رواية الحاميه
الفصل الثاني2
بقلم نسرين خالد
بعد ما قفل الخط
........ : اهلا بيكى يا اميرة الفهود... اهلا بيكى يا حاميه..... اهلا بيكى يا كشماء.....
بعد ما خرجت كشماء من مكان اختبار الكليه الحربيه... روحت البيت وهى ساكته و دخلت الاوضه بتاعتها من غير ما تكلم حد..... وده خلى الكل يستغرب لانها طبيعتها مشاكسه زى القطط..... و لما باباها روح و عرف ب ال حصل خبط على بابها عشان يدخل
حسن : كوشى حبيبتى.... ممكن ادخل (عادى يعنى باباها فرفوش و بيدلعها)
كشماء : اتفضل يا بابا
حسن : مالك يا حضرة الظابط مبوزه ليه؟! 😂
كشماء : مفيش حاجه يا بابا..... بابا ممكن اسألك سؤال
حسن : اسألى يا حبيبتى.. خير؟
كشماء : بابا هو ليه انا بس ال حصلى التحول ده.... يعنى لا حضرتك ولا ماما ولا حتى فهد اتحولتو زى كده... و ايه سببه؟!
حسن بتنهيده : حاضر يا كشماء ها اجوبك على كل اسألتك
راح قفل الباب و رجع قعد ادام كشماء
حسن : بصى يا بنتى احنا اصلنا ناتج عن جواز ملك مصرى من اميرة قبيله افريقيه اسمها قبيلة الغابات من آلاف السنين .... و القبيله دى كانت عندها القدره على التحول ل فهود... بس و مع السنين و الاجيال ال ورا بعض كان فى ناس بتورث قدرة التحول دى و ناس لاء زى انا و مامتك مثلا .. لكن لو تفتكرى جدك الله يرحمه كان بيحكيلك عن اخوه ال كان بيروح يعمل عمليات انتحاريه مع الفدائين ايام النكسه و ال استشهد فى ٧٣ بس ال ماقلهوش جدك ان اخوه كان فهد زيك... و لعلمك بقى ان محدش اخد القدره دى إلا و كان بطل حقيقى حتى لو محدش افتكره و الكتب ماكتبتش عنه
كشماء 😯: وااو يعنى على كده انا عيلتى معظمها ابطال بقى و انا معرفش
حسن : فعلا يا لمضه.... و زى ما انتى عارفه ان التحول مش بيظهر إلا فى نص ليل عيد ميلادك ال ١٨ يعنى ممكن فهد يكون زيك لما يوصل ل سن ال١٨
كشماء : طيب معلش سؤال يشمعنى اسمى كشماء؟!!!
حسن : هههه تعرفى ان جدتك هى ال سمتك كده اول ما شافت عيونك...
كشماء 🤔: اشمعنى؟!
حسن : لان فى وصف متوارث عن شكل جدتك الكبيره.. اميرة الغابات ان لون عيونها كان مزج بين الاخضر الفاتح و اللبنى الفاتح.... زى عيونك لما اتولدتى... عشان كده اسمك على اسمها... كشماء.... فهمتى...
كشماء : فهمت يا بابا
حسن : عايزك ديما فخوره بنفسك و قدرتك و نسبك انتى اميره بنت ملوك
كشماء : طبعا فخوره يا بابا و بإذن الله اعمل ال اكون بيه قد انى انتسب ل عيلتنا
حسن اخدها فى حضنه و طبطب عليها
حسن : ودى حاجه انا واثق منها ... قوليلي بقي عملتى ايه فى الاختبارات؟
كشماء حكت ل حسن كل حاجه و كمان عن ضحك الشباب عليها
حسن : تمام يعنى انتى دلوقتى هاتدرسى هندسة تكنولوجيا عسكريه صح؟!
كشماء : اه يا بابا ده ال فهمته من اللوا و كمان هتدرب فى الكليه عادى +تدريب خاص لقدراتى
حسن : بس كده مش كتير عليكى يا بنتى؟!
كشماء : ماتقلقش عليا بإذن الله هكون قدها
حسن : طيب... بس لما نقعد مع فهد و مامتك تقولى انك دخله هندسة تكنولوجيا عسكريه زى ما اللواء قالك عشان لو حد كلم اخزكى ما بغلطش ب الكلام....
