رواية من انا
الفصل الخمسون50
بقلم الاء الرحمن
بعد ساعتين تقريبا
اعلنوا فيها ان المباراة اتلغت
ضرب ياسر على قيس وقاله انه البنات في بيت عماد
خرج ياسر زي ما جه وضحى والاء بيعيطوا جامد وخاايفين
عماد ضرب الحرس :كنتوا فين يا اوغاد
الحرس :في ايه
عماد :الكلب ياسر طول الوقت وهو جوه عند البنات وانتوا ولا حاسيين على حاجة بهايم مشغل انا مش كده
قيس بغضب يخوف :افتح الباب
عماد فتح الباب كانت ضحى حاضنه الاء وهي بتعيط
الاء اول ما شافت قيس جريت عليه وحضنته
لكن قيس بعدها عنه وضربها بالألم
الاء بصتله بصدمة
عماد بقلق :قيس الي بتعمله ده
قيس كان بيتنفس جامد وكأنه كان في سباق جري
ضحى جريت عليها :انتي كويسة
قيس بقهر :قولتلك اوعي تخرجي قولتي تمام قولتلك انتي قوتي مش عايزك تكوني ضعفي قولتلك دي اهم مباراة في حياتي قولتلك في ناس هيأذوني متكونيش انتي الحاجة الي يأذوني فيها ومسكها من دراعها قومتي انتي عملتي ايه هاه وبصراخ عملتي ايه خرجتي بالرغم من كل التحذير الي حذرته ليكي وبصراخ لييييه لييييه عملتي كده ليييه
الاء كانت مصدومة من كلامه ودموعها بتنزل بألم
ضحى بألم على الاء :استاذ قيس انت فاهم غلط سيب الاء تفهمك ما تضلمهاش الاء ما خرجتش من البيت في حد خطفها وهي جوا البيت
قيس بصراخ :بس بس كفااية وبص لالاء بسببك انتي بسببك انتي انتهى حلم بستناه من سنين انا دلوقت بجد بلعن اليوم الي عرفتك وشوفتك فيه
عماد بغضب :قيس اهدى كده وشوف انت بتعمل ايه هي ملهاش دعوة الاء مضلومة زيك بالزبط
قيس زقه بغضب :انت بتدافع عن مين دي مراتي مراتي الي بشوفها كل لحظة وكل دقيقة في عينيك
عماد اتجنن منه وزقه بغضب :لااااا انت باين اتجننت والرجوع للشهرة عماك وخلاك مش عارف تشوف مين الي بيحبك ومين الي بيكرهك ما تفوق بقى يلعن ابو الشهرة الي هتضيعك دي
الاء بدموع :قيس اقسم بالله ما خرجت من البيت والله انت ظالمني
قيس بصلها بوجع :اخرجي من حياتي انا مش عايز اشوفك مرة تانية في حياتي فاهمة
الاء كانت بتهز دماغها بلأ :لا يا قيس ارجوك والله ما خرجت والله
قيس بوجع :من اول يوم دخلتي حياتي بوضتيها كنتي تعرفي بان عماد صاحبي وبيحبك ودخلتي حياتي بوضتيها بقيت كل اما بشوف صاحبي بشوفك بعنيه الي كان زمان ما بيفوتش فرصة الا وبيتكلم فيها عليكي وبيوصفك وبيوصف جمالك
اتجوزتك وحبيتك لكن عملتي ايه بالحب ده غير العناد ده انا اترجيتك النهاردة قولتلك انتي قوتي ليه بقيتي في لحظة ضعفي ليه
عماد :قيس ارجوك انت بتهبب الدنيا دلوقت اخرج وريح نفسك شوية
قيس بصلها :انا مش عايزك في حياتي من تاني فاهمة مش عايز اشوفك ولا ابصلك وورقتك هتوصلك لبيتك
وسابهم وخرج
الاء انهارت من العياط وهي مصدومة من الي تقال هي عملت ايه هي بالرغم من الصور نفذت كلامه وما خرجتش واتخطفت وهي جوا بيتها
