(صلوا علي الحبيب المصطفى صلى الله عليه وسلم)
رحمه وهي تركض: صباح الخير عليكم جميعا
ملك بضحك:صباح النور... اتاخرتي علي شغلك طبعاً
رحمه برعب: دا أنا هتعلق النهارده من اللواء
زين بجديه: وناويه تعملي ايه في موضوع الفريق وتدريبك؟
توقفت علي الباب ونظرت لزين: مستحيل اعتذر يازين... سلام
ركضت للخارج بينما زين نظر لفريده : انت عارف اختك دماغها ناشفه
زين بيأس: الراجل عنده حق يضايق ويرفض تدخل الفريق
ملك وهي تجلس بجانب زين: خلاص بقا يازين متبقاش قفوش علي البت كدا وخليها براحتها.
زين بغمزه: سيبك من الزفته دي.. ايه الحلاوه دي علصبح
حور بطفوله: لا يابابا أنا احلى من ماما
ملك وهي تمسك بذراعه بغيره: لا أنا احلى ياشبر ونص انتي وبابا بيحبني أنا
حور بدلع: خلاص بابا هو اللي هيختار.. مين احلى فينا يابابا
كتم الضحك بصعوبه ونظر إليها: طبعاً يقلب بابا انتي جميله بس الفضل كله يرجع لماما لأنك شبهاا جدا ويلا نخلص الأكل عشان نلحق باص المدرسه
نظرت إليه بغيظ وتناولت طعامها بنهم شديد ثم اتجهت لغرفتها واغلقت الباب بقوه، بينما هو ابتسم علي طفولتها ونظر لفريده: الباص علي وصول ياريري معلش تطلعي الأولاد انتي
فريده بغمزه: فهماك ياابن بطني يلا اجري صالحها مستنى ايه.
قبل الأطفال بحب واتجه لغرفتهم: والله ماكنت هعرف أعمل ايه منغيرك ياريري.
ابتسمت له بحنان ونظرت للأطفال وهم يأكلون: أنا اللي بشكرك انت وملك علي السعادة اللي أنا فيها بسببكم وبسبب وجود أحفادي.
بادلها الإبتسامه ودلف لداخل الغرفه بمرح،كانت تجلس علي الفراش وعندما رأته تحول وجهها للعبوس: حبيبتي القموصه زعلانه مني ليه
ملك بغيره: ايه مقعدتش ليه جمب حور ماهي احلى مني
ضحك بصدمه وذهول: أنتي غيرانه من بنتك ياملك لا أكيد انتي مجنونه.
ملك بدموع: أنا مش بستحمل تبص لحد غيري او تتكلم مع غيري مابالك بقا بأولادنا يازين.
زين وهو يضحك: والله أحيانا بشگ انك مراتي التانيه ودول مش عيالنا
ملك وهي تضربه علي صدره بتذمر: علفكره انت رخم وانا مش بحبك وبحب حور ورحيم اكتر
زين بضحكه عاليه:وانا بعشق أمهم وبعشقهم هما كمان لأنهم حته منها، أنتي اغلى من حياتى ياملك
ملك وهي تضمه بعشق: وانت كل حياتي يازين
~~~~~~~~~~~~~~~~~~~~~~~~~~
كان تركض في الممر تصطدم في كل من يقابلها حتى وصلت لمكتب اللواء، طرقت الباب ودخلت بخوف: تمام يافندم
اللواء بسخريه: مالسه بدي ياحظابط رحمه والنبي لكنتي تتأخري شويه كمان
رحمه بغباء: المره الجايه بقا يافندم
اللواء بلطم: ياررررررب الصبر، عملتي ايه مع الرائد جاسر
رحمه بتوتر: معملتش حاجه يافندم
اللواء بسخريه: مش قولتي مش داخله المكتب غير وانتي في فريق الأسد مش دا كلامك امبارح ببردوا ياحظابط
رحمه بسرعه: ربع ساعه وارجع لحضرتك وانا في الفريق.. عن اذنك يافندم
اللواء بعدما خرجت: بلوه واتحدفت عليا من السما ياررررب.
