CMP: AIE: رواية مطلقه في قلب صعيدي الفصل السادس عشر16 بقلم مروة ماجد
أخر الاخبار

رواية مطلقه في قلب صعيدي الفصل السادس عشر16 بقلم مروة ماجد

رواية مطلقه في قلب صعيدي

 الفصل السادس عشر16

بقلم مروة ماجد


وتانى يوم الصبح فى المستشفى اللى بتشتغل فيه نغم بتدخل تشوف شعلها ، بتقابلها رويترز وتقول 


نغم الحقى المشترى الجديد للمستشفى وصل ، إنما ايه واضح اوى انه عينه زايغه موت عمال يبص على البنات وعينه تاكلهم اكل، وبيقول انه عاوز يتعرف على الكل وعلشان كدة عمل اجتماع بعد عشر دقايق ، عن اذنك بقى الحق اظبط نفسى وازود الروج يمكن ربنا يكرمنا ونوقعه


نغم بتضحك على كلام رويترز وبتقول 


ههههه اهم حاجه عندك توقعى الراجل ، طيب مش تعرفى قبله ان كان دكتور وهيشغل المستشفى كويس ولا رجل اعمال وملوش فى الطب وهيغلى الاسعار على المرضى وخلاص 


رويترز 

شكله ملهوش فى اى حاجه خالص اهم حاجه انه عينه زايغه والنوع ده سهل يقع


وبالفعل جهزت رويترز وزودت💋 الروج وخرجت علشان الاجتماع 


وفى غرفه الاجتماعيات بيدخل المشترى الجديد ، وهنا نغم بتقف مزهوله وتقول....


استاذ هادى انت اللى اشتريت المستشفى 


هادى 

اهلا مدام نغم عامله ايه وحشتينا يا ست الكل اخبارك ايه واخبار أدهم ايه 


نغم احنا بخير الحمد لله بس برضو عاوزة اعرف انت ليه تشترى مستشفى بالحجم ده 


هادى 

اهدى بس واقعدى وانا هافهمك على كل حاجه بعد الاجتماع 


وبدا الاجتماع اللى اتكلم فيه هادى وقال 


اهلا يا جماعه احب اعرفكم بنفسى انا هادى المدير التنفيذي لمجموعه شركات الايوبي، وأن شاء الله المستشفى دى كمان دخلت ضمن استثمار الايوبي ودى اول تجربه لينا فى إدارة المستشفيات علشان كده هاحتاج من حضراتكم انكم تساعدوني فى الإدارة ونحط ايدينا فى ايد بعض


وبإذن الله صاحب مجموعه شركات الايوبي الدكتور حسن الايوبي هيرجع بعد كام يوم ويباشر الشغل بنفسه 


وهنا نعم فهمت ان المشترى هو حسن وكل اللى جه فى بالها ان حسن اشترى المستشفى علشان ينتقم منها علشان سبب هى اصلا متعرفهوش 


وبعد الاجتماع هادى بيكلم نغم فى مكتبه ويقول 


عامله ايه ، احنا عرفنا انك هتتجوزى عصام ابن عم حسن 


نغم

مين قال الكلام دة، انا مستحيل اتجوز عصام دة ، واظن يا استاذ هادى انك مشوفتش منى حاجه تخليك تفكر فيا التفكير ده 


هادى 

والله انا هاتجنن يا نغم انا عارف ومتاكد انك ست محترمه وبميت راجل إنما ليه الغفير بتاع عصام بيفول انك عايشه معاهم فى الفيلا علشلن هتتجوزى عصام ، ومن كام يوم بس حسن عرف انك بتشتغلى هنا 


نغم

حسن ، وهو عامل ايه ، ااااا قصدى الدكتور حسن بيسال عنى ليه 


هادى 

مش عارفه ليه يا نغم ؟ حسن بيحبك لكن ايه اللى جاله على التليفون يوم الفرح وخلاه يعمل معاكى كدة الله اعلم 


نعم بتنهيده 

التليفون ..... تصدق يا استاذ هادى انى حاولت اعرف لكنه حتى مسألش عنى بعد ما خرجت من القسم وحسيت ان البلد كلها ضدتى وعصام ابن عمه هو الوحيد الل وقف جنبى 


