Ads by Google X

القائمة الرئيسية

الصفحات

رواية مطلقه في قلب صعيدي الفصل الثالث عشر13 بقلم مروة ماجد

رواية مطلقه في قلب صعيدي

 الفصل الثالث عشر13

بقلم مروة ماجد

الكل بيجرى على باب الفيلا والكل بيصرخ حسن سايح فى دمه ، نغم بتقرب منه وتصرخ 🥺


حسن حسن رد عليا 


نعمه بتزقها بعيد وتقول


غورى بقى واخفى من حياتنا ، انتى السبب فى كل حاجه عفشه حصلت لينا 


نغم مش بتدى اهتمام لكلام نعمه وقربت من حسن غصب عنهم وكتمت مكان النزيف بالطرحه البيضا وفستانها اللى بقى كله دم ، وبسرعه نغم طلبت الإسعاف🚨 وقعدت على الأرض وحاطه راس حسن على رجلها وبتبكى عليه ، اما نعمه لسه بتصرخ وتشتم نغم


وتقول انتى السبب انتى اللى قتلتى حسن 


وجوه الفيلا إصلاح الشغاله وبنتها وكل الخدم بيحاولوا يفوقوا الحاجه ام حسن لأنها اغمى عليها من الخبر وبشاعته ، والكل بيبكى وعلى لسانهم الدعاء لحسن ربنا ينجيه من الحادثه دى 


وبعد لحظات حضرت الإسعاف واخدت حسن ونغم معاه فى عربيه الإسعاف لان المسعف عرف انها ممرضه ومرضيتش تسيبه لوحده 


ولسه نعمه بتهرتل بالكلام ان نغم قتلت الدكتور حسن علشان عرف حقيقتها 


وفى المستشفى دخل الدكتور حسن اوضه العمليات ولسه الكل بره بيدعى ربنا والعيون مفتحه خايفه تسمع خبر ميحبوش يسمعوه 


وبعد اكتر من ساعتين بيخرج الدكتور ويقول 


الحمد لله تم استخراج الطلقه كانت فى الكتف وربنا نجاه بمعجزه وبفضل الممرضه الشاطرة اللى وقفت النزيف بسرعه واتصرفت صح 


وهنا الكل مبسوط وبيحمد ربنا ، اما نغم فاخيرا بدات تاخد نفسها وسندت ظهرها للحيطه وقعدت فى الأرض بالفستان الأبيض اللى بقى كله دم ودموع وانقلبت الليله من أجمل ليله فى عمرها ليوم صعب اوى وعمرها ما هتنساه لا هى ولا البلد كلها 


وبعد ثوانى دخل البوليس عليهم والظابط بيقول 


مين نغم فى الموجودين 


نغم بتقف من على الأرض وتقول 


ايوة يا حضره الضابط انا نغم خير 


الضابط 

انتى مطلوب القبض عليكى بتهمه التحريض على قتل الدكتور حسن الايوبي 


نغم هى والموجودين مصدومين ، معقول مين يعنى اللى ممكن انه يتهم نغم بتهمه زى دى 


وتم القبض على نغم من سكات وكانها مستسلمه للمكتوب ، اما هادى فكان جنبها وقال


متخافيش يا مدام نغم انا معاكى هاجيبلك محامى وكمان حسن ربنا يشفيه لا يمكن يسيبك مظلومه ابدا 


نغم والدموع فى عيونها 


اهم حاجه دلوقتى حسن خليك جنبه يا استاذ هادى وارجوك ابقى طمنى عليه 


والضابط والعسكرى حطوا الكلبشات فى ايدين نغم ولسه بتخرج من باب المستشفى شافت نعمه وعصام داخلين المستشفى ونعمه اول ما شافتها قالت 


ايوة أكده هى دى نهايتك يا ق،تاله القت،ل،ه انتى ، بقى عاوزة تتجوزى ابن الايوبي وتبقى هانم لكن ده نجوم السما اقربلك 


اما عصام بيبص لنغم وصعبانه عليه وقرب منها وقال


متخافيش يا نغم انا معاكى وعمرى ما اسيبك ابدا ، انا عارف ان حسن دة حيوان ومبيقدرش قيمه النعمه اللى فى ايدة متخافيش ، انا اعمل الواجب بس واجيبلك اكبر محامى فى الصعيد كلاتها واجيلك


نغم مبتردش على حد ومشيت مع الضابط 


وتانى يوم وفى اوضه فى المستشفى حسن خلاص فاق ، وبدا يتكلم ويقول 


نغم بتخونيتى يا نغم ......ّ


وهنا كانت نعمه واقفه جنبه وقالت 


خلاص بقى يا اخوى كفياك نغم وزفته الطين ، هو انت لساك بتفكر فيها بعد كل اللى عملته فيك 


حسن بيفتح عيونه ويقول 


نعمه ايه اللى حصل وانا فين ؟ 


نعمه 

حمدالله على السلامه يا اخوى ، انت فى المستشفى الست نغم المطلقه اللى انت احترمتها واويتها فى بيتك اجرت واحد من معارفها علشان يقتلك امال، كانت فاكرة انك هتكتب كتابك عليها وبعدها تموت وهى تورث العز ده كله 


حسن ساكت خالص ومش قادر يتكلم ولا فاهم حاجه من كلام نعمه يمكن كمان يكون ناسى اللى حصل 


وهنا عصام بيلعب على الحبلين ويقول 


بصراحه بقى يا حسن يا ابن عمى نغم دى طلعت ست مش تمام دى كانت بتحاول معايا استغفر الله العظيم ، وبعد ما كنت يعنى باقول اتسلى بيها عرفت انك هتتجوزها ، قولت خلاص دى هتبقى مرات اخوى ، لكن هى بقى يا اخوى انت سافرت من اهنه وهى اشتغلت عليا مكالمات فى نص الليل وزيارات ، اى والله وما ليك عليا حلفان يا اخوى 


نعمه بتقرب من حسن بخبث وتقول


بس انا بقى هاموت واعرف انت ضربتها ليه يا اخوى وايه الرسايل اللى جتلك على موبيلك خلتك تعمل اكدة .