اتجهت لمكتبه بتردد وطرقت الباب ثواني وسمعت صوته البارد دخلت بإحترام وهي تنظر للأرض : أنا أسفه يافندم واتمني تتقبل إعتذاري
جاسر برفع حاجب: ايييه الأحترام دا كله عشاني
رحمه وهي تنظر له بقوه: لا عشان اكون في فريق (الأسد)
جاسر ببرود: واشمعنا أنا.
رحمه بسرعه: لأنك الشخص الوحيد اللي سمعت عنه في عالم المخابرات وعن انجازته ورعب الكل منه وقدراته في القتال وغير الكام للغه اللي بيتكلمهم بمنتهى السهوله وكل دا يطلع من شخص سنه اقل من 30،دول مش أسباب كافيه وإلا انت مش عارف قيمة نفسك ياوحش
جاسر وهو يغمض عيناه بيأس: انا لسه ماوافقتش تدخلي الفريق وصدعت من لسانك وانا مش بحب الرغي الكتير
رحمه وهي تضع يداها لتكتم صوتها: اسفه مش هتكلم تاني
جاسر وهو يفتح حاسوبه وينظر له: في مهمه وانتي اللي هتستلميها بنفسك ولوحدك
رحمه بصدمه:.....................
نظر إليها بغضب: ماتنطقي
رحمه بخوف: إزاي هستلم مهمه منغير تدريب حتى وبعدين انت كدا وافقت عليا صح.
جاسر ببرود شديد: فيه شخص اسمه شوقي محمود ودا الملف بتاعه عاوزك تراقبيه، ومن ناحيه اني وافقت فاانا هوافق تدخلي فريقي بعد مااشوف مستوى ذكائك وهتهببي تعملي ايه في اول مهمه ليكي.
رحمه وهي تأخذ الملف: اعتبر المصلحه تمت يباشا سلام.
خرجت تركض بفرحه بينما هو وضع يداه علي رأسه: مصلحه وباشا.... ربنا يستر
جلست علي مكتبها تقرء الملف بتذمر: قال مش هوافق غير بعد مااشوف ذكائك هو فاكريني غبيه الغرور ابن المعفن دا طب وعهد الله لنفذ المهمه خلال 24ساعه وابهرك بالنتيجه، يلااا يابت يارحمه
_ بعد 24ساعه كانت تضع ملف المهمه أمامه وهو يقرء بصدمه وغضب: ممكن افهم ايه اللي انتي كاتباه دا
اخذت الملف منه بغباء: شكلك مش فاهم الخط مع اني خطي قمر والله بس مع علينا هقولك أنا.. شوقي دا طلع جامد والله يباشا يعنى مقاس جذمته 43 وبيشرب قهوه 4مرات كل ساعتين وبيسمع فريد الأطرش وام كلثوم و
جاسر بشلل: معرفتيش بيدخل الحمام كام مره في الساعه بالمره
رحمه بتفكير: لا مااخدتش بالي يافندم
جاسر بصراخ: براااااااااااااا
رحمه بخوف: ايه بس مش قولتلي راقبيه وانا نفذت وتمت المهمه
جاسر وهو يحاول التماسك: بقولك راقبيه يعني تعرفي بيروح فين وبيشوف مين ياغبيه مالك انتي ومال الباقي هو انتي راحه تتجوزيه.
رحمه وهي تنظر يمين ويسار: امممم حضرتك تقصد كدا طب مقولتش ليه.
