رواية الحاميه
الفصل الاول
بقلم نسرين خالد
قبل آلاف السنين... و تحديدا فى غابات افريقيا تجرى بنت بخفه وسط الغابه عيونها بتابع القمر ال انهارده ليلة تمامه..... و عند نص الليل نشوف البنت بتسجد
للقمر لغاية ما تختفى وسط اعشاب الغابه و بعد ثوانى يظهر فى نفس مكانها حيوان....لا ده فهد😯.... بس ثوانى ده مش مجرد فهد..... دى انثى فهد... دى..دى كشماء 🐆😯🤯
كشماء هى البنت الوحيده للملك و هى اميرة القبيله....قبيلة الغابات.... قبيله من المحاربين و لهم سر غامض... و هو سر قوتهم....
قوتهم ان فى سن ال١٨بيحصلو على قوة التحول ل حيوان الفهد
الملك: كشماء.... انا قررت ابعتك ل ملك مصر تكونى ك هديه له صداقه بينا
كشماء : امرك يا ابى
و فعلا الملك جهز بنته و هدايا كتير و معاها حراسها و بعتها لملك مصر... و بعد ايام كتير وصلت ل مصر و راحت للملك...... انحنت ادام الملك ب احترام
كشماء: السلام ايها الملك العظيم
الفرعون : منحتك السلام.... ما سبب زيارتكم لنا..... اهى تجاره؟!.. و من انتى؟!
كشماء : انا كشماء بنت ملك قبيلة الغابات و اميرتها و قد بعثنى ابى ل ملك مصر ك هديه و عربون صداقه بيننا و بينكم..... فهل يتكرم ملك مصر بقبول الهديه
(كشماء: بنت سمره و رشيقه جدا و شعرها مجعد مجدول راستا و تتميز بلون عنيها الغريبه.... عيونها خضراء فاتح ممزوجه ب اللون اللبنى)
الفرعون ب اعجاب : قد قبلنا هدية ملك قبيلة الغابات.... اهلا بكى فى مصر
عاشت كشماء فى القصر الملكى و حبت الملك و عرفته سرها.... بانها بتتحول ل فهد و الملك تقبل كلامها بعد ما اتحولت ادامه لدرجه ان الناس لما اتحولت عبدوها و خلوها ك إله للحمايه...... و فضلت تحافظ على الملك و كانت مش بتسيبه لوحده حتى فى الحروب كانت بتروح معاه و هى فهد محدش كان يعرف ان زوجة الملك هى الفهد
و خلفت من الملك اولاد كتير فضلو على مر السنين عايشين فى مصر و بيحمو شعبها بس طبعا ال كان بيتولد منهم بقوة كشماء كان بيخفى قوته عشان محدش يستغله....... و تفوت السنين و نكون فى الحاضر......
فى الصعيد ولاد عم حبو بعض و اتجوزو و كان نتيجة الحب ده بنت جميله جدا و عيونها اجمل و اغرب بلونها الممزوج بيت الاخضر الفاتح و اللبنى الفاتح.... و سموها كشمااء
كبرت كشماء وسط حب اهلها... ابوها موظف فى بنك و امها دكتوره..... و كانت البنت ذكيه جدا و لماحه جدا... بس ال كان بيميزها انها كانت سريعه جداا و رشيقه جدا جدا..... كانت مميزه فى الجرى و الجمباز و السباحه و الالعاب القتاليه.... و كانت دايما بتغلب ال اضخم
منها..... لحد ما خلصت ثانوى عام و بعد النتيجه....
حسن ابو كشماء.... شيماء مامتها... و ليها اخ ولد لسه فى ابتدائى اسمه فهد
حسن : حبيبة بابا... ايه نويتى على كلية ايه يا كشماء.... ايه هاتدخلى طب زى ماما ولا نويتى على حاجه تانيه؟!
كشماء : بابا... ماما... انا عارفه ان كان نفسكم ادخل طب بس انا حاسه نفسى اكتر فى الحربيه....
شيماء :نهار ابيض حربيه يا كشماء انتى عيزانى افقدك يا بنتى عايزه تحرقى قلبى عليكى... ليه بس
حسن بهدوء : كشماء.... انتى متأكده من قرارك ده... و عارفه نتيجه كويس؟!
كشماء : ايوه يا بابا انا متأكده
حسن : شيماء خلاص هى اختارت طريقها و احنا عمرنا ما فرضنا على حد فيهم حاجه.... مبروك يا كشماء و عقبال لما تتقبلى....
راحت كشماء تقدم و تدخل الاختبارات و كتبت فى طلب التقديم انها بتمتاز ب قدرات خاصه.... اجتازت كل الاختبارات البدنيه ب مهاره
اللواء : قوليلى يا كشماء ايه ال بيميزك عن باقى زمايلك و ال هيجلينا نقبلك و نستبعد حد منهم
كشماء : لو تأذن سيادتك و تأمر ب خروج كل المتقدمين بره.... او تسمح ليا ب انى اكلمك على انفراد يكون احسن
طبعا ساحة الاختبار بقت كلها ضحك بسبب كلام كشماء
اللواء بسخريه : الاتنين مرفوضين طبعا.... ازاى عيزانى اخلى المكان ليكى او تقربى منى..... هى قدراتك دى ايه ب الظبط🤨🤔
كشماء : سيادتك انا طلبت طلبى ده بسبب قدراتى و لانها المفروض قدرات خاصه و انى لو اتقبلت هتكون سريه
كانت بتتكلم بثبات و ثقه.. و ده خلى اللواء يوافق تقرب منه....
كشماء ب همس للواء : انا بتحول ل فهد و لو اخليت المكان هتحول ادام عين سيادتك حالا
اللواء بص ليها بذهول و هو مش مصدق...
اللواء : لو طلعتى بتكدبى هضربك ب الرصاص
كشماء : و انا موافقه يا فندم
اللواء امر ب اخلاء المكان حتى من الظباط و امر بقفل الابواب..... و بعد ما كشماء اتأكدت ان محدش غيرهم موجود خلعت الجاكت و فضلت ب البدى الرياضى و نزلت على الارض و فى ثوانى كانت اتحولت ل فهد.... تحت ذهول اللواء🤯🤯🤯
اللواء : لو فهمانى ارجعى تانى لشكلك
رجعت كشماء لشكلها البشرى... اللواء قرب لها و قعد يلمس وشها و دراعها ب اندهاش🤔🤔
اللواء : بصى البسى الجاكت بتاعك و تطلعى من هنا على بيتك و استنى جواب القبول.... بس اعملى حسابك ان تدريبك هيكون اصعب انواع التدريبات و اخطرها عشان يناسب قدراتك... و اه اعملى حسابك انك هتتقبلى ك ضابط متخصص.... انتى ايه اخبارك فى مجال التكنولوجيا؟
كشماء بثقه : لو تأمرنى اقدر اخترق لك حالا جهاز المخابرات
اللواء : لا.. ملوش لازمه دلوقتى... بعدين هنقدر نحكم على مستواكى.. بس من دلوقتى انشرى خبر انك اتقبلتى ك مهندس كمبيوتر (مخترق)
كشماء : و انا تحت امر بلدى يا فندم
خرجت كشماء و اتجمعو حواليها كل الظباط و المتقدمين... ظابط اسمه محمد
محمد: عملتى ايه؟... واضح ان قدراتك الخاصه اقنعت اللواء و إلا مكنتيش تطلعى عايشه
كشماء🤨: لو عايز تعرف ال حصل جوه... تقدر تدخل اسأل سيادة اللواء
و بعد كده سابت كشماء المكان بعد ما ذاعت وسط المتقدمين انها اتقبلت فى الحربيه ك مهندس تكنولوجى.. و مشيت بكل كبرياء و غرور
اللواء فى التليفون : ايوه يا فندم النهارده ظهرت ادامى واحده من قبيلة الفهود الحاميه.... طالبه تدخل الحربيه
..... : و انت كان ردك ايه؟!
اللواء : امرتها تذيع انها اتقبلت ك مهندس تكنولوجى
........ : تمام.... عايزك تجهزها و بعد كده تبعتها على تدريب الخوارق
اللواء : يا فندم مش شايف ان التدريب ده خطر عليها و خصوصا انها لسه مبتدئه
........ : لو زى ما انت قلت يبقى هاتقدر و تجتازه و تتفوق على كل ال فيه كمان.... هى اسمها ايه؟!
اللواء : كشماء
بعد ما قفل الخط
........ : اهلا بيكى يا اميرة الفهود... اهلا بيكى يا حاميه..... اهلا بيكى يا كشماء