رحمه بصدمه: سواق البهايم
نظر إليها بغضب: بتقولي ايه ياأنسه
رحمه ببرود: الظابط رحمه لو سمحت.
كاد أن يتحدث لولا تدخل اللواء: احمم. دي الظابط رحمه ولسه جديده هنا ياجاسر، أكمل وهو ينظر لرحمه بتحذير: ودا
المقدم جاسر ياحظابط رحمه
رحمه بغباء: تشرفنا مش فاهمه برضو يعنى مطلوب مني ايه دلوقتي
جاسر بسخريه: ظابط ومين بقا اللي ضحك عليكي وحدفك في كليه الشرطه ياشاطره
اللواء :وهو ينظر لجاسر دي واحده من الضباط المتخرجين جداد ياجاسر والمفروض انها مسؤليتك وتحت إشرافك وتدريبك.
جاسر ببرود: وانا مش موافق
اللواء بتفهم: عندك حق ترفض بس اعتبرها شبه بقيت الضباط المتخرجين جداد ومشي الموضوع.
اخد نفس طويل بعصبيه وقام من علي كرسي: وانا أسف يافندم.. عن اذنك
كاد ان يتحدث اللواء ولكن اوقفه خروج جاسر من الغرفه : دلوقتي مش قدامك غير انك تتكلمي معاه بنفسك.
رحمه بإستغراب وغضب: وانا اتكلم مع المغرور دا ليه أصلا، وبعدين أنا ميشرفنيش اتدرب واكون في فريق سواق البهايم دا
اللواء بصدمه وغضب: سواق البهايم؟ انتي عارفه بتتكلمي عن مين ياحظابط دا المقدم جاسر محمد فريد من أكفأ الظباط في عالم المخابرات ودا عمر مامخلوق فكر يفتح بوقه معاه ولا حتى يقلل من كبريائه سنتي واحد، المقدم جاسر كمان هو نفسه (الأسد) ياحظابط وكل اللي في مكانك دلوقتي بيحلم بس يلمح الأسد وانتي بغبائك ولسانك دا ضيعتى الفرصه اللي جتلك علي طبق من دهب، اتفضلي اخرجي برا واقعدي علي مكتبك وماشوفش وشگ غير لما تفكري في حل للمشكله دي.
رحمه بصدمه وخوف: دا (الأسد) اللي زمايلى طول السنين بيتكلموا عنه في الكليه، طب إزاي يجدع
اللواء بإستغراب: انتي تعرفي الرائد جاسر ياحظابط
رحمه وهي تبتلع ريقها بخوف وتتذكر مافعلته به: بصراحه يافندم انا شوفته من 5سنين وحصل بينا سوء تفاهم كدا وانا ش شتمته و
اللواء بيأس وهو يقاطعها: اهاااا وانا اقول مش طايق يشوف وشگ ليه اخرجي برا لحسن هتشل منك من أول يوم ليكي في الشغل.
رحمه وهي تقترب من المكتب: طب وعهد الله يافندم ماداخله المكتب دا تاني غير وانا في فريق (الأسد) ... تيك كير
خرجت رحمه وظل اللواء ينظر بصدمه للباب: دي لا يمكن تكون بنت وخارجه من كليه الشرطه.
_عند رحمه
خرجت رحمه من الغرفه تبحث عن تلك المغرور كما أطلقت عليه: هو راح فين دا.. ياابن ال **بقا انت الأسد طب وربنا دا ظلم، طب مافي مزه هناك اهي غيري اما اروح أسالها عن المطرح هنا اي نظامه والمغرور دا متزفت فين
رحمه لفتاه: ممكن يجميل أسالك سؤال
الفتاه بفرحه: انتي من الجداد صح
رحمه: ايوا
الفتاه وهي تحتضنها بلهفه: واخيرا لاقيت حد شبهي ندردش مع بعض.. انا ساره وانتي
رحمه ببسمه: انا رحمه ياساره.. بس هو مفيش بنات في المكان دا غيرنا وإلا ايه
ساره وهي تجلس بملل: كلهم في مهمات برا مصر مفيش غيري بس مؤقت والكل هيرجع، لكن انا بقا الحظ مجاش في صفي وكل المهمات اللي بستلمها بتكون في مصر وكمان في اماكن معفنه.
ضحكت رحمه بقوه: يستي بكره ربنا يكرمك وتخرجي برا مصر ولا تزعلي
ساره ببسمه: إلا قوليلي انتي في فريق مين.
رحمه بتذكر: اوووبس نسيت انا كنت جايه أسالك عن مكان الرائد جاسر
ساره برعب: هو انتي في فريق (الأسد)
رحمه بحزن: كنت... بس دلوقتي عاوزه اعرف هو موجود فين ضروري
ساره بحده: وانتى زعلانه ليه يشيخه اتقي شره وشوفي فريق تاني غير دا كدا انتي بتحطى نفسك مع الموت ذات نفسه.
