Ads by Google X

القائمة الرئيسية

الصفحات

رواية مطلقه في قلب صعيدي الفصل الثاني عشر12بقلم مروة ماجد

رواية مطلقه في قلب صعيدي

 الفصل الثاني عشر12

بقلم مروة ماجد



نعمه بتصور نغم وهى مع عصام فى العربيه ومن الواضح ان نعمه ناويه برضو تبعد نغم عن حسن باى طريقه وباى تمن


اما نغم وعصام راحوا موقع المشروع وفعلا زى ما قال عصام اتبرع بأرض كبيرة اوى علشان يعمل عليها مشاريع خيريه وكمان بيصرف على المشاريع دى من ماله الخاص، والاكتر ان كل العمال والناس الموجوده فى المشروع بتدعى لعصام ويقولوا انه راجل خير جدا ومن الواضح كدة ان الكلام ده كمان من ضمن الخطه المرسومه للايقاع بنغم فى مصيده عصام


عصام بطل يحاول يتحرش بنغم وعايش فيها دور الراجل الشهم المحترم ووشه فى الأرض والاكتر انه طول الوقت ماسك سبحه وبيسبح ويستغفر


نغم حاسه انه بدأ يتغير لكنها برضو بتعامله معامله جافه جدا وقالت


ماشاء الله فعلا المشروع جميل يا عصام بيه ، لكن انا ممكن اساعدك ازاى، انا عندى استعداد اى حاجه محتاجه مساعده اعملها بدون مقابل


عصام وهو لسه عايش دور مبروك عطيه بيقول 😁

بارك الله فيكى يا اخت نغم ، انا عارف انك سيده فاضله وتحبى الخير اوى اهم حاجه انك كل يوم تشرفينا وتطمنى معايا ان كان الشغل ماشى على قدم وساق ولا لا ، يعنى اعتبرى نفسك مديرة اعمالى ايه رايك، وعلى فكرة انا ممكن ادفع مقابل شغلك مرتب كويس قوى ، وباقول كفايه تمريض بقى وهده حيل وتقدري تبداى شغل فى مجال المال والاعمال


نغم

لا، انت بتقول ايه انا مبشتغلش ممرضه علشان الفلوس ، بالعكس انا درست التمريض عن حب واحب اوى اخفف الام المرضى ، وبعدين ام حسن مش مجرد زبونه انت ناسى انها حماتى وانا وحسن هنتجوز فى أقرب وقت بإذن الله ولا ايه ؟


عصام النار قايده فى قلبه 🔥 من كلامها ولكنه تماسك وقال


طبعا طبعا ، ربنا يتمم بخير ، بس برضو لازم تامنى مستقبل ابنك الغلبان دة وتشوفى شغل جديد انتى عارفه ان حسن مش بتاع استقرار، اااا قصدى يعنى الأمور مش مضمونه


نغم برضو مش مرتاحه لكلام عصام ، ولكنه بيحاول يتغير ويقرب منها باى طريقه ، ومن ضمن الخطه انه قال لما سمع الاذان


لا مؤاخذة يا ست نغم الظهر اذن وانا لازم اصلى جماعه فى المسجد ، حكم انا وما ليكى عليا حلفان لا يمكن اسيب الجماعه واصل


نغم كمان بتستاذن منه وترجع الفيلا علشان تراعى والده حسن وابنها، لكن نغم كل يوم عن اليوم إللى قبله بتزيد شك وحيره فى امر حسن معقول انه يكون فعلا متجوز ولا حتى بيحب البت الاجنبيه اللى عصام بيقول عليها ، كل دى افكار بتدور فى دماغ نغم ومش لاقيه ليها اجابه


اما فى الفيلا الاستاذ هادى بيتكلم فى التليفون ومش واخد باله من حاجه ولا حاسس بنغم وبيقول


اهدى بس يا تمارا انتى مجنونه ولا ايه ، ازاى يعنى عاوزة تفضحى الدنيا وتعرفى مراتى ، انا قولتلك انها حامل وانا بصراحه ما صدقت ربنا رضى عنى وعنها والحمد لله ، يبقى لازم انا كمان اتغير وارجع لربنا واحمده واشكر فضله ، من فضلك اللى انتى عاوزاه خوديه ورحى لحالك وبلاش فضايح


ون الواضح ان هادى بيترجى الست اللى بيكلمها ويتحايل عليها، لكن الست دى ناويه على الفضيحه


نغم بتقرب منه وتقول


استاذ هادى انت بتترجى مين


هادى اتخض من نغم واتلخبط وقال


لا ابدا مفيش ده واحد صاحبى بس غبى حبتين تلاته كدة


نغم

واحد صاحبك بتقوله خدي اللى انتى عاوزاه وبلاش فضايح ، انا اسفه بس انا سمعتك واقدر اساعدك لو حكيتلى


