رواية ساحبك بالتاكيد الجزء الثاني2
الفصل الحادي والعشرون21
بقلم بتول عبد الرحمن توته
لين : جبت امتياز مش كده
مازن : امتياز مره واحده ... وبعدين مش انتي مش مذاكره
لين : منا ذاكرت كويس اوي امبارح ... والحمد لله طريقتك طلعت حلوه
مازن : طب دي حاجه حلوه
لين : طب أنا جبت تقدير ايه طيب
مازن : هتعرفي في المحاضره
لين : وحياة عيالك أنا عايزه اعرف دلوقتي ... ده انا جايه بدري مخصوص عشان كده
مازن : زيك زي زمايلك
لين : هووووف ... أنا لسه هستنى
مازن : هانت كلها كام ساعه
لين : هانت ليه هو أنا داخله أولد
عند فيروز
الدكتور : الممرضه قالتلي انك مش عايزه تشوفي حد من أهلك
فيروز : اقولهم ايه ... ايه مبرري اني حاولت انتـ ـحر ... فالأفضل لو فهمتهم اني لسه مفوقتش
الدكتور : بس هييجي يوم وتشوفيهم وتواجهيهم
فيروز : مش انت بتقول أن الغيبوبه بتستمر ل ١٠ سنين
الدكتور : اها
فيروز : خلاص هفضل ع الوضع ده لحد م اشوف حل
الدكتور : بس كده غلط
فيروز : طب قولي ايه الصح ... قولي اعمل ايه ... أنا حياتي كلها غلط اصلا
الدكتور : لاء غلط ... حياتك مش غلط .. بس انتي اللي مش عارفه تستغليها صح ... محتاجه حد جنبك يوجههك للصح
فيروز : بس يكون حد مخلص ... مش اي حد وخلاص
الدكتور : لسه الحياه قدامك يا فيروز ... مش فيروز برضو !
فيروز : اممم ... تصدق اني لحد دلوقتي معرفش اسمك
الدكتور : اسمي لؤي عندي ٢٥ سنه
فيروز : اتشرفت بمعرفتك
بالليل عمر رجع ودخل لقا ميرنا في نفس الوضع ... جري عليها بسرعه وقعد يفوقها ولكن لا حياة لمن تنادي ... شالها حطها ع السرير وجاب ازازة مايه ورش على وشها شويه صغيرين بس مفاقتش برضو فاضطر يغرقها بيها
شهقت ميرنا وقامت مفزوعه وفضلت تبصله وهيا بتعوج راسها
عمر : انتي كويسه
ميرنا : ههههههههه ... هو انت كل شويه تقولي انتي كويسه ... منا كويسه اهو ... هههههههههه
عمر : لا انتي شكلك مش كويسه خالص
ميرنا : أنا كويسه وانت كويس .. وانت حلو اوي اوي .. وانا برضو مش كده هههههههههههه
عمر : حبيبتي مالك
ميرنا : يووووه هو كل شويه تقولي حبيبتي ... أنا مش حبيبة حد ... ولا حبيبة سبت ههههههههه
عمر : طب قومي معايا احطك تحت الدش يمكن تفوقي .. انتي ايه اللي عمل فيكي كده
ميرنا : انت اللي عملت كده ... بس انا مش عايزه افوق ... انت عايز تفوق!
عمر شالها بصعوبه جدا وهيا لفت ايديها حوالين رقبته : انتي تقلتي كده ليه
ميرنا : عشان التقل صنعه هههههههه
عمر : أنا بس عايز افهم ايه اللي عمل فيكي كده
ميرنا : مقولتلك انت ... بس انت ليه حلو كده .. م تجيب بوسه هههههههههه
عمر دخلها الحمام ودخلها تحت الدش وفتح المايه اللي طلعت من كل حته
عمر : عاجبك كده
ميرنا : جدااااا
عمر : انتي غريبه علفكره
ميرنا : يعني حلوه ولا لاء
عمر : يا حبيبتي فوقي بس وابقي قولي اللي انتي عايزاه
ميرنا : عايزاك انت .. علطول ... كملت بعياط مفاجئ : بس انت بتسبني ... وانا ببقا لوحدي دايما ... وانت مش معايا
عمر : لا لا والنبي متعيطيش ... أنا آسف ليكي والله
ميرنا : اعمل ايه بيها اسف دي ... انت دايما سايبني ... كل ده عشان الزفت الشغل اللي مبيخلصش ... وانا فين في حياتك ... جبتني هنا ليه ومقعدني لوحدي ليه ... انت اناني جداااااااااا ... ليه كله بيسيبني ويمشي
نزلت على الأرض وكملت : حتى ابني ... كلكوا مشيتوا ... وانا كمان عايزه امشي بعيد ومحدش يشوفني ... عايزه ابعد عنكوا كلكوا علشان متعلقش بيكوا ... عايزه اكون لوحدي ... علشان الوحده هيا اللي دايما معايا ... عمرها م هتسبني ... كلكوا بتمشوا الا هيا ... ليه كده ... ليه
قرب منها عمر وقومها من على الأرض وحضنها : شايله في قلبك كل ده
بصتله بحزن وسكتت
عمر شالها وخرجها بره وهيا قالت : انت كل شويه تشيلني!