رحمه ببسمه بارده: بالنسبه ليا كانت كليه الشرطه تحدي ودلوقتي بقا التحدي الجديد اني اكون في الفريق دا.
ساره وهي تشير بيداها: والله انتي حره، دلوقتي الرائد جاسر في مكتبه ادخلي شمال في اخر الممر هتلاقي المكتب.
رحمه وهي تركض: شكرا يجميل تتردليكي في الأحزان إن شاء الله.
ضحت ساره: البت دي شكلها مجنونه بس لطيفه اوي
كانت تركض حتى توقفت أمام المكان وطرقت الباب بهدوء.. ثواني وسمعت صوته من الداخل يأذن لها بالدخول.
فتحت الباب ودخلت بينما هو كان منشغل أمام الحاسوب ولم يلاحظها: احمممم
رفع رأسه ببرود: خير
رحمه وهي تجلس علي الكرسي أمام المكتب: ممكن اتكلم مع حضرتك خمس دقايق
جاسر بسخريه: ماانتي قعدتي عادي تقدري تتكلمي من غير إذن بقا.
تمسكت لكي لا تغضب وتخرب كل شي علي رأسها وقالت بهدوء: محتاجه اكون في فريق حضرتك لأن الفرصه دي بالنسبه ليا مهمه جدا
جاسر برفع حاجب: هو انا مش كنت سواق بهايم ليه دلوقتي عاوزه تكوني في فريقي وتحت تدريبي كمان
رحمه مسرعه: والله ماكنت اقصد وبعدين قلبك ابيض بقا والموقف دا من خمس سنين.
جاسر ببرود: تعتذري وبعدين افكر في تغيير رأيي
رحمه بغضب: نعممم ياروح أمك
ترك مكانه بغضب وتوقف: براااااا
رحمه بخوف: طب والله ماكنت اقصد ياكبير
جاسر: ال ٥دقايق خلصوا يلا برااا ومشوفش وشگ هنا تاني غير وانتي متربيه.
خرجت رحمه بسرعه وهي تترجم: عليا الطلاق ماحد مش متربي غيرك.
جاسر من الداخل: تعالي هنا
رحمه وهي تدخل رأسها من الباب بخوف: نعم يافندم
جاسر بغضب: قولتي ايه وانتي خارجه
رحمه ببسمه بلهاء: كنت بقول ربنا يزيد من طولك ويحفظك من الحسد قادر ياكريم
جاسر بصراخ: غوري من وشييييي.
ركضت لمكتبها بخوف: اعمل ايه دلوقتي ياربي منا مش قدامي غير اني اتدرب مع الكائن دا بعد كل اللي سمعته عنه... بس انا مستحيل اعتذر هو اصلا اللي غلطان مش انا
غادرت لمنزلها بيأس وهي تدخل رأتهم يجلسون علي الأرض بهدوء ويشاهدون التلفاز، ركضت إليهم وتناست كل شي: حبايب خالتو وحشتوني اوي
-نعم انهم أبناء زين وملك فقد رزقهم الله بإثنين تؤام رحيم و حور
رحيم بفرحه: خالتو
رحمه: عيون خالتو
حور بطفوله: لا انا اللي هتكلم الأول مليش دعوه
رحيم بغيظ: لا انتي لسه صغيره ياحور وانا الكبير هنا
رحمه بضحكه: يعم اتنيل دا انت اكبر منها بــ دقيقه واحده
رحيم بهمس: يخالتو بردوا انا الكبير ودي حجات ناس كبيره مينفعش هي تعرفها
رحمه بنفس الهمس: ايه هيا اشجيني ياضنايا
رحيم وهو ينظر يمين ويسار ولكن سبقته حور وقالت: يعنى ايه واحده صاروخ يخالتو
رحمه وهي تمسك رحيم وحور من قفاهم: جبتوا الكلمه دي منين منك ليها.. انطق ياض
رحيم وحور: من التلفزيون ياخالتو والله
انزلتهم رحمه ونظرت إليهم بشرار: من غيري ياولاد ملك
رحيم بتذمر: مابراحه يارحمه احنا محترمينك من الصبح
امسكته رحمه من ملابسه: منا بقول برضو خالتو والاحترام دول وراهم مصلحه اتفووو
حور بطفوله: خلاص يارحمه بقا قلبك ابيض وبتحبينا، بعدين قولي يعنى ايه واحده صاروخ
نظرت إليهم وهي ترفع ملابسها وتربطهم علي وسطها لتستعد: بصوا هنا وانتبهوا فاهمين
رحيم وحور: حاااضر
اكملت رحمه وهي تمشي بدلع مزيف: يعنى لما واحده تمشي بدلع كدا وتكون لابسه شبهي لا مش شبهي اوي اعتبروني لابسه فستان شبه البنات وكدا فا دي بيطلق عليها صاروخ لانها بتكون جامده
