رواية نفوس مريضه
الفصل السابع
بقلم تسنيم حمدي
نور فتحت الباب هي بتثاب بنعاس
وبصت للبنت اللي قدمها بستغرب: ايوه مين حضرتك
لولا :انا.. ليان..
لولا. عشيق٠ت جوزك
قالتها لولا بابتسامه
نور: اه . اهلا.. جوزي مش موجود
لولا :اه ما انا عارفه انه مش موجود
لاني لسه سايبه نايم عندي في البيت
.. انا جيالك انتي
نور بستغرب :جيالي انا.. اشمعنا
دخلت لولا الشقه وهي بتبص ل نور بتقيم من فوق ل تحت و بتقول بتهكم
: الصراحه جايه اتفرج عليكي
اصل كنت حسه بالغيره على حبيبي منك بعد متجوزك بالغصب
بس معتز طمني وقالي انه
مستحيل يبصلك لأنك وحشه اوي.. ومستني يتوزع الورث بفارغ الصبر عشان يخلص منك ويطلقك
نور بملل : اممممم وبعدين
الولا: عادي يعني انا خوفت يكون بيضحك عليا..عشان مايزعلنيش وكده
فاجيت عشان اتفرج عليكي بنفسي
..بس بجد طلع معه حق..انا ماشوفتش واحده بالوحشه دي قبل كده.. زي ما وصفك بظبط
نور ابتسمت بخفه :طيب تمام.. خلصتي فرجه
.. يلا بقي اتوكلي من هنا عشان عايزه انام
لولا باحراج : اه اه اكيد هسيبك تنامي
انا الحمد لله دلوقتي اطمنت مابقتش محتاجه اغير ولا اتخانق معه عشانك
.. لانك بجد خلفتي توقعاتي
كنت فكركي حلوه
نور بابتسامة هاديه : ماشي ياحلوه انتي
بس علي فكره انت ما خلفتيش توقعاتي خالص
.. كنت متأكده ان معتز ميعرفش غير اشكالك
لولا :قصدك ايه!!؟
بصتلها نور بتهكم من فوق ل تحت
: انا مش محتاجه أوضح قصدي كفايه بس انك تبصي لنفسك في المرايه.. وتعرفي قصدي.. انت واحده متا.حه للجميع
.. والراجله اللي زي معتز بيحبوا اوي يتسله مع اللي زيك.. عشان مابتتعبهش
لولا: انتي واحده..
نور بحده : ماتكمليش احسنلك
.. و اطلعي بره.. وماشفش وشك هنا تاني
.. عشان مزعلكيش
لولا : متقدرش عشان ساعتها حبيبي هيجبلي حقي منك
انتي ماتعرفش احنا قريبين اوي من بعض ازاي.. خدي اتفرجي علي الصور دي يمكن تقدري تفهمي
لولا مدت ايديها بظرف فيه صور وهي بتبسم بسعاده
نور بصت للظرف بملل : بقولك ايه
انا مش ناقصاكي
خدي الصور دي يا حلوه
وخليها للذكرى يمكن تنفعك بعدين
.. ولو عامله كل دا عشان تديقيني باللعبه اللي في ايدك
فاحب اقولك تعبتي نفسك على الفاضي
لولا بغيظ : انتي فاكره ان معتز ممكن يبصلك.. ياجعفر علي رائ معتز واحده مسترجله
نور : انا مسترجله وانتي مالك
.. واللي بيني وبين جوزي .. خليك انتي برها
لولا: جوزك دا.. انا سايبه نايم عندي في البيت . يوم صبحيتك يا عروسه
نور بهدوء :ما قولتلك انتي واحده سهـ.ـله
.. يلا يدوب تلحقي تروحي تحضري ل جوزي العشا و تصحيه
. عشان يلحق يجي بيته هنا
لولا بغيظ : هيطلقك لما ياخد حقه.. وهيتجوزني وهتشوفي
نور: هستنا دعوة الفرح..برغم اني اشك ان في راجل يقبل علي نفسه يتجوز واحده زيك .
. ويلا بسرعه من هنا عشان اتاخرت على جوزي
قالتها نور بابتسامه وهي بتلوح باديها ل لولا :صدعتيني.. سلاااام
وقفلت الباب في وشها
.......
اخير قرر جاسر يخرج من العربيه ويطلع البيت
ذكريات كتير بطرده بينه وبين حنين
جوه البيت دا وفي الشارع بتاعهم
شاف قدامه سنين عدت مابينهم
شاف نفسه وهو بيلعب كوره في الشارع
وحنين واقف في الشباك بتبتسمله
وتشجعه.. شاف نفسه وهو بيتخا.نق مع
ابن الجيران اللي دايق حنين وعاكسها.. ومواقف كتير بتجمعهم
..
