رواية احببت مجنونة الجزءالخامس5 ) الفصل الثالث والخمسون53الاخيربقلم نجمه براقه
سليمشاديه سابتلي رساله بانها مش هتقدر تكلمني تاني عشان ميرال زعلت منها بسببي،... وبكده اخبارها اتقطعت عني، ومش عارف هي عامله ايه ولا ايه بيحصل معاها، والايام بتعدي ومفيش جديد من نحيتها، وانا بقيت طول يومي في الشغل او في اليخت ،
والنهارده كلمت فارس وطلبت يقابلني ونقضي اليوم في اليخت وفعلا جه وطلعنا مع بعض
سليم: مالك فارس: فيييش..... ايه اخبارك انت سليم: مفيش جديد فارس: مكلمتكش؟ سليم: لأ فارس: تنسا دلوقتي وتكلمك سليم: مش باين، شكلها كده نهاية قصتنا جت قبل ما تبتدي....... ياخي شوف الحظ، كانت هي اللي تقولي نكمل مع بعض وتحاول معايا وانا اصدها واجرحها علشان تكرهني ولما انا حبيت اكمل معاها هي اللي مبقتش عايزة فارس: كلامك اللي قولتهولها قبل كده مش مخليها قادره تصدقك، وخصوصآ إنك رجعتلها علشان الحمل.... هى محتاجه تجدد ثقتها فيك سليم: بس هي تديني فرصة وانا اخليها تثق فيه تاني، لكن ازاي وهي مقفله كل الطرق اللي توصلني ليهافارس: اقولك على حلسليم: قولفارس: رجعها عند المأذون واخطفها تاني سليم: مش حل فارس: مش هتلاقي فرصة تكلمها وتخليها تثق فيك غير لو خطفتها وقعدت معاها فتره كفاية... اسمع منىسليم: تفتكر فارس: اه افتكرسليم: اوكي، لما نرجع هروح ارجعها عند المأذونفارس: ربنا معاكسليم: انا قولتلك اللي مضايقني، احكي انت بقا فارس بتنهيده: مش عارف اقولك الموضوع ازايسليم: قول عادي، انا عارف اصلافارس: منظري وحش قدامك صح؟سليم: معدي مرحلة الوحاشه بمراحل والله يا صاحبيفارس: وقدام نفسي وحياتك...... بس تحس كده ان الحب ده مخالف مع الكل، مفيش قصه جاية مترتبه، لازم كلاكيع،سليم: اقولك حآجه.... انت عجبك شكلها مش حبيتها فارس: انت عارفني ياما شوفت بنات زيها واحلي كمان وفي علاقات كامله عدت عليه، بس دي غيرهم...... لكن تمام اوي اهي سافرت وانا شويه وهنسا سليم: لو غلطها عادى كنت قولتلك تروح وراها،فارس: طيب تصدق يمكن لو حسيت انها هتتغير عشاني كنت حاولت انسا، بس هى قالتلي رايحه للي شبهي علشان هنا بتحس انها بتغلط مش زي هناك كله عادي،.... مفيش فايدهسليم: معلش بكره تلاقى اللى تحبها وتحبك فارس: انا مش باكي عليها، كلها أيام وانسا، لاننا اصلا مبدأناش قصة حب ولا قربنا بزيادة.... صح؟سليم: ده سؤالفارس: ههههه.معرفش، قفل على الموضوعسليم: ههههه ماشي
بعد ما رجعنا، روحت رديتها عند المأذون، ورجعت الشقة افكر ممكن اوصلها ازاي
#ميرال
اخباره اتقطعت عني حتي حسباته مفهمش جديد،.. وشدن كل الاخبار الجديده عنها تخصها هي لوحدها ومبقتش عارفه هو مسافر ولا لسه في مصر، ..... و بصراحه وحشني ونفسي اطمن عليه حتي لو من بعيد، وشاديه مبكلمهاش والا كنت سألتها عليه،
خالد يدخل عندها: عامله ايه ميرال: كويسه خالد: مش ناويه تطلعي من الاوضه دي بقاميرال: هطلع دلوقتي،.. هروح لدكتور اطمن علي البيبي خالد: كويس اوي، بلغيني لما تجهزي عشان اروح معاكي ميرال: هروح لوحدي خالد: ليه ميرال: دا دكتور نسا، ومينفعش حضرتك تروح معايا خالد: خدي شاديه طيب ميرال: هو انا صغيره عشان اخد حد معايا خالد: في ايه يا ميرال، مش عاوزة تاخدي حد معاكي ليه ..... هتقابليه؟ ميرال: اقابل مينخالد: عارفه بتكلم عن مين ميرال: لا طبعاً انا معرفش عنه حآجه ولا بكلمه، هقابله ازاى خالد: أكيد ميرال: أكيد خالد: كويس، انك كرهتيه،، ومن نفسك مش عاوزاهميرال: اها........ عن اذنك هدخل اخد دش علشان اروح لدكتور خالد: مدام بتتهربي يبقا لسه حباه ومكرهتهوشميرال: خلاص يا بابا انا دلوقتي مش هممني حد غير البيبي، ومش هفكر في غيره، واطمن انا عمري ما هخذلك واروحلهخالد: لا حبيبتي دي حياتك، حتى لو عاوزاه، مش هعترضميرال: يعني لو قولتلك هرجعله هتوافقخالد: انا موافق علي انتي عاوزاهميرال: حتي لو كان سليم خالد: حتى لو كان سليم ميرال: بعد كل اللي حصل هحنتله وبقيت تحبهخالد: عمري ما حبيته ولا هحبه،.. من صغّره وانا مبحبش اشوفه قدامي، بس مش انا اللي هعيش معاه انتي اللي هتعيشيميرال: مقولتليش صحيح، انت ليه عملت معاهم كده خالد يشرد: الحكاية بدات من زمان اوي، يمكن متفهمنيش لو قولتهالكميرال: حابه اعرف خالد: هقولك ...... كنت في الجامعه بقالي سنين متخرجتش لان مكنش ليه دماغ لتعليم... وبعدين بنت جميله اوي ظهرت في حياتي،.. حاولت معاها كتير وهي بقت تصدني ولما اخيرآ قربنا كنا صحاب بس، وهي ولا مره حبتني وكانت شيفاني مدلع وعايش بفلوس ابويا، وكانت مسمياني خالد الفاشل ههههه، ف قولتلها لو نجحت بنفسي هتوافقي عليه، قالتلي موافقه وهي كلها ثقه اني مش هنجح، ، ف انا سبت التعليم وسافرت وبطريقه كده جمعت فلوس كتير ورجعت تاني بعد كام سنه وخطبتها، وكان معاها اخ ررررزل نفس رزالة سليم بظبط، بحسهم هما الاتنين واحد في الرزاله... ميرال: وبعدين خالد: وقريب الفرح، اكتشفت ان اخوها ده مش اخوها وقال ايه بيحبو بعض وشكلها كده كانت موافقه عليه علشان تنساهميرال: ازاي يعنى اخوها طلع مش اخوها خالد: قصه طويله ومعقده، بس هو كان مخطوف من صغره، ف لما كبرت دورت عليه وقابلته ومكنتش تعرف ان هو ده اللي بدور عليه وحبته، وبعدين اكتشفت انه هو اخوها، ف اتخطبتلي، وبعدين حصل حآجه غريبه، وطلع الراجل اللي خاطفه هو ابوها الحقيقي، في النهايه يعني طلعو مش اخوات، علي حظي، ولما حسيت انها هتروح مني، ساعد ابوها ده علي وعد منه انه هيرجعهالي، بس طبعا علشان اخوها ده رزل زي ما بقولك، منجحتش وقدر ياخدها مني، وبعدت عنهم تلات سنين اتجوزت فيهم وانتي جيتي، بس مكنتش قادر انسا مسك وحاسس انها ليه انا وسيف ده خطفها مني، ف ام سليم اشتغلت عندي في المطعم ولانها كانت مريضة قلب وكانت محتاجه فلوس للعمليه، اتفقت معاها انها تقرب من سيف علشان مسك تسيبوه و ارجعلهاميرال بتركيز: وبعدين خالد: هو مكنش طايقها لكن مسك بقت تثق فيها، ف الاخت ام سليم كلمتني تقولي لأ هنسحب علشان مسك صعبانه عليه ومقدرش اخونها، والكلام