رواية الحاميه
الفصل الثالث عشر13
بقلم نسرين خالد
تائب اتحول ل شكله الحيوانى و بعد كده رجع ل انسان تانى
تائب : انا بكون قائد كشماء و اخترت بنتك وليفتى... و طالب موافقتك
حسن :...................
كشماء : بابا ممن اتكلم بعد اذنك قبل ماتقول رايك
حسن بغموض : اتكلمى…
كشماء : بابا للاسف مفيش حل إلا انك توافق ان تائب يكون وليفى
حسن : ليه؟؟ ايه ال حصل فى المعسكر ب الظبط....
تائب و قد فهم ال فى دماغ عم حسن
تائب : كشماء احكى ل عم حسن كل ال حصل فى المعسكر..... كل ال حصل يا كشماء
كشماء قعدت مع ابوها و تائب راح وقف فى البلكونه.... ابتدت كشماء تحكى ل عم حسن كل حاجه من اول دخولها الجهاز ل وصولها للمعسكر و الشافته و سمعته و هى متخفيه و ال حصلها فى الغابه لحد وصولها ل قبيلتها و تتوجها و القوه ال توجت بيها و الكنز و كل شئ
كشماء : و دلوقتي القبيله كلها وصلت لمصر و اشتريت انا و تائب مزرعه و وصلناهم و سكنو فيها
حسن : اممممم طيب نادى تائب
راحت كشماء و نادت تائب من البلكونه و دخلو و وقعدو ادام حسن
حسن : كشماء ادخلى اعمليلنا حاجه نشربها
كشماء : حاضر يا بابا
و دخلت كشماء تجهز ال طلبه منها ابوها و سابتهم لوحدهم
حسن : بص يا تائب يابنى انا فهمت ان ارتبطكم يعتبر زى الخطه العسكريه... صح
قالها حسن و هو بيبص فى عيون تائب
تائب بتوتر : بص يا عم حسن انا مش هكذب عليك ب النسبه ل كشماء ف هى فعلا زى ما حضرتك قلت خطه حربيه
حسن : طيب و بالنسبالك؟؟
تائب : ب النسبالى انا فعلا اتمناها وليفه ليا..... هى من غير ماتقصد قدمتلى اكل و انا جعان... و ده فى عرفنا احنا ك نمور لو انثى قدمتلى اكل و انا جعان و قبلته و اكلت منه ف ده معناه انى وافقت انها تكون وليفتى..... يعنى هى فى عرفنا اتكتبت على اسمى.... بس هى طبعا ماتعرفش ده
حسن : طيب ليه ماقلتلهاش؟!!
تائب : ببساطه لان بنتك عنديه جداااا و بتعند لمجرد العند و بس.... يعنى لو قلتلها الحقيقه... هترفض مش لانها رفضانى.. لا... ده لمجرد العند معايا وبس... عشان كده قررت اكمل معاها الخطه و مع الوقت اتمنى تتقبلنى
حسن : من نحية العند ف للاسف بنتى بتعند حتى على نفسها.... و لعلمك انا مكنتش هوافق إلا بسبب رسالة مساعد
و فى الوقت ده دخلت كشماء و معاها قهوه
كشماء : اتفضلو قهوه
حسن : كل ده بتعملى قهوه؟؟ بس استنى هنا مفيش فى المطبخ قهوه اصلا
كشماء : لا دى قهوه من القبيله جبتها معايا و انا جايه
حسن : تمام.... كشماء انا موافق و شوفو الوقت المناسب عشان هانعلن الخطوبه
تائب : تمام ممكن بعد اسبوعين عشان نكون اخدنا اذن اجازه من المقر و اهلى كمان يكونو وصلو
حسن : تمام على بركة الله
تائب : طيب تسلم ايدك على القهوه يا كوشى😉و انا همشى عشان الحق ارتاح و هاجى بكره عشان نروح مع بعض المقر.... ده طبعا بعد اذن عم حسن
كشماء : تمام هكون جاهزه من 5الفجر
سابهم تائب و روح البيت و اتصل على اللواء و بلغه انه طلب ايد كشماء حسب الخطه عشان يسيطر عليها(ده الكلام المتفق عليه تائب و كشماء) و بعد كده كلم اهله و بلغهم ب الخطوبه و فرحو جدا لما عرفو ان النسب من عيلة مناع لان بينهم صلة نسب و دم من زمان... و بعد كده اخد دوش و نام .... اما كشماء ف قعدت مع اهلها و ابوها اتصل على العيله و قلهم على تائب و انه من عيلة ابو عبايه و انهم نسب يشرف و سبق و كانو منسبنهم زمان.. و قلهم على ميعاد الخطوبه.......... و بعد كده دخلت كشماء اخدت دوش و نامت
تانى يوم صلت كشماء الفجر و جهزت و بعد وقت قليل وصل تائب تحت البيت و اخدها و كانو الاتنين لابسين الزى العسكرى (المفروض ان كشماء اتخرجت من حاجه شبه معهد هندسى تابع للقوات المسلحه و بالنسبه للكليه ف هتروح ف العملى و وخده اذن ب كده بسبب طبيعه تدريبتها) و بعد مده وصلو المقر و هناك تائب مسك ايد كشماء و اتقدم منها ب خطوه و ده نوع من (دى على اسمى) اعلان ملكيته ل وليفته🤭🤭....