داخل جاسر البيت وعينه راحت ل تحت السلم
وافتكر حنين لما كانت تقف تستخبي علي طول هنا
وهو نازل من البيت قبل كل امتحان تقابله
وتمد اديها ب عصير البرتقال
اللي بيحبه وهي بتقوله
حنين :ماتقلقش يا جاسر.. الامتحان هيكون سهل
.بس انت ماتتوترش
.. حل براحه واشرب العصير يهديك
جاسر : حبيبتي انا مش متوتر
اهدي انتي اللي متوتره ياحنين انا تمام
حنين بتوتر : ما انا هديه اهو.. اهم حاجه ماتزعلش لو الامتحان طلع صعب.. انت عملت اللي عليك.. وكلمني اول ماتخلص.. هفضل ادعيلك لحد ماتكلمني وطمني
جاسر :حاضر يا قمر انتي.. اطلعي بقا على فوق يا حنين .. ماتقفيش هنا تاني كل مره اقولك كده..الناس هتفهمك غلط
حنين :حاضر هطلع اهو .. بحبك
جاسر: وانا بعشقك
جريت حنين وطلعت السلم تحت نظرات جاسم وابتسامته وهو شايف حنين طلعه
و كلمة حاضر اللي كل مره بتقولها وبرده بيلقيها وقفه مستنيه تاني يوم في نفس المكان
......
طلع جاسر السلم وهو بيبتسم بمرار على السنين اللي عدت
ووصل قدام شقة حنين وخبط عليها
مره واتنين بس مافيش رد
فضل يخبط كتير
لحد ما فتحت الشقه اللي قصدهم
ست في الخمسين من عمرها
:خير يا ابني انت عايز مين
جاسر :ازيك يا ست غاليه
غاليه قربت عليه بتشبيه : جاسر
هز جاسر بالموافقة
غاليه بسعاده :ازيك يا بني عامل ايه اختفيت فين كل دا
جاسر :ظروف يا ست غاليه.. هو فين
عم محمود .. بخبط عليه مابيرودش
غاليه غلب الحزن نبرتها : مشي خد مراته وعياله وساب البيت.. بعد ما حنين هر بت والناس كلها بقت تجيب سرته هو وعياله
جاسر بستفهام :حنين هر بت
غاليه : انا عارفه انها كانت غاليه على قلبك يا حبيبي
بس احمد ربنا انك ماتجوزتها..
. بعد ما اتجوزت بفتره
.. سمعنا انها خدت ابنها وهر بت مع واحد غو اها
..وناس بتقول اتخـ.فط والكل بيتكلم
.. ومن ساعتها والناس مابقتش رحمه محمود ولا عياله
.. وكله كان بيقول ان دا ذنبك يا حبيبي ويستاهلوا
جاسر اتنهدت بتعب واكتفي من اللي بيسمعه غمض عينه بياس :ماتعرفش ليه عنوان يا ست غاليه
غاليه :لا يابني والله مشي ومارضاش يعرف حد حاجه بيداري نفسه من الفض،، حه
جاسر :ماشي ياست غاليه.. همشي انا
غاليه مسكت في جاسر : تمشي ايه دا انت لا زم تتعشى معانا.. تعال ادخل يابني دا عمك محمد هيفرح لما يشوفك
جاسر :معلش ياست غاليه تعبان والله.. هجي وقت تاني وقضي اليوم معاكم
قالها جاسر ومشي بتثاقل وهو بيفكر :ليه كل دا حصل وفين البدايه
ركب عربيته وفكر يرجع المستشفى يطمن على حنين... بس حس بتعب وقرر يرجع البيت يرتاح وينام يمكن يقدر يرتب أفكاره
........
معتز كان في ملهـ.ـي ليلى عمال يشرب ومش داريان باي حاجه حوليه
دخل عادل المكان اللي كان صاخب بشده وسأل على معتز
شاوره النادل على البار
قرب عادل من معتز وهو شايفه رامي راسه على البار وفي ايده كا س وحوليه زجاج مكسر كتير
عادل بستغرب :هو ايه اللي عمل فيه كده
العامل:عمل في ايه حضرتك
دا فضل يشرب ويزعق ولما حاولنا نوقفه عن الشرب كسر البار زي ما انت شايف
.. ولما حضرتك كلمته في الفون
. كنت نجده لينا.. لو سمحت خده من هنا
عادل :خلاص هخده وامشي
و اعملي فاتوره بحسابك وضيف عليها كل اللي اتكسر دا وانا هدفاعه
العامل: متشكر يافندم هروح اجهز الحساب
عادل: تمام.
سابه عادل ووقف مقابل معتز
معتز بثماله :صديقي السواء شرفت
وحشتني يا كبير
عادل :انت شربت كتير كده ليه يا معتز .. مالك
معتز بضحك :مالي.. انا مبسوط اهو
طاير من السعاده
عادل :طيب تعال يلا اروحك
معتز :لا انا لسه عايز احتفل
عادل :تحتفل ب ايه
معتز : اني بقيت حقي.ر يا عادل ..انا بقيت شبهك بضبط
عادل بتنهيده : ماشي ياصاحبي مبروك انك بقيت زي ..
