رواية كيان الفهد
الفصل العشرون20
بقلم بسملة مصطفي
كيان بصت علي الاوضه االي كان موجود فيها فهد وبصت للاوضه
وكان في اعتقادها ان مفيش حد في الاوضه
بس شافت شخص في الاوضه خلاها تنصدم انه موجود
كيان فتحت الاوضه ودخلت لما لقت الشخص ده موجود
لقت كيان فهد موجود في الاوضه قاعد علي الكرسي المتحرك وجنبه اسر
كيان بصدمه :مين جاب حضراتكم هنا
فهد :اظن دي مستشفي عام ومش محتاج اذن حضرتك علشان اجي
وبعدين انا جاي علشان اكشف لان دكتورتي المشرفه علي حالتي سابتني
كيان :ويا تري جاي تكشف عند مين
اعتقد انا الدكتوره الموجوده حاليا واللي تعرف حالتك وتشخيصك كمان
وكمان انا الدكتوره اللي سابتك بس سبتك لي علشان اهانتني
وقللت مني ومن كرامتي وانا كرامتي فوق اي حد ومسمحش لحد يهيني ابدا
اسر مشي بعد ما فهد بصله وأسر فهم نظرته ومشي
فهد:انا مش قصدي اني اقلل منك
بس صدقيني وقت غضب وزعل من نفسي قولتلك كده
بس صدقيني ضميري انبني اني قولت كده
كيان :مبقتش تفرق ي استاذ فهد كان قصدك ولا لا
مش يهمني
فهد:بس يهمني انا
كيان :وانا اهمك في اي
فهد :تهميني لان انا....
كيان :انت اي يا استاذ
فهد غمض عيونه بتوتر وفتحها مره واحده وقال: انا بحبكككك
وكنت طول الفتره دي بكدب نفسي وبحاول اخبي بس مكنتش عارف وساعه ما كلمتك بطريقه وحشه صدقيني مكنش قصدي بس مكنتش عايز اتعلق بيكي لان انا لما اتعلقت بيها وحبيتها وفضلتها عن الكل عملت اي خانتني وسابتني لوحدي وراحت لحد تاني وياريت الحد التاني ده كان حد معرفهوش راحت لابن عمي بس يلا المهم اني انا بقيت اخاف احب علشان متخذلش تاني بس قلبي لما شافك نسي كل حاجه ودخلتي قلبي ومش هتخرجي منه ابدا بس مكنتش عايز اعترف ليكي لان انا خايف ترفضيني ترفضي واحد قاعد علي كرسي متحرك وعنده شلل نصفي كنت خايف تحرجيني وكمان تجرحيني بكلامك بس لما حسيت انك ممكن تضيعي من ايدي مترددتش ثانيه وجيتلك علطول هنا لان انا عارف انك هترجعي هنا
كيان بصدمه :كل ده
وكمان بتحبني
فهد:انا عارف انك ممكن ترفضيني بس صدقيني وجعك هيكون أضعاف الوجع اللي حسيته لما انخذلت منها لان انتي حاجه تانيه بالنسبه ليا
كيان:انا مش هوجعك ولا هجرحك لان اللي بيحب حد مش بيجرحه ولا بيعذبه
انا اتعلقت بيك جدا وبقيت جزء كبير من يومي ف مش هقدر ابعد عنك كتيرر لان اتعودت عليك
فهد بصدمه :بتحبيني انتي كمان
واتكلم بفرحه بتحبيني بجد يا كيان
انا فرحان قووي
بس زعل لما لقي نفسه م عارف يقوم ولا حتي يحضنها ولا عارف يعبر عن فرحته.
كيان فهمت لما ملامحه اتغيرت هوا فكر في اي
كيان :متزعلش انا عارفه انت بتفكر في اي
بس صدقني هفضل معاك لحد ما تتعالج فاضل بالظبط شهرين هفضل معاك فيهم بس هنكون كاتبين كتاب علشان كان الأول معانا اسر دلوقتي اسر اتجوز
فهد فرح ان هيا هتبقي جنبه علطول ووافق انهم يكتبوا الكتاب
اتصل فهد ب اسر وطلب منه يجي وياخذه عن الماذون علشان يكتب كتابه
اسر جه واخده وكيان غيرت هدومها بسرعه وراحت معاهم في العربيه
وصل كيان وفهد عند الماذون وبدأ الماذون في كتب الكتاب
وانتهي بكلمه الماذون الشهيره
بارك الله لكما وبارك عليكما وجمع بينكما في خير
وفهد فتح دراعه لكيان وكيان حضنته بفرحه وحب كبير
دلوقت هوا بقي جوزها يعني مش حرام
واسر اخد فهد وكيان وساق بيهم الي القصر
في الطريق
كان فهد بعت لاسر علي الواتس ماسدج انه لما يقابله محل هدايا يجيب منهم الهدايا اللي بعتله صورتها دي لانه عارف ان هيا بتحبها لان لاحظ ان هيا متعلقه بالحاجات دي ودايما بتتفرج علي صورهم ومعاها مجله فيها كل الحاجات الي بتحبها.
وهما ماشيين قابلهم محل هدايا ساق بعيد عنه شويه علشان كيان متشكش في حاجه
ونزل راح وجاب كل الطلبات اللي طلبها فهد منه
بعد ربع ساعه كده
جه اسر وهوا ماسك بوكس كبير فيه هدايا كتير جدا واداهم لفهد
فهد كان قاعد ورا هوا وكيان بس كيان مخدتش بالها وهوا بيطلب من اسر لانها كانت مشغوله بفونها ومش مركزه معاه
فهد مسك البوكس اداه لكيان
كيان قررت تفتحه لما تروح علشان تكون لوحدها معاه
وصلوا القصر
اسر وصل فهد لاوضته وكيان طلعت وراه وحطت شنطتها في الاوضه
وكانت ماسكه البوكس في ايدها وحطته علي السرير وبدأت تفتحه
اتفاجات كيان بكم الحاجات والهدايا الموجوده في البوكس وفي حاجات كتير جدا
ومعظمهم كان نفسها تجيبها منهم كتب للقراءه وسلاسل وبلوره فيها بنت وولد وكمان تشوكليت كتير جدا هيا بتحبها وعلطول بتاكل منها وجاب ليها حاجه دي اكتر حاجه كيان كانت فرحانه بيها وهيا سلسله مكتوب عليها اسم كيان ومعموله من الالماس وكان شكلها رقيق جدا
فهد كان موصي عليها من كام يوم واتعملت واسر جابها قبل ما يروحوا لكيان المستشفي وكانت معاه وقرر يديها لفهد بس فهد طلب منه تبقي معاه هوا علشان هيطلب منه حاجه يعملها
وكانت ف حاجات كمان ومنهاiphone 14 أحدث نوع فتحته كيان لقت موجود فيه كل حاجه مسجله ورقم فهد فيه وصورته موجوده خلفيه بصت له وضحكت وهوا بادلها
كيان جريت حضنته وهوا تبت علي حضنها ودفن راسه في شعرها
فهد :اعيش وافرحك يا حبيبي
كيان :يديمك ليا يا احلي حاجه في حياتي بحبكك
فهد :وانا بعشقك