ضحى بدموع :الاء يا حبيبتي انتي كويسة
عماد قعد قدامها:هو قال كده في وقت زعل هو مش هيعمل الي بيقول عليه مستحيل يقدر يبعد عنك اوعي تسيبيه يا الاء هو دلوقت بحاجتك اكتر من اي وقت تاني
هنا ضربله علاء
عماد اتنهد :الووو
علاء :انتوا فين المباراة شوية وهتبتدي
عماد بصدمة :المباراة اتلغت
علاء :عماد المباراة اتأجلت ما اتلغتش اتأجلت ساعتين عن معادها
عماد باستغراب :مين الي قال كده
علاء :مسؤول الشركة اعلن ده جوا الاستاد لكن بينوا للسوشال ميديا ان المباراة تلغت علشان يصدموا الجمهور ويفجأوهم ده الاستاد مليان ناس يا ابني اهو قيس طلع الاستاد
عماد قفل معاه وهو مصدوم :معقول قيس اخفى عليه الموضوع وفاكر انه عماد ضده ويكره نجاحه معقول فكره من ضمن اعدائه
عماد الفكرة جننته
ضحى حطت ايدها على كتفه :في ايه
عماد قعد مصدوم :قيس ملغاش المباراة اجلها بس
الاء دموعها كانت بتنزل جامد
ضحى :وليه يعمل كده وانت ما تعرفش ليه
الاء مسحت دموعها :هو فاكرنا دلوقت ضده واننا السبب في كل الي بيحصله لكن انا خلاص من النهاردة هطلع بجد من حياته وكانت هتخرج
عماد بغضب :استني انتي التانية رايحة فين
الاء بغضب :وانت مالك انت
عماد وهو بيجز على سنانه :ضحى خدي صاحبتك لجوا لاني مش عايز اتغابى على حد فيكم دلوقت
ضحى بتردد:انت مش هتروح المباراة يا عماد
عماد بألم حسته ضحى بصوته :لا مش هروح هفضل معاكم وانتوا مش هتخرجوا من هنا غير لما تخلص المباراة كلمي والدتك وقوليلها انك معايا ومع الاء وهتتأخري هنا
ضحى اومأتله بدماغها
عماد شغل التلفزيون على القناة الي هتبث المباراة
............................................
عند قيس
كان هيدخل الحلبة
المدرب بتاعة :مصر كلها حاطة املها فيك عايزك ترفع راسنا
قيس وعينيه بلون الدم :ان شاء الله
ودخلوا مع المصارع الايطالي الي القوة باينة في عينيه
وابتدا قيس يصد حركاته بكل براعة ويضرب فيه وكأنه بينتقم منه في كل حاجة حصلت في حياته والتاني يهاجم
...........................................
عند ايناس
اتصدمت لما شافت قيس جوا الاستاد وماخرين وقت المباراة ساعتين عن معادها الاصلي
ايناس ضربت لياسر بغضب :الوووو
ياسر :الووو
ايناس :ازاي ده حصل ازاي قيس دخل المباراة وازاي المباراة اتأجلت كده
ياسر :انتي بتقولي ايه انا من شوية سايبهم في بيت عماد
ايناس :افتح التلفزيون يا غبي وبغضب لو حصل لقيس حاجة اقسم بالله لانهيك يا ياسر
ياسر قفل معاها وهو بيتابع المباراة والنتيجة عنده محسومة ده قيس في الدقيقة ال30 وقوته كانها في الدقيقة الاولى
ايناس قعدت تعيط :يا رب يا رب ده الي فاضلي من ريحت محمد يا رب احميه يا رب انا اموت لو حصله حاجة يا رب
......................................................