شعرت بأحد يمسكها من ملابسها من الخلف: هي مين دي اللي جامده يازباله.. بتعلمي عيالي الأنحراف تاني يارحمه تاني
رحمه برعب: صلى على النبي ياكبير والله لسه الدرس مبدأ ودي حاجه علي الماشي كدا
زين بغضب: درس ايه دا
رحمه بغباء:درس الرقص
زين بصراخ: مييييين
ركضت ملك بسرعه لزين وهي تضحك: اهداا ياحبيبي دي بتهزر
زين بشك: اوعى يكون بجد وانتي بتداري عليها شبه كل مره
نظرت إليه بحب : وانا من امتى بكدب عليك بردوا ياروحي
وضعت رحمه رأسها بينهما: يانوحي يانوحي كملي يااختي كملي
نظر إليها زين بغيظ: عليا النعمه لولا انك اختي لكنت رميتك من الشباك وخلصت منگ من زمان
فريده: تعالي يابت يا رحمه هنا وقوليلي نيلتي ايه النهارده وسيبك منهم دلوقتي
جلست رحمه بجوراها: اترفضت
فريده بصراخ: نعمممم ياروح امك
رحمه موضحه: ياماما مقصدش كدا الحكايه إن..... تحدثت معهم بكل ماحدث معها منذ الصباح.
زين ببسمه: تعرفي إن بعد حادثه العربيه دي أنا وجاسر دلوقتي صحاب
رحمه بصدمه: إزاي دا واتعرفت عليه فين
زين: كان حصل مشكله عندي في المصنع وهو اللي كان مكلف بالتحقيق ومن هنا اتعرفنا علي بعض وبقينا صحاب بس تقدري تقولي بنتواصل بعد فين وفين بسبب إنشغال كل واحد فينا
رحمه بتفكير وصوت منخفض: وعشان كدا كان موجود يوم فرحك.
زين بعدم فهم: بتقولي حاجه يارحمه
رحمه ببسمه شيطانيه: زين انت اللي هتكلمه يوافق
زين بإستفزاز: وانا مالي وبعدين انتي عارفه اني مش بحب شغل الواسطه دا
اتجه ليغادر ولكن اوقفته رحمه برجاء: زين ارجوك اتكلم معاه
زين بجديه: انتي اللي غلطانه من البدايه يارحمه وانا متأكد لو اعتذرتي منه هيوافق
رحمه بغضب: مش هعتذر مستحيل مستحيل
زين وهو يغادر: يبقي انسي الفريق دا وشوفي فريق تاني اي كلام تتدربي فيه.
ملك وهي تنظر لرحمه: يابت بطلي لماضه وعند واعتذري منه واخلصي
رحمه بسخط: كان يوم اسوووود يوم مارجلي دبت كليه الشرطه واخدتها تحدى عشان اتف في وش زين
ملك بضحك: وفي الاخر معرفتيش تشتمي حتى.
رحمه بتذمر: ألاه ماهو خسر وانا كسبت يبقي كدا خالصين
ملك بضحكه: هههه. طيب بردوا هتعملي ايه
رحمه وهي تتجه لغرفتها: ولا حاجه يلا يعيال الدرس هيبدء
ركض الأطفال بصراخ علي الغرفه وملك معهم.
فريده وهي تنظر إلي الباب: عوض عليا عوض الصابرين يارب.
~~~~~~~~~~~~~~~~~~~~~~~~~~~~~~~~~~~~~~~
في مكان أخر كان يجلس ببرود ويضع يده أسفل ذقنه يفكر: ياترى حكايتك معايا ايه يامجنونه، وليه ظهرتي تاني بعد كل السنين دي.
: جاسر
جاسر وهي يعدل من ثيابه: نعم يامرات ابويا وبعدين إزاي تدخلي الأوضه كدا منغير ماتخبطي
: مش قولتلك بلاش مرات ابويا دي وقولي يالولو.
جاسر بسخريه: اممم طب ممكن تاخدي نفسك وتخرجي برا منغير مطرود
لولو بدلع: كنت جايه اتطمن عليك واشوفك جعان وإلا لا
جاسر ببرود وهو يذهب للخارج: والله دي حاجه ملكيش فيها ولو جيت ولاقيتك لسه في الأوضه متلوميش غير نفسك.
لولو بشر بعدما غادر جاسر: هتندم علي كل حاجه عملتها ياجاسر وبكرا تعرف مين لولو.
اخذ سيارته وظل يسير بها حتى توقف أمام مكان مهجور: امتى هيحس انه غلط ويفوق ويطلع من الوحل دا
ضرب جاسر علي المقود بعصبيه واكمل: امتاااااا