ده،... ومكنش قدامي غير اني اخطف ابنها، وكل ما كانت تحاول تتراجع كنت..... ميرال: كنت تعذب سليم خالد بخزي: اه ومنهم مره قطعتله صوباعه وهي سامعه صوته على التليفون ميرال بدموع: وبعدين خالد: وبعدين، هي قدرت توقع سيف بس طبعا حطتله مخدر، وبعد ما خلصت، جت تقولي عشان اديلها ابنها، بس انا مردتش ادهولها غير لما اوصل لمسك علشان متقولهمش، وبعد يوم واحد كانت بتحتضر في المستشفى ف بعتهولها ولان سيف كان هناك وهي وصيته عليه ف خده رباه ميرال بدموع: كنت بتعذبه عشان بيلعب معايا ولا عشان امه خالد: بعد كام يوم انا اطريت اجيبه تاني علشان اربي سيف، وسليم رغم صغره، كان دايما بيتحداني ويلعب معاكي غصب عني، كنت اضربه علشان ميقربلكش بس هو كان يبصلي بصه اللي هي، اديني بغيظك وبلعب معاها،.. كنت دايما قلقان منه ، وعشان اكسر شوكته علمت عليه بشوكه حاميه، وبعدين سيبتوه يمشي بعد ما مسك هددتني بالفيديو بتاع امه، وبعدين انا خدتك وسافرنا، ... انا مكنتش مسافر علي طول، كنت ناوي ارجع تاني بس انشغلت هناك وزي ما انتي عارفه كان ليه صديقه عشان كده مرجعتشميرال بدموع: عملت كل ده علشان واحده مبتحبكش، ذنبهم ايه اللي ازيتهم في قصة حبك الفاشلة خالد: وانا ذنبي ايه يضحكو عليه، ازاي يعني قبل الفرح بيومين تسيبني علشان حبت اخوها ميرال ببكاء: وسليم ومامته ذنبهم ايه، خالد: ذنبهم ان امه كانت هضيع عليه كل حآجه بغبائهاميرال بانفعال: محدش غبي غيرى انا علشان لسه قاعده معاك لدلوقتي..... طيب مش خايف انت وبتحكيلي اني اكرهك... دا انت حتي مقولتش سبب واحد يشفعلك عندي خالد: يشفعلك ان ده حصل من سنين وخلاص هو خد حقه، ... فضيحه في بيت دعاره.. وخمسين مليون ... وعذبني وانا شايفك مقتوله، واهو بنتي الوحيدة بتحبه وحامل منه.... وانا معملتش حآجه من ده كله غير اني عذبته بس ميرال بدموع: انا بجد مصدومه فيك... كنت متخيله ان في سبب يستاهل يخليك، عملت فيهم كده،.. بس طلعت جايبهم من الشارع ومن غير اي دنب عذبتهم ومخلتش امه تشوفه وانت عارف انها ممكن تموت في اي لحظةخالد: متفكريش اني شرير اوى كده،.. انا ندمت بس مفيش بأيدي حآجه اعملها دلوقتي ميرال: في خالد: ايه ميرال: هروح لدكتور دلوقتي ولما ارجع هقولك ،
كنت في الاول زعلانه منه بس لما حكالي السبب والقصه كامله، انا مبقتش عاوزة يكون بابا من اساسه
بعد يومين
#سليم
شاديه اتصلت بيه وهي قلقانه
سليم: في ايه شاديه: انت خطفت ميرال تانىسليم: لا، هي مش في البيتشاديه: مشيت بقالها يومين ومحدش يعرف عنها حآجه، وخالد هيتجنن وبيستحلفلكسليم: يعني ايه مشيت، امال انتو قاعدين تعملو ايه شاديه: محدش يعرف عنها حآجه خالص سليم: اقفلي
قفلت معاها وطلعت من البيت، ونزلت الف عليها في الشوارع، مسبتش شارع مدورتش فيه، لغيت الليل وانا بدور ومش لقيها، وفي النهايه رجعت الشقة وانا مش عارف افكر ولا عارف الاقيها فين، لغيت ما ماما اتصلت بيه وطلبت مني اروح علشان بابا تعبان،... سيبت كل حآجه وروحتلهم، ولما وصلت ملقتهوش
سليم: هو فينمسك: في بيت جدك، قال هيقعد هناكسليم: ليه مسك: معرفش، روح شوفو مستنيكسليم: حاضر
طلعت من عندهم وروحت بيت جدي القديم، ولقيت الباب مفتوح، دورت عليه في الاوض ملقتهوش، جيت امشي و صوت نده عليه... كانت صوت ميرال بس انا لغيت ما استدرت وشوفتها وانا مش مصدق وداني
ميرال بدموع: سليمسليم بذهول: ميرال...... انتي هنا بجد،..... ميرال!ميرال بدموع: ايوه سليم يتقدم نحوها ويمد يده ليتأكد انه لا يحلم: ده بجد..... طيب ازاي وجيت امتي
ميرال ترتمي بحضنه وهو يضمها الي صدره حتى كاد أن يكسر اضلعها
اكتر من ساعة وانا لسه بستوعب انها معايا ومش بحلم،... مقدرتش ابعدها عني لوقت طويل، لغيت ما البوليس دخل علينا وخالد معاهم
الظابط: هي دي بنتكخالد: ايوه هيالظابط: انت سليمسليم: ايوه انا في ايهالظابط: اتفضل معاناميرال: ايه تهمته الظابط: ابوكي بيتهمه انه خاطفكميرال: لا مش خاطفني، انا جايه بنفسي، وانا بابا ميت، معنديش ابهاتخالد: ميرااال اخرسي، وحسابنا بعدينسليم بتحذير: متزعقلهاشخالد: وانت بتتكلم بصفتك ايه، مش خلاص طلقتهاسليم: رجعتها، وهي دلوقتي مراتيالظابط: يعني يابنتي هو مش خاطفكميرال: لا، هو جوزي وانا جايه اعيش معاهخالد: كده يا ميرال ميرال: كده، من النهارده اعتبر ان ملكش بنت،... حضرتك الظابط ان معرفش مين دهخالد: براحتك،... بس انا قولتلك مش همانع رجوعك ليه... مكنش ليه لازمه تعملي كده،... خلاص حضرتك الظابط انا بعتذر الظابط: يلا يابني،
ميرال: من النهارده مش عاوزة اسمع اسمكسليم: اهدى يا ميرال ميرال: متقوليش اهدى، دا مفيش حآجه وحشه معملهاشسليم: هو اذاني انا، انتي بتدخلي ليه، انا اه بكرهو، بس مينفعش تعملي معاه كده خالد: ياااااحبيبي، ايوة اطلع انت الطيب اللي بتسامحسليم: مين قال اني مسامحك، كل الحكاية اني مش عاوزها تغلط لانك ابوها ميرال: اللي عمله يخليني انسا اي حآجه حلوه عملها معايا خالد يضحك بسخريا: سمحتيه هو على اللي عمله معاكي وبتتبري مني انا عشان غلط قديم ميخصكش من الاساس،... بنت ابوكي بجد يا ميرال، تمرت فيكي التربيهميرال: لو انت مكنتش غلطت زمان مكنش ده هيحصلي دلوقتي، ولا انت فاكر انك هتعدي كده من غير عقاب، ده ربنا نفسه بيخلص منك... اجي انا واعترضسليم: لو سمحتي ادخلي جوه خمس دقايق، وبطلي كلام ميرال: ماشي ( وبتدخل)
خالد: قدرت تهزمني، وتاخد بنتي منيسليم: وانت احسن من امي في ايه، خدتني منها في اخر ايامها.... جرب بقاخالد: انا قولتلها لو عاوزاك تجيلك عادي ومش هعترض.... بس هي اختارت تهرب ، وهي حره خليها تعيش من غير اب، مسيرها تدور عليه لما انت ترميهاسليم: مش هرميها، وعمرها ما هتجيلك زعلانه، بس انا هطلع ارجل منك واخليها تيجي تعتذرلك عن كلامهاخالد: لا اشبع بيها... طالما هتتعطف عليه وتخليها تعتذر ف انا مش عاوزها
مكنتش حابب انها تعمل معاه كده، ولا مره خططت اني اخليها تخسره، لكن الظاهر ان ربنا اراد ان كله يخلص منه دفعه واحده،... وفي النهايه، ميرال بقت ليه انا بدون خطف تاني ولا تخطيط
