رواية ضياء الليل
الفصل الثامن عشر18
بقلم نسرين خالد
بيتر : عشان مثلا انك بقيتى مواطنه المانيه... مبروك يا ضياء.... لسه مبلغنى ب انك بقيتى مواطنه المانيه🥳🥳🥳
ضياء بفرحه : بجد... انت بتتكلم جد ولا بتهزر.... ازاى وافقو على الجنسيه ب السرعه دى؟؟.... ده فى ناس بتقعد سنين عقبال ما تجيلها الموافقه
بيتر : ببساطه لانك موفيه كل الشروط و ليكى املاك هنا و رصيد البنك فيه ملايين و عندك بزنس ناجح.... و كمان الصراحه...
ضياء : بيتر قول عملت ايه؟!
بيتر : الصراحه.... فاكره طلبية الفطير و الزبده و القشطه و الاكل المصرى ال كانت من كام يوم
ضياء : اها فكراها... مالها؟!
بيتر : الصراحه الطلبيه دى كانت ل القاضى بتاع الهجره انا عرفت ب الصدفه ان الطلبيه دى ليه و روحت سلمتهاله ب نفسى و شرحتله موقفك و انك ناويه تفتحى اكتر من فرع و ان مشروعك بيعتمد على المكونات الطبيعيه ... و ده طبعا عجبه لانه ليه اولاد صغيرين و كانو بيحبو الاكل السريع بس لما داقو من صديق لهم الاكل ال بتعمليه طلبو منه يجبلهم منك و بطلو يطلبو الاكل السريع و هو شاف ان اكلك افيد ليهم و للاطفال عموما... عشان كده وافق على الجنسيه ليكى😀😊..... اه صح اعملى حسابك الامتحانات قربت و مش عايزين اقل من امتياز
ضياء : بإذن الله .. مش هخيب ظنكم ابدا
عماد بتوتر : ضياء... انا عايزك تتعلمى ضرب النار.... و يابيتر عايزك تعملها الإجراءات عشان رخصة السلاح... و عايز الرخصه دوليه
بيتر : ليه كل ده🤔.... هى ضياء عليها تار ولا ايه 😂؟!
عماد : فعلا ضياء يعتبر عليها تار.... ضياء ابوكى بعتنى هنا عشان لازم تكونى جاهزه لل هايحصل فى مصر...
و ابتدى يحكى ل ضياء و بيتر و سعاد على ال مستنى ضياء فى مصر و كمية المشاكل ال هتشوفها و سبب ان ابوها مانعها من انها تعرف ليل مكانها
بيتر : يبقى كده فعلا لازم ضياء تاخد حذرها و تتعلم تدافع عن نفسها و كمان تتعلم ماتثقش فى حد الا لو كان قد الثقه دى🤔🤨
عماد : فعلا ده المطلوب ان ضياء تتعلمه فى اقرب وقت
سعاد : بس انتو نسيتو حاجه مهمه🙄
عماد : و ايه ال احنا نسيناه بقى يا ست سعاد؟!
سعاد ب ابتسامه : ان ضياء دلوقتى بقت الآنسه ضياء.... مش ضياء الفواعلى.... و فى فرق كبير بين الاتنين... ولا انتو ايه رايكم😉
عماد : ان جينا للحق انا معرفتش ضياء الا لما بيتر كلمها....شكلها اختلف جدا جدا .... و اذا كنت انا معرفتهاش و انا خالها ف اكيد محدش هايعرفها... و خصوصا انهم شافوها مره او مرتين..... بس لازم برضه تتعلم تدافع عن نفسها... و احنا كلنا معاها
فى يوم ضياء و بيتر كانو فى الجامعه و واقفين يتكلمو عن البزنيس و الطلبيات
بيتر : ضياء احنا محتاجين تجيبى ناس تانيه من مصر.... لان الطلبات فى زياده و دلوقتى بالعافيه الناس ال معانا يادوب ملاحقين... و الشهاده ده مش تقصير منهم بس الشغل اللهم بارك كتير اوى
ضياء : انا برده شايفه كده خلاص لما نروح هخلى خالى عماد يكلم بابا و يتفق معاه يشوفله ناس.... بس تعرف انا بفكر فى ايه تانى؟!