كشماء : حاضر يا بابا.... انا اصلا قلتلك بس عشان تبقى عارف لان اكيد هتأخر بسبب التدريبات
حسن : تمام.... يلا اجهزى فاصل نص ساعه و شيماء تيجى و الاكل يتحط و نتجمع.... هقوم بقى اشوف اخوكى عامل ايه فى مذاكرته
و يسبها حسن و يروح يشوف فهد.....
فى مكان تانى... فى مركز القدرات الخاصه التابع للمخابرات الحربيه اتنين بيتكلمو
لواء: ازاى يعنى؟... انت بتقول ايه؟ انت متأكد ان فى فهد...حامى... اتقدم لاختبارات الحربيه؟!
.......: ده يا فندم ال بلغنى بيه لواء الاختبار النهارده..... بس ال اتقدم مش فهد.....
لواء : مش فاهم يعنى ايه مش فهد... امال ايه؟!
...... : ال اتقدم واحده و على الوصف قوتها اظن انها تعتبر اميرة فهود
لواء : يعنى لسه فى فهود حاميه فى مصر.... اخر فهد اتعامل معانا استشهد فى٧٣... احنا حسبنا ان نسل الفهود الحاميه انتهى
....... : بعد اذن سيادتك انا طالب ان انا ال اتولى تدريبها بنفسى.... دون تدخل من حد.... و منعزل و سرى عن اىحد فى الوحده.... و تكون سيادتك المسؤل الوحيد عنى
لواء : اممممم..... تمام اعمل ترتيباتك كلها.. بس خد بالك الفهود عندها كبرياء.... و نصيحه منى اوعى تحاول تجرح كبرياء فهد
....... : ههههه و دى مش اى فهد يا فندم دى فهد و انثى..... 😂يعنى ال يجى جنب كبريائها يبقى الله يرحمه
اللواء ههههههه عندك حق..... و على كده اسمها ايه؟
........ باعجاب : اسمها كشماء
راح المجهول يجهز اللازم ل تدريب كشماء
و بعد حوالى عشر ايام وصل ل كشماء جواب القبول.... و ميعاد بداية التدريبات.... ال كانت ب النسبالها هزار و كانت متميزه جدآ وسط زمايلها الشباب .... جه عسكرى و نادى عليها ان القائد عايزها.... راحت مكتب القائد و خبطت و اتأذنلها ب الدخول
كشماء : تمام يا فندم جالى امر ان سيادتك طالبنى
القائد : كشماء تعالى فى حد من مركز تدريب المخابرات الحربيه وصله تقرير عنك و جه عشان يقابلك
........ : كشماء انا المقدم تائب هكون المسؤل عنك و عن تدريبك من دلوقتى .... اظن لازم تبلغى والدك انك فى معسكر تدريب مغلق لمدة شهر.... ادامك ٢٤ساعه و تيجى على العنوان ده تسلمى نفسك ليا عشان نبتدى التدريب
كشماء : تمام... بس تدريبى هنا... محدش هيشك فى عدم وجودى؟!
تائب : لا محدش هيشك لانه حالا اتعرف انك اتنقلتى مركز تدريب المخابرات الحربيه و المعروف انه يعتبر تعذيب اكتر منه تدريب.... مش عايز كلام كتير.... و اعملى حسابك ان مع بداية الدراسه هتكون دراستك مقسمه بين التخصص بتاعك و دراستك عن القدرات التانيه ال ممكن تقابلك
كشماء باندهاش : ايه!! هو فى حد غيرى عنده قدراد زى كده؟!!!
تائب : العائلات ال عندها قدرات خاصه زى علتك كده فى العالم كله تتعد لانهم مش مكملين العشرين و منهم خمسه فى مصر و.... كان فى اكتر بس بسبب الاختلاط كتير منهم فقدو قدرة التحول... اسيبك دلوقتى و اشوفك بكره بإذن الله
كشماء : تمام يا فندم
و سابت كشماء المكتب و كتيبة التدريب و روحت على البيت و فهمت باباها انها هتكون فى كتيبة تدريب مغلقه لمدة ٤٥يوم(عملت حسابها عشان لو طولت اهلها ما يقلقوش) و قعدت مع عيلتها باقى اليوم وسط ضحك و هزار و تانى يوم سلمت عليهم و ودعتهم...... و راحت سلمت نفسها ل المقدم تائب
كشماء : تمام يا فندم المتدربه كشماء بتسلم نفسها لكتيبة التدريب
تائب : اهلا بيكى يا كشماء فى كتيبة الخوارق.... اهلا بيكى فى........... الجحيم😈