رواية سوف نلتقي
الفصل التاسع9
بقلم ندي صابر
مالك بصدمه: انتي بتضربيني ياملك
ملك بصراخ: انت ملكش الحق تلمسني ولا حتى تقولي الكلمه اللي قولتها دلوقتي، انت انتهيت من حياتي يامالك
جائت لتغادر ولكن أوقفها وقطع الطريق أمامها
مالك بلهفه: أنا اسف مكنتش اقصد، ارجوكي اسمعيني ياملك
ملك بهدوء: ابعد من طريقي
مالك برجاء: خمس دقايق بس ارجوكي
ملك بإنفعال: عاوز تقول انت ليه اتخليت عني وطلقتني أول ماسافرت وإلا عاوز تعتذر علي
خسارتي ل ابني اللي مات في بطني من قبل مااعرف بوجوده حتى، انطق عاوز تقول اييييييييييه
مالك بصدمه كبيره: ابنك.. انتي كنتي حامل
ملك بصراخ ودموع: ايوا كنت حامل ويوم ماعرفت اسمع خبر موته بسبب الصدمه اللي اخدتها منك، في نفس اليوم اللي اتخليت عني فيه خسرت ابني واتدمرت.. كنت خلاص رجعت لحياتي ولشغلي بس لاقيتك ظهرت تاني ليييه عملت فيا كده انا عملت ليك ايه
مالك بدموع: انا مكنتش اعرف انك حامل
ملك بسخريه: هه وحتى لو كنت تعرف كان هيفرق في ايه
ملك بندم: كنت عاوز اسافر عشان أبني نفسي ولما لاقيت اني هقعد كتير ويعالم هرجع مصر تاني امتى
قاطعته بحده: قولت تطلقني وتخلص مني
مالك بنفى وحزن: لا انا مكنتش عاوز تتعلقي بيا طول السنين دي، كنت
عاوزك تعيشي سعيده وتكملي حياتك بس لو كنت عارف انك حامل مكنتش اتصرفت كدا والله ماكنت هزعلك وهفضل معاكي عشان ابننا.
ملك وهي تمسح دموعها: لا تصدق صعبت عليا والدمعه خلاص هتفر من عينيا، انت مش ملاحظ انك اتعديت حدودك معايا وجاي بعد كل اللي حصل بمنتهى البساطه تقولي وحشتيني... خلاص امحي اسمي من حياتك اللي بينا انتهى واترمى في الزباله من 9شهور.
مالك برجاء: ملك ارجوكي سامحيني أنا اسف
ملك وهي تغادر: عمري ماهسامحك لحد يوم الدين ليا حق قدام ربنا وهيرجع،احسنلك تختفي من حياتي وإلا هتشوف وش من ملك عمرك ماشوفته.
غادرت بسرعه وهي تحارب دموعها، خطر علي بالها زين واتصلت به بضعف
زين بمرح: طب تصدقي كنت لسه هتصل عليكي
ملك برجفه: زين تعال خودني حالا، ارجوك انا مبقتش قادره افضل هنا
زين بخوف: انتي كويسه.. مالك كلمك او عمل ليكي حاجه
اكمل بغضب: قوليلي وانا هاجي اقتله
ملك برجاء وبكاء: ارجوك تعال دلوقتي انا عاوزه امشي
زين بسرعه: بلاش تعيطي وانا خلال دقايق هكون عندك.
اقفلت الهاتف وسندت برأسها علي مكتبها تبكي بحسره، لماذا تشعر بتلك العذاب هي لم تخطأ يوماً في حق إنسان، لأول مره بعد فقدان والديها تشعر بالحزن علي حالها... ومااصعب الشعور بالحزن علي النفس.
وصل زين وركض لداخل مكتبها بلهفه: ملك انتي كويسه
نظرت إليه بعينان منتفخه من أثار البكاء: ليه بيحصل معايا كده يازين هو انا وحشه
اقترب منها بحزن: تؤ تؤ انتي اجمل واطيب واحده في الدنيا، ممنوع تقولي علنفسك وحشه ياملاكي
تعالت شهقات بكائها: طب ليه بيعمل فيا كده
أخذها إلي أحضانه بحنان: اشششششششش ارجوكي بطلي عياط لما بشوف دموعك بحس اني ضعيف لاني مقدرتش امنع دموعك من البداية
اكملت بعياط: بيقولي وحشتيني يازين جاي بعد كل دا يقولي كدا وكمان عاوزني اسامحه بمنتهي البساطه دي.
انقبض صدره بغضب: الحيوان دا قرب منك
خرجت من احضانه وقالت بتلقائيه: مسك ايديا بس انا ض
كادت ان تكمل كلامها ولكن خرج زين من الغرفه بغضب واغلق الباب عليها بالمفتاح.
ظل يبحث عنه في الغرف حتى عثر عليه.