كشماء : تائب انا عندى امتحان عملى هروح امتحن و ارجع...
تائب : يعنى هتروحى الكليه؟؟
كشماء : لا اتبلغت امبارح ان الامتحان هيكون عملى هنا فى المبنى... معلش هروح دلوقتى عشان متأخرش😅😅
تائب : ده على اساس انك خايفه من النتيجه مثلا🤔 روحى يا كوشى و انا هروح ل اللواء
راحت كشماء تحضّر الامتحان ال كان ب النسبالها سهل جدا و حلته اول خمس دقايق و فضلت قاعده مستنيه الوقت يعدى... و الدكتور اداها حاجات اصعب لانه فكرها بتتكبر عليه.. و هى ب هدوء خلصت المطلوب منها لكن ال جنن دكتور الماده انه اداها امتحان التخرج و كان عباره عن سلاح متطور و مطلوب منها تفكه و تركبه و تعرف العيب ال فيه و تصلحه... و فعلا عملت ده ب هدوء ... وده خلى الدكتور😡😡😡.. و عند تائب راح للواء
تائب : تمام يا فندم حاليا انا مسيطر ب الكامل على كشماء و القبيله بتاعتها
اللواء : يعنى لو طلبت منها اى حاجه هتنفذها🤔🤔؟؟
تائب و فهم ال عايزه اللواء
تائب : هى اتعهدتلى انها تنفذ اى حاجه اطلبها منها إلا حاجه واحده بس
اللواء : و ايه هى الحاجه دى؟؟ 🤔
تائب : انى اخد منها حتى لو نقطة دم... ده شرطها عشان تقبل تكون وليفتى و إلا هاتتمرد... و موصيه القبيله بتاعتها لو ماتت باى شكل يـ░ـحـ░ـرٍقـ░ـوٌ جـ░ـثـ░ـتـ░ـهّآ عشان محدش يحاول يعمل عليها ابحاث
طبعا ده مش حقيقى لكن ده كلام قاله تائب عشان اللواء مايحاولش ياخد عينه من كشماء
اللواء : طيب...هنشوف الموضوع ده بعدين.... خد بالك فى مهمه و الفريق بتاعك هو ال هيقوم بيها
تائب : تمام يا فندم.... لو سمحت اقدر استلم ملف العمليه امته؟
اللواء : الملف زمانه على مكتبك و المهمه قدامك اسبوع على ميعاد تنفيذها... و مش هقبل باى غلط او فشل فى العمليه دى😡
تائب : تمام يا فندم
تائب فى نفسه بعد ما رجع مكتبه: مش عارف ليه مش مستريح ل اللواء و حاسس ان وراه حاجه و بذات مع اصراره و زنه عليا فى موضوع عينات الدم من الفريق🤔🤔ربنا يستر
فى الوقت ده كشماء اتقبلت مع ياسر و عدنان و سيف و يوسف و راحو على مكتب تائب و خبطو و سمحلهم تائب ب الدخول
تائب بهمس : انا مش متطمن هنا.... نتقابل بليل فى المزرعه.... و خدو بالكم لو حد مراقبكم
يوسف : تائب فى حاجه غريبه بتحصل حوالينا من ساعة ما رجعنا و مش انا لوحدى ال ملاحظ ده
كشماء : يبقى كده انا احساسى من الاول كان صح
تائب : تقصدى ايه؟؟
كسماء ب غموض و همس : هنعرف بعدين... الفريق هايتجمع فى المزرعه عشان هانتدرب على لسلحه جديده....
ياسر : تمام... نتقابل فى المزرعه