هادى

بجد يا مدام نغم تقدرى تساعديني، بس من غير ما نعمه تعرف حاجه


نغم

طبعا يا استاذ هادى اتفضل احكى


هادى

انا عارف انك جدعه وبنت بلد وبمليون راجل علشان كدة لازم احكيلك واشيل الحمل والهم اللى على قلبى


وبدا الاستاذ هادى يحكى ويقول


انا بصراحه عمرى ما حبيت نعمه انا اتجوزتها علشان هى بنت صاحب الشركه وياريتها بتعرف تخلينى احبها بالعكس طول اليوم زعيق على الفاضى والمليان ، علشان كدة الشيطان ضحك عليا واتعرفت على رقاصه اسمها تمارا وكتبت عليها ورقه عرفى ، وطبعا من ورا نعمه، لكن لما عرفت ان نعمه حامل كان لازم اتوب لربنا وابطل عك واستنى ابنى ، علشان اما يشرف للدنيا يعرف ان ليه اب محترم واعلمه كل حاجه حلوة فى الدنيا


نغم

يااه يا استاذ هادى فعلا الإنسان ميعرفش اللى جوه التانى ايه ، بس انا سعيده اوى بقرارك دة وممكن اساعدك تتخلص من مشكلتك بس الاول اتأكد أن تمارا مش حامل


هادى.

لا حامل ايه ، تمارا رقاصه وكل اللى يهمها الفلوس وبس وانا بصراحه بقى كل قرش باصرفه عليها ابنى اللى جاى أولى بيه


نغم

خلاص ادينى رقمها وانا هاكلمها ونشوف طلباتها ولو محتاج فلوس ممكن اسلفك


ولسه نغم وهادى بيتكلموا ، لكن للاسف شافتهم نعمه إلى غيرتها زادت اوى وقررت ان الانتقام من نغم هيكون مرتين مرة علشان تبعد عن حسن والمرة التانيه علشان هادى


وفى امريكا بيدخل على حسن دكتور محمود زميله ويقوله


حسن ايه الكلام اللى سمعته دة معقول انت تقع فى فخ ميرا بالطريقه دى


حسن

ميرا ، تقصد ايه يا محمود؟


الدكتور محمود


اقصد ان ميرا هى اللى خلت حد يسرق الأبحاث اللى انت بقالك سنين بتعملها والمفروض تقدمها للشركه للتنفيذ

واللى عرفته يا حسن ان ميرا مش لوحدها ، امريكا عاوزة اى عالم يدرس فيها يبقى لازم يفضل فيها ومستحيل تسيبك تروح بلعلمك لمصر

علشان كدة تم تجنيد ميرا علشان تحبها وتتجوزها ، لكن انت برضو صعيدى شهم ودوبت ميرا فى حبك علشان كده البنت قالبه الدنيا عليك


حسم

يااه كل ده يطلع من ميرا يعنى الواحد بقاله سنين يشتغل والآخر يلبسوه تهمه ويسجنوه علشان ميسافرش بلده تانى


الدكتور محمود

للاسف يا حسن لازم تنزل مصر وبسرعه وتجهز ملخص للابحاث بتاعتك وترجع تانى تسلمها للشركه وتعمل المطلوب منك وبعدها تخلى علمك وخيرك لمصر يا حسن ، وأهم من كدة انك لازم ترجع امريكا ومعاك مراتك علشان تقطع اى طريق على ميرا


حسن اول ما سمع كلمه مراتك ابتسم وجتله فكرة بنت مجنونه وبسرعه اتصل بنغم وقال


حبيبتى اخبارك ايه


نعم زعلانه شويه من موضوع ميرا لكنها بتحاول تتغاضى عن الموضوع وقالت

اهلا يا حسن اخبارك ايه


حسن

اخبارى انى بحبك اوى ونازل مصر بكرة بالليل وعاوزك تكونى فى انتظارى بالفستان الأبيض والمازون كمان ، هنتجوز بكرة


نغم باستغراب

حسن انت بتقول ايه معقول الكلام دة


حسن

من غير كلام ياريت تنفذى و بسرعه العمر بيجرى وانا لا يمكن اضيع اى لحظه وانا بعيد عنك


وقفل حسن مع نغم علشان يلحق يخلص ورقه وشنطه ونزلت نغم تفرح نعمه إلى كانت قاعده بتتفق مع عصام عليها 😈👿


