Ads by Google X

القائمة الرئيسية

الصفحات

رواية احببت قاصرا الفصل الرابع والثلاثون34 بقلم شيماء الديب

 

رواية احببت قاصرا 

الفصل الرابع والثلاثون34

 بقلم شيماء الديب

 






سيف ماسك ملك من قفاها 🤨


ملك بخوف // اي اي انا عملت ايه ياابيه سيف دا انا حتي كنت بصلي


سيف // ونبي ياختي واللي بيصلي بيصلي عكس القبله 😒😡


ملك باندهاش // اي دا هو انا عكس القبله طب وربنا مااخدت بالي من استعجالي


سيف // لا ونبي قصدك من خوفك 👌🤌


ملك // اسكت شوفت اللي حصلي


سيف // خير ايه اللي حصل


ملك // طب سبني عشان احكيلك


سيف // امممم اديني سبتك اهو افضلي اتكلمي


ملك ماصدقت سابها وطالعه تجري وتفتح باب الاوضه لقت امها جايبه الشاي لسيف


مني // مالك بتجري كده ياملك


ملك // ابدا ياماما دا انا كنت بستعجلك عشان الشاي اصل ابيه سيف مستعجل وعاوز ينزل


سيف // ومين قالك اني مستعجل وبعدين تعالي هنا متهربيش قولي كنتي عاوزه تقولي ايه


ملك بمسكنه // مين انا 😳 لا ابدا اصل اصل اااه ايدي طول الليل بتوجعني ومعرفتش انام منها شوفت بقي 


سيف // طب يلا قدامي علي الصيدليه نغير عليها ونتطمن


ملك // لا لا خلاص انا خفيت


سيف راح ماسكها من قفاها // اصل انت مبتجيش غير بكده يلا امشي قدامي


مني ماتت علي نفسها من الضحك // ياواد ياسيف هتموت البنت اللي حيلتي


ملك بدموع مزيفه // عاااااا شوفتي ياماما بيعاملني ازاي والله حرام اللي بيحصل فيا ده


سيف // متخافيش يامرات عمي بنتك دي سوسه ميدخلش عليكي المسكنه اللي هي فيها


ملك // مين انا دا انا غلبانه صح ياماما


مني بضحكه // صح ياقلب ماما


سيف // طب يلا اطلعي قدامي ياغلبانه

وسحبها قدامها وطلع


مني // طب الشاي ياسيف


سيف بصوت عالي // لما اجي لما اجي 🏃‍♂️🏃‍♂️🏃‍♂️


ملك // علي فكره بقي محدش بيعامل بنت عمه كده معرفش ليه ياربي بعتلي ابن عم قاسي كده عاااااا


سيف متابع الفيلم اللي هي عملاه وساحبها ونازل علي السلم


ملك // طب سيب هدومي طاه وانا همشي بالذوق


سيف مردش ويادوب وصل بوابة العماره لقي الجزار جايب العجل اللي جده قال عليه


ملك اول ماشافت العجل قدامها فضلت تصرخ واتعلقت في رقبة سيف ورفعت رجليها من علي الارض راح شايلها


ملك برعب // ونبي ياابيه سيف ابعد البتاع ده عني


سيف // طب لو طولتي لسانك تاني اعمل فيكي ايه


ملك // وعد وعد مش هطول لساني وعد بس ابعدووووو عني


يوسف وصل بالعربيه ونزل اتفاجئ بسيف شايل ملك


يوسف // يابن الاعيبه ياسيف انا لسه سايبك من شويه صغيرين لحقت توصل للمرحله دي ازاي 😳


سيف باندهاش  // مرحلة ايه 🤨


يوسف بيشاورله علي ايده وبيهزها كانه شايل حد


سيف انتبه لكلامه وبص علي ايده لقاه لسه شايل ملك راح بسرعه وباحراج نزلها وبيعدل هدومه


ملك // كنت فين من بدري يايوسف انت ربنا بعتك ليا عشان تنقذني 🥹


يوسف // لا ازاي دا ربنا بعتني في الوقت الغلط 🤗


سيف // اه والله معاك حق امشي قدامي تعالي معايا نروح الصيدليه نشوف ايد الانسه


ومشو هما التلاته وسيف ماسك ايد ملك كانها بنته وعمال يتكلم هو ويوسف ومش باصص عليها نهائي ومش منتبه اساسا انه ماسك ايديها


ملك ماشيه جمبه وباصه علي ايديهم وهما متشبكين في بعض وابتسمت وقالت بصوت مش مسموع // مع انك قاسي بس بحبك 🥹