جاسر ببرود: برا ماشوفش وشگ هنا تاني
رحمه وهي تجلس بحزن: خلاص يافندم والله ماكنت اقصد ادينى فرصه تانيه وانا هبهرك صدقنى
جاسر برفع حاجب: ولو فشلتي
رحمه وهي تقف بخوف: اعمل اللي تشوفه يافندم
جاسر وهو يشير لشي أمامه: دا ايه
رحمه بإستغراب:ماله يافندم دا لاب توب
جاسر: تاخدي اللاب دا وتنجزى المهمه دي ومنغير ماتقولي إزاي
رحمه بصدمه: وانا إزاي هراقبه من علي اللاب توب يافندم
جاسر ببرود: اتصرفي دا شي ميهمنيش المهم عندي إن معلومات الواد دا تكون عندي خلال تلات ساعات وإلا اعتبري نفسك مرفوضه من المديريه كلها مشمن الفريق بس.
اخذت الحاسوب بإحباط: تمام يافندم
ذهبت لمكتبها وجلست بيأس: هتنيل اعمل ايه دلوقتي يعنى كان لازم اركز في تفاصيل الراجل اوي روح ياشيخ إلهي تقع تتكسر رقبتك وانت ماشي.
اقتربت منها ساره بإستغراب:مالك يابت يارحمه
رحمه وهي تضع رأسها علي المكتب: هو انتي إزاي تراقبي شخص من علي اللاب توب يابت ياساره
ساره بسرعه: تقدري تراقبيه عن طريق رقم تليفونه دي سهله جدا يابنتي
رحمه بتفكير: لاقيتها
ساره: هي ايه دي
رحمه بسعاده وهي تضغط علي الحاسوب: لا متاخديش في بالك وشكرا ياساره
ساره وهي تجلس علي مكتبها: لو احتاجتي حاجه قوليلي وبلاش شكرا دي احنا زمايل وبقينا خلاص اصحاب.
ابتسمت لها رحمه بإمتنان واكملت ماكانت تفعله.
كان يجلس علي الحاسوب يفكر ماذا يفعل بتلك المصيبه التي كادت تصيبه بالجنون من غبائها فجأه سمع صوت دقات الباب: اتفضل.
رحمه ببسمه: تمام يافندم
جاسر وهو ينظر لساعته: تقريبا لسه ساعه والوقت يخلص جايه بدري ليه
رحمه وهي تجلس وتعطيه الحاسوب: انا عرفت أوصل لأخر مكالمه عملها شوقي وكمان كل الرسايل والمكالمات متراقبين دلوقتي وحضرتك تقدر تسمع المكالمات.
جاسر بذهول: انتي بتفهمي في الهكر
رحمه وهي ترفع رأسها بكبرياء: عيب عليك يباشا دا جزء بسيط من مواهبي
جاسر بسخريه: طب حلو انك نفعتي في حاجه، المهم افتحي المكالمه
فتحت رحمه التسجيل واستمع له جاسر بانتباه شديد بعد دقايق اغلق الحاسوب بعصبيه واتجه للخارج: يولاد الكلب
رحمه وهي تلحق به: رايح فين يافندم وبعدين مقولتش انا مرفوضه وإلا لا
جاسر وهو يسير ببرود: هرفضك إزاي وطلع منك فايده... اهلا بيكي في فريق (الأسد)
استقل السياره بينما هي كانت تدور حول نفسها بسعاده وتصرخ: ياااه واخيرا كسبت التحدى
اخذت سيارتها وكانت تقود وهي تغنى بصخب والجميع يسبها علي تلك السواقه والضوضاء اللي تحدثها في الطريق بينما هي تكمل ولا تبالي.
