رواية تزوجت ارمل
الفصل الاول1
بقلم مني محمد
انت هتفضل عاااايش على ذكرى موت مراتك كدة كتير ؟
اصطبحى على الصبح احسلك ومتجبيش سيرتها على لسانك مرة تانية
عينى دمعت ووقفت قدامه بحزن وضعف
للدرجادى مش بتطيقنى لما حضرتك بتحبها اوى كدة اتجوزتنى ليه
عشان خاطر عيالى وانا معرفك من الأول وانتى قبلتى ده وكمل بسخرية ده انتى حتى معرفتيش تخليهم يحبوكى
فى اللحظة دى علي صوتى
ماهما لما يشفوك بتعاملنى كدة لازم هما كمان مش هيحبونى
رد بهدوء عكس الغضب الل جواه وانا بعاملك ازاى بئا
بقالنا شهر ونص متجوزين عمرك ماكلمتنى ولا سألت عليا وحتى عيالك بحاول دايما اتقرب منهم بس الظاهر حد بيصلطهم عليا
بيصلطهم عليكى ومين بئا ياست شمس الل بيعمل كدة
اترعبت من نبرة صوته اكيد عرف انى بلمح على ست عياله أيوة ماهى تبقى مرات عمه
مش هقصدى على حد انا كنت بفترض
قرب منى اوى وقال بتحذير ياريت متفترضيش حاجة غلط تانى عشان وقتها مش هسامحك الل مصبرنى عليكى هو بابا لو مش هو كنت طردتك من بيتى من
زمان بس وقسما بالله لو عملتى اى غلطه مش هراعى حساب اى حد انتى فاهمه ولا لا؟
قولت بصوت واطى ده كله عشان رميت بالكلام على ام مراته امال لو شتمتها كان عمل ايه
هو اناااا بكلم نفسى ؟
أيوة ..اقصد فاااهمه فاااهمه
بعد شوية خرج وكان لابس كان وسيم جداا فضلت ابصله بااعجاب لقيته بيبصلى بقرف قولت بااحراج
تحب اعملك كوباية قهوة؟
لا مش عايز منك حاجة وياريت تفضلى بعيدة عنى
طب هتفطر
رد بعضب شديد قولتلك مش عااااوز من وشك حااااجة انتى مش بتفهمممى وسبنى وخرج
فى ستين داهية وقعدت اعيط وبصيت للصورة الل كانت متعلقة على الحيطة وقولتها من بين دموعى عاجبك الل بيعملوا جوزك ده انتى كنتى مستحملاه ازاى فضلت ابص للصور الل كانت متعلقة والل كانت بتجمع مروان وملاك وعيالهم كان باين عليهم مبسوطين اوى
فضلت ابص الصورة كتير وانا شاردة لحد ماقطع شرودى
صوت حد بيقول
بيسان اكيد يعنى احلى منك بكتير
انتى بتقولى ايه؟
لو انتى مفكرة انك تقدرى تاخدى مكان اختى فى البيت ده تبقى غلطانة اوى انتى عمرك ماهتبقى شبهها
بثقة قولت انا مش عايزة اخد مكان اختك ولا أبقى شبها انا كل الل عاوزاه انى اعوض اولادها عن حنانها على قد مااقدر
_________
ااااه والله لوريك يازياد طلعت عشان تجرى وراه بس خبطت فى حد
فى ايه ياحبيبتى حاسبى لتقعى
مش شايف ياوليد ابنك وعمايله بيلعب فى الاوضة بالكورة كان هيجبها فى راسى
ازاى ده يعنى أما اشوفه هبهدله
أيوة اضحك عليا بالكلام انت ولا بتكلمه ولا بتعمل حاجة
ايه يازينة ياحبييتى حاسك مضايقة
ردت بضيق بصراحة ايوة مش حابة البت الل اسمها شمس الل اخوك متجوزها دى
والله دى غلبانة ولا بتهش ولا بتنش اسمعى منى
تفتكر هتبقى زى ملاك الله يرحمها
رد وهو بيطمنها دى طيبة والله كلكم ظالمنها اتكلمى معاها انتى بس عشان متحسش انها لوحدها هنا دى يتيمة وملهاش حد
حاضر ياروحى
_____________
احم احم وكالعادة بصولى الاتنين بقرف وكره ومحدش فيهم عبرنى
ممكن اتكلم معاكى شوية يامليكة وانتى كمان ياملك كانوا بيحضروا شنطهم عشان يروحوا المدرسة وبردو مردوش
على فكرة انا مش بكرهكم والله انتو ممكن تعتبرونى زى ماما الله يرحمها
مليكة متقوليييش زى مااااما محدددش شبه ماما
ماشى يامليكة الل انتى عايزاه طب ممكن تعبرينى زى صاحبتك
مليكة لا بردو انتى شريرة
لا والله ياحبيبتي انا مش شريرة وجذبتنى رسمة جميلة كانت مع ملك الل كانت واقفة ساكته
روحتلها وقولت بااعجاب وانا باخد منها الرسمة
واااو جميلة جدا ياملك شدت منى الرسمة بس وهيا بتشدها انقطعت لقيتها بتعيط بشكل هستيرى ولما مليكة لقيتها بتعيط عيطت هيا كمان
خلاص ياملك خلاص يامليكة والله ماهقرب منكم تانى بلاااش تندهوا لابوكم
طلع الكل على صوت عياطهم وانا مرعوبة اول ماشوفت مروان وووو