فيوم ققرررت احسم الامر نزلت قعدت ع البحر لوحدي وقررت اعيد حسباتي ..
ببص من بعيد لقيت يونس جاي
قومت بسرعة وقولت..
_جاي لي
_جاي احسم الامر معاكي..
_انتَ عرفت اني هنا ازاي!
_لما قولتلي وانا بكلمك انك نازلة تقعدي لوحدك توقعت..لا متوقعتتش بس انا اتأكدت انك جاية هنا..يبنتي احنا صحاب من سنةة حفظت كل تفاصيلك خلاص..ها لسا محتارة
اتنهدت وقولت..
_انا مش محتارة بس انااا توهت
_ابسطهالك ينصة!
_بسط ي سيدي ومنك نستفيد
_انتِ ميالة لمين اكتر مصطفي صديق الطفولة ال اتولدتي وكبرتي وهو مبيفرقكيش ولا احمد حبيب عمرك..ال بردو قعدتي متعلقة بية فترة اكبر من فترة مصطفي!
_بص..هو مش عارفة..انا مش عاوزة اظلم حد
_فكك من الظلم دلوقت لانك كدا كدا لازم تتجوزي واحد بس مش هينفع الاتنين ف..
قطعت كلامة وقولت ..
_انا مش عاوزة اجرح حد
_ومين قال انك هتجرحي حد!
انت فكري بس انتِ عاوزة اي وبعدين يحلها الحلال
_تفتكر مين بيحبني اكتر
_دا سؤال تسالية لنفسك..انا ولا عشرت دا ولا دا وان شوفتهم ف بشوفهم صدف وهما معاكي سوا ف جامعة او ف اي حتة..بس ال اعرفة ان ال بيحب حد بجد هيتمنالة السعادة حتي لو بعيد عنةة..
اخدت نفس وقولت
_انا من ساعة ما جيت هنا والدنيا اتلغبطت..حاسة ماما كان عندها حق لما حاولت كتير اوي اني مسافرش ومع ذلك صممت علشان احقق ذاتي
_ذاتك بردو ولا علشان تثبتي لأحمد انك قادرة ع التحدي وع الموجهة
_اقولك الحقيقةة!
_قولي يستي
_انا اة كنت جاية اتعلم واحقق ذاتي..بس بردو جيت علشان
قولت بهمس
_أحمد كان وحشني..
_مش بقولك انااا..انا عارف والله
_لو كنت فضلت ف مصر مكنتش هشوفة
_كان هيرجع مهما طال الزمن..الغربة وحشة اوي..الواحد عايش ف فراغ كأنة روبوت بالظبط عايش للشغل وبس..هنا الحياة واقفة مفيش بشر كتيرر بتشوفيهم..مفيش
ام تسأل اكلتي ولا لاء طيب انتِ كويسة ولا الدنيا مخبطة معاكي..ماشية ببركة ربنا وزي ما تيجي..انتَ لو مظهرتيش ف حياتي كان زماني طقيت زمان والله
_باخد ثواب فيك
__يشيخةة
_والله..بس بجد بشكرك ع وجودك جمبي دايما..فاكر اول مرة اتقابلنا وقولتلك ان معنديش صاحب..!
دلوقتي بقا عندي..انتَ الصديق الوحيد ال عرفتة..
_متشكرنيش انا مش عارف من غير حل بلاويكي كنت هعيش ازاي والله..مرة احمد مسك ف مصطفى ومرة مصطفي اختفي ومرة أحمد اتخانق معاكي و..و...و.....إلخ
_مناا كنت هحكي لمين بس ماهو مفيش غيرك
_انا مني لله ان عرفتك
_اقوم امشي!
سحبني من ايدي قعدني وقال
_لا لا والله انتِ زعلك صعب وقماصة مقدرش ع زعلك والله
_انا هزعل علشان تجبلي شكولاتة بتاعت كل زعلة دي
_يعم متزعليش وهجبلك شكولاتة من غير زعل يبومة
_الله يكرمك ويعمر بيتك انا قولتك ست الكل ربتك محدش صدقني.
_خلاصصص يبتت كفايا شحاتة
ضحكنا فقولت
_متبطل هزار ونتكلم ف الجد..انت حياتك ناشفة كدا انا بقالي سنةة اعرفك إلا حتي ما شوفتلك مزة ماشي معاها من المزز ال هنا..
_دول مزز دول!
_والنبي انتَ مش عاجبك دول والله انتَ حلال فيك بتوع مصر
_ومالهم يختي بتوع مصر مانتي اهو متلقحةة جمبي ومن مصر
_تصدق صح! بس يبني انا حالة خاصة
_صح المفروض مكانك مش معانا انا عارف
قعدنا نهزر لحد ما روحنا ولأخر مرة بحاول اقرر هعمل اي علشان انهي كل دا..
صليت ونمت صحيت ع صوت المنبهه بيعلن بداية يوم جديد قومت صليت ولبست ونزلت بسرعة للجامعة قابلت يونس لان طبيعي هو هناك لانة مُعيد ف الجامعة
خلصت وروحت نمت شوية وصحيت ع صوت الباب وهو بيتقفل عرفت ان أحمد جية
قومت بسرعة علية بس الغريب انة كان مضايق ..
_أحمد انتَ كويس
سكت شوية وقال
_محتاج اتكلم معاكي
_اتفضل طيب اتكلم
_لا حابب نتكلم ف حتة تاني اي مكان نقعد فية وبعدين نتكلم البسي ويالة
دخلت لبست وانا مش فاهمة اي حاجة من ال بتحصل..وصلنا مكان جميل وهادي ع البحر وصوت الموج بيخبط ف بعضة..كنت قاعدة ساكتة لحد ما اتكلم وقال
_هنفضل ع الحال دا كتير؟
_حال اي
_بذمتك انتِ عاجبك ال بيحصل دا ..احنا بقالنا سنةةة ع نفس الحال
اتعدلت من الكرسي وقولت
_لا مش عاجبني
_وهنخلص امتا!
_انت عاوز اي دلوقتي يعني
_نكتب الكتاب ولما ننزل مصر نعمل فرح
_وهو مين قالك اني خلاص وافقت بيك!؟
_نعم يختي..يعني اناا كل داا مستنيكي وتقوليلي لسا موافقتيش
_ماهو مصطفي مستني زيو زيك
_هو مش احنا خلاص من حوار مصطفي وبقا مجرد صاحب وان شاء الله بعدين همحي اسمة خالص من حياتك..اصلنا معندناش بنات تصاحب ولاد
ضحك ضحكة سمجة وقال
_معلش اصلنا شرقين اوي
_انتَ بتفرض شروط من دلوقتي؟
_انا خايف عليكي
_مش ممحتاجة حد يخاف عليا واظن انا كبيرة كفايا اني احدد انا عاوزة ايي صح؟
قال بعصبية
_انا صبري نفذ والله لو معديتي الدنيا ي ليلي لطربق الدنيا فوق دماغك..
_انت بتزعق ليي..اقولك انا كفايا اوي لحد كدا انا هقدم ف السكن تاني ومن بكرا هنقل في
سبتة ومشيت فضل ينادي عليا وانا مبردش لحد ما جري ورايا وانا بجري
والدموع ف عيني فجاة محستش بنفسي غير وصوت زمارة عربية وأحمد بيقولي،حاسبييييييي