CMP: AIE: رواية مش اهلاوي بس بحبك الفصل الاول1بقلم ريهام صابر
أخر الاخبار

رواية مش اهلاوي بس بحبك الفصل الاول1بقلم ريهام صابر


 رواية مش اهلاوي بس بحبك 

الفصل الاول1

بقلم ريهام صابر 


-رفضتيه ليه...؟!

رديت بكل برود وانا بأكل المصاصة 

=علشان زملكاوي

-وإلى قبله..؟!

=مش بيحب الكورة 

-وإلى قبلهم..؟!

=مش بيحب الأنمي 

-وإلى قبل كدا..؟!

=مش بيحب الكتب

-وبعدين..؟!

=وبعدين اى يا بابا ما انت شايف كلهم فاشلين ومحدش نافع 

-هم الي فاشلين ولا انتي إلى عاوزة واحد تفصيل..

=تصدق انت عندك حق ، انا عاوزة واحد ثري عربي اهلاوي أوتاكو أصيل 

-ربنا يهديكي يا بنتي 

رددت معاه باقي الجملة 

=ويصبرني عليكي

عدي اليوم عادي بس كان فيه مباراة للأهالي وطبعا لازم أجيب الحاجات الحلوة علشان القعدة 

=بابا عاوزة 200جنية

-ليه..؟!

=هجيب حاجات حلوة وفشار ومصاصة من عند عمو محمد علشان المباراة 

-طيب خدي من جيب البنطلون وملكيش دعوة بالفكة انتى فاهمة..؟!

=عيب عليك يا حجوج انت بتقول اى ، اخدت300 والعشرة الفكة سلاااموز 

-بسرعة ومتتأخريش 

كنت نازلة بفط زي الأرنب وبدندن لأن مفيش حد ساكن ف العمارة غيرنا احنا وطنط سعاد إلى ابنها مسافر من يوم ما جينا فجأة كنت هقع بسبب الجيبة بتاعت الادناء ودي مش اول مرة بس الحمد لله حد انقذني قبل ما أوقع، بس مين دا ليكون شبح ياالهوااي طلعت أجري قبل ما اشوف وشه ورحت أجيب الحاجة بسرعة

=عاااااا 


=عمو محمد عاوزة 10مصاصات من الكبيرة خمسة بالفرولة وخمسة بالمنجة وعاوزة علبة هوهوز وكرتونة رنجو وأربعة ايس كريم و خمس أكياس شبسي بالخل والليمون واثنين كيمو كونو من الكبير اممممم واى تاني 

_ما تاكليني انا 

فجأة جه صوت من ورايا ويتضح انها مش هتخلص إلا بخناقة زى كل مرة، لفيت اشوف مين إلى بيتريق وياريتني ما لفيت 

=وانت مالك يا وجه البومة،عااااا شبح شبح الحقني يا عم محمد شبح 

عم محمد:هههههههههه شبح اى يا بنتي دا هشام جارك 

=جار مين احنا محدش عايش جمبنا غير طنط سعاد 

عم محمد: مهو دا هشام ابن طنطك سعاد إلى كان مسافر 

= ودا اى إلى جابوا دلوقتي هي كانت ناقصة 

هشام:هو انا هقعد على دماغك 

=نانانانا ،هات يا عم محمد إلى قلتلك علية و 

عم محمد: والكنز والقهوة علشان المبارة انهاردة 




=الله ينور عليك يا راجل يا طيب، بسرعة بقا علشان المبارة الساعة 8 ودلوقتى 7 يدوب الحق اجهز القعدة وأقول لطنط سعاد وانت



 اقفل بسرعة وصلي وتعالي انت وأحمد وخالد 

عم محمد = ماشي يا بنتى نصلي العشاء وجايين وراكي

=سلاااموز 

                            الفصل الثاني من هنا

لقراة باقي الفصول اضغط هنا

تعليقات



حجم الخط
+
16
-
تباعد السطور
+
2
-