اقتحم الغرفه بغضب كاد ان يقتله: ماااااااالك
وقف بفزع: زين انت جيت هنا إزاي
اقترب منه ثم أطاح به علي الأرض وظل يسدد إليه الضربات بغضب أعمى: بقا انت ياابن ال***** تمسك ايدها، جاي بعد كل اللي عملته فيها وعاوز ترجعها ليك لا وتسامحك بالسهوله دي.. ملك بقت ملكي ومحدش يقدر ياخدها مني غير علي جثتي
توقف وبصق في وجهه: مكنتش اتوقع انك هتطلع حقير وأناني وتتخلى عنها بالطريقه دي، يخساره انك كنت صاحبي
توقف مالك بتعب: انا رجعت عشانها انت بتقول ايه،انت مجنون
اقترب زين منه بشر: انت رجعت عشان فلست هناك وملقتش مكان تقعد فيه
اكمل بغل: فاكرني مدورتش عن سبب رجوعك الغريب دا ولا هصدقك واقولك تقدر ترجع ملك خلاص سامحتك.
مالك بسرعه: أنا بحبها دي مراتي
اقترب زين منه وقال بهمس مخيف: لو سمعتك بتقول علي مراتي كدا هتندم علي اللحظه اللي جيت فيها الدنيا انت فااااااهم.قالها بصراخ واتجه ليغادر ببرود.
مالك بحده: يعنى ايه مراتك
نظر إليه نظره أرعبته فالأول مره يرى صديقه بهذا الشكل: كلمه كمان وهتخسر لسانك
غادر لمكتبها وفتح الباب وسحبها وخرج من تلك المستشفى اللعينه
كان يقود بغضب ولا يرى أمامه من شدة الغضب.
ملك بخوف: مالك خفف السرعه العربيه هتتقلب بينا
لكنه لا يسمعها ويكاد يقتل من الغيره
ملك بصراخ: زين وقف العربيه... قولتلك وقف العربيه
اوقف السياره وخرج منها يضرب الباب بقوه.
خرجت ملك من السياره ونظرت إليه بإستفهام: ممكن تشرحلي ايه اللي حصل
زين ببرود: اقول ايه
ملك بإنفعال: ليه قفلت الباب عليا بالشكل ده وروحت علي فين
زين بغضب: ويهمك في ايه مهو اكيد بتفكري دلوقتي تسامحيه وتطلقي مني وترجعي لحضنه
ملك بصدمه وصراخ: انت اتجننت ومالك انت بيا ارجع ولا حتى اتحرق بجاز عاوز مني ايه انت كمان
زين بإنفعال: ايوه صحيح انا مالي بيكي انا غلطان
ملك بعياط: انا عاوزه اروح
حاول ان يسيطر علي غضبه: بتعيطي ليه دلوقتي
ملك بصراخ: قولتلك عاوزه اروح وإلا اقولك هطلب تاكسي وامشي لوحدي
جائت لتذهب ولكنه سحبها وإلقاها داخل السياره: مفيش حاجه اسمها تمشي لوحدك طول منا جوزك يادكتوره
جلس ليقود بغضب وهو يسيطر علي افعاله وما يشعر به.
بعد دقائق وصل كل منهما إلي البيت.
رحمه بمرح: الجامدين وصلوا..... اي دا مالكم قالبين خلقتكم ليه
اتجه زين لغرفته بغضب واغلق الباب بعنف بينما ارتمت ملك في أحضان فريده.
فريده بقلق: مالك ياموكا... اوعي يكون زين زعلك.
كانت تبكي بشده ولا تعرف ماذا ستقول.
رحمه: مهو طور ماشي يضرب في الخلق اكيد هيزعلها.
فريده بتحذير: اخرسي يارحمه احسن اقوم احدفك من البلكونه واخلص من لسانك دا.
رحمه وهي تضع يداها علي فمها: اتخرسنا ياريري
تجاهلتها فريده ونظرت لملك: متفضليش ساكته كدا يابنتي وقوليلي ايه اللي حصل.
نظرت ملك إليها وقصت لها كل ماحدث في المستشفي ومافعله زين
فريده بعصبيه: الواد دا ماله.
ملك بتردد:م. ماما فريده
فريده بإنتباه: نعم ياحبيبتي
ملك بندم: بصراحه كدا الجوازه دي كانت مجرد إتفاق عشان مالك يندم ويبعد عني
فريده بخبث: منا عارفه
ملك بصدمه: وعرفتي إزاي
رحمه وهي تهز رأسها: اها ياولاد الكدابه انا مش فاهمه حاجه
اكملت فريده ببسمه: انتو عيالي واكيد هلاحظ انكم بتكدبو وانا لاحظت تصرفاتكم الغريبه وغبائكم انتو الاتنين .
ثم اكملت بتفكير: بس اللي انا عاوزه اعرفه دلوقتي ليه زين عمل كدا واتعصب بالطريقه دي.