نغم بتجرى وتحضن نعمه وتقول

نعمه حبيبتى باركيلي حسن راجع مصر بكره وبيقولى حضرى الماذون علشان هنتجوز بكرة


نعمه وعصام فاتحين بوقهم من الصدمه مش معقوله نغم دى كل ما يخططوا ليها فى مصيبه تطلع منها بقدرة قادر


اما عصام بيروح وبالليل قاعد مع صاحبه ابراهيم اللى بيرسم ليه الخطط وهو باين عليه انه سكران🥂 وبيقول


اراهيم انا عملت كل اللى اقدر عليه واللى ما اقدرش عليه كمان عملته علشان خاطر عيونها وفى الاخر تقولى وبكل بساطه هاتجوز بكرة


ابراهيم

اهدى كدة يا عصام خلاص يمكن فعلا الست دى مش من نصيبك


عصام بعصبيه

لا نصيبى ولازمن تكون نصيبى وحسن لازم يموت مفيش قدامى حل غير اكدة


وبالليل متأخر فى فيلا الايوبي نعمه داخله اوضتها سمعت صوت ناس فى اوضه نغم ومن غير تفكير فتحت الباب بسرعه من غير ما تخبط وكل همها انها تلاقى نغم بتعمل اى حاجه توديها فى داهيه ولكنها شافت بنات مع نغم بيعملوها صبغه شعر🧖‍♀️ومناكير 💅وبادكيير🦶 لزوم الفرح


نعمه بغيظ بتقول🤨

وهو انتى محتاجه حاجه طب ده انتى كيف القمر الله اكبر


نغم

ميرسى اوى لزوقك يا نعمه عقبال كدة ما تقومى بالسلامه واعملك كل اللى تحبيه


نعمه قعدت تتفرج عليهم وعيونها بتنط منهم الغيره ، ولاحظت نعمه ان نغم راسمه تاتو 💋على كتفها وطبعا نغم لابسه لبس مكشوف شويه


نعمه بتقول


واه التاتو الحلو دة مين عمله ليكى


نغم

ده من زمان اوى لو تحبى البنات يعلموا ليكى زيه ممكن


نعمه

لا انا بس هاصوره علشان اخلى البت زنوبه الكوافيرة المخصوص بتاعتى تعملى زييه


وصورت نعمه التاتو وطبعا صوت نغم بالبس المكشوف واخدت الصور ونزلت اوضتها


وتانى يوم عليت الزغاريد فى فيلا الايوبي لتعلن عن قدوم الدكتور حسن اللى استقبله الاستاذ هادى فى المطار وكل تفكيرة فى نغم اللى فى انتظاره بالفستان الأبيض والطرحه 👰‍♀️


ورقصت الخيول امام الفيلا ورقصت البنات💃🕺 والكل بيغنى وسعيد حتى الحاجه ام حسن نزلت من رقدتها علشان تحضر كتب كتاب ابنها الوحيد


وخلاص حاضر الماذون 👳‍♂️وقعد جنبه العريس🤵‍♂️ فى انتظار العروسه تهل عليهم


وبعد لحظات طلت بالأبيض زى القمر وكانها عروسه من الجنه ، وقف حسن وقرب منها ومسك ايدها وقرب منها وقال


اخيرا الحلم بيتحقق .....👩‍❤️‍👨


وقعدوا العشاق جنب الماذون اللى قال


اللهم صلى وسلم وبارك على سيدنا محمد وعلى آله وصحبه أجمعين وسلم تسليما كثيرا اما بعد ....


ولسه هتبدأ مراسم كتب الكتاب وفجأه تليفون حسن بيرن ☎️رسايل كتير قوى ورا بعض


حسن بيفتح تلفونه وخايف يكون حد من الشغل ، وفجأه حسن بيقف وعيونه بتطلع نار 🔥 ويبص لنغم اللى بتقول


فى ايه يا حسن فى حاجه فى الشغل


حسن بيرفع ايده من الهوا ويضرب نغم بالقلم على وشها 🖐ويقول

اطلعى برة بيتى يا فاجرة يا حقيره


نغم وكل الموجودين مصدومين من اللى بيحصل ونغم واقفه مش قادرة تجر رجليها حتى تمشى من قدامه 🥺


حسن بيسيبهم ويخرج برة باب الفيلا فى وسط من الزهول والكل ساكت ودموع نغم كمان وقفت واتحجرت من الصدمه


حسن بيخرج برة الفيلا وفجأه صوت ضرب نار


الغفير بيجرى عليهم ويقول....


الحقونا ياناس الدكتور حسن انضرب بالنار


              الفصل الثالث عشر من هنا 

لقراة باقي الفصول اضغط هنا

تعليقات