رواية الحاميه
الفصل السابع عشر17
بقلم نسرين خالد
عيزرا : عادى تشرفونى😁😁
و عدى الوقت و راح عيزرا ل قصره يستعد و كوشى و فهد و الفريق راحو للفندق..... و بعد ساعات كانت المفاجئه ال صدمت الكل 😅😅😅
فى الفندق بعد ما روح تائب و كشماء و الفريق و ابتدو يجهزو..... الفريق جهز و لابسين بدل و فى ودانهم سماعات....
و تائب لابس بدله جميله جدا خلته شديد الوسامه.. و استنو كشماء ال اتأخرت جدا فى الاوضه و ال قبل ما تدخل رفضت اى مساعده........(تائب عرض عليها انه يجبلها وحده من الاوتيل تساعدها بس كشماء رفضت و دخلت الاوضه و من وقتها ماطلعتش).... بس الساعه ٥ تائب و الفريق سمعو صوت الباب يتفتح عشان يقفو يتصدمو كلهم و طبعاً تاﭢي ال نفسه اتحبس من ال
شافه............ كشماء خرجت ب فستان خيالى نازل محدد جسمها و نازل على واسع ب انسيابيه شديده جدا عشان تكون طاغية الجمال و الفستان مقسوم بالطول ابيض و اسود و مشغول باللون الذهبى و فارده شعرها و طوله ال واصل ل ضهر ركبتها و لونه الاسود سواد الليلو القلاده الدهبى بتاعتها ال على شكل وش فهد و حطت
روج لونه احمر دموى و حددت عيونها بكحل اسود اظهر لون عيونها العجيب (مزيج بين اللبنى و الاخضر الفاتح)
كشماء : ايه رايكم يا جماعه... تفتكرو هقدر الفت نظره؟؟
الفريق كله و تائب وقفين متنحين ل كشماء 😧😳😧😳
سيف : انتى مش هاتلفتى نظره.... انتى هاتقصفى عمره.... تائب لو شافه و هو بيتغزل فيكى هايكله🙄
يوسف : احم.... انا بقول نطلع بره شويه و نسيب تائب و كشماء يراجعو الخطه مع بعض....
الفريق طلع و ساب كشماء و تائب واقفين ادام بعض و تائب ال واقف و مصدوم من كتلة الجمال و الاثاره ال قدامه 😍😡
تائب : انتى ازاى حلوه كده؟؟ 🤔🤔 ازاى عايزانى اوافق ان حد تانى يشوفك غيرى و ينسحر ب جمالك؟؟ 🤔 ….. ازاى هقدر استحمل ان حد هايتغزل فى جمالك ادامى؟؟؟🤔🤔🤔... كشماء.. ارحمينى انا عاشق🥰
كشماء بخجل من كلام تائب و نظراته... خجل حلاها اكتر و جنن تائب اكتر و اكتر كشماء راحت ل تائب و حوطت ب اديها رقبته...
كشماء : تائب ممكن تقولى انا مين؟؟
تائب و هو تايه فى عيون كشماء و اديها ال حوالين رقبته
تائب : انتى كشماء
كشماء : لا اقصد بكون ايه ليك؟؟
تائب : بتكونى حبيبتى 🥰
كشماء : لا مش حبيبتك.... انا بكون كشمائك... ملكك.... وليفتك.... ابديتك...
و قربت من ودانه و همست بصوت محدش يسمعه غيره هو و بس
كشماء : انا بكون مراااتك.... اوعى تنسى يا تائب و مهما حصل خليك دايما مصدق حاجه واحده.... انى عمرى ما هكون غير ليك حتى لو انت بعتنى عنك بنفسك.... فهمتنى...
تائب ضم كشماء ليه و عيونه دمعت
تائب : فاهم يا كشمائى و ربنا يقدرنى و اقدر استحمل اليوم ده و يعدى على خير.... بصى بقى... انتى تفضلى جنبى و ماتقلعيش السلسله ابدا و خلى معاكى الجهاز ال بيسبب الاغماء.... كشماء خدى بالك من نفسك عشان خاطرى ارجوكى
كشماء : حاضر و بعدين انا مش خايفه لانى متأكده انى ب امان طول ما انت معايا🥰...... يلا بينا🙂
و اتحرك تائب و كشماء و الفريق و بعد مده وصلو ل قصر الطاووس... و كان فى استقبالهم عيزرا ال تنبهر من كشماء و فتنه جمالها.
...و قرر انه لازم يتقرب من كوشى...... و الكل انتبه لدخول كوشى و فهد و اتسرب وسط الناس معلومات عن كوشى و فهد
عيزرا : اهلا بيك سنيور فهد
فهد : اهلا🙄
عيزرا : اهلا ب الجميله كوشى… اعترفلك ان بجمالك و فتنتك غطيتى على حفلتى و انجازى.... بس برغم كده انا مبسوط جدا بوجودك😁
كوشى بدلع بسيط: ميرسى على المجامله الرقيقه دى سنيور عيزرا
فهد : إيه يا سنيور عيزرا احنا هانفضل واقفين هنا ولا ايه؟؟ ... ولا انت مش عايز تدخلنا ل معازيمك و تعرفنا عليهم؟؟ 🤔🤔🤔🤔🤔
عيزرا : 😅لا طبعاً اكيد اتشرف بيكم... اتفضلو
و بعد شويه كل ال فى الحفله كان بيحاول يتقرب من ككوشى و فهد و يتعرف عليهم على امل ان يحصل بينهم بيزنس......
عيزرا : الجميله كوشى... تحبى تتفرجى على الوثائق ال استردتها من مصر 😁
كوشى : اكيد طبعاً ... احب اتفرج على الوثائق.... انا عاشقه للآثار.... فهد.. تسمحلى اروح مع سنيور عيزرا اشوف الوثائق ال عنده.... بليز فهد☺️
كوشى كانت بتتكلم مع فهد و غمزتله... و هو بص حواليه و اتفاجئ ب ان الناس ال فى الحفله ابتدو يمشو ورا بعض... و فهم ان دى خطه من عيزرا عشان ينفرد ب كوشى
فهد : سورى يا كوشى بس انتى عارفه انا لازم اتحرك دلوقتى عشان عندى اجتماع و نش هقدر الغيه .... معلش بقى شكلك ملكيش نصيب تشوفيهم
(طبعا تائب مش هيسيب كشماء و يروح لا هو هيخرج و يلف هو و الفريق لباب القصر ال ورا حسب الخطه.. و كمان هو عارف قوة كشماء الحقيقيه عشان كده مطمن)
عيزرا : سنيور فهد لو سمحتلى ممكن تروح انت الاجتماع بتاعك
و انا هفرج الجميله كوشى على الوثائق ال عندى و بعد كده ها روحها بنفسى للفندق..
تائب : ااااامممم.... تمام معنديش مانع... متضر امشى دلوقتى عشان ميعادى.... باى
ياترى ايه ال هايحصل؟؟
و هل خطة كشماء هاتتنفذ مظبوط ولا فى حاجه هتعطلها؟؟
ده ال هايتعرف الفصول الجايه