفة اتعامل مع أحمد ولا متقبلاة
لقيت حد بيقعد جمبي
بصيت بسرعة علية لقيتة أحمد اتكلم بدون اي مقدمات وحتي من غير ما يلتفتلي وقال
_وحشتيني..عارف انك زعلانة مني وان خلاص طلعت من قلبك بس انا حقيقي مش عارف انساكي..
اتنهد وقال
_مش عارف انا ممكن اعمل اي علشان تسامحيني ع اي حاجة عملتها..انا عارف اني متهور وعصبي وفيا كل الصفات ال كفيلة تكرهة اي بنت فيا..بس مكنتش اتخيل ان ف يوم البت ال حبيتها من طفولتي تكرهني..
اسف ع اي حاجة واتمني تسامحني ع كل حاجة زعلتك..
قال وهو بيدمع
_عارفة..انا نفسي نرجع صحاب زي زمان اوي
قولت وانا بمسح دموعي
_انا مسمحاك اكيد..انتَ اقرب حد ليا يا أحمد..
بس انا مش هقدر ابقا ليك اكتر من صاحبةة
_وانا موافق..اها عارف ان هتعب كتير بس طالما انتِ هتبقي مرتاحة ف انا مرتاح..صحيح انتِ بتحبية؟
_انتَ عرفت؟
_امممم..بعد ما سبتك اخر مرة شوفتك وانتِ معاه ف الكافيه وكان شكلك مبسوط..اتمني تبقا مبسوطة دايماً
_عقبالك يسيدي
_ايدي ع كتفك ..امي بتزن عليا اصلا عاوزة تجوزني
_بقولك اي فاكر نهي صحبتي!
_نهي الا فاكرها دي قمر اوي
_اهو القمر دي يعم بتحبك..متتجوزها واخلص منكم انتو الاتنين
_انا عارف والله ان كل ال بنات بتقع ف حبي
_حوش حوش وسامتك..وسامتك مقوية قلبك
فضلنا نضحك قعدنا شوية وروحت نمت
صحيت من النوم لقيت البيت كلة مقلوب وكلهم عاملين يروقو البيت
_خير يماما ع الصبح كدا
_مانتي عارفة اني بحب النضافة وبنضف الصبح شكلك نسيتي ...اهها مانتي بقالك خمس سنين برة نسييتي امك وطريقتها و...
_بااس يست الكل انا نازلة اصلاا
_رايحة فين
_هروح اكمل ورق محتجاة قبل ما اسافر وهقعد ع البحر شوية
_اهاا هي عدتك ولا هتشتريهاا..لازم كل نزولة تروحي البحر
_هو لينا غيرو ي امااي
_اقفي مكاني هتلبخي الارض يالة البسي وخلصي بقا علشان اخلص ال ورايا
_بقا كدا يماما..انا قولت سويسرا اولة بيا محدش صدقني
قالت وهي بتقرب عليا وماسكة عصاية المكنسة
_بتتت بتتتت سويسرا اييي انا مصدقت ترجعي
اخدتني ف حضنها وقالت
_انا كرهت البلد دي علشان بتبعدك عني..
بوست راسها وقولت
_كلها سنة وهرجع هنا خلاص
_ربنا معاكي يارب
لبست ونزلت خلصت الورق واشتريت حاجت كمان كانت الساعة جت ٨روحت قعدت ع البحر ورنيت ع حسن..الحقيقة انة وحشني بجد بس اول مرة تلفونة يكون مقفول..قلقت شوية علية وفضلت ارن كتير بس مفيش فايدة اتعصبت وقومت بسرعة من ع الكرسي اول ما قومت خبطت ف حد جامد
_انا اسفة...رفعت وشي لقيت حسن
قولت بصوت عالي
_حسن!!!!
انتتتَ جيت هنا ازاي
قال وهو بيبتسم..ابتسامة بتاخد قلبي والله
_وحشتيني يستي..اي موحشتكيش انا كمان!
_انتتَ بتهزر صح!
قول ان حقيقي وجيت بجد
قال وهو بيقعد
_تعالي اقعدي بس
_عرفت ان هنا ازاي يحسن
_امممم..هو انتِ متعرفيش ان عامل خطة مع الست الوالدة واختك!
_انتَ بتتكلم بجد
ضحك وقال
_ايوا
واتصلت بيهم دلوقتي اعرف انتِ فين وقالولي انك هنا ف جيتلك..هو انتِ هنا وهناك بتحبية!
_هو مين
_البحر البحرررر
_انا مش مصدقة..
_حاجة كمان.. هاجي اشرب الشاي مع الحاج النهارده ف البيت..
عندكم شاي؟
_هو انتَ بتحب الشاي من امتا اص....
سكت شوية وقولت بعد ماا فكرتت
_انتَ قولت تيجي فين!
قرب من ودني وقال
_عندكمم..هو انا كمان مقولتلكيش؟
_لا مقولتليش
_انا العريس..
_يعني ماما مكنتش بتشتغلني؟
_تشتغلك!
بصي هو انا مكنتش حاببب حد يقولك ان جاي حبيب اعملهالك مفاجأة كدا واشوف علامات الاستغراب ع وشك ال بتخليكي طفلة..بقولك اي
قولت وانا ببص للبحر
_قول يسيدي
_انا بحبك..
_بالله عليك
_وحيات عيونك ال وقعوني دول..بحبك..تيجي نتفق اتفاق؟
_بعد الكلام ال قولتة ف انا مستعدة اسلملك دماغي
_لنراقب النجوم معًا ..
أنتِ تنظري لها، وأنا سأنظر إليكِ❤.
مش هي بتتقال كدا ف الروايات ال واكلة عقلك دي صح؟
_صح..بحبك
إبتسمت وقتها لإني إفتكرت جُملة شيخي وهو بيقول :
إنك وإن سلكتْ دروب الوِصال المُظلمة مِت حباً ،مِت شوقاً، فلا تتعجّلْ فتُحرمْ.. إن كانت خيرًا أتت إليك وتغيرت تدابير الكون لك ، وإن لم تكُن
فسـ ( يُؤْتِكُمْ خَيْرًا مِّمَّا أُخِذَ مِنكُمْ ..)
فـ صْبِرًا عَلَىٰ مَا لَمْ تُحِطْ بِهِ خُبْرًا.💚..
تمت بحمد الله