عند عماد
خرجت الاء وكل حواسها مع قيس وقتاله وبراعته
ضحى مسكت ايدها :متخافيش هيرجعلك بخير ان شاء الله
عماد :اششششس عايز اسمع
هنا اعلن الحكم انتهاء المباراة بفوز قيس
قيس كان بينهج جامد ومش مصدق انه تحقق الحلم الكل كان بيسقفله ورفع علم بلاده
وادوه لقب افضل لاعب عالمي
قيس كان بيبص في كل مكان عايز يشوف عماد دايما اول واحد بيجري عليه ويباركله
علاء بفرحه :مبروك مبروك يا علم مصر مبروك
وقرب منه وحضنه
قيس بعد عنه :عماد فين
علاء :انا كلمته وحسيته اتصدم ان المباراة ما اتلغتش انت ما قلتلوش
قيس اتنهد وعرف انه قسي على عماد جدا المرة دي
قيس سلم على الجميع وعمل انترڤيوا مع الصحافة اثبت فيها وجودة
وكان عند الصحفييين العديد والكثير لسه من الاسئلة وعدهم انه هيعمل معاهم انترڤيوا تاني لكن لما يرتاح
وسابهم ومشي
علاء :هتروح فين
قيس ببرود :هروح البيت لكن اضرب على الاء دلوقت
علاء باستغراب :ليه هتروح دلوقت وتفاجئها هي اكيد ما تعرفش انك كملت المباراة
قيس وهو بيركب بالعربية :انا مش عايزها في حياتي من تاني اضرب عليها واطمن شوفها فين
وسابه ومشي تحت صدمة كبيرة جدا
علاء ضرب على الاء
الاء بصوت خالي من اي مشاعر واحساس :الوو
علاء باستغراب :في ايه بينك وبين قيس انتي فين
الاء :انا في بيت عماد مع ضحى تعالا خدني لماما
علاء :في ايه يا الاء اتكلمي
الاء :ارجوك انا تعبانة ومش قادرة اتكلم دلوقت
علاء :انتوا في بيته الجديد
الاء :ايوه
علاء :تمام نص ساعة واكون عندك
الاء دموعها كانت ما بتوقفش
عند عماد
ضحى :انا زعلانه قوي على الاء هي متستاهلش الي حصل ده
عماد بص لضحى
ضحى :بتبصلي كده ليه
عماد :اوعي في يوم تسيبيني يا ضحى
ضحى مسكت ايده :انا بحبك وعارف انت قد ايه بتحاول تبعد عن اي حاجة تأذيني وتجرحني وعارف ان الكل جاي عليك وبيضلمك وانا مش هكون وحده منهم صدقني
عماد شدها عليه وحضنها جامد لدرجة كانت بتحس انها بقت معاه في نفس الجسد
هنا خرجت الاء واتحرجت :انا انا اسفة
عماد بعد ضحى عنه بهدوء :البسوا اوصلكم كل وحده على بيتها
الاء :علاء على وصول
هنا خبط علاء ودخل
عماد :اتفضل
علاء بغضب :ايه الي بيحصل هنا وايه الي قاله قيس من شوية
الاء حبت تعرف قيس قال ايه :وقالك ايه قيس
علاء :قالي انه مش عايزك وانكم سبتوا بعض وانك في بيت عماد حصل ايه بينكم
الاء حاولت تكتم دموعها الي بتجازف تنزل وبتمنعها
عماد :سيبها دلوقت ولما تهدا تشرحلك كل حاجة
علاء بغضب مسك عماد :اكيد انت السبب اكيد قيس سمعك وانت بتعبرلها عن حبك الكبير
عماد زقه بغضب :خلاص خلاص خلاص بقى سيبوني في حالي ابعدوا عن حياتيوبص على ضحى الي دموعها بتنزل عليه انا
مفيش في حياتي دلوقت غير الست دي وبس والاء والله من اليوم الي اتكبت بأسم قيس وهي بره حياتي دي مرات اخويا ومستحيل ابصلها
اطلعوا بره حياتي انا مش عايز اشوف حد فيكم
علاء هد الاء الي دموعها بتنزل جامد وطلعت مع الاء هنا ضربله حد
قيس عامل انترڤيوا دلوقت قدام بيته افتح عالموقع
الي هبعته ليك
علاء ركن العربية في حته وفتح على الانترڤيوا بتاعة
وهم بيسألوه عن مخططاته المستقبلية وبيجاوب بأحترافية
لحد ما سأله احد الصحفيين
مبارك حضرتك احنا سمعنا انك اتجوزت من قريب وهيشرف نجلك الاول اي صحة الكلام
قيس وفي غصة في قلبه :انا دلوقت مش متجوز انا مطلق وده الي اقدر اقوله في الوقت ده