دخلت عندها لقيتها بتبكي
سليم يحضنها: انا اسف علي كل حآجه ميرال ببكاء: متعتذرش، انا مش زعلانه منك سليم: طيب بتعيطي ليه ميرال: عمري ما كنت اتخيل اني اقوله الكلام ده، بس هو صدمني فيه لما قالي اللي عمله سليم يمسك وجهها بين يديه ويمسح دموعها: لما تهدى تقدري تروحي تصلحي امورك معاهميرال: ميستاهلش، هو حرم واحده مريضه من ابنها في اخر ايامها، هو يستاهل اللي بيحصله دلوقتيسليم: الدنيا بتدور... نفس اللى حصل منه زمان بيحصله دلوقتى،، بلاش تخلي ده يحصل معاكي بعدين ميرال: يعني انت مش زعلان منهسليم: زعلان.... بس هو مش ابويا ومش هداين من ابني بسببه، فهماني ميرال تهز رأسها بالايجاب: اها سليم: اوكي.... شويه وهوصلك تشوفيهميرال بإبتسامه خفيفه: طيب
سليم بتأمل لعينيها: وحشتيني ميرال: وانت كمان.... انا كنت بموت من غيرك، خوفت منقدرش نرجع تاني سليم: نفس احساسي، بس الحمدلله، رجعنا اهو ميرال: طيب بتحبني؟ سليم بإبتسامة: لأ ... ولعلمك السؤال ده سألتهوني كتير في الحلم وكنت بصحا مفزوع بسببه ف متسألنيش تانى، ميرال: طيب انا عاوزة اعرف بتحبني ولا لأ سليم بإبتسامة: أكيد، بحبك ... بعشقك يا ميرال ميرال تذقه: طلعت روحك لما قولتلها يعني ولا انت غاوى تتعبني وخلاصسليم يقترب منها: دلوقتي مفيش قيود، اقدر اقول اللي انا عاوزة واعمله اللي نفسي فيه ميرال تتنقل بعينها في تفاصيل وجهه وهو يزيد اقترابه منها ويداعب وجنتيها بحب: التليفون بيرنسليم بهمس: سيبيه يرن مش وقتهميرال: شوفه وبعدين نكمل سليم: هووف.. ماااشي ( اخرج هاتفه من جيبه) دي شاديه
سليم: ايوه يا شاديه شاديه: فين ميرالسليم: معايا ، في ايه مالك شاديه: خالد تعب فجأه ورايح المستشفى سليم: انتي بتقولي ايه ده كان لسه هنا شاديه: السواق كلمني وقالي انه تعب ورايح بيه علي المستشفى في الطريق دلوقتي سليم: قالك مستشفى ايهميرال: في ايه يا سليم سليم: ابوكي تعب و ودوه المستشفى ميرال تشهق بصدمه: بابا... حصله ايهسليم: معرفش يلا هنروحلوه، بسرعه
روحنا المستشفى، و أول ما وصلنا ودخلنا غرفته لقينا الدكتور بيغطيه بالملايه،
ميرال تتقدم نحوه بصعوبه،
الدكتور: لو سمحتي، ميرال تكمل الا ان تصله وتزيح الغطا عن وجهه، لتلمس وجهه بيدها: بابا....... بابا انت سامعني...... انا جيت يا حبيبي، قوم يلا هنروح مع بعض ( تبدء دموعها تنهمر في عينيها ) بابا، ابوس ايدك قوم.... انا جايه اعتذرلك، مينفعش تمشي دلوقتي
سليم: ايه اللي حصله الدكتور : هبوط حاده في الدورة الدموية وتوقف عضلة القلب،... للأسف السواق خد وقت علشان يوصل وكان خلاص توفا
ميرال تهزه وتبكي: بابا عشان خاطري انا، قوم... اعتذرلك الاول .... قووم يابابا، حرام عليك تسيبني دلوقتي
سليم يبعدها عنه: تعالي معايا ميرال ببكاء : سيبني... دا مات هو وزعلان مني،.. خليهم يتصرفو ويفوقوه... ابوس ايدك، اعتذرله الاول، مينفعش يمشي وهو زعلان منى.......
بعد سنه
#فرح
اتجوزنا انا وجواد، وحاليآ حامل في الشهر التاسع، وعلشان شغل جواد ومأمورياته اللي بتخليه يغيب بالأيام، انا قاعده مع بابا وماما اللي مش بيبطلو خناق ومقالب في بعض
صحيت النهارده علي الم شديد في ضهري، وكنت سامعه صوتهم وهما بيزعقو، بقيت انده عليهم ومسمعونيش خالص،.. ف اتسندت علي الحيط وروحت عندهم
فرح بألم: مالكممريم بزعيق: أسألي ابوكي ياسر: أسأليها هي فرح : حرام عليكم انا تعبانه، ارحمونيمريم: طبعا مانتي دايما توقفي معاهياسر: عشان انا على حق دايما انتي اللي ناقصة عقل ودينمريم : حوش حوش مقطع مصليات الجامع من كتر السجودياسر: متغيريش الموضوع، وقوليلي وديتي فين الصوره المقطوعه مريم: قطعتهاااا، ولعت فيها، عندك مشكله ياسر: لااااا، الا الصوره دي،... كانت ذكره... مريم رووووحي وانتي.... جايه هاتيلي اشرب مريم: دمك مش خفيف فرح بألم؛ ماما الحقينى مريم : مسمعش صوتك غير لما يقول عاوز الصوره يعمل بيها ايه ياسر: بحبها انتي مالك فرح : اااه الحقوني ونبيمريم : ااانطق وقول عاوز تعمل بيها ايهياسر: طيب مش هقول ههفرح : ااااه، يا ماما يامامامريم: هتقول يا ياسر ياما مش هقعدلك فيها
فضلو يتخانقو وانا اصرخ لغيت ما ربنا بعتلي جواد ولما شافني كدة سندني
فرح ببكاء : اااه جواد حبيبي،... سيبني ليه لوحدي اااه، الحقني بموت
ياسر يبصلها: مالهامريم وهي تقف مكانها: بيتهيألي بتولدياسر بفرحه : الله هبقا جد.. لو ولد نسميه ياسر مريم: يارب تطلع بنت عشان نسميها مريم
جواد بعصبيه: اطلبووو الاسعاف البنت بتموت قدامكمياسر يمسكو من قفاه: بتزعق لمين يا صايع(فرح تترمي علي الارض وتصرخ)
بعد عذاب وخناق، حنو عليه و ودوني المستشفى، وبعد ساعتين هناك وانا اصوت وجواد يسندني ومسيبنيش لحظه وهما بيتخانقو، ولدت اخيرا وكانت بنت
جواد يحملها بفرحه: ما شاءلله فرح : اشوفها جواد: معاكي من بدري سيبهالي شويهسامح: هتسموها ايه جواد: فرح هتختار اسمها ياسر: سموها مريم فرح بإبتسامة: طلعتو عيني وجاي تعيش الرومنسيه علي اسم البنت... على العموم انا من بعد اذنكم كلكم عاوزة اسميها مريم مريم: بلاش اسم مريم جواد: لا هي مريم مريم: عشان خاطري بلاش، مش عايزة، وارجوكم اسمعو الكلام فرح: ليه يا مامامريم: من غير ليهفرح: طيب اختاري انتي الاسممريم: ممكن فرحهجواد: فكره حلوه اوي، علشان البيت يتملي فرحه وفرح
#مريم
انا سموني على اسم عمتي اللي عاشت بسكر وماتت وهي لسه صغيره، وانا حظي كان اوحش منها، ومحبتش نكرر الموضوع تاني مع فرحه،
اخر النهارده سيبنا جواد معاها ورجعنا البيت، وغيرنا هدومنا ولقيته رايح ينام
مريم: ياسر اتعدل عاوزة اتكلم معاكياسر يعتدل: قوليمريم تنام على حجره: ههههه قولي هوى هوىياسر: من وقت ما رجعتي ما طلبتيش الطلب دهمريم: النهارده حسيت اني مرتاحه كفاية... و وحشني النوم علي رجلكياسر يدلك فروة راسها: وانا كمان، كنت مستنيكي تقوليلي ادندنلك كل يوم لغيت ما فقدت الاملمريم: ربنا يخليك لياياسر بإبتسامة: ويخليكي ليا.... هوى هوى يلا تنام وادبحلك طير الحماممريم: هههههههههههههههياسر: بتضحكي ليهمريم: اصلي افتكرت لما قولتلك كده زمان وانت فتحتلي محاضره في حقوق الحمام وطلعت بتحب تاكوله وخصوصآ بالفريك ههههه