عمر : اسكتي بقا بحالتك دي ... ده انتي لو كنتي سكرانه مش هتكوني بالمنظر ده
ميرنا : انت سكران!!
عمر : لا يا حبيبتي حرام
ميرنا : طب أنا سكرانه!
عمر : والله ده اللي باين
ميرنا : انت بتحبني!
عمر : اه يا حبيبتي .. بحبك جدا
ميرنا : وليه انت مش معايا دايما
عمر : اوعدك اني هكون معاكي كتير بعد كده
ميرنا : قول والله
عمر : والله
ميرنا : خلاص يبقى كده انا كمان بحبك ... وانت بتحبني
عمر : اه يا حبيبتي عشان كده اتجوزنا
ميرنا : وجبنا نونو ؟
عمر : هنجيب نونو كتير إن شاء الله
ميرنا : وعد!
عمر : وعد
قعدها عمر على الكرسي وبدأ يغيرلها هدومها وهيا مستسلمه تماما وبعد كده نيمها ودخل غير هدومه
فاقت تاني وهيا حاسه ان دماغها بتوجعها ولقت عمر نايم جنبها
ميرنا وهيا بتهز عمر : عمر
عمر : هممممم
ميرنا : اصحى
عمر بدأ يفتح عينيه وبصلها
ميرنا : انت جيت امتا
عمر : انتي مش فاكره حاجه ولا ايه
ميرنا : أنا اكيد منمتش كل ده ... أنا خدت برشام منوم ونمت بس مش كل ده اكيد
عمر : انتي فعلا منمتيش كل ده
ميرنا : طب ازاي أنا مش فاكره اني صحيت حتى
عمر : انتي خدتي برشام قد ايه
ميرنا : مش فاكره بس كنت عايزه انام بأي طريقه
عمر : جيت امبارح ولقيتك واقعه ع الأرض وبعد م فوقتك قعدتي تخرفي وتقولي كلام ملهوش علاقه ببعض
ميرنا : ايوه بس انا مش فاكره حاجه زي كده
عمر : بس انا فاكر كويس جدا ... حتى شوفي هدومك اللي لابسها ... تقريبا مش دي اللي كنتي لابساها قبل م تنامي ... مش كده !
ميرنا بصت للي هيا لابساه وبصتله بصدمه : اانت ... انت عملت ايه
عمر : انتي كنتي مش انتي امبارح فأنا دخلتك تحت الدش وغيرتلك ... بس كده
ميرنا : انت ازاي تعمل كده
قام عمر من مكانه وقال : عملت ايه يعني
ميرنا : استنى هنا انت رايح فين
عمر : في ايه يا ميرنا ... انتي شويه تبقي كويسه وشويه تبقي غريبه
ميرنا : انت اللي متغير مش انا
عمر : أنا!!! ... متأكده!
ميرنا : اللي متأكده منه اني مخنوقه بجدد
عمر : منا قولتلك أن أنا مسافر لشغل ... واكيد شغل يعني خنقه
ميرنا : طب وانت هتخلص شغلك امتى
عمر : قدامي اسبوع لسه
ميرنا : لسه اسبوع ... أنا قاعده هنا زي الكرسي اللي هناك ده ... ده الكرسي ليه فايده عني
عمر : قومي البسي يلا
ميرنا : البس ليه ؟
عمر : علشان هخرجك انهارده
ميرنا : احلف ... طب وشغلك
عمر : انتي اهم
ميرنا : بحبك اوي
عند خالد ومنال
منال : كنت فين كل ده
خالد : وانتي مالك ... خليكي في حالك
قال كلامه وسابها ومشي والباب خبط ففتحت ولقت ....