CMP: AIE: رواية مطلقه في قلب صعيدي الفصل الاول1 بقلم مروة ماجد
أخر الاخبار

رواية مطلقه في قلب صعيدي الفصل الاول1 بقلم مروة ماجد

 

رواية مطلقه في قلب صعيدي 

الفصل الاول1

 بقلم مروة ماجد

فى عمارة الدكتور حسن حسين الايوبي واقفه نعمه هانم اخته بتدى البواب درس فى

 الاخلاق وازاى يعامل الهوانم اللى زيها وفجأه بيتفتح باب الشقه اللى قصادها وتظهر مدام نغم ، ممرضه وزى القمر 


نغم بتقرب منهم وبكل رقه بتقول 


صباح الخير يا عم فتحى ، صباح الخير يا هانم ، ممكن بعد اذنك يا عم فتحى تشترى ليا شويه طلبات من السوق ؟ 


وهنا فتحى مذهول من الرقه وبيقول 


هااا طبعا طبعا يا ست البنات وايتها حاجه تحتاجيها نادى بس ، يا فتحى تلاقيني طالع من الفانوس 🧞‍♂️🧞‍♂️


نعمه هانم بتحط ايدها فى وسطها وتقول 


مالك يا حزين قلبت كتكوت مبلول اكدة ليه ، وبصت لنغم وقالت


انتى يا حلوة..... العمارة دى كلاتها ملك أخوى الدكتور حسن ربنا يرجعه بالف سلامه ، وانى اهنه اللى اقول واعيد ، علشان اكدة باقولك الحزين دة مينفعش يسيب البوابه واصل ، وأنتى بقى ياريت تشوفيلك مكان تانى حكم العمارة اهنه كلها عاءلات محترمه ، وانتى من غير مؤاخذة يعنى وحدانيه من غير راجل ومينفعش تقعدى اهنه 


نغم بترد بكل هدوء وتقول 


ايه الكلام الغريب دة يا مدام ، انا مالكه للشقه ، الشقه دى بتاعه امى الله يرحمها واشترتها من الحج حسين الله يرحمه ، ومليش دعوه بيكى ولا باخوكى ، ومحدش يقدر يطلعني منها ، وبعدين مين قالك انى ست من غير راجل ؟ 


نغم سابتهم ونزلت وعيون البواب عليها ، لكن نعمه لسه بتفكر فى كلامها وتقول 


واه ، انت يا حزين مش قولت انها مطلقه ، امال ليه هى بتقول انها معاها راجل . دة باين أيامها هتكون طويله معاى 


البواب مش مركز خالص مع نعمه علشان كدة كانت لازم تضربه على قفاه علشان يفوق 😁


وفى مدخل العمارة نغم مستنيه تاكسي وفجأه بيوصل هادى زوج الست نعمه ، وطبعا احنا عارفين انه عينه زايغه موووت واول ما شافها قال 


صباح الخير ، هو حضرتك كنتى عندنا ، يعنى بتزورى حد هنا ؟ 


نغم

لا ، انا ساكنه هنا حضرتك ، خير فى حاجه 


هادى 

ساكنه ، يا محاسن الصدف ، العمارة نورت يا هانم ، معاكى هادى رضوان الرءيس التنفيذي لشركات الايوبي، وصاحب العمارة دى ، ٤٢ سنه وجدع اوى وزوق وجنتل وكريم 


نغم مش فاهمه حاجه وبدأت تخاف منه خصوصا انه بيحاول يقرب منها وهو بيتكلم وقالت 


صاحب العمارة ازاى ، انا اعرف ان ماما الله يرحمها اشترت الشقه من الحج حسين الايوبي وابنه مهاجر امريكا تقريبا اسمه ااااااا مش فاكرة 


والست اللى فوق ام لسان طويل دى تبقى بنته ، انت بقى تبقى مين ؟ 


الاستاذ هادى بيسمع سيرة نعمه وتنتابه حاله من الفزع ويقول 


ااااا انتى تعرفيها ، ربنا بجعل كلامنا خفيف عليها ، عموما نعمه دى مراتى ، ولعلمك اى حاجه مزعلاكى منها لازم تعرفينى ، وانا اضربها على دماغها واعلمها الادب ، حكم نعمه دى الصعيد وناسه ضاربين فيها اوى ، انما انا بقى اسكندراني جدع اوى واعجبك ، وحمش موت وما احبش الحال المايل 


نغم مش مركزة معاه خالص وشاورت لتاكسى واستاذنت منه ومشيت 


هادى لسه بيبص وراها😙 وكأنه اول مرة يشوف ستات 


وفى شقه نعمه بيدخل هادى وهو بيغنى ومبسوط وبيقول 


حبيبى زى القمر ، يادوب بلمح البصر صحى الهوى فيا ،،،،


ولكن للأسف بيشوف عمله الردى وغلطه عمره الست نعمه وبتقول 


واه واه ، هادى مالك يا سيد الرجاله ، داخل بتغنى يا راجل عاوز الناس تقول علينا ايه ، هو احنا برضك وش مسخرة 