#أسر
من 15 يوم ربنا كرمنا ب، ولدين تؤم، سليم وسيف... وسليم بقا معاه ريماس
عائشة تحمل سليم الصغير وتبكي: والله حرام عليك ما تفصل انا بقيت زومبي من قلت النوم،... عاجبك منظري هقابل الناس ازاي بيه دهميرال: ههههه متعيطيش هاتيهعائشة: طيب وبنتكميرال: مع جدهاعائشة : خلاص القُفيأسر: مالك يا أشعائشة تشيل سيف: وانت خد ده يدوب الحق البس الوقت اتاخراسر: طيب هاتيه هوديه ل ماما هي خلاص جهزت ومستنيهعائشة: ماما و ابتسام وصلو ولا لأأسر: كلمتهم قالو جاين في السكهعائشة: الله يباركلهم مش عارفه من غيرهم كنت هروح بدول الفرح ازايأسر يضغط على شفته : عائشةعائشة تبص ل ميرال: انا مقصدش حاجه والله يا ميرال، حقك عليهميرال بإبتسامه: عادي حبيبتي الموضوع مش بيزعلني، وكمان شاديه حبيبتي محسستنيش اني امي غايبه... متخديش في بالكعائشة بإبتسامه: ربنا يخليهالك ياقلبي،... هتسيبي ريماس معاها ولا هتاخديهاميرال: هسيبهالها طبعاًأسر: ربنا يخليهالك يا ميرالميرال: متشكره يا أسر، ويخليلك الحلوين المزعجين دولعائشة: هيجبوه من برهأسر: ههههه طالع انا قبل ما تبتدي
خدته وديته ل ماما وانا طلعت عند سليم
أسر: ايه الأخبار سليم: تمام ... ايه جهزو ولا لسه أسر : مش باقي غير عائشة سليم: بنت حلال مراتك لا بتروح كوافير ولا هتعطلنا كتير أسر: بس يارب تقدر تلبس جزمه كامله مش فرده وفرده... العيال مش بينيموهاسليم: الله يقويها،.. اهي ريماس بس وميرال مبتنامش بسببهااسر: عندهم حق، اسكوت مش انا عرفتلك نوع حفاظات جديده ومريحه بدال البامبرز، تحفه، هقولك اسمها تجيب زيها لريماس سليم : هههههههه، مال الحوار قلب نسواني كده فارس يجي : ضحكوني معاكماسر: وانت هتفهم حتي لو قولنالك،... مانت في الروقان فارس: مش عاوز اعرف، بس خلصو انا عاوز الحق اعاكس في البنات سليم: اتلم يا بابا، احنا رايحين فرح كله فنانين وصحافه ف لم الدور فارس: انت فقر، انبر فيها
#شدن
الافندي، اصر ان ميتقدمش غير لو قدر يوصل لجزء من الحياه اللي انا عايشه فيها، ولطعني جمبه سنه كامله بنشتغل مع بعض، وهو ليه شغله تاني بعيد عني، وبعد معاناه وصل اخيراااآ.. ايوا مش زينا بظبط بس حلو بردو..... واخيرآ وصلنا للفرح،
"الفريست لوك"
شدن تدير وجهها لجانب الاخر واحمد يقف خلفها وكلما حاول ان يراها استدارت لجهه الاخر، وفجأه يمسك بها ويديرها رغمآ عنها
احمد: دوختينيشدن: بوظت اللحظه حرام عليك احمد: طيب نعيد تاني بس انتي تعالي معايا سكه متفرهدنيششدن: ماشي بس بشرط لما تشوفني تعيط وتتأثر وبعدين تشيلني وتلف بيه وكأني اعظم انتصاراتك احمد: مش كأنك، انتي فعلا اعظم انتصاراتيشدن: طيب يلا بس نعمل الموضوع ده علشان مها هتصور... وانتى احذفي اللي صورتيه وابدائي من جديداحمد : ماشي ... يعني انا افتح الباب واتقدم نحيتك واحضنك والف بيكي صح كده شدن: وتعيط يا أحمد في ايه... ركز معايا
أحمد: تمام فهمت يلا هنبدءشدن : حآجه كمان .... لما نروح القاعه هيكون في ناس بتصور، ف انت طول الوقت تبصلي وانا قال ايه مش واخده بالي، علشان الناس يقولو بيحبها أحمد: يقولو ليه، ما انا بحبك فعلاشدن: يوووه هما بيعملو كده مش بتشوف اسمه ايه ده جوز اسمها ايه دي وهو بيبصلهااحمد: قصدك بوراك هو و بيبص لفهريه شدن: ايوووه دول مثلا... وعندك رنڤير سينغ هو وبيبص لديبكا بادكوناحمد: ااااه عارفهم طبعا..... ااااه دنيا... يلا ياقلبي انا هرجع وبعدين افتح الباب ولما اشوفك اوزهل، واصعق، وانبهر ، واحضنك والف بيكيشدن: اووووف، وتعيط يا أحمد بتنسا ليهاحمد: وربنا هعيط اهو يالهووووي... تحبي الطم، يختااااااي نسمه تدخل وهي مخضوضه: في ايه مين بيصوتاحمد: انا.. بنتك مش راضيه تخلص ف بصوت شدن تبدء بالبكاء: يعنى مش هتعيط يا أحمد
#ميرال
كل اللى حصل معايا قدرت اتجاوزه بسرعه الا موت بابا وهو زعلان منى، ضميري بيأنبني ومش عارفه انسا، لكن بحاول اعمل حآجه تشفعله عند ربنا، واول حآجه عملتها اني فتحت دار للمسنين، وكل اللي سابه خليته للأعمال الخيرية، يمكن ده يخفف عنه وعني شويه
سليم: مالك ميرال: مفيش حبيبي..... شدن وعريسها حلوين اوي وشكلهم بيحبو بعض سليم: صحيح مسك : قاعدين بعيد ليه، ما ترقصه معا اللى بيرقصوميرال : ههههه انا ممكن بس سليم مستحيل يعملهامسك: طيب ايه رأيك انه هيكسفك ويرقص.. يلا يا سليم سليم: يا مامااا، عليه انا مسك: سيف واتقسم نصين، انتو الاتنين مقفلين وملكمش في الفرح سيف: بتجيبو في سيرتي ليه سليم: اقوله مسك: هقوله انا ، بلاش فتنهسليم: ههههه قولي سيف: سامعك مسك: بقول انه مفيش منك اتنين وهو بيعترض على الكلام ده سليم: محصلش دي بتكدب مسك: انا كدابه يا سليم .... طيب اسأل ميرال ميرال: ايوه طنط بتقول الحقيقه هو اعترض وشوح بايده كده و جت في وشي ههههه مش كده يا طنط مسك: كنت يا روح قلبي سليم: ههههه اتفقو مع بعض، اوعا تصدقهمسيف: انا سامعتها بس حبيت اشوف هتقول ايه..... انت يابني غنيلنا تستهون بستات يا خويا
بدأت الاغنيه وبقو يلفو حولينا ويغنو معاها، وأسر جاب عائشة معانا وبقا يدور معاهم وفرجو علينا الناس
اتربيت من غير امي.. وبابا بردو مات، بس ربنا عوضني بعيله جميله، وكلهم بيبحو بعض، وطنط مسك طيبة اكيد احن من ماما لو كانت عايشه مماتتش، وعمي سيف رغم اللى حصل بينه وبين بابا ورغم انه مش ابو سليم، بس طيب اوي معانا وبيحب ريماس وطول الوقت معاه، وبنسبه ل أسر ف هو يعتبر اخويا حقيقي مش معرفة سنه واحده، وعائشه بقت صحبتي جداً، ولاننا عايشين في نفس البيت ف طول النهار مع بعض ومفيش بينا اي منافسه او ضغينه تجاه بعض، بالعكس هي طول الوقت بتحاول تهون عليه احساس تأنيب الضمير اللى حساه بسبب موت بابا
رواية احببت مجنونة الجزءالخامس5 )
الفصل الثالث والخمسون53الاخير
بقلم نجمه براقه
سليم
