رواية وحيدة الايام
حاجة لله ي بية
_اي القرف دااا اي خلقتك دي... ابعدي عن العربية ل توسخيها ي بتاعة انتي
انا جعانة وعاوزة حاجة علشان اجيب بيها اكل
-ي عبدالله ابعد البنت دي ليكون عندها مرض وتعدي الولاد بال ف وشها دا.. امشي
مشيت وقعت ع الرصيف وانا بعيط ذنبي اي ان ربنا خلقني مشوهه ذنبي اي طيب حتي ماما سبتني سندت راسي ع ايدي وافتكرت لما ماما سبتني علشان الراجل ال بتحبو
_ي امل انا عاوز اتجوزك
بجد ي رؤوف
_ايوا بس بشرط
شرط اي اشرط براحتك
_تسيبي بنتك مش هينفع تفضل معانا
اي اسيب روح اسيبها فين ولمين
_سبيها لاهل ابوها او ف ملجأ اي حته
لا ي رؤوف انت اي ال بتقولو دا مش هينفع طبعا
_طيب خلاص خليكي جمب بنتك بقا وانا مسافر
اي مساافر...مسافر فين
_مسافر الكويت وحضرت الباسبورات بتاعتنا
طب انا مش هعرف اسبها
_متوديها مدرسة خاصة حتي وهترجعلها بعد سنتين
طب سيبلي فرصة افكر
_فرصة اي بقا انا هسافر واسيبك سنتين تفكري ع ماا ارجع بقا
خلاص ي رؤوف موافقه
_ايوا كده ي امل ي حبيبتي جدعة
روحنا قدام المدرسة ال هدخلها
والنبي ي ماما متسبنيش
_وبعدين ي روح معاكي مش احنا اتفقنا
بس انا مشعاوزة اسيبك
_متخافيش هرجعلك تاني ي حبيبتي يالة بقا
دخلنا عند المديرة وقالت لماما
هي دي البنت ال قولتي عليها
_اه هي روح
بس احنا متفقناش ع انها تكون مشوهه
_معلش طيب اعمل لي.. قدر ربنا هنعترض!
لا منعترضش بس كده هيبقا ف فلوس اكتر
_ال انت عاوزاة اتفضلي
اخدتني المديرة ودخلتي اوضتي غيرت وروحت اتفرج ع المدرسه لقيت بنات وقفين وبيتكلمو عليا
_اي دا يفرح ابعدي شكلها يخوف
-وسعو ي بنات ليكون عندها مرض معدي وتعدينا
انا مش هعملكو حاجه والله
&يبنات دي شكلها شبة العفريت اجرو
كلهم جريو مني وانا دخلت الاوضة بعيط
لو سمحتي هو دا فصل خمسة اول
ردت بنت من الفصل
_انت داخلة فين انت ملكيش مكان بينا انت ممكن تعدينا
بس انا معنديش حاجه معدية
_بس احنا
بنخاف من شكلك
جت الميس ع صوتنا وزعقت ودخلتني الفصل.. اتعودت ع المدرسة والمكان وعدت السنين لحد مدخلت الإعدادي وماما بطلت تكلمني ولا بتجيب فلوس ولا بتسال عليا فقدت الامل ان اشوفها تاني ف الغالب نسيت شكلها اصلا عامل ازاي
ف يوم لقيت المديرة بتنادي عليا
_تعالي ي روح عاوزاكي
ايوا
_مامتك بقالها سنه مبتبعتش فلوس وانت عليكي سنة فاتت مصريف وكمان السنة ال احنا فيها يعني سنتين
طب طب اعمل اي
_انا اتصلت بالشئون وهما هيتصرفو ويودوكي ملجا
بس انا اتعودت ع هنا
_معلش ي روح مش بايدي
لميت هدومي و روحت الملجأ وكان اوحش مكان ممكن اخشو .. كلو كان بيعاملنا وحش
لو سمحتي هو فين اوضتي
-ههه اوضة مين ي ام اوضه خشي اتلقحي جمب العيال دول
طب سرير فين سريري
-لسا مجبناش نامي جمب اي حد من العيال دي اتلقحي هناك
بصيت لقيت اطفال نايمين ف الارض كلهم جمب بعض ولبسهم مش
حلو قعدت جمبهم وغلبني النوم لحد مصحيت ع صوت زعيق....
و