هادى

يعني انتى يا نغم مفيش حاجه بينك وبين عصام 


نغم

والله ابدا انتم عارفين ان عصام ده عينه زايغه وكان بيحاول معايا بشتى الطرق لكن انا مستحيل طبعا أهمل كده انا بحب حسن ونفسى اقوله أنى برءيه 


هادى

طيب ممكن بقى تسيبى الموضوع ده على الله وعليا وانا هاعرف اصل الحكايه ايه 


وهنا نغم فرحت اوى ان على الاقل حسن هيعرف انها معملتش حاجه وتقدر تدافع عن نفسها 


نغم خارجه من باب مكتب هادى بتقابلها رويترز وبتقول 


تعالى هنا يا مسهوكه يا سوسه بقى اقولك هازود الروج تروحى انتى وبقالك ساعه مع الراجل جوه 


نغم

انتى هبله يا بت دة طلع معرفه قديمه وعلى فكرة بقى متجوز واحده لو شمت خبر انك مزوده الروج هتعلقك فى المروحه ، لأنها صعيديه ومعندهاش ياما ارحميني 


رويترز

إيه...... الجنتل ابو قصه دة متجوز صعيديه ليه 


نغم

هههههه هما الصعايده كدة بيدخلوا القلب من غير استءذان 


وسابتها نغم تهرى فى نفسها وعينها هتخرج على هادى اصلى نسيت اقولكم اقولكم رويترز فايتها القطر ونفسها تتجوز اى حد 


ولسه فى مكتب هادى بيتصل بيه حسن ويقول


هادى خلاص اشتريت المستشفى 


هادى

ايوة يا حسن ونغم موجوده اطمن وعلى فكرة ماتجوزتش عصام ولا ليها اى علاقه بيه 


حسن بيتنفط من مكانه بسرعه ويقول 


بتقول ايه ، انا شايفهم سوا 


هادى 

شايفهم فين يا حسن اتكلم


حسن

شايفهم فى الصور، يوم الفرح حد بعتلى صورها وهى بتركب عربيه عصام وكمان حد بعتلى صورها وهى لابسه لبس مكشوف وعلى كتفها تاتو 


وهنا هادى بيسكت خالص والدنيا بتلف بيه ومن الواضح انه افتكر حاجه مهمه اوى 


حسن 

الو هادى انت سامعنى ولا لا 


هادى

اااا معلش يا حسن يا حبيبى اقفل دلوقتى وبعدين نشوف لان فى حد جاى عليا 


وفعلا قفل هادى مع حسن وافتكر نعمه لما كانت فعلا واقفه فى البلكونه وبتصور نغم وعصام 


وبعد انتهاء اليوم هادى بيرجع الصعيد وكل الل فى باله انه يخلى نعمه تعترف انها بعتت الصور لاخوها 


هادى بيدخل عليها وكانت بتتوجع جامد وتقول .،الحقنى يا هادى ابنك بيرفسنى تقولش جحش🦓 صغير شقى 


هادى .

جحش ، الله يكرمك يا بنت الأصول، فوقى كدة علشان عاوزين نتكلم سوا 


نعمه

خير اتكلم وانا اكده مش قادرة اتعدل


هادى بيبص ليها بتركيز وكأنه بيستجوبها 


نعمه انتى صورتى نغم وهى بتركب العربيه مع عصام ، ومع انك عارفه ان عصام سقيل ورخم وانه عينه زايغه وهو اللى كان بيطاردها الا انك برضو وبدم بارد بعتى الصور لاخوكى يوم فرحه صح ، وكسرتى فرحتها وفرحه اخوكى ، وايه حكايه الصور العريانه بتاعه نغم اللى راسمه تاتو على كتفها 


نعمه بلخبطه والعرق بدا ينزل منها قالت .