شاديه سابتلي رساله بانها مش هتقدر تكلمني تاني عشان ميرال زعلت منها بسببي،... وبكده اخبارها اتقطعت عني، ومش عارف هي عامله ايه ولا ايه بيحصل معاها، والايام بتعدي ومفيش جديد من نحيتها، وانا بقيت طول يومي في الشغل او في اليخت ،
والنهارده كلمت فارس وطلبت يقابلني ونقضي اليوم في اليخت وفعلا جه وطلعنا مع بعض
سليم: مالك
فارس: فيييش..... ايه اخبارك انت
سليم: مفيش جديد
فارس: مكلمتكش؟
سليم: لأ
فارس: تنسا دلوقتي وتكلمك
سليم: مش باين، شكلها كده نهاية قصتنا جت قبل ما تبتدي....... ياخي شوف الحظ، كانت هي اللي تقولي نكمل مع بعض وتحاول معايا وانا اصدها واجرحها علشان تكرهني ولما انا حبيت اكمل معاها هي اللي مبقتش عايزة
فارس: كلامك اللي قولتهولها قبل كده مش مخليها قادره تصدقك، وخصوصآ إنك رجعتلها علشان الحمل.... هى محتاجه تجدد ثقتها فيك
سليم: بس هي تديني فرصة وانا اخليها تثق فيه تاني، لكن ازاي وهي مقفله كل الطرق اللي توصلني ليها
فارس: اقولك على حل
سليم: قول
فارس: رجعها عند المأذون واخطفها تاني
سليم: مش حل
فارس: مش هتلاقي فرصة تكلمها وتخليها تثق فيك غير لو خطفتها وقعدت معاها فتره كفاية... اسمع منى
سليم: تفتكر
فارس: اه افتكر
سليم: اوكي، لما نرجع هروح ارجعها عند المأذون
فارس: ربنا معاك
سليم: انا قولتلك اللي مضايقني، احكي انت بقا
فارس بتنهيده: مش عارف اقولك الموضوع ازاي
سليم: قول عادي، انا عارف اصلا
فارس: منظري وحش قدامك صح؟
سليم: معدي مرحلة الوحاشه بمراحل والله يا صاحبي
فارس: وقدام نفسي وحياتك...... بس تحس كده ان الحب ده مخالف مع الكل، مفيش قصه جاية مترتبه، لازم كلاكيع،
سليم: اقولك حآجه.... انت عجبك شكلها مش حبيتها
فارس: انت عارفني ياما شوفت بنات زيها واحلي كمان وفي علاقات كامله عدت عليه، بس دي غيرهم...... لكن تمام اوي اهي سافرت وانا شويه وهنسا
سليم: لو غلطها عادى كنت قولتلك تروح وراها،
فارس: طيب تصدق يمكن لو حسيت انها هتتغير عشاني كنت حاولت انسا، بس هى قالتلي رايحه للي شبهي علشان هنا بتحس انها بتغلط مش زي هناك كله عادي،.... مفيش فايده
سليم: معلش بكره تلاقى اللى تحبها وتحبك
فارس: انا مش باكي عليها، كلها أيام وانسا، لاننا اصلا مبدأناش قصة حب ولا قربنا بزيادة.... صح؟
سليم: ده سؤال
فارس: ههههه.معرفش، قفل على الموضوع
سليم: ههههه ماشي
بعد ما رجعنا، روحت رديتها عند المأذون، ورجعت الشقة افكر ممكن اوصلها ازاي
#ميرال
اخباره اتقطعت عني حتي حسباته مفهمش جديد،.. وشدن كل الاخبار الجديده عنها تخصها هي لوحدها ومبقتش عارفه هو مسافر ولا لسه في مصر، ..... و بصراحه وحشني ونفسي اطمن عليه حتي لو من بعيد، وشاديه مبكلمهاش والا كنت سألتها عليه،
خالد يدخل عندها: عامله ايه
ميرال: كويسه
خالد: مش ناويه تطلعي من الاوضه دي بقا
ميرال: هطلع دلوقتي،.. هروح لدكتور اطمن علي البيبي
خالد: كويس اوي، بلغيني لما تجهزي عشان اروح معاكي
ميرال: هروح لوحدي
خالد: ليه
ميرال: دا دكتور نسا، ومينفعش حضرتك تروح معايا
خالد: خدي شاديه طيب
ميرال: هو انا صغيره عشان اخد حد معايا
خالد: في ايه يا ميرال، مش عاوزة تاخدي حد معاكي ليه ..... هتقابليه؟
ميرال: اقابل مين
خالد: عارفه بتكلم عن مين
ميرال: لا طبعاً انا معرفش عنه حآجه ولا بكلمه، هقابله ازاى
خالد: أكيد
ميرال: أكيد
خالد: كويس، انك كرهتيه،، ومن نفسك مش عاوزاه
ميرال: اها........ عن اذنك هدخل اخد دش علشان اروح لدكتور
خالد: مدام بتتهربي يبقا لسه حباه ومكرهتهوش
ميرال: خلاص يا بابا انا دلوقتي مش هممني حد غير البيبي، ومش هفكر في غيره، واطمن انا عمري ما هخذلك واروحله
خالد: لا حبيبتي دي حياتك، حتى لو عاوزاه، مش هعترض
ميرال: يعني لو قولتلك هرجعله هتوافق
خالد: انا موافق علي انتي عاوزاه
ميرال: حتي لو كان سليم
خالد: حتى لو كان سليم
ميرال: بعد كل اللي حصل هحنتله وبقيت تحبه
خالد: عمري ما حبيته ولا هحبه،.. من صغّره وانا مبحبش اشوفه قدامي، بس مش انا اللي هعيش معاه انتي اللي هتعيشي
ميرال: مقولتليش صحيح، انت ليه عملت معاهم كده
خالد يشرد: الحكاية بدات من زمان اوي، يمكن متفهمنيش لو قولتهالك
ميرال: حابه اعرف
خالد: هقولك ...... كنت في الجامعه بقالي سنين متخرجتش لان مكنش ليه دماغ لتعليم... وبعدين بنت جميله اوي ظهرت في حياتي،.. حاولت معاها كتير وهي بقت تصدني ولما اخيرآ قربنا كنا صحاب بس، وهي ولا مره حبتني وكانت شيفاني مدلع وعايش بفلوس ابويا، وكانت مسمياني خالد الفاشل ههههه، ف قولتلها لو نجحت بنفسي هتوافقي عليه، قالتلي موافقه وهي كلها ثقه اني مش هنجح، ، ف انا سبت التعليم وسافرت وبطريقه كده جمعت فلوس كتير ورجعت تاني بعد كام سنه وخطبتها، وكان معاها اخ ررررزل نفس رزالة سليم بظبط، بحسهم هما الاتنين واحد في الرزاله...
ميرال: وبعدين
خالد: وقريب الفرح، اكتشفت ان اخوها ده مش اخوها وقال ايه بيحبو بعض وشكلها كده كانت موافقه عليه علشان تنساه
ميرال: ازاي يعنى اخوها طلع مش اخوها
خالد: قصه طويله ومعقده، بس هو كان مخطوف من صغره، ف لما كبرت دورت عليه وقابلته ومكنتش تعرف ان هو ده اللي بدور عليه وحبته، وبعدين اكتشفت انه هو اخوها، ف اتخطبتلي، وبعدين حصل حآجه غريبه، وطلع الراجل اللي خاطفه هو ابوها الحقيقي، في النهايه يعني طلعو مش اخوات، علي حظي، ولما حسيت انها هتروح مني، ساعد ابوها ده علي وعد منه انه هيرجعهالي، بس طبعا علشان اخوها ده رزل زي ما بقولك، منجحتش وقدر ياخدها مني، وبعدت عنهم تلات سنين اتجوزت فيهم وانتي جيتي، بس مكنتش قادر انسا مسك وحاسس انها ليه انا وسيف ده خطفها مني، ف ام سليم اشتغلت عندي في المطعم ولانها كانت مريضة قلب وكانت محتاجه فلوس للعمليه، اتفقت معاها انها تقرب من سيف علشان مسك تسيبوه و ارجعلها
ميرال بتركيز: وبعدين
خالد: هو مكنش طايقها لكن مسك بقت تثق فيها، ف الاخت ام سليم كلمتني تقولي لأ هنسحب علشان مسك صعبانه عليه ومقدرش اخونها، والكلام ده،... ومكنش قدامي غير اني اخطف ابنها، وكل ما كانت تحاول تتراجع كنت.....