هو انت هنا لوحدك ولا لولا
معاك
معتز :لولا كمان حق. يره هي السبب
عادل :سبب ايه
معتز :اني بقيت زيك
قالها وهو بيضحك بصخب ورفع الكا.س يشرب منه
عادل اكتفي منه وشد من ايده الكا.س وسنده يخرج بيه من المكان
دخله العربيه في الكرسي الأمامي وربط ليه الحزام ومعتز عمال يغلط فيه ويضحك
قفل باب السياره
و رجع دفع الحساب وبعدين
ركب يوصل معتز البيت بعد معرف منه العنوان بصعوبه
.......
نور كانت واقفه قدام المرايه بتتامل ملامحها وهي بتسأل نفسها :هو انا بجد وحشه
يمكن تظاهرت قدام لولا انها مش مهتمه بس فعلا الكلام جر حها
هي مش شبه لولا ولا حتى فيها معاير الجمال اللي فرضها المجتمع بس هي جميله
يمكن شعرها مش اصفر ولا عنيها زرقه ولا بشرتها بيضه زي لولا
بس نور جمالها مختلف
رفعت نور ايدها على وشها تتأمل ملامحها اكتر من نص ساعه قدام المرايا
قلعت النظاره وبصت ل عيونها السود الوسعه
ولون بشرتها البرنزيه مع انفها الصغيره الحاده
وشفايفها الرفيعه
جمالها هادي وملامحها ناعمه...
نور بنفسها :هو انا لازم اكون ملونه عشان ابقى حلوه
انا بحب نفسي كده
قالتها وهي بتفك شعرها البني
واللي اتفرد على طول ظهرها بنعومه
و راحت علي دولابها وخرجت منه فستان عسلي حرير ولبسته
كانت متناسق عليها وزادها جمال
مع ميكب خفيف وضح ملامحها
وبصت ل جاك اللي متابعها بعنيه.
نور : هو انا وحشه بجد يا جاك..
خبطت اديها على رأسها واتنهدت
.. هو انا من أمته بهتم بكلام حد..
بس انا ليه حسه ان كلامهم وجعني كده
.. وبذات معتز اللي خلاني تريقه مابين صاحبه
.. هو ماله مسترجله ولا لاء مايبص ل نفسه الاول
سمعت نور خبط على الباب قوي خرجها من شوردها
وقامت بسرعه شدت شال لفته على كتفها وارحت تفتح الباب
......
عادل واقف على الباب وساند معتز بصعوبه بسبب سكره
معتز : احنا ايه اللي جابنا هنا
عادل بزهق : جياين نلعب
معتز : لا لا بلاش نلعب هنا يلا نمشي بسرعه
جعفر جوه ومعاها الغول بتاعها
قالها بثماله وهو بيشد عادل عشان يرجعوه تاني
عادل ثابته مكانه بصعوبه
: أوقف بقي انت عدل و أسند نفسك
.. واحنا هنمشي حاضر
قالها وهو بيخبط على الباب بقوه
معتز غمض عينه وسند راسه على الحائط بجانب الباب : لا خلاص خلينا
انا تعبت هانام هنا
عادل بملل :يبقى احسن بردوه نام
فضل يخبط.
نور بضيق :ما خلاص برحه كل دا خبط
قالتها نور وهي بتفتح الباب بقوه
عادل :ما...
قطع عادل كلامه لما شاف نور وبداء يتاملها باعجاب
نور شافت معتز وبقلق : انت مين.. و ايه اللي حصل ل معتز .. ماله كده
عادل وهو بيبصلها :ها
نور بحده :معتز ماله
عادل وكأنه بياكل نور بنظراته : اصله شرب كتير لحد ما وصل ل حالته دي.. انت دكتور نور صح
نور بنزعاج:اه انا دكتوره نور
. .. عموما شكر على تعبك معه سيبه
وانا هسنده ادخله
عادل :لا لا مش عايز اتعبك هدخله انا شاوريلي بس علي أوضة نومكم
نور بستنكرا : افندم.. سيبه واتفضل شوف انت رايح فين وانا هتصرف معاها
عادل : على فكره معتز دا صاحبي و زي اخويا يعني لازم اطمن عليه. انه مرتاح
انتي ماتعرفش انا بحبه ازاي
.. قالها عادل وهو بيبص ل نور بنظرات اعجاب
نور :وانا اعملك ايه..بتحبه ولا بتكره
اتفضل امشي من هنا
نور مدت ايدها عشان تسند معتز
عادل سبقها و مسك ايد نوروضغط عليها
عادل : انا مش عايز اتعبك يصعب عليا تعب الجميل اللي زيك
نور شدت ادها منه بعنف وزعقت فيه : انت بنادم مش محترم
عادل: لا والله انا محترم جدا بس بضعف قدام الجمال
نور بغضب : بتضعف طب قابل بقا
جااك
خرج جاك ووقف وراه نور
وشاورت نور على عادل وبعدت ل جاك
واول ما شاف عادل الكلب
عادل :هو دا الغو ل صح
قالها و جري بسرعه و ساب معتز
و جري جاك وراه