رواية الحاميه
الفصل السابع7
بقلم نسرين خالد
ياسر : ها... لا ابد ده انا كنت جاى اسالها لو عايزه اغسلها حاجه معايا.... لالا اقصد لو معاها مسحوق غسيل بدل ريحة الهدوم دى😁😰
تائب: لا والله.... انت هاتستهبل😡.... عقابك زمايلك ال هايصدروه عليك.......
و فجأه صوت تائب على و زعق جامد
تائب : كل الفريق يجمع حالا فى محاكمه
الكل اتجمع و استغربو شكل ياسر على الارض
يوسف : فى ايه؟؟ و ليه ياسر واقع كده على الارض
و بداء الفريق يتكلم مع بعض و تائب و كشماء و ياسر سكتين
تائب : انا دعيتكم عشان هاننصب محكمه حالا عشان ال غلط ياخد جزائه
عدنان بحكمه : طيب قول ال حصل و احنا هانحكم....
تائب: ال حصل...... و ابتدا يحكى كل حاجه حصلت من ياسر من ساعة ما كان بيحوم حوالين اوضة كشماء... لحد ما وقع و اتهبد.... و انه بيدعى ان كشماء كهربته... و طبعا ماقلش لهم انه شافه ب الكاميرات لاظ محدش يعرف بوجودها🤫
عدنان: و هل كشماء فعلا كهربته؟!
كشماء وقتها عادت عليهم نفس الكلام ال قالته ل تائب........
كشماء : و بعدين انا دلوقتى هيكون من حقى انى فعلا اكهرب اوضتى لان ال حاول يتهجم عليا مره ممكن يعيدها او يحاول غيره يمكن ينجح فى ال فشل فيه زميله😏🤨
كريم و هو مشمأز من تصرف ياسر🤢
كريم : للاسف مش هقدر امنعك تقولى اى حاجه حتى لو هتغلطى فينا كلنا لان زميلنا ال حطنا فى الوضع ده
و اجتمع عدنان و كريم و يوسف و قعدو يتكلمو بينهم كتير... وفى الاخر
كريم : ياقائد ممكن نخيره بين العقابين
تائب : انا مش هتدخل انتو ال هاتحكمو عليه
كريم : ياسر انت طبعا عارف لو اتحاكمت ك حيوان هسكون مصيرك القتل.. و لو ك انسان ف هيكون عقابك الجلد.... و دلوقتى انا بخيرك انت عايز تتحاكم ب انهى محكمه............. البشر.. ولا الحيوانات؟؟؟؟ فكر كويس قبل ما تجاوب
ياسر بخوف و خبث : انا... انا ماكنش قصدى اتهجم عليها... هى ال ريحتها جذبتنى و مقدرتش اقاومها الغريزه الحيوانيه اتغلبت عليا.... و بعدين هى مش تابعه ل اى حد
كريم : من غير لف و دوران كتير يا ضبع..... اختار اى محكمه البشر ولا الحيوانات؟؟
ياسر عرف انه لازم يختار...
ياسر : اختار محكمة البشر
كريم : يبقى انت ال حكمت على نفسك.. يا قائد هو اختار محكمة البشر... صاحبة الشئن تختار العقاب يكون شرعى ولا مدنى؟؟
(الشرعى بيكون جلد المذنب٨٠ جلده.. اما المدنى فبيكون السجن)
كشماء : اختار العقاب الشرعى😡
ياسر : لا انا مش موافق هى لو كانت محترمه مكنتش هحاول اقرب منها... هى اصلا ال ادتنى ريق حلو من الاول و كانت بتدلع عليا
كشماء ببرائه : انا... انا اتدلعت عليك؟؟ طيب امته ده ده انا لسه عرفاكم كلكم كن كام ساعه يبقي لحقت امته اتدلع عليك و اغريك... منك لله... حسبى الله😈
( انا: الدمعه هتفر من عينى ده انتى طلعتى مش سالكه يا كشماء)
كريم : بعد اذن القائد ننفذ العقاب دلوقتى؟؟
تائب: موافق ابتدى
كتف عدنان و يوسف ياسر و كريم جاب كـ░ـرٍبـ░ـآكـ░ـ و ابتدى يـ░ـجـ░ـلَدٍ ياسر و تائب اخد كشماء لعنده فى المكتب على اساس تريح اعصبها
تائب : كشماء ممكن اعرف ايه ال حصل... بس قبل ما تتكلمى... مش عايز كدب.... انا مش ال برا
كشماء : و انا مش هكذب عليك... انا لما كنت واقفه معاك بتعرفنى عليهم مرتحتش ل نظرات ياسر ابدا عشان كده استأذنتك انى هكهرب الاوضه بتاعتى و فعلا قطعت سلك الكاتيل و وصلتها ب قضبان الاوضه و نمت و لكن فجأه سمعت صوت خبط اسنان جامد فى بعضها و هبده جمده زى ما سكون حد وقع ف فصلت الكهربا و فتحت الاوضه عشان اعرف ال حصل... و الباقى انت عارفه...
تائب : امممم على العموم براڤو عليكى. خليكى كده يمكن يتربو...
