رواية بنت العز
الفصل السادس6
بقلم ميرفت السيد
جريت على مصدر الصرخة
لقيت اخويا بيغرق بحمام السباحة الرجالي
لانه مش بيعرف يعوم وبيستنجد بيا
انا سبقت الكل لاني كنت اقرب حد منه
صرخت من الخضة وانا شيفاه بيغرق
جريت عليه وانا باطمنه وقبل ماانط لقيت ليد منعتني وصاحب الايد
كان عزيز قلع التيشرت بسرعة ولأنه طويل ورياضي نط في ثواني شال اخويا وخرجه واسعفه وبابا جه مفزوع واعمامي والكل
اتجمع والشباب ساعدوا عزيز
كل دة في اقل من دقيقة ونيموه وغطوه عشان يتدفا
قربت من اخويا كان فاق حضنته وجالي احساس ان وقعته مش طبيعية اخوياو بيخاف جدا وقولتله بهدوء مين وقعك
قالي بصوت ضعيف وهو بيشاور على الواقفين :طنط دي الي انتي ضربتيها
😳😱😳😱
الكل سمعه والعيون كلها عليها وهي اصفرت ولسة هاتقول : دة كد....
قاطعتها وسبقت الكل ومسكتها ضربتها بالقلم بكل غل وقلتلها طب دة
مش هيقدر يدافع عن نفسه وريني انتي ياام قلب اسود هتعملي ايه ورمتها بحمام السباحة وعمي عامر نط وانقذها
وبابا مسكني عشان اهدا هو واخويا الكبير عمرو وانا باقاوم وعاوزة اقتلها
بابا سابني لاخويا وراح لعمي عامر وزعق معاه وزعق لمنى
وجدي كان بيزعقلها ومبهدلها
فجأة مع العصبية
والخضة حصلي انهيار وحسيت بتنميل وان رجلي مش شايلاني فقدت الوعي وقبل مااقع عالارض عزيز
لحقني وشالني الكل جري عليا وعزيز جري بيا مع علي وبابا في عربيته عالمستشفى
بابا قال لعمرو : خليك
انت و رشيدة مع علاء
اخويا الكبير حضن علاء واخده معاه وقال لبابا متقلقش علاء معايا هاطلعه وانيمه واحصلكم
انطلقنا للمستشفى وعزيز جري بيا في الاستقبال جابوا كرسي متحرك ونقلوني للطواريء
الدكتور داخل يكشف عزيز مسك ايده وقاله مفيش دكتورة
بابا قاله هو دة وقته ياعزيز خليه يطمننا
الممرضات طلبوا منهم يخرجوا
شوية والدكتور قالهم ضغط عالي وانهيار عصبي
معتز: بنتي 🥺 يعني ايه يادكتور في خطر ولاايه
الدكتور : إن شاء الله مفيش احنا عملنا اللازم وهي بترتاح والافضل تفضل هنا لحد ماتتحسن وارجوكم بلاش حد يضايقها او يعصبها
معتز: تفضل هنا المهم تتحسن عاوز اشوفها لو سمحت
الدكتور هي نايمة بس ممكن تشوفها لوحدك
دخل الاب وعنيه دمعت بص عليها وهي نايمة لاحول ولاقوة لها وباس جبينها وقالها : والله ماهاسيبك تواجهي الدنيالوحدك تاني ولا هاسمح لحد يأذيكم 🥺
الممرضة طلبت منه يخرج
خرج وهو مقهور عزيز وعلي طلبوا منه يروح يرتاح وهما موجودين
الاب اتعصب قال لعزيز هات مفاتيحك انا لازم اروح البيت
عزيز: ياعمي حقك وحق ابنك وبنتك زمانه جه
الاب بعصبية: هات المفاتيح
علي قاله: انا هاجي معاك ياعمي
وانصرفوا وعزيز بقى لوحده قدام اوضتها 🤔
دخل بهدوء وابتسم وهو شايفها نايمة وقعد جنب سريرها وهو بيفكر