هادى فاق لنفسه ولم الدور وقال 


اهلا نعمه حبيبتى ازيك عامله ايه 


نعمه بغضب🤨


واه برضو نعمه حاف اكدة ، انت عاوز حد يتجرىء عليا ويقولى نعمه حاف 


هادى

يوووه يا نعمه برضو عاوزانى اقولك نعمه هانم ، خلاص يا ستى ، مع انى لسه عند رأيى، الهوانم مش بالكلام ، الهوانم بالفعل يا قلبى 


نعمه بتتعدل وتبرق عيونها 😏 لأنها فاهمه التلقيح ده على ايه وبتقول 


هادى، اهدى كدة وقولى مالك ولا تكونش عامل مصي.به جديدة زى عوايدك 


هادى بيرد وهو خايف منها وبيقول 

انا برضو عمرى زعلتك يا ست الستات ، دة انتى الحته الحلوة اللى فى حياتى ، الا قوليلى الدكتور حسن هيوصل امتى النهاردة بإذن الله 


نعمه قعدت وحطت رجل على رجل وقالت 


الدكتور حسن أخوى ربنا يطول عمرة هيوصل على العصر أكده ، اعمل حسابك تطلب اكل من المطعم لان البت هنيه الخدامه تعبانه وروحت 


الاستاذ هادى من الواضح انه عينه زايغه كمان على هنيه الشغاله وقال 


هنيه تعبانه ازاى دى كانت ليله امبارح أسد اااااا قصدى زى القردة 


الست نعمه فاهمه جوزها وعينه الزايغه ، بس دماغها مشغول فى نغم لأنها متأكدة ان هادى هيبصلها ، وبنظرة خبث قالت 


الا قولى يا هادى انت عرفت ان الشقه اللى قصادى سكنت ، بنت الست اللى كانت اهنه من عشرين سنه رجعت وسكنت فى الشقه 


هادى ابتسم غصب عنه وقال 


قصدك الملبن اللى كانت نازله النهاردة 


ولما حس انه بيعك رجع فى كلامه وقال 


ااا قصدى ايوة شوفتها مش حلوة خالص انتى احلى يا نعمتى 🤥


نعمه بغرور

ها منا عارفه انى احلى ، هو فى واحده خلقها ربنا فى جمالى ولا عقلى ، طيب دة انى بيضربوا بيا المثل ، بس عاوزة اقولك البت اللى ساكنه جديد دى شكلها اكدة مش هتعمر كتير وبكرة تقول نعمه هانم مراتى قالت 


وعلى العصر بيوصل الدكتور حسن حسين الايوبي والبواب اول ما شافه جرى عليه وسلامات واحضان


اش اش اش استنوا شويه كدة 😜...


الدكتور حسن شاب صعيدى بس من الواضح ان الصعيد اتغير اوى ....

شاب طويل اسمر على خفيف عيون بنيه وشعر اسود ناعم ودمه شرباااااات ، ومش بيرفع وشه من الأرض وكل الناس بتحبه وبتحترمه 


بيطلع الدكتور حسن ويقف على باب الست نعمه وبيتكلم مع البواب وفجأه بترجع نغم من برة وترمى عليهم السلام 


السلام عليكم 


البواب 

عليكم السلام ، اهلا اهلا يا ست نغم ثوانى ادخل الدكتور حسن واجيبلك طلباتك


نغم برقه 

متشكرة اوى يا عم فتحى براحتك وانا مستنياك 


الدكتور حسن كان متلخبط فى الشنط لكن لفت نظرة رقه نغم وبصلها وقال 


هو حضرتك نغم بنت الحاجه تهانى الله يرحمها 


نغم 

أيوة هو حضرتك تعرف ماما 


الدكتور حسن 

أيوة كنتى مسافرة وانا كت احب ازورها واتكلم معاها وكانت ديما تحكيلي عنك، حمدالله على السلامه 


نغم

الله يسلمك وحمدالله على سلامتك انت كمان 


وهنا بتفتح نعمه الباب وتشوف نغم واقفه مع الدكتور حسن بتقول


حسن أخوى حمدالله على السلامه يا حبيبى ، 


وبصت لنغم 


واه خير يا حلوة كل انا افتح الباب الاقيكى ولا ايه 


نغم مش عاوزة ترد عليها واستاذنت ونزلت 


دخل حسن وهو محرج اوى من كلام وطريقه نعمه ، وبعد ما سلم على جوزها قعد الكل يتكلموا فى أحوال الشغل والشركه ، لكن من الواضح ان الدكتور حسن مكنش مركز معاهم خالص ، ووقف عن الشباك وفى أيدة فنجان قهوة وبيقول لنفسه بعد تنهيدة طويله 


ياااااااه كأن الحلم اتحقق ، اخيرا رجعتى ، حمد الله على السلامه يا نغم 


من الواضح ان الدكتور حسن عنده ذكريات مع نغم ، لكن غريبه ازاى نغم نفسها متعرفش حاجه عن الذكريات دى ؟


ومن الواضح برضو ان نعمه أيامها طويله اوى مع نغم 

                  الفصل الثاني من هنا 

لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-