ميرال: كنت تعذب سليم
خالد بخزي: اه ومنهم مره قطعتله صوباعه وهي سامعه صوته على التليفون
ميرال بدموع: وبعدين
خالد: وبعدين، هي قدرت توقع سيف بس طبعا حطتله مخدر، وبعد ما خلصت، جت تقولي عشان اديلها ابنها، بس انا مردتش ادهولها غير لما اوصل لمسك علشان متقولهمش، وبعد يوم واحد كانت بتحتضر في المستشفى ف بعتهولها ولان سيف كان هناك وهي وصيته عليه ف خده رباه
ميرال بدموع: كنت بتعذبه عشان بيلعب معايا ولا عشان امه
خالد: بعد كام يوم انا اطريت اجيبه تاني علشان اربي سيف، وسليم رغم صغره، كان دايما بيتحداني ويلعب معاكي غصب عني، كنت اضربه علشان ميقربلكش بس هو كان يبصلي بصه اللي هي، اديني بغيظك وبلعب معاها،.. كنت دايما قلقان منه ، وعشان اكسر شوكته علمت عليه بشوكه حاميه، وبعدين سيبتوه يمشي بعد ما مسك هددتني بالفيديو بتاع امه، وبعدين انا خدتك وسافرنا، ... انا مكنتش مسافر علي طول، كنت ناوي ارجع تاني بس انشغلت هناك وزي ما انتي عارفه كان ليه صديقه عشان كده مرجعتش
ميرال بدموع: عملت كل ده علشان واحده مبتحبكش، ذنبهم ايه اللي ازيتهم في قصة حبك الفاشلة
خالد: وانا ذنبي ايه يضحكو عليه، ازاي يعني قبل الفرح بيومين تسيبني علشان حبت اخوها
ميرال ببكاء: وسليم ومامته ذنبهم ايه،
خالد: ذنبهم ان امه كانت هضيع عليه كل حآجه بغبائها
ميرال بانفعال: محدش غبي غيرى انا علشان لسه قاعده معاك لدلوقتي..... طيب مش خايف انت وبتحكيلي اني اكرهك... دا انت حتي مقولتش سبب واحد يشفعلك عندي
خالد: يشفعلك ان ده حصل من سنين وخلاص هو خد حقه، ... فضيحه في بيت دعاره.. وخمسين مليون ... وعذبني وانا شايفك مقتوله، واهو بنتي الوحيدة بتحبه وحامل منه.... وانا معملتش حآجه من ده كله غير اني عذبته بس
ميرال بدموع: انا بجد مصدومه فيك... كنت متخيله ان في سبب يستاهل يخليك، عملت فيهم كده،.. بس طلعت جايبهم من الشارع ومن غير اي دنب عذبتهم ومخلتش امه تشوفه وانت عارف انها ممكن تموت في اي لحظة
خالد: متفكريش اني شرير اوى كده،.. انا ندمت بس مفيش بأيدي حآجه اعملها دلوقتي
ميرال: في
خالد: ايه
ميرال: هروح لدكتور دلوقتي ولما ارجع هقولك ،
كنت في الاول زعلانه منه بس لما حكالي السبب والقصه كامله، انا مبقتش عاوزة يكون بابا من اساسه
بعد يومين
#سليم
شاديه اتصلت بيه وهي قلقانه
سليم: في ايه
شاديه: انت خطفت ميرال تانى
سليم: لا، هي مش في البيت
شاديه: مشيت بقالها يومين ومحدش يعرف عنها حآجه، وخالد هيتجنن وبيستحلفلك
سليم: يعني ايه مشيت، امال انتو قاعدين تعملو ايه
شاديه: محدش يعرف عنها حآجه خالص
سليم: اقفلي
قفلت معاها وطلعت من البيت، ونزلت الف عليها في الشوارع، مسبتش شارع مدورتش فيه، لغيت الليل وانا بدور ومش لقيها، وفي النهايه رجعت الشقة وانا مش عارف افكر ولا عارف الاقيها فين، لغيت ما ماما اتصلت بيه وطلبت مني اروح علشان بابا تعبان،... سيبت كل حآجه وروحتلهم، ولما وصلت ملقتهوش
سليم: هو فين
مسك: في بيت جدك، قال هيقعد هناك
سليم: ليه
مسك: معرفش، روح شوفو مستنيك
سليم: حاضر
طلعت من عندهم وروحت بيت جدي القديم، ولقيت الباب مفتوح، دورت عليه في الاوض ملقتهوش، جيت امشي و صوت نده عليه... كانت صوت ميرال بس انا لغيت ما استدرت وشوفتها وانا مش مصدق وداني
ميرال بدموع: سليم
سليم بذهول: ميرال...... انتي هنا بجد،..... ميرال!
ميرال بدموع: ايوه
سليم يتقدم نحوها ويمد يده ليتأكد انه لا يحلم: ده بجد..... طيب ازاي وجيت امتي
ميرال ترتمي بحضنه وهو يضمها الي صدره حتى كاد أن يكسر اضلعها
اكتر من ساعة وانا لسه بستوعب انها معايا ومش بحلم،... مقدرتش ابعدها عني لوقت طويل، لغيت ما البوليس دخل علينا وخالد معاهم
الظابط: هي دي بنتك
خالد: ايوه هي
الظابط: انت سليم
سليم: ايوه انا في ايه
الظابط: اتفضل معانا
ميرال: ايه تهمته
الظابط: ابوكي بيتهمه انه خاطفك
ميرال: لا مش خاطفني، انا جايه بنفسي، وانا بابا ميت، معنديش ابهات
خالد: ميرااال اخرسي، وحسابنا بعدين
سليم بتحذير: متزعقلهاش
خالد: وانت بتتكلم بصفتك ايه، مش خلاص طلقتها
سليم: رجعتها، وهي دلوقتي مراتي
الظابط: يعني يابنتي هو مش خاطفك
ميرال: لا، هو جوزي وانا جايه اعيش معاه
خالد: كده يا ميرال
ميرال: كده، من النهارده اعتبر ان ملكش بنت،... حضرتك الظابط ان معرفش مين ده
خالد: براحتك،... بس انا قولتلك مش همانع رجوعك ليه... مكنش ليه لازمه تعملي كده،... خلاص حضرتك الظابط انا بعتذر
الظابط: يلا يابني،
ميرال: من النهارده مش عاوزة اسمع اسمك
سليم: اهدى يا ميرال
ميرال: متقوليش اهدى، دا مفيش حآجه وحشه معملهاش
سليم: هو اذاني انا، انتي بتدخلي ليه، انا اه بكرهو، بس مينفعش تعملي معاه كده
خالد: ياااااحبيبي، ايوة اطلع انت الطيب اللي بتسامح
سليم: مين قال اني مسامحك، كل الحكاية اني مش عاوزها تغلط لانك ابوها
ميرال: اللي عمله يخليني انسا اي حآجه حلوه عملها معايا
خالد يضحك بسخريا: سمحتيه هو على اللي عمله معاكي وبتتبري مني انا عشان غلط قديم ميخصكش من الاساس،... بنت ابوكي بجد يا ميرال، تمرت فيكي التربيه
ميرال: لو انت مكنتش غلطت زمان مكنش ده هيحصلي دلوقتي، ولا انت فاكر انك هتعدي كده من غير عقاب، ده ربنا نفسه بيخلص منك... اجي انا واعترض
سليم: لو سمحتي ادخلي جوه خمس دقايق، وبطلي كلام
ميرال: ماشي ( وبتدخل)
خالد: قدرت تهزمني، وتاخد بنتي مني
سليم: وانت احسن من امي في ايه، خدتني منها في اخر ايامها.... جرب بقا
خالد: انا قولتلها لو عاوزاك تجيلك عادي ومش هعترض.... بس هي اختارت تهرب ، وهي حره خليها تعيش من غير اب، مسيرها تدور عليه لما انت ترميها
سليم: مش هرميها، وعمرها ما هتجيلك زعلانه، بس انا هطلع ارجل منك واخليها تيجي تعتذرلك عن كلامها
خالد: لا اشبع بيها... طالما هتتعطف عليه وتخليها تعتذر ف انا مش عاوزها
مكنتش حابب انها تعمل معاه كده، ولا مره خططت اني اخليها تخسره، لكن الظاهر ان ربنا اراد ان كله يخلص منه دفعه واحده،... وفي النهايه، ميرال بقت ليه انا بدون خطف تاني ولا تخطيط