بيتر : بتفكرى فى ايه يا ضى
(ضى ده اسم ضياء فى الاوراق الالمانيه)
ضياء : بفكر نشوف ناس من كل مكان فى مصر يعنى هنخلى ال يدخل المطاعم عندنا يحس انه دخل جوله فى كل مكان فى مصر
بيتر : طيب ايه رايك نعمل مطاعم للفروع بتاعتنا و نعمل فى المطعم اركان بعدد محافظات مصر و كل ركن يتعمل ب ال بيميز المحافظه بتاعته
ضياء : بجد شابوو يا بيتر... من غير ما تستنى عايزاك تنفذ بس عايزاك تطلب التصميمات من شركة تصميمات مصريه و تقول لهم على المطلوب كله و هنا ينفذو التصميمات..... واه صح احنا كده عايزين نطلب بذور من مصر عشان نزرع الحاجات ال بنحتاجها و ده عليك انت تخلص كل الاجراءات المطلوبه
بيتر ب هزار : خدى بالك كده اسمه استغلال... و انا كده ليا عموله
ضياء : عموله🤨... اااه اقولك روح اطلبها من امك.... روح يا بيتر بدل ما افتن عليك ل خالتى سعاد و اقولها انك انت ال اكلت طبق العسل ب الطحينه و الفطيره بتاعتها
بيتر : وعلى ايه انتى عارفه يا ضى انك نور عيونى😂😂😂😂
و فى وسط هزارهم جت بنت اسمها ليليا و وقفت فى وسط الجامعة و وجهت كلامها ل ضياء
ليليا : ماذا تفعلين هنا ايتها الارهابيه.... الم يكفيكى انكى تأخذين اموالنا و تجعليننا فى بطاله بسبب مطاعمك.... و تريدين ان تأخدى شبابنا ايضا (كانت بتتكلم على بيتر هى ماتعرفش انه مسلم) اليس من المفترض انك لا تتحدثين مع الشباب و لا تصاحبيهم🤨🤨😏😏...... هيا يكفيكى هذا اذهبى الى بلدك و ارجعى ال جهلكم و تخلفكم..... لا نريد منكى ان تنشرى ثقافتكى فينا.... و ايضا انتى عنصريه لا تقبلين ان يعمل عندك اى مسيحى
ضياء : انا لست ارهابيه.... هل رايتينى معى سلاح او اهدد احد منكم!!....
ثم انا لا اخذ اموال احد بل اخذ اموال نظير الطعام الذ يعد فى مطاعمى.... و انا لم اجعلكم فى بطاله بل انتم من سببتم لانفسكم تلك البطاله لانكم لا تريدون
ان تعملو معى لانى مسلمه... و انا لا اتحدث مع احد من الشباب الا مع بيتر... لانه ابن خالتى.... و للعلم هو مسلم... فهل رايتيه يوما يرهب احد او يهين احد!!!!...
و بلدى ليش بلد متخلف او جاهل... بلدى بلد يحب العلم ولولا هذا ما كنت هنا اليوم ادرس حتى افيد بلدى.... و من قال لكى انى لا اقبل ب المسيحيين يعملون معى...... اسألى حالا كم شخص
هنا يعمل معى فى المطاعم او فى توصيل الطلبات (البنت تتفاجئ ان فى عدد كبير من زمايلها بيرفع ايده انهم بيشتغلو مع ضياء فعلا).... و اخيرا و ليس
آخرا الا تعلمين انى مواطنه المانيه... يعنى انى مثلك بل انا افضى منك.... انتى لا تفعلين شئ الا الكلام لكنى اعمل و استثمر و ادخل مال للدوله.... اذا فى
رايك من منا المواطن الافضل؟! 🤔..... و اخيرا اذا اردتى العمل ب احترام ف اهلا بكى فى اى وقت😉😉😎...... بيتر يلا بينا عشان نروح
و تاخد بيتر و يركبو العربيه و يروحو ..........................................
و تمر الايام بين نجاح و تفوق ضياء و البزنس بتاعها ال بقا ليه فروع فى
كل المانيا و شراء الاراضى الزراعيه و المزارع و المطاعم ال اتفتحت .... و دخولها شريكه فى
شركه هندسه وديكور و دى من اكبر شركات الهندسه و الديكور فى العالم..... و عماد ال حب سعاد و قرر يكمل
معاها الباقى من عمره و بيتر وافق على جواز امه من عماد لانه حس انه فعلا بيحبها و ان امه بتبادل عماد نفس الشعور ...... و بين ليل ال عرف من نجم
اخبار ضياء بس بشرط انه ميحاولش يوصلها و فهمه انهم متراقبين.... و ليل اهتم بشغله و فتح شركه هندسيه و كمان الحاج عيد اتنازله عن العموديه....
. و فات خمس سنين من يوم هروب ضياء من مصر.... و جه وقت رجوعها تانى......