دخلت المنزل بسعاده: يااهل الدار اين انتم يولااااااااااد
فريده بذعر: في ايه ياجزمه وطي صوتك الجيران تقول علينا ايه
رحمه وهي تمسك بالطبول: يماما سبيني دلوقتي وقوليلي فين العيال عشان الدرس
ملك وهي تركض: ايه دا الدرس هيبدء بدري ليه النهارده
حور بطفوله وهي تضع يداها علي وسطها: هو احنا كنا واقفين لحد فين يارحمه اصل نسيت خالث
رحمه وهي تزغرط: بقولك ايه انا عامله دماغ ومبسوطه وكل واحد يستعد يلا منغير كلام
نظرت لــ رحيم: جاهز يااض
رحيم وهو يمسك ب (الطابله): جاهز يارحمه انتو جاهزين
واتجه كل منهما يرقص بصخب، دخل زين بصدمه وهو ينظر لأطفاله فكان رحيم يطبل وحور ترقص بطفوله وتقفز وتلك التي يعشقها ترقص بغباء ولا تعرف كيف تتقن الحركات أما الرأس الكبير رحمه فكانت تهز وسطها بإحتراف وتزغرط وفريده تضحك عليهم بشده.
اتجه يطفأ الموسيقي وفي ثواني كان الجميع يركضون في البيت بخوف وهو يركض وراء رحمه: هقتلك يارحمه بقا دا الدرس اللي بتعلميه لعيالي ولمراتي يازباله.
ركضت لغرفتها واغلقت الباب عليها بخوف: ماله الدرس بس ياكبير ماهو زي الفل اهو
زين وهو يكاد يكسر الباب: افتحي يارحمه الباب دا بدل مااكسره علي نفخوك.. درس رقص بقا انا عيالي واحد يمسك طابله والتانيه ترقص انتي عاوزه تخليني انتحر علي اخر الزمن واموت كافر.
ملك من خلفه: ماتصلي علي النبي ياعم طب والله كورس الرقص نفعنا ولولاها مش عارفه كنت هربي العيال إزاي.
امسكها من ملابسها من الخلف بغيظ: قولي إزاي متربيش قدامي يازفته.
ملك بضحك: طب ماتزقش كدا وايدك لتوحشك يبا هتخلى ايام التشرد ترجع بقا
زين وهو يلطم: يارب انا عملت ايه في حياتي دا انا عمري مازعلت امي حتى
فريده بسخريه: ابدا ياضنايا ابدا.
زين وهو يهز ملك بتحذير: طب وربنا اللي هشوفه بيرقص تاني في البيت دا وبيعلم عيالي القرف دا مش هيكفيني
ضربكم غير بالجذمه وهعلق كل واحده فيكم علي باب اوضتها انتو فاهمين
كل من في المنزل بخوف ماعدا فريده: فاااهمين.
فريده وهي تدخل غرفتها: كتك القرف انت ومراتك واختك يشيخ
زين وهو يقاطعها بحفظ: كان يوم مهبب يوم مااتجوزتي ابويا انا عارف.
اغلقت الباب في وجه بقوه بينما هو نظر لملك بغيظ: عجبك كدا
ملك ببراءة: وانا عملت ايه ياحبيبي
زين بغمزه وتناسى كل شي: قلب وعقل حبيبك طب وربنا وحشتيني
اخرجت رحمه رأسها من الغرفه بغباء: كفايه محن ياعم روميو دي كانت بترقص من شويه وبتتعلم الرقص
زين وهو يحدفها بالحذاء: يشيخه يحرق اليوم اللي شوفتك فيه
دخلت لغرفتها بسرعه وهي تضحك بشده عليهم وبعد دقايق ذهبت في النوم.
~~~~~~~~~~~~~~~~~~~~~~~~~~
كان يقف أمام شخص مقيد بشده وفاقد الوعي، اخذ بعض الماء وإلقاءها عليه بغضب.
الرجل برعب: انا فين
وانت مين وعاوز مني ايه
جلس ببرود ونظر إليه: انت في الحفظ والصون ياشوقي عند حبيبك (الأسد)
شوقي وهو يبتلع ريقه برعب: انت الأسد
اكمل برعب وبرود:
وانت إن شاء الله المرحوم والمغفور إليه شوقي محمود وقول يارب.