دخلت عندها لقيتها بتبكي
سليم يحضنها: انا اسف علي كل حآجه
ميرال ببكاء: متعتذرش، انا مش زعلانه منك
سليم: طيب بتعيطي ليه
ميرال: عمري ما كنت اتخيل اني اقوله الكلام ده، بس هو صدمني فيه لما قالي اللي عمله
سليم يمسك وجهها بين يديه ويمسح دموعها: لما تهدى تقدري تروحي تصلحي امورك معاه
ميرال: ميستاهلش، هو حرم واحده مريضه من ابنها في اخر ايامها، هو يستاهل اللي بيحصله دلوقتي
سليم: الدنيا بتدور... نفس اللى حصل منه زمان بيحصله دلوقتى،، بلاش تخلي ده يحصل معاكي بعدين
ميرال: يعني انت مش زعلان منه
سليم: زعلان.... بس هو مش ابويا ومش هداين من ابني بسببه، فهماني
ميرال تهز رأسها بالايجاب: اها
سليم: اوكي.... شويه وهوصلك تشوفيه
ميرال بإبتسامه خفيفه: طيب
سليم بتأمل لعينيها: وحشتيني
ميرال: وانت كمان.... انا كنت بموت من غيرك، خوفت منقدرش نرجع تاني
سليم: نفس احساسي، بس الحمدلله، رجعنا اهو
ميرال: طيب بتحبني؟
سليم بإبتسامة: لأ ... ولعلمك السؤال ده سألتهوني كتير في الحلم وكنت بصحا مفزوع بسببه ف متسألنيش تانى،
ميرال: طيب انا عاوزة اعرف بتحبني ولا لأ
سليم بإبتسامة: أكيد، بحبك ... بعشقك يا ميرال
ميرال تذقه: طلعت روحك لما قولتلها يعني ولا انت غاوى تتعبني وخلاص
سليم يقترب منها: دلوقتي مفيش قيود، اقدر اقول اللي انا عاوزة واعمله اللي نفسي فيه
ميرال تتنقل بعينها في تفاصيل وجهه وهو يزيد اقترابه منها ويداعب وجنتيها بحب: التليفون بيرن
سليم بهمس: سيبيه يرن مش وقته
ميرال: شوفه وبعدين نكمل
سليم: هووف.. ماااشي ( اخرج هاتفه من جيبه) دي شاديه
سليم: ايوه يا شاديه
شاديه: فين ميرال
سليم: معايا ، في ايه مالك
شاديه: خالد تعب فجأه ورايح المستشفى
سليم: انتي بتقولي ايه ده كان لسه هنا
شاديه: السواق كلمني وقالي انه تعب ورايح بيه علي المستشفى في الطريق دلوقتي
سليم: قالك مستشفى ايه
ميرال: في ايه يا سليم
سليم: ابوكي تعب و ودوه المستشفى
ميرال تشهق بصدمه: بابا... حصله ايه
سليم: معرفش يلا هنروحلوه، بسرعه
روحنا المستشفى، و أول ما وصلنا ودخلنا غرفته لقينا الدكتور بيغطيه بالملايه،
ميرال تتقدم نحوه بصعوبه،
الدكتور: لو سمحتي،
ميرال تكمل الا ان تصله وتزيح الغطا عن وجهه، لتلمس وجهه بيدها: بابا....... بابا انت سامعني...... انا جيت يا حبيبي، قوم يلا هنروح مع بعض ( تبدء دموعها تنهمر في عينيها ) بابا، ابوس ايدك قوم.... انا جايه اعتذرلك، مينفعش تمشي دلوقتي
سليم: ايه اللي حصله
الدكتور : هبوط حاده في الدورة الدموية وتوقف عضلة القلب،... للأسف السواق خد وقت علشان يوصل وكان خلاص توفا
ميرال تهزه وتبكي: بابا عشان خاطري انا، قوم... اعتذرلك الاول .... قووم يابابا، حرام عليك تسيبني دلوقتي
سليم يبعدها عنه: تعالي معايا
ميرال ببكاء : سيبني... دا مات هو وزعلان مني،.. خليهم يتصرفو ويفوقوه... ابوس ايدك، اعتذرله الاول، مينفعش يمشي وهو زعلان منى.......
بعد سنه
#فرح
اتجوزنا انا وجواد، وحاليآ حامل في الشهر التاسع، وعلشان شغل جواد ومأمورياته اللي بتخليه يغيب بالأيام، انا قاعده مع بابا وماما اللي مش بيبطلو خناق ومقالب في بعض
صحيت النهارده علي الم شديد في ضهري، وكنت سامعه صوتهم وهما بيزعقو، بقيت انده عليهم ومسمعونيش خالص،.. ف اتسندت علي الحيط وروحت عندهم
فرح بألم: مالكم
مريم بزعيق: أسألي ابوكي
ياسر: أسأليها هي
فرح : حرام عليكم انا تعبانه، ارحموني
مريم: طبعا مانتي دايما توقفي معاه
ياسر: عشان انا على حق دايما انتي اللي ناقصة عقل ودين
مريم : حوش حوش مقطع مصليات الجامع من كتر السجود
ياسر: متغيريش الموضوع، وقوليلي وديتي فين الصوره المقطوعه
مريم: قطعتهاااا، ولعت فيها، عندك مشكله
ياسر: لااااا، الا الصوره دي،... كانت ذكره... مريم رووووحي وانتي.... جايه هاتيلي اشرب
مريم: دمك مش خفيف
فرح بألم؛ ماما الحقينى
مريم : مسمعش صوتك غير لما يقول عاوز الصوره يعمل بيها ايه
ياسر: بحبها انتي مالك
فرح : اااه الحقوني ونبي
مريم : ااانطق وقول عاوز تعمل بيها ايه
ياسر: طيب مش هقول هه
فرح : ااااه، يا ماما ياماما
مريم: هتقول يا ياسر ياما مش هقعدلك فيها
فضلو يتخانقو وانا اصرخ لغيت ما ربنا بعتلي جواد ولما شافني كدة سندني
فرح ببكاء : اااه جواد حبيبي،... سيبني ليه لوحدي اااه، الحقني بموت
ياسر يبصلها: مالها
مريم وهي تقف مكانها: بيتهيألي بتولد
ياسر بفرحه : الله هبقا جد.. لو ولد نسميه ياسر
مريم: يارب تطلع بنت عشان نسميها مريم
جواد بعصبيه: اطلبووو الاسعاف البنت بتموت قدامكم
ياسر يمسكو من قفاه: بتزعق لمين يا صايع
(فرح تترمي علي الارض وتصرخ)
بعد عذاب وخناق، حنو عليه و ودوني المستشفى، وبعد ساعتين هناك وانا اصوت وجواد يسندني ومسيبنيش لحظه وهما بيتخانقو، ولدت اخيرا وكانت بنت
جواد يحملها بفرحه: ما شاءلله
فرح : اشوفها
جواد: معاكي من بدري سيبهالي شويه
سامح: هتسموها ايه
جواد: فرح هتختار اسمها
ياسر: سموها مريم
فرح بإبتسامة: طلعتو عيني وجاي تعيش الرومنسيه علي اسم البنت... على العموم انا من بعد اذنكم كلكم عاوزة اسميها مريم
مريم: بلاش اسم مريم
جواد: لا هي مريم
مريم: عشان خاطري بلاش، مش عايزة، وارجوكم اسمعو الكلام
فرح: ليه يا ماما
مريم: من غير ليه
فرح: طيب اختاري انتي الاسم
مريم: ممكن فرحه
جواد: فكره حلوه اوي، علشان البيت يتملي فرحه وفرح
#مريم
انا سموني على اسم عمتي اللي عاشت بسكر وماتت وهي لسه صغيره، وانا حظي كان اوحش منها، ومحبتش نكرر الموضوع تاني مع فرحه،
اخر النهارده سيبنا جواد معاها ورجعنا البيت، وغيرنا هدومنا ولقيته رايح ينام
مريم: ياسر اتعدل عاوزة اتكلم معاك
ياسر يعتدل: قولي
مريم تنام على حجره: ههههه قولي هوى هوى
ياسر: من وقت ما رجعتي ما طلبتيش الطلب ده
مريم: النهارده حسيت اني مرتاحه كفاية... و وحشني النوم علي رجلك
ياسر يدلك فروة راسها: وانا كمان، كنت مستنيكي تقوليلي ادندنلك كل يوم لغيت ما فقدت الامل
مريم: ربنا يخليك ليا