واه انا ماعرفش حاجه عن الصور دى انت بنفسك بتقول ان ليها صور عريانه انا مليش فيه ولا بعتت حاجه لاخوى 


هادى

بطلى كدب بقى انا متاكد انك بتغيرى منها وحاطاها فى دماغك من زمان اوى ومن قلبل ما حسن يعرفها اصلا صح ولا لا 


نعمه

انت بتقول ايه يا حزين اخواتك انت ، بقى انا نعمه الايوبي بنت الحسب والنسب اغير من حته مطلقه لا راحت ولا جت ، لا ده انت اكده اتجننت رسمى بقى ، وعاوز اخر الكلام تمام يا هادى انى اللى صورتها وبعتت الصور لاخوى وصورتها وهى قالعه هدومها وبعتت الصور لاخوى كمان واعلى ما فى خيلك اركبه ، ولعلمك لو فكرت تنطق ولا تفتح خشمك وراس ابويا لارفع عليك قضيه خلع واخليك تشحت تانى وابنك اللى فى بطنى ميلزمنيش هاقت،له يا هادى انت فاهم هاقت،له واريحك منه واح،رق قلبك عليه انى ميلزمنيش عيال 


وهنا هادى بيسكت وبصراحه هو خايف من نعمه احسن تعمل حاجه لى ابنه اللى بيتمناه من الدنيا 


وبيروح ينام وهو ضميرة بيانبه لكنه فعلا عارف ان نعمه نابها ازرق وممكن جدا تخليه يشحت وتحرمه من الطفل اللى عاش عمرة كله يتمنى يشيله ويحضنه 


ولسه هادى بيحاول ينام سمع جرس تليفونه وكانت المكالمه من حسن 


ازيك يا هادى ، انت الصبح قولت ان نغم ماتجوزتش عصام صح 

هى قالت ليك كدة، طيب سألت عنى ، طيب أخبارها ايه طمنى عليها 


هادى بيفكر فى كلام نعمه ومش قادر يعترف لحسن ان اخته هى السبب لانه ببساطه خايف على ابنه 

هادى قال

حسن سيبك بقى من نغم دى واتجوز اى حد تانى وعيش حياتك انا شايف انها فعلا متنفعش ليك ولا انت تنفع ليها ، 


حسن اتصدم تانى واختفت ابتسامته اللى كانت بدات تظهر من كلام هادى الصبح وقال


يعنى ايه ، هى اتجوزت يا حسن، اتكلم !! اتجوزت حد تانى غير عصام مثلا .... انت شوقت عليها حاجه اتكلم 


هادى 

ايوة شوفت يا حسن ومتنفعش تكون زوجه حسن الايوبي


حسن بيقفل التليفون وبكده يكون اخر امل ليه ان نغم برءيه اختفى وقرر انه لازم يرجع مصر ويرجع متجوز كمان وينتقم منها باى طريقه 

وبعد اكتر من اسبوعين نغم مستنيه اى رد من هادى ولكن هادى بيخاول بتجاهلها او ميروحش المستشفى اصلا 


ولسه رويترز مركزة مع هادى اللى بدا ياخد باله منها بس برضو خايف من نعمه 


اما فى امريكا عند حسن بيشتغل بجد وبسرعه علشان يخلص البحث اللى ضاع ولسه مايا بتحاول معاه بكل الطرق واخيرا عملت نفسها بتساعده وبتكلم ناس كتير علشان ترجع الأبحاث المسروقه وحسن واخد باله انها بتحاول تحسن صورتها قدامه ومش قدامه غير انه يعمل نفسه مصدقها او حتى يعشمها بالجواز علشان ترجع الحاجه المسروقه 


مايا بتدخل عليه بورد وتقول 


حسن حبيبي وحشتنى ، انا عارفه انك شاكك فيا اما وحياتك انا بحبك وبحبك قوى كمان وعندى استعداد أعمل اى حاجه علشان ترجع تحبني وترضى عنى تانى 


حسن بيفكر لثوانى ويبتسم وبص لمايا وقرب منها ومسك ايدها وباسها وقال


مايا انا بصراحه تعبت اوى من مصر وناوى استقر هنا ، لكنى لازم انزل مصر اخلص شويه أشغال وكمان انا اشتريت مستشفى جديد لازم اباشر العمل فيها ، تحبى تيجى معايا مصر


مايا مش مصدقه اللى بتسمعه وبسرعه قالت 


طبعا حبيبى وهابات معاك الليله كمان 🤭 ( البت واقعه خالص ) 


حسن رد بسرعه وقال 


لا مفيش بيات معايا من غير جواز ، مايا تتجوزيني.....

                  الفصل السابع عشر من هنا 

لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-