كشماء بضحك : سيبهظ عليا و انا هعلمهم الالتزام 😈😂😂
تائب : تمام كده انتى عملتى مشكله و عداوه مع واحد و كسبتى احترام واحد
كشماء: طيب الاولانى و عرفناه ياسر الضبع... بس التانى بقى مين؟؟
تائب : كريم هو ال كسبتى احترامه لانك اثبتيله انك مش جايه تهزرى لا انتى جايه زيك زيهم..... بس ياترى ايه هى الخطوه التانيه ليكى؟؟
كشماء : الخطوه التانيه لازم اكسب احترام و ثقة و ولاء عدنان و كريم ... و اامن نفسى من غدر ياسر و يوسف
تائب : طيب ياسر و عرفناه اما يوسف ليه خايفه من غدره ده اخره ياكل و بس
كشماء : الطبع يغلب التطبع و الحيواب ساعات بيغلب الانسان يعنى لازم اامن شره... بدل ما اتفاجئ بيه ب يلدغنى
تائب : امممم تمام... طيب و ب النسبه ل و بالنسبه ل قبيلتك... فكرتى هاتعملى ايه؟!
كشماء : اه و عندى خطه هتخلينى اطلع من المعسكر بس للاسف هتضر احم اخربش سيادتك
تائب : ازاى فهمينى
كشماء : حاليا فى 4متدربين غيرك يعنى خمس ذكور.. و انا انثى واحده.. صه؟!
تائب : صح كملى
كشماء : انا هعمل زى فتنه و هخليكم تتخانقو عليا و بعدين طبعا كل واحد منكم هيحاول يخضعنى عشان يضمنى ل قطيعه صح؟
تائب 🤔 : صح
كشماء : بس انا وقتها هرفض انى اخضع لاى حد منهم او حتى ليك و فى الاخر هجرحك و ههرب على الغابه.. و ده هيكون رد فعل طبيعى ب النسبه ل انثى رافضه الخضوع .... صح ولا غلط😁
تائب ب انبهار : تعرفى انا منبهر ب دماغك ده انا عندى ذئب و ضبع و ثعبان و ثعلب بس الصراحه دماغك بيهم كلهم.. و بكده هبكون عندك وقت تىوحى للقبيله بتاعتك و تتعلمى منهم و تنفذى ال مخططاه بالنسبلهم و اه صح عرفيهظ انهم لو وافقو ممكن ناخدهم مصر يعيشو هناك و يكونو قريبين منك
كشماء : تمام يا فندم.... بعد اذنك هروح انفذ الخطه
تائب : اتفضلى.... و بالتوفيق
طلعت كشماء من اوضة المكتب و فى طريقها شافت ياسر و هو مسنود من كريم و عدنان عشان يوصلوه ل سريره
ياسر بصوت ضعيف : مش هسيبك يا كشماء.... و هخضعك ليا و ساعتها هربيكى
كشماء ب كبرياء : وهو انا يوم ما اخضع هخضع ل ضبع 😏 على العموم تعيش و تاخد غيرها😉😉
و طبعا كلاظ كشماء خلى ياسر يولع فى نفسه من الغيظ..... و وصل ل سريره و سابوه
كريم : تعرف يا عدنان انا احترمت كشماء عشان طلعت محترمه
عدنان : لا و كمان قويه و مش بتسيب حقها بجد كسبت احترامى
و طبعا الكلام ده سمعته كشماء و هى مستخبيه.... و حبت تكسب ودهم عشان تكمل خطتها... فقررت تقرب منهم عن طريق معدتهم.... طلعت كشماء للغابه و اصطادة عجل صغير و جمعت شوية اعشاب و عطاره عرفتهم من الكتاب ال معاها و روحت بيهم المعسكر و دٍبـ░ـحـ░ـتـ░ـ العجل و بدءت تطبخ و طبعا الريحه ملت المعسكر كله... الكل اتجمع فى ساحة المعسكر و بيسألو منين الروايح دى؟!
تائب : حد يعرف الريحه دى جايه منين.. دى... دى ريحة لحمه ب بهارات و اعشاب 😋😋😋
طبعا تائب فهم ان ال بتطبخ هى كشماء و فهم ان ده تبع خطتها
يوسف : بصو بقى الريحه دى لو السبب فيها العفريت الازرق هاكل من ال هيكون طبخه😋😋🤤الريحه بتجرى الريق
عدنان و كريم : فعلا الريحه جميله جدا بس حتى لو الريحه دى من المعسكر منين ال بيطبخ جاب اللحمه
تائب : ياسر قولى ميز ال غايب من الفريق
كريم : ياسر و كشماء يا قائد
تائب : و ياسر بعد الجلد استحاله يقدر يقوم من على السرير... يبقى ال بيطبخ هى كشماء
و وسط كلامهم تطلع كشماء و تبلغهم ب
كشماء : الاكل جاهز لو تحبو تاكلو
طبعا الكل راحو على الاكل من روعة ريحته بس كشماء شدت تائب على جنب
كشماء : اوعى تاكل من الكبده... عشان فيها ال هيخلى خطتى تنجح
و بعد شويه و صل تائب و كشماء لمكان الاكل و قبل ما يقعدو اتفاجئو ب ان الكبده الفريق قسموها على بعضهم و اكلوها
كشماء : فى علبه فيها كريم اعشاب جنبكم ياريت تدهنو بيها ضهر ياسر عشان ميلتهبش..... و فجأه 😮😮