ياسر بإبتسامة: ويخليكي ليا.... هوى هوى يلا تنام وادبحلك طير الحمام
مريم: ههههههههههههههه
ياسر: بتضحكي ليه
مريم: اصلي افتكرت لما قولتلك كده زمان وانت فتحتلي محاضره في حقوق الحمام وطلعت بتحب تاكوله وخصوصآ بالفريك ههههه
#أسر
من 15 يوم ربنا كرمنا ب، ولدين تؤم، سليم وسيف... وسليم بقا معاه ريماس
عائشة تحمل سليم الصغير وتبكي: والله حرام عليك ما تفصل انا بقيت زومبي من قلت النوم،... عاجبك منظري هقابل الناس ازاي بيه ده
ميرال: ههههه متعيطيش هاتيه
عائشة: طيب وبنتك
ميرال: مع جدها
عائشة : خلاص القُفي
أسر: مالك يا أش
عائشة تشيل سيف: وانت خد ده يدوب الحق البس الوقت اتاخر
اسر: طيب هاتيه هوديه ل ماما هي خلاص جهزت ومستنيه
عائشة: ماما و ابتسام وصلو ولا لأ
أسر: كلمتهم قالو جاين في السكه
عائشة: الله يباركلهم مش عارفه من غيرهم كنت هروح بدول الفرح ازاي
أسر يضغط على شفته : عائشة
عائشة تبص ل ميرال: انا مقصدش حاجه والله يا ميرال، حقك عليه
ميرال بإبتسامه: عادي حبيبتي الموضوع مش بيزعلني، وكمان شاديه حبيبتي محسستنيش اني امي غايبه... متخديش في بالك
عائشة بإبتسامه: ربنا يخليهالك ياقلبي،... هتسيبي ريماس معاها ولا هتاخديها
ميرال: هسيبهالها طبعاً
أسر: ربنا يخليهالك يا ميرال
ميرال: متشكره يا أسر، ويخليلك الحلوين المزعجين دول
عائشة: هيجبوه من بره
أسر: ههههه طالع انا قبل ما تبتدي
خدته وديته ل ماما وانا طلعت عند سليم
أسر: ايه الأخبار
سليم: تمام ... ايه جهزو ولا لسه
أسر : مش باقي غير عائشة
سليم: بنت حلال مراتك لا بتروح كوافير ولا هتعطلنا كتير
أسر: بس يارب تقدر تلبس جزمه كامله مش فرده وفرده... العيال مش بينيموها
سليم: الله يقويها،.. اهي ريماس بس وميرال مبتنامش بسببها
اسر: عندهم حق، اسكوت مش انا عرفتلك نوع حفاظات جديده ومريحه بدال البامبرز، تحفه، هقولك اسمها تجيب زيها لريماس
سليم : هههههههه، مال الحوار قلب نسواني كده
فارس يجي : ضحكوني معاكم
اسر: وانت هتفهم حتي لو قولنالك،... مانت في الروقان
فارس: مش عاوز اعرف، بس خلصو انا عاوز الحق اعاكس في البنات
سليم: اتلم يا بابا، احنا رايحين فرح كله فنانين وصحافه ف لم الدور
فارس: انت فقر، انبر فيها
#شدن
الافندي، اصر ان ميتقدمش غير لو قدر يوصل لجزء من الحياه اللي انا عايشه فيها، ولطعني جمبه سنه كامله بنشتغل مع بعض، وهو ليه شغله تاني بعيد عني، وبعد معاناه وصل اخيراااآ.. ايوا مش زينا بظبط بس حلو بردو..... واخيرآ وصلنا للفرح،
"الفريست لوك"
شدن تدير وجهها لجانب الاخر واحمد يقف خلفها وكلما حاول ان يراها استدارت لجهه الاخر، وفجأه يمسك بها ويديرها رغمآ عنها
احمد: دوختيني
شدن: بوظت اللحظه حرام عليك
احمد: طيب نعيد تاني بس انتي تعالي معايا سكه متفرهدنيش
شدن: ماشي بس بشرط لما تشوفني تعيط وتتأثر وبعدين تشيلني وتلف بيه وكأني اعظم انتصاراتك
احمد: مش كأنك، انتي فعلا اعظم انتصاراتي
شدن: طيب يلا بس نعمل الموضوع ده علشان مها هتصور... وانتى احذفي اللي صورتيه وابدائي من جديد
احمد : ماشي ... يعني انا افتح الباب واتقدم نحيتك واحضنك والف بيكي صح كده
شدن: وتعيط يا أحمد في ايه... ركز معايا
أحمد: تمام فهمت يلا هنبدء
شدن : حآجه كمان .... لما نروح القاعه هيكون في ناس بتصور، ف انت طول الوقت تبصلي وانا قال ايه مش واخده بالي، علشان الناس يقولو بيحبها
أحمد: يقولو ليه، ما انا بحبك فعلا
شدن: يوووه هما بيعملو كده مش بتشوف اسمه ايه ده جوز اسمها ايه دي وهو بيبصلها
احمد: قصدك بوراك هو و بيبص لفهريه
شدن: ايوووه دول مثلا... وعندك رنڤير سينغ هو وبيبص لديبكا بادكون
احمد: ااااه عارفهم طبعا..... ااااه دنيا... يلا ياقلبي انا هرجع وبعدين افتح الباب ولما اشوفك اوزهل، واصعق، وانبهر ، واحضنك والف بيكي
شدن: اووووف، وتعيط يا أحمد بتنسا ليه
احمد: وربنا هعيط اهو يالهووووي... تحبي الطم، يختااااااي
نسمه تدخل وهي مخضوضه: في ايه مين بيصوت
احمد: انا.. بنتك مش راضيه تخلص ف بصوت
شدن تبدء بالبكاء: يعنى مش هتعيط يا أحمد
#ميرال
كل اللى حصل معايا قدرت اتجاوزه بسرعه الا موت بابا وهو زعلان منى، ضميري بيأنبني ومش عارفه انسا، لكن بحاول اعمل حآجه تشفعله عند ربنا، واول حآجه عملتها اني فتحت دار للمسنين، وكل اللي سابه خليته للأعمال الخيرية، يمكن ده يخفف عنه وعني شويه
سليم: مالك
ميرال: مفيش حبيبي..... شدن وعريسها حلوين اوي وشكلهم بيحبو بعض
سليم: صحيح
مسك : قاعدين بعيد ليه، ما ترقصه معا اللى بيرقصو
ميرال : ههههه انا ممكن بس سليم مستحيل يعملها
مسك: طيب ايه رأيك انه هيكسفك ويرقص.. يلا يا سليم
سليم: يا مامااا، عليه انا
مسك: سيف واتقسم نصين، انتو الاتنين مقفلين وملكمش في الفرح
سيف: بتجيبو في سيرتي ليه
سليم: اقوله
مسك: هقوله انا ، بلاش فتنه
سليم: ههههه قولي
سيف: سامعك
مسك: بقول انه مفيش منك اتنين وهو بيعترض على الكلام ده
سليم: محصلش دي بتكدب
مسك: انا كدابه يا سليم .... طيب اسأل ميرال
ميرال: ايوه طنط بتقول الحقيقه هو اعترض وشوح بايده كده و جت في وشي ههههه مش كده يا طنط
مسك: كنت يا روح قلبي
سليم: ههههه اتفقو مع بعض، اوعا تصدقهم
سيف: انا سامعتها بس حبيت اشوف هتقول ايه..... انت يابني غنيلنا تستهون بستات يا خويا
بدأت الاغنيه وبقو يلفو حولينا ويغنو معاها، وأسر جاب عائشة معانا وبقا يدور معاهم وفرجو علينا الناس
اتربيت من غير امي.. وبابا بردو مات، بس ربنا عوضني بعيله جميله، وكلهم بيبحو بعض، وطنط مسك طيبة اكيد احن من ماما لو كانت عايشه مماتتش، وعمي سيف رغم اللى حصل بينه وبين بابا ورغم انه مش ابو سليم، بس طيب اوي معانا وبيحب ريماس وطول الوقت معاه، وبنسبه ل أسر ف هو يعتبر اخويا حقيقي مش معرفة سنه واحده، وعائشه بقت صحبتي جداً، ولاننا عايشين في نفس البيت ف طول النهار مع بعض ومفيش بينا اي منافسه او ضغينه تجاه بعض، بالعكس هي طول الوقت بتحاول تهون عليه احساس تأنيب الضمير اللى حساه بسبب موت بابا