رحمه: ايه ياريري بتفكري في ايه
فريده بخبث: ولا حاجه يارحمه خودي ملك اوضتها اسهرو شويه
اتجه الفتيات إلي الغرفه بمرح، وفريده ظلت جالسه تفكر بشي ولكنها اتخذت القرار واتجهت لغرفه زين.
فريده بمرح: بقا انت يابن سالم تضحك عليا كل دا فاكرني عبيطه ياولا.
زين بسخريه: هي لحقت تقولك
جلست بجانبه وهي تضربه: ايوا قالتلي ايه كنت عاوز تفضل ساكت لحد امتى
تنهد بوجع: كنت عارف انها عاوزه تتخلص من الجوازه دي في أسرع وقت
فريده بقلق: مالك يابني وشگ دبلان كدا ليه ايه اللي حصل لكل الزعل دا
وقف زين: انا كويس ياماما متقلقيش بس شويه إرهاق عشان منمتش كويس.
توقفت أمامه: حبيتها
هرب منها بتوتر: هي مين دي
اكملت ببسمه: وهتكون من غيرها اللي قلبت الدنيا النهارده عشان غيرك قرب منها وكلمها، هتكون مين غير ملك اللي خلتك تتعصب وتفقد أعصابك عشان غيران عليها ومش عاوز حد يقرب منها غيرك
زين بألم: ايوا حبيتها ياماما، كنت طول المدة دي بكدب احساسي بس عرفت النهارده اني حبيتها كنت هقتل مالك عشان قرب منها وهي بالنهايه عاوزه تتخلص مني وتنهي الجواز.
فريده بسخريه:وانت هتسبها تبعد عنك وهتطلقها بالسهولة دي، لو بتحبها فعلاً حافظ عليها وقربها منك ومش بعيد تكون هي كمان اتنيلت وحبيتك
زين برفض: مستحيل تكون بتحبني دي لسه بتفكر في مالك
فريده بحده: غلطان يازين،ملك لو كانت بتفكر لسه في مالك وبتحبه زي الأول كانت سامحته ورجعت ليه من اول يوم دخل فيه المستشفى، ملك لسه موجوعه من اللي حصلها يازين بلاش تزيد عليها وتطلقها لو انت يابني بتحبها اياك تفكر تخسرها.
زين بندم: عندك حق ياماما مكنش ينفع اتعصب عليها بالطريقه دي.
فريده ببسمه: هي في اوضتها دلوقتي ورحمه معاها روح صلح اللي عملته يلا لسه واقف ليه.
ابتسم لها وخرج من الغرفه لملك، فتح الباب وادخل رأسه بمرح: ممكن ادخل
اخفضت وجهها بحزن، بينما قالت رحمه: ماتدخل يابوص انت مكسوف وإلا ايه
اقترب منهم وضرب رحمه علي قفاها: طب يلا برا
ملك بحده: لا مش هتطلع برا.
زين بإنفعال: وانا قولت هتخرج برا.
ملك وهي تسحب رحمه: وانا قولت هتقعد هنا ومش هتخرج
رحمه بصراخ: بسسسس، ماتصلوا علي النبي كدا وتفهموني بدل منا عامله زي الأطرش في الزفه ومش فاهمه حاجه.
زين لملك: تمام اترزعي يارحمه وانتي تعاليلي.
اقترب منها بينما هي تراجعت بإحراج: انت اتجننت بتعمل ايه
زين بغمزه: ايه ياقلبي مراتي ووحشتيني وعاوز اصالحك عندك مانع
رحمه بخجل: يشيخ ابو ام تربيتك وانت واحد مش بتتكسف ولا بتراعي وجود حد
ملك بغيظ: عندك حق والله يابت يارحمه.
اقترب اكثر منها وسحبها إلي احضانه: أنا اسف
تمللت بغضب: زين بطل جنان وابعد
رحمه وهي تضع رأسها بينهما: ممكن افهم فيه ايه هنا لأموخذاه
زين وملك: وانتي مالك
رحمه وهي تخرج بغضب: روحوا يكش تتحرقوا في بعض أنا مالي.
ملك لزين: ابعد بقا عني وبطل تمثيل خلاص الكل عرف
زين بحب: قريبا التمثيل هيبقي حقيقه ياملاكي.
ملك: تقصد ايه
ابتعد عنها وسحبها معه للخارج: هتعرفي قريب أوي
ملك بحده: انت ساحبني شبه الجاموسه كدا ورايح علي فين إن شاء الله
زين بغمزه: هننزل العربيه واطلبي تروحي اي مكان وهنروح مع بعض ونسهر للصبح
ملك بخبث: اي مكان اي مكان
فتح لها باب السياره: اطلبي وانا هنفذ ياملاكي.
ملك بخبث اكثر: إذ كان كدا ف يلا بينا علي دريم بارك الأول
زين بصدمه: احييييييه