رواية كيان الفهد
الفصل الحادي عشر11
بقلم بسملة مصطفي
جه ماسدج لكيان وهيا بتكلم ساره صاحبتها
كيان دخلت علي الشات الرقم مش متسجل برده
كيان :هوا انا مش قولتلك يا عديم الكرامه متكلمنيش تاني
والا هيكون قسم الشرطه بيرحب بيك
انت اي يا شيخ جبروت مبتحسش
سيبني في حالي بقي
والله العظيم انا لو اعرف مكانك دلوقتي
لهكون جايبه الشرطه معايا وجايه
انسان قليل الذوق ومش محترم خليك في مراتك وابنك يا استاذ
ملكش دعوه ببنات الناس
فهد :لمين الكلام ده كله يا دكتوره
انا فهد اللي انتي مشرفه علي حالته
كيان بصدمه :فهد
اسفه والله انا بحسبك حد تاني
فهد :هوا في حد بدايقك يا دكتوره
كيان بتوتر:لا لا
صحيح جبت رقمي ازاي
فهد :انتي كنتي اديتيه لاسر علشان لو حصل حاجه
انتي مش فاكره ولا اي
كيان :معلش اصل كنت مشغوله ببعض الحالات ومش مركزه
في حاجه يا فهد
فهد:انا حاسس اني جسمي كله متكسر ومش قادر
حاسس لما امد ايدي اجيب حاجه جسمي كله بيتشنج
كيان :ده طبيعي لان حضرتك طالع من عمليات وكان عندك كسور وجروح كتير
باذن الله كمان كام يوم مش هيحصل معاك كده
فهد :تمام يا دكتوره
بس هوا ممكن طلب من حضرتك
كيان :اتفضل
فهد :ممكن تبقي انتي المشرفه علي حالتي حتي بعد ما تخرج من المستشفي
كيان :هوا صعب اني اعمل كده
لان انا مشرفه علي حالات كتير
ممكن ابقي ابعت معاك ممرضه كام يوم كده لحد ما اخلص كذا حاجه كده
بس هوا اشمعنا انا؟
فهد :لان انتي فاهمه وعارفه انتي بتتكلمي ازاي بتشخصي الحاله صح.
طريقه كلامك كويسه وشاطره
انا مش عايز حج تاني لان في دكاتره كتير اتعاملت معاهم هنا كانوا عصبيين
مش بيستحملوا اي كلمه
كيان :تمام يا فهد.
هقفل دلوقتي علشان انام
وقفلت كيان معاه ونامت
*عند أسر صاحب كيان*
أسر كان بيتمشي علي النيل
لقي بنت جايه بتجري ووراها شباب
البنت جريت عليه
البنت:ساعدني والنبي
عايزين يقتلوني وانا مليش ذنب
الأشخاص اللي كانو بيجروا ورا البنت وقفوا قدام اسر
شخص منهم:ملكش دعوه بيها يا باشا وسيبها
هيا تبعنا واحنا مش هنسيبها
اسر :وحضراتكم عايزينهاا لي
شخص اخر:شيئ ميخصكش
هتجيب البنت بالذوق ولا ناخدها بالعافيه
اسر:راجل اعملها
الشخص اتقدم ناحيه البنت
اسر مسكه ضربه لحد ما وقع ينزف
الشباب اخدوا بعضهم واخدوا صاحبهم وجريوا
اسر لف ليها بعد ما مشيوا
اسر:الشباب كانوا بيجروا وراك لي
البنت وتدعي رفيف :هحكيلك
بس اولا بشكرك انك انقذتني منك
انا بابا شغال في تجاره المخد*رات واسلحه وكان فيه شحنه هتتسلم بس بابا خالف معاهم الوعد بسبب انهم كانوا هينقصوا الفلوس ومش هياخدها كامله فهما خطفوني من ورا بابا وساوموه بيا علشان يسلمهم الشحنه ومن غير ما بابا ياخد فلوس ده مقابل ان انا متقتلش او يحصل فيا حاجه وعلشان بابا شغله اهم من اي حاجه قال لهم اقتلوها وانا لما حاولوا يقربوا مني ضربتهم لاني كنت بتعلم دفاع عن النفس وهربت منهم والباقي عارفه وانا دلوقتي لو رجعت البيت ممكن بابا يطردني ومش بعيد يرجعني ليهم وانا مش عارفه اروح فين دلوقتي الفيزا بتاعتي وكل حاجه في القصر
اسر بتفكير:تعالي انا ليا شقه قريبه من هنا شويه
هاوصلك ليها وتقعدي فيها لحد ما تدبري نفسك.
كده كده انا مش بروحها انا قاعد في الفيلا مع صاحبي
رفيف:شكرا يا
صحيح اسمك اي
اسر بابتسامه :اسمي اسر
رفيف:شكرا يا اسر
اسر:العفو.
هاوصلك هناك واروح اجبلك شويه طلبات وبكره هتنزلي معايا اجيبلك هدوم
رفيف:شكرا وانا لما أدبر نفسي ويبقي معايا فلوس هرجعهم ليك
اسر:لا اعتبريها مساعده مني
اسر اخدها في العربيه وصلها للشقه
فتح لها بالمفتاح ودخلها وقفل عليها ونزل
راح سوبر ماركت كبير جاب ليها طلبات البيت والمطبخ وشويه حاجات ورجع
ساق العربيه وصل عند الشقه
خبط عليها
رفيف فتحت ولقت اسر بيديها اكياس
اسر:ده طلبات للبيت لانه فاضي لاني مبجيش فيه كتير
وده نسخه من المفتاح علشان تقفلي علي نفسك
ومتفتحيش لاي حد تبصي من العين دي وتشوفي مين
وانا كل يوم هاجي اطمن عليك
رفيف :تمام وشكرا ليك مره تانيه