🤔
اما في بيت العز الجد مجتمع باولاده وطلب من الكل ينتظروا قرار مهم
رشيدة مرات الاب نيمت علاء في شقتها وعمرو نازل لقى ابوه داخل وهو ثائر ومعاه علي
جري عليه وقاله يابابا جدي عامل اجتماع
معتز جري و دخل الاجتماع وهو بيغلي الكل اتخض من دخوله
الجد قال طمننا على علا احنا بنتصل بيكم مش بتردو
معتزقال: جابها انهيار عصبي ولازم تتحجز ياوالدي انت واخواتي احنا اتربيناونبقى ايد واحدة مفيش ست اتجرأت تعمل بينا فتنة غير مراتك ياعامر
ربينا اولادنا انهم إخوة وقلوبهم على بعض مهما حاولوا الحريم يوقعونا ماعرفوش
بس كدة انت بقيت ضعيف مع مراتك ياعامر كونها تتجرأ على محاولة قتل ابني دة ملهوش غير معنى انك ضعيف
عامر قام واتجه لأخوه والجد صرخ عامر معتز
عامر شاور بهدوء للاب وقاله بعد اذنك ياحاج
انا عاذرك يامعتز وعارف احساسك كأب بس لو انت شايف اني كنت سبب في الي حصل ارجوك اتفضل خد حقك مني
انا يامعتز مش ضغيف وانت عارف بس مقدرش اتحكم بنواياها بس اقدر اتحكم بوجودها بحياتي
ومش هاسمحلها بأذية اي حد من اهلي ومع احترامي لأبي وليكم
منى طالق
معتز هدي والجد قام وقال لمعتز اهدا ياحبيبي احنا كنا بانتظارك
ووجه كلامه لعامر واثق من قرارك لأنها لو خرجت مش هترجع
عامر : الي تقرب لحد من ولاد اخويا وتفكر بس انها تأذيه ماتت بالنسبالي
الجد: تمام كدة انت قررت روح نفذ قرارك
عامر حضن معتز والاخوات كلهم حضنوا عامر ومعتز
الجد الاجتماع انتهى
معتز طلع اتطمن على مراته وابنه.
وعامر طلع بيته
واول مادخل اتجه لمنى وسحبها برة اوضة النوم وضربها بالقلم وقال لمنى: انتي طالق لمي هدومك وابنك
هايوصلك لأهلك وورقتك هاتحصلك وسط بكاء بناتها بس مفيش حد قادر يدافع عنها ولاحد يقدر
. يتجرأ على ابوه ويناقشه
وكل أخ اتجه لبيته والكل حزين من تصرفات منى وعارفين ان دة جزائها الي تستاهله
عمرو قال لأبوه مين في المستشفى مع علا
؛ عزيز
عمرو: لوحده
ايه يعني هو هاياكلها احنا كنا في ايه ولافي ايه
:انا رايحلهم
خدني معاك
: لا ارتاح انت مراتك محتاجالك وابنك ياوالدي انا هاروح انا والتوأم قمر وورد هايتجننوا
عشانهامستعدين يباتوا معاها
تمام
عمرو اخد بنات عمه وراح لأخته لقوا عزيز نايم عالكرسي جنبها
البنات بصوا لبعض باستغراب 😳😳 وقالوا بصوت واحد : عزيز مش معقول
🤔😁
عمرو شاورلهم يسكتوا وصحاه اتخرج لما شاف البنات ونزلوا هو
وعمرو الكافيه بتاع المستشفى والبنات قعدوا جنب علا بيتناوبوا على رعايتها
الصبح علا فاقت
والدكتور طمنهم عليها
وعلا مصممة تخرج والبنات مش قادرين يقنعوها تفضل ولجأوا لعمرو
وعزيز كان صامت وعمرو بيقنعها تستنى رأي الدكتور
وعلا مصممة تخرج لأنها اخدت قرار ومصممة تنفذه