حسن برضو ساكت ومفتح عيونه وسارح فى دنيا تانيه 


وبعد اكتر من ساعتين حضر ضابط شرطه لحسن وقال


دكتور حسن ، اختك نعمه هانم اتهمت مدام نغم الممرضه الموجوده فى بيتك انها هى اللى حاولت تق،تلك ، انت بقى بيتتهم حد تانى 


حسن مكنش قادر يتكلم لكنه غصب عنه قال


استنى لو سمحت يا حضرة الضابط د محدش يقدر يتهم نغم بحاجه زى كدة ، انا متاكد انها لا يمكن تعمل كدة وبعدين دى كانت خطيبتى والمفروض امبارح كان فرحنا وكان كتب كتابنا 


الضابط


معقول ، محدش قالى الكلام دة ، انا جالى بلاغ ان الدكتور حسن الايوبي انض،رب بالنار ولما وصلت الفيلا مكنش فيه اى مراسم زفاف ونعمه هانم وجهت لنغم تهمه الاشتراك فى قت،لك وتم القبض على نغم 


حسن بيحاول يتكلم بصوت عالى ويقول 


لا ، يا حضره الضابط اكيد نغم ملهاش علاقه باللى حصل ، من فضلك لازم نعمه تغير اقولها ونغم تروح لحالها 


الضابط باستغراب

تروح لحالها ازاى يعنى انت مش بتقول انها المفروض عروستك


حسن بيحط وشه فى الأرض ويقول 


لا خلاص يا حضره الضابط النصيب اتقطع لحد هنا 


وبتعدي الليله صعبه اوى على حسن فى المستشفى وعلى البلد كلها اللى بيدعوا لحسن ومش فاهمين ايه اللى حصل 


اما نغم فعندها فى قسم الشرطه عصام اللى معاه محامى مشهور اوى فى الصعيد وجاب ليها كمان هدوم نطيفه وقال


نغم متشيليش هم حاجه واصل انا جنبك ومهما حصل لا يمكن اسيبك مهما حصل 


نغم

عصام بيه انا عاوزة اطمن على ابنى ، لازم يسيب فيلا الايوبي حالا 


عصام

متخافيش يا نغم ادهم ابنى زى ما هو ابنك تمام ، انا اخدته من الفيلا من ساعه الحادثه ، بصراحه بقى انا خوفت عليه من حسن ونعمه ، ابنك معايا فى بيتى ومن النهاردة انا معاكى ومستحيل حد يقدر يمسك ، انتى بس اتكلمى وقولى انك ملكيش علاقه واصل باللى حصل وان حسن دة بتاع نسوان وعنده مشاكل كتير اوى مع الامريكان 


نغم

لو سمحت يا عصام بيه مش عاوزة اسمع اسمه ولا اسم اى حد من عيله الايوبي 


عصام

طيب ممكن بقى بلاش عصام بيه والالقاب اللى ملهاش عازة عاد ، انا اسمى عصام اكدة 


نغم

بتحط راسها فى الأرض ومش فايقه لأى رومانسيه بايخه من عصام


وفى الفيلا اصلاح الشغاله قاعده مع بنتها اللى بتعيط على اللى حصل لنغم وتقول 


بهيه بنت إصلاح😢


معقول يا اما اللى بيحصل دة ، بقى الست نغم اللى زى النسمه دى تطلع قت،اله قت،له وتق،تل مين سى الدكتور حسن الراجل اللى بيحبها وناوى يتجوزها 


واه مالك يا اما ساكته ليه ، ردى عليا انا عقلى خلاص هيقف من التفكير 


إصلاح سرحانه وتقريبا مش سامعه من بنتها حاجه، وأخيرا ردت وقالت 


انا عارفه كل حاجه وسمعتهم وهما بيتفقوا عليها ، لكن لو اتكلمت ممكن اتق،تل 


البنت

واه يا اما عارفه ايه وسمعتى ايه اتكلمى ، لو اى حاجه فى يدك نقدر بيها نساعد الست نغم يبقى لازم نعملها 


اصلاح بتفكر وهى ساكته وايديها بترتعش من الخوف لمجرد انها فكرت انها ممكن تقول إللى سمعته 


ياترى اصلاح سمعت ايه ؟


وسمعت مين بيتفق على نغم؟


يا ترى إصلاح هتتكلم وتقول الحقيقه ولا هتخاف من اسيادها ؟


ولسه المطلقه بين حيطان السجن والعاشق الولهان على سرير المستشفى وكل واحد فاهم ان التانى عاوز يخلص منه 

               الفصل الرابع عشر من هنا 

لقراة باقي الفصول اضغط هنا

تعليقات