وصلو الصيدليه لقي شاب واقف في الصيدليه


سيف بغيره // بص يادكتور ايديها اتكب عليها مايه ساخنه وعاوزينك تطمنا

لسه الشاب هيمسك ايديها


سيف // اي هتعمل ايه


الشاب // هبص علي ايديها 


سيف // اظن قولت هتبص! ! يعني ملوش لزوم تمسكها


الشاب بصله باستغراب وراح بص علي ايد ملك من بعيد // هي ملتهبه اوي بس احنا عندنا تركيبة حلوة للحروق هندهنلها ونلق

فها بشاش بس عشان الاتربه


سيف // ماشي تمام


الشاب حضر الحاجه ولسه هيمسك ايديها عشان يدهنلها


سيف // لا معلش عنك انت قولي اعمل ايه وانا هعمل. 😒


يوسف مش قادر يمسك نفسه من الضحك // معلش يادكتور اصلهم مخطوبين جديد بقي وكده


الشاب // اه باين عليهم وباين عليه كمان بيحبها اووي


ملك بصت للدكتور بصدمه ورجعت بصت لسيف ووشها احمر اوي سيف راح بصلها وغمزلها وهو بيلف الشاش علي ايديها


سيف حاسب الصيدليه واخد ملك وطلع // يوسف احنا بقلنا اد ايه اصحاب


يوسف باستغراب من سؤاله // يعني من واحنا صغيرين كده


سيف // طب كفايه عليك لحد كده عشان لو انجلطت يبقي منك


يوسف وملك ماتو من الضحك وفضلو يهزرو في الشارع ويضحكو لحد ماوصلو قدام العماره لقو العيله كلها متجمعين وبيتفرجو علي الجزار وهو بيدبح


سيف لاحظ خوف ملك ورجوعها لورا ومش عاوزه تبص لمنظر الدم

راح وطي عليها وقالها // طول ماسيف السيوفي جمبك متخافيش من اي حاجه في الدنيا وراح موطي ولمس بصباعه شوية دم وعملها علامه بين عيونها


ملك حست بالخجل والاحراج والكل متجمع راح بسرعه بصت في الارض وجريت طلعت علي شقتهم


سيف ابتسم وفاضل باصص عليها لحد ماطلعت


هاله // سيف ياحبيبي نزلت الصبح ومشوفتكش


سيف // معلشي ياامي كنت في الجامعه راح اخد اخوه الصغير من دراعها

حبيبي ياصغنن وفضل يلاعبه


يوسف // اهو جالك اللي هيدخلك الجيش يامعلم 🤣🤣🤣🤣


سيف // مش انت فضلت تقر وتحسد اهو اتهد بقي


خالد // يلا ولاد وزعو اللحمه دي تعالي ياام سيف انتي وامال ومني خدي اللحمه دي واطبخو للعيله كلها يلا


وبدأ سيف ويوسف وسمر وعادل واحمد واسعد يوزوعو اللحمه علي جيرانهم في المنطقه


امال في المطبخ ودخلت وراها هاله ومني


هاله // ايه ياست ام علي مش هتسامحيني بقي


امال لفت لها واخدتها في حضنها // اكيد مسمحاكي يابنت عمي 🥹


مني // انا فرحانه اوي اننا رجعنا اتجمعنا زي زمان


امال بزعل // مش ناقنا بس غير علي ابني يكون معانا


هاله // باذن الله هيطلع بالسلامه وهيكون وسطنا اتطمني


امال // يارب ياهاله يارب يلابقي نخلص الاكل قبل ماعمك يجي يخنقنا


يوسف جاله مكالمه من المحامي // استاذ يوسف بحاول اوصل لاستاذ سيف ومش بيجمع معايا


يوسف // خير يااستاذنا هو معايا اهو


المحامي // كنت حابب اتطمنه اني اتفقت مع محامي الانسه منه وخلصت كل حاجه وهنروح بكره المحكمه وهنتنازل واحتمال تخرج علي طول


يوسف // طب تمام اوي متشكرين يااستاذنا

خاص مكالمته مع المحامي وشاور لسيف


سيف // عاوز ايه يابني


يوسف حكاله الكلام اللي قاله المحامي

سيف // طب زي الفل وانت عملت ايه مع كابو


يوسف // بكره بعد الضهر هنروح نقابله وانا مظبط معاه كل حاجه


سيف // حلوو اووي وبيرفع راسه لفوق شاف ملك واقفه في البلكونه فاضل باصصلها ومتنح


يوسف // هو ايه اللي حلو اوي وراح بص هو كمان لفوق

اااه هو فعلا حلو

ياريت تنزل راسك عشان هتوجعك


سيف // اتصدق انت بارد 😏


يوسف // هو انت لسه شوفت برود 💪🤣


و عمال يقرص فيه ويضحك وبيجري منه وبيلف فجأه لقي اميره في وشه 😳


                 الفصل الخامس